• Home
  • »
  • News
  • »
  • lifestyle
  • »
  • Vegetarian Day: ಸಸ್ಯಾಹಾರಿಗಳಿಗೆ ಪ್ರೋಟೀನ್ ಕೊರತೆ ಕಾಡುತ್ತದೆ ಎಂಬ ಯೋಚನೆಯೇ? ಈ ಪದಾರ್ಥಗಳಲ್ಲಿದೆ ಸಮೃದ್ಧ ಪೋಷಕಾಂಶ!

Vegetarian Day: ಸಸ್ಯಾಹಾರಿಗಳಿಗೆ ಪ್ರೋಟೀನ್ ಕೊರತೆ ಕಾಡುತ್ತದೆ ಎಂಬ ಯೋಚನೆಯೇ? ಈ ಪದಾರ್ಥಗಳಲ್ಲಿದೆ ಸಮೃದ್ಧ ಪೋಷಕಾಂಶ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಸಸ್ಯಾಹಾರವು ಮಾಂಸಾಹಾರಿ ಆಹಾರಕ್ಕೆ ಹೋಲಿಸಿದರೆ ಕಡಿಮೆ ರುಚಿ ಮತ್ತು ದುರ್ಬಲ ಪದಾರ್ಥ ಎಂದು ಪರಿಗಣಿಸಲಾಗಿದೆ. ನಾನ್ ವೆಜ್ ಆಹಾರದಲ್ಲಿ ದೇಹಕ್ಕೆ ಅಗತ್ಯವಾದ ಕೆಲವು ಪೋಷಕಾಂಶಗಳ ಪ್ರಮಾಣ ಹೆಚ್ಚು ಇರುತ್ತದೆ. ಆದರೆ ಸಸ್ಯಾಹಾರವು ವ್ಯಕ್ತಿಗೆ ದೀರ್ಘ ಮತ್ತು ಆರೋಗ್ಯಕರ ಜೀವನ ನಡೆಸಲು ಸಹಾಯ ಮಾಡುತ್ತದೆ ಎಂಬುದು ಸತ್ಯ.

ಮುಂದೆ ಓದಿ ...
  • Share this:

    ಪ್ರತಿ ವರ್ಷ ಅಕ್ಟೋಬರ್ 1 ರಂದು ವಿಶ್ವ ಸಸ್ಯಾಹಾರಿ ದಿನ (World Vegetarian Day) ಆಚರಣೆ ಮಾಡುತ್ತಾರೆ. ವಿಶ್ವ ಸಸ್ಯಾಹಾರಿ ದಿನವನ್ನು 1977 ರಲ್ಲಿ ನಾರ್ತ್ ಅಮೆರಿಕನ್ (America) ಸಸ್ಯಾಹಾರಿ ಸೊಸೈಟಿ ಆರಂಭಿಸಿತು. ಇದರ ನಂತರ ಅಂತರರಾಷ್ಟ್ರೀಯ ಸಸ್ಯಾಹಾರಿ ಒಕ್ಕೂಟ ಇದಕ್ಕೆ ಬೆಂಬಲ ನೀಡಿತು. ಈ ದಿನವು ಪರಿಸರ, ಆರೋಗ್ಯ (Health) ಮತ್ತು ಮಾನವ ಪ್ರಯೋಜನಗಳ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ ವಿಶ್ವದಾದ್ಯಂತ ನಡೆಯುತ್ತದೆ. ಒಂದು ವರದಿ ಪ್ರಕಾರ, ವಿಶ್ವದ ಜನಸಂಖ್ಯೆಯ 22 ಪ್ರತಿಶತ ಜನರು ತಮ್ಮನ್ನು ತಾವು ಸಸ್ಯಾಹಾರಿಗಳು ಎಂದು ಕರೆದುಕೊಳ್ತಾರೆ. ಈ ಅಂಕಿ ದೊಡ್ಡದಾಗಿದೆ. ಸಾಮಾನ್ಯವಾಗಿ ಸಸ್ಯಾಹಾರಿ ಆಹಾರ ಅಂದರೆ ಗ್ರೀನ್ಸ್ ಮತ್ತು ತರಕಾರಿಗಳು ಎಂದು ಹೇಳಲಾಗುತ್ತದೆ.


    ದೀರ್ಘ ಮತ್ತು ಆರೋಗ್ಯಕರ ಜೀವನ


    ಆದರೆ ಸಸ್ಯಾಹಾರವು ಮಾಂಸಾಹಾರಿ ಆಹಾರಕ್ಕೆ ಹೋಲಿಸಿದರೆ ಕಡಿಮೆ ರುಚಿ ಮತ್ತು ದುರ್ಬಲ ಪದಾರ್ಥ ಎಂದು ಪರಿಗಣಿಸಲಾಗಿದೆ. ನಾನ್ ವೆಜ್ ಆಹಾರದಲ್ಲಿ ದೇಹಕ್ಕೆ ಅಗತ್ಯವಾದ ಕೆಲವು ಪೋಷಕಾಂಶಗಳ ಪ್ರಮಾಣ ಹೆಚ್ಚು ಇರುತ್ತದೆ. ಆದರೆ ಸಸ್ಯಾಹಾರವು ವ್ಯಕ್ತಿಗೆ ದೀರ್ಘ ಮತ್ತು ಆರೋಗ್ಯಕರ ಜೀವನ ನಡೆಸಲು ಸಹಾಯ ಮಾಡುತ್ತದೆ ಎಂಬುದು ಸತ್ಯ.


    ಕೆಲವು ಸಸ್ಯಾಹಾರಿ ಆಹಾರಗಳು ಪ್ರೋಟೀನ್‌ ನ ಉಗ್ರಾಣವಾಗಿದೆ ಎಂದು ಪೌಷ್ಟಿಕ ತಜ್ಞರು ವಿವರಿಸುತ್ತಾರೆ. ಹೆಚ್ಚಿನ ಪ್ರೋಟೀನ್ ಸಸ್ಯಾಹಾರಿ ಆಹಾರಗಳು ಸಾಕಷ್ಟು ಇವೆ. ಬೀನ್ಸ್, ಬೇಳೆ ಕಾಳುಗಳು, ಪನೀರ್, ದಾಲ್ ಮುಂತಾದವು ಪ್ರೋಟೀನ್‌ ಪೋಷಕಾಂಶದ ಕಣಜವಾಗಿದೆ.


    ಇದನ್ನೂ ಓದಿ: ಪ್ಲಮ್ ಹಣ್ಣು ಸೇವನೆಯಿಂದ ಲಾಭವೇನು ಗೊತ್ತಾ? ನಟಿ ಭಾಗ್ಯಶ್ರೀ ತಿಳಿಸಿಕೊಡುತ್ತಾರೆ ಓದಿ


    ಜೋಳದಲ್ಲಿದೆ ಸಾಕಷ್ಟು ಪ್ರೊಟೀನ್


    ಭಾರತದಲ್ಲಿ ಜೋಳವನ್ನು ದೊಡ್ಡ ಪ್ರಮಾಣದಲ್ಲಿ ಬೆಳೆಯುತ್ತಾರೆ. ಈ ಧಾನ್ಯವನ್ನು ವಿವಿಧ ಭಕ್ಷ್ಯಗಳ ತಯಾರಿಕೆಯಲ್ಲಿ ಬಳಸುತ್ತಾರೆ. ಜರ್ನಲ್ ಆಫ್ ನ್ಯೂಟ್ರಿಷನ್ ಪ್ರಕಾರ ಪ್ರತಿ 100 ಗ್ರಾಂ ಕಾರ್ನ್ 3.3 ಗ್ರಾಂ ಪ್ರೋಟೀನ್ ಅನ್ನು ಹೊಂದಿದೆ.


    ಇದು ನಿಮ್ಮ ಸ್ನಾಯುಗಳನ್ನು ನಿರ್ಮಿಸಲು ಕೆಲಸ ಮಾಡುತ್ತದೆ. ಅದರಲ್ಲಿ ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಇಲ್ಲ. ನೀವು ಜೋಳವನ್ನು ಕುದಿಸಿ ಹಾಗೂ ಹುರಿದು ಅಥವಾ ಬೇರೆ ಯಾವುದೇ ಭಕ್ಷ್ಯಕ್ಕೆ ಸೇರಿಸಿ ತಿನ್ನಬಹುದು.


    ಹಸಿರು ಬಟಾಣಿ


    ಹಸಿರು ಬಟಾಣಿ ಸಾಕಷ್ಟು ಪೋಷಕಾಂಶ ಹೊಂದಿದೆ. ಮತ್ತು ಇದು ದೇಶದಲ್ಲಿ ಉತ್ತಮ ಇಳುವರಿ ಹೊಂದಿದೆ. ಅವರೆಕಾಳುಗಳ ಸಣ್ಣ ಹಸಿರು ಧಾನ್ಯಗಳು ಪ್ರೋಟೀನ್‌ನಂತಹ ಅನೇಕ ಪೋಷಕಾಂಶಗಳ ಉಗ್ರಾಣವಾಗಿದೆ.


    ಒಂದು ಪೂರ್ಣ ಕಪ್ ಹಸಿರು ಬಟಾಣಿ ಸುಮಾರು 9 ಗ್ರಾಂ ಪ್ರೋಟೀನ್ ಅನ್ನು ಹೊಂದಿದೆ. ಜೊತೆಗೆ ಅವು ವಿಟಮಿನ್ ಎ, ಕೆ ಮತ್ತು ಸಿ ಯಲ್ಲಿ ಹೊಂದಿವೆ. ಮತ್ತು ಅನೇಕ ಖನಿಜಗಳು ಮತ್ತು ಹೆಚ್ಚಿನ ಪ್ರಮಾಣದ ಫೈಬರ್ ಅನ್ನು ಸಹ ಹೊಂದಿವೆ.


    ಕಡಲೆ ಕಾಳು


    ಕಡಲೆ ಕಾಳು ಕಬ್ಬಿಣ, ಕ್ಯಾಲ್ಸಿಯಂ ಮತ್ತು ಪ್ರೋಟೀನ್‌ನ ಉತ್ತಮ ಮೂಲವಾಗಿದೆ. ಹಾಪ್ಕಿನ್ಸ್ ಮೆಡಿಸಿನ್ ವರದಿಯ ಪ್ರಕಾರ ಅರ್ಧ ಕಪ್ ಕಡಲೆಯಲ್ಲಿ ಸುಮಾರು 7.3 ಗ್ರಾಂ ಪ್ರೋಟೀನ್ ಇದೆ. ಕಡಲೆಯು ನಿಮ್ಮ ದೈನಂದಿನ ಫೈಬರ್ ಅವಶ್ಯಕತೆಯ ಕಬ್ಬಿಣ ಅಂಶವನ್ನು ಸಹ ಒದಗಿಸುತ್ತದೆ.


    ಕಡಲೆ ಕಾಳು ಕಡಿಮೆ ಗ್ಲೈಸೆಮಿಕ್ ಸೂಚಿ ಹೊಂದಿದೆ. ನಿಮ್ಮ ದೇಹವು ಈ ದ್ವಿದಳ ಧಾನ್ಯವನ್ನು ನಿಧಾನವಾಗಿ ಜೀರ್ಣಿಸಿಕೊಳ್ಳುತ್ತದೆ. ಇದು ನಿಮಗೆ ಹೆಚ್ಚು ಕಾಲ ಹೊಟ್ಟೆ ತುಂಬಿದ ಅನುಭವ ನೀಡುತ್ತದೆ. ಮತ್ತು ರಕ್ತದ ಸಕ್ಕರೆ ಮಟ್ಟ ಕಂಟ್ರೋಲ್ ಮಾಡುತ್ತದೆ.


    ಬೀನ್ಸ್


    ಕಿಡ್ನಿ ಬೀನ್ಸ್ ಪ್ರೋಟೀನ್, ಕಾರ್ಬೋಹೈಡ್ರೇಟ್ಗಳು ಮತ್ತು ಫೈಬರ್ನಲ್ಲಿ ಸಮೃದ್ಧವಾಗಿದೆ. ರಾಜ್ಮಾ ಪುಲಾವ್ ಭಾರತೀಯರ ನೆಚ್ಚಿನ ಭಕ್ಷ್ಯ. ರುಚಿಕರ ಮತ್ತು ಪೌಷ್ಟಿಕ ಆಹಾರವಾಗಿದೆ. ರಾಜ್ಮಾವನ್ನು ಕುದಿಸಿಯೂ ತಿನ್ನಬಹುದು.


    ಬೇಳೆ ಕಾಳುಗಳು


    ಭಾರತೀಯರು ತಮ್ಮ ಆಹಾರದಲ್ಲಿ ಪ್ರತಿನಿತ್ಯ ಬೇಳೆಕಾಳುಗಳನ್ನು ಬಳಕೆ ಮಾಡುತ್ತಾರೆ.ತೊಗರಿ ಬೇಳೆ, ಉದ್ದಿನ ಬೇಳೆ, ಹೆಸರು ಬೇಳೆ ಕಾಳು ಊಟದ ಭಾಗವಾಗಿದೆ. ಪ್ರೋಟೀನ್, ಫೈಬರ್ ಮತ್ತು ಅಗತ್ಯ ಖನಿಜಗಳ ಸೇವನೆ ಹೆಚ್ಚಿಸಲು ಸುಲಭ ಮತ್ತು ಅಗ್ಗದ ಮಾರ್ಗ ಆಗಿದೆ.


    ಇದನ್ನೂ ಓದಿ: ನೋಟದಲ್ಲೇ ಹೃದಯಕ್ಕೆ ಲಗ್ಗೆಯಿಡುವ ಹೂಗಳು, ಹೃದಯದ ಆರೋಗ್ಯವನ್ನೂ ಕಾಪಾಡುತ್ತವಂತೆ!


    ಪನೀರ್


    ಸಸ್ಯಾಹಾರಿಗಳಿಗೆ ಪನೀರ್ ಫೇವರಿಟ್ ಆಗಿರುತ್ತದೆ. ಪ್ರೊಟೀನ್ ಮತ್ತು ಉತ್ತಮ ಪ್ರಮಾಣದ ಕ್ಯಾಲ್ಸಿಯಂ ಅನ್ನು ಒದಗಿಸುತ್ತದೆ. ನಿಮ್ಮನ್ನು ದೀರ್ಘಕಾಲ ಹೊಟ್ಟೆ ತುಂಬಿದ ಅನುಭವ ನೀಡುತ್ತದೆ. ಹೆಚ್ಚು ಕೊಬ್ಬನ್ನು ಸುಡಲು ಸಹಾಯ ಮಾಡುತ್ತದೆ. ಪನೀರ್ ಅನ್ನು ಹಸಿಯಾಗಿ ಮತ್ತು ತರಕಾರಿಯಾಗಿ ಬೇಯಿಸಿ ತಿನ್ನಬಹುದು.

    Published by:renukadariyannavar
    First published: