TB Disease: ಕೆಮ್ಮು ಸಾಮಾನ್ಯವೆಂದು ನಿರ್ಲಕ್ಷಿಸದಿರಿ, ಇದು ಟಿಬಿಯ ಲಕ್ಷಣವೂ ಆಗಿರಬಹುದು!

ಇತ್ತೀಚಿನ ದಿನಗಳಲ್ಲಿ ಜನರು (People) ವಾತಾವರಣದ ಮಾಲಿನ್ಯದಿಂದಾಗಿ (Pollution) ಮತ್ತು ಧೂಳು ಹಾಗೂ ಕಲುಷಿತ ವಾಯುವಿನ ಉಸಿರಾಟದಿಂದಾಗಿ ಹಲವು ಆರೋಗ್ಯ ಸಮಸ್ಯೆ (Health Problem) ಎದುರಿಸುತ್ತಿದ್ದಾರೆ. ಅದರಲ್ಲಿ ಟಿಬಿ ಕಾಯಿಲೆ ಸಹ ಒಂದಾಗಿದೆ. ಕ್ಷಯರೋಗ ಅಥವಾ ಟಿಬಿ ಕಾಯಿಲೆಯು (TB Disease) ಸಾಮಾನ್ಯವಾಗಿ ಎಂಟಿಬಿ ಎಂಬ ಬ್ಯಾಕ್ಟೀರಿಯಾದಿಂದ ಹರಡುತ್ತದೆ. ಇದನ್ನು ಮೈಕೋಬ್ಯಾಕ್ಟೀರಿಯಂ ಟ್ಯುಬರ್ಕ್ಯುಲೋಸಿಸ್ ಎನ್ನುತ್ತಾರೆ. ಇದು ದೇಹದಲ್ಲಿ ತುಂಬಾ ನಿಧಾನವಾಗಿ ಬೆಳೆಯುತ್ತದೆ. ಜೊತೆಗೆ ಜೀವಿತಾವಧಿಯುದ್ದಕ್ಕೂ ತೊಂದರೆ ಕೊಡುವ ಸೋಂಕನ್ನು ಉಂಟು ಮಾಡುತ್ತದೆ. ವಿಶ್ವದ ಜನಸಂಖ್ಯೆಯ ಕಾಲು ಭಾಗ ಜನರು ಟಿಬಿ ಬ್ಯಾಕ್ಟೀರಿಯಾ ಸೋಂಕಿಗೆ ತುತ್ತಾಗಿದ್ದಾರೆ ಎಂದು ಹೇಳಲಾಗಿದೆ.

ಟಿಬಿ ಕಾಯಿಲೆ

ಎಷ್ಟೋ ಜನರಿಗೆ ತಮಗೆ ಟಿಬಿ ಕಾಯಿಲೆ ಇದೆ ಎಂಬುದೇ ಗೊತ್ತಾಗುವುದಿಲ್ಲ. ಒಂದು ಅಂದಾಜಿನ ಪ್ರಕಾರ, ಟಿಬಿ ಪ್ರತಿ ವರ್ಷ 1.3 ಮಿಲಿಯನ್ ಸಾವುಗಳಿಗೆ ಕಾರಣ ಆಗುತ್ತದೆ ಎನ್ನಲಾಗಿದೆ. ಇತ್ತೀಚಿನ ದಿನಗಳಲ್ಲಿ ಕೆಮ್ಮು ಉಂಟಾಗುವುದು ತುಂಬಾ ಸಾಮಾನ್ಯ ಸಮಸ್ಯೆ.

ಕೊರೋನಾ ವೈರಸ್, ಹೆಚ್ಚುತ್ತಿರುವ ಮಾಲಿನ್ಯ, ಹವಾಮಾನ ಬದಲಾವಣೆ ಸೇರಿದಂತೆ ಹಲವು ಅಂಶಗಳು ವ್ಯಕ್ತಿಯನ್ನು ಸುಲಭವಾಗಿ ಕೆಮ್ಮು ಸೋಂಕಿಗೆ ತುತ್ತಾಗುತ್ತಾರೆ. ಕೆಮ್ಮು ಯಾವಾಗಲೂ ಸಾಮಾನ್ಯ ಸಮಸ್ಯೆ ಎಂದು ಪರಿಗಣಿಸಲ್ಪಟ್ಟಿದೆ.

ಆದರೆ ಕೊರೋನ ವೈರಸ್ ನಂತರದ ದಿನಗಳಲ್ಲಿ ಕೆಮ್ಮು ಮತ್ತು ಜ್ವರ ಹಾಗೂ ಕಫವನ್ನು ಸಹ ಈಗ ಗಂಭೀರವಾಗಿ ಪರಿಗಣಿಸಲಾಗಿದೆ. ಕೆಲವೊಮ್ಮೆ ಕೆಮ್ಮು ಟಿಬಿ ಅಥವಾ ಕ್ಷಯರೋಗದ ಲಕ್ಷಣ ಸಹ ಆಗಿರಬಹುದು. ತಿಂಗಳಿಗಿಂತ ಹೆಚ್ಚು ಕಾಲ ಕೆಮ್ಮು ಇದ್ದರೆ ಸೂಕ್ತ ತಪಾಸಣೆ ಮಾಡಿಸುವುದು ಮುಖ್ಯ.

ಟಿಬಿ ಮೈಕೋಬ್ಯಾಕ್ಟೀರಿಯಂ ಟ್ಯುಬರ್ಕ್ಯುಲೋಸಿಸ್ ಸೋಂಕಿನಿಂದ ಉಂಟಾಗುತ್ತದೆ

ಟಿಬಿ ಕಾಯಿಲೆ ಉಂಟಾದಾಗ ನಿರಂತರವಾಗಿ ಕೆಮ್ಮು ಇರುತ್ತದೆ. ಟಿಬಿಯಿಂದ ಉಂಟಾಗುವ ದೀರ್ಘಕಾಲದ ಕೆಮ್ಮು ಹೆಚ್ಚಾಗಿ ಮೈಕೋಬ್ಯಾಕ್ಟೀರಿಯಂ ಟ್ಯುಬರ್ಕ್ಯುಲೋಸಿಸ್ ಸೋಂಕಿನಿಂದ ಉಂಟಾಗುತ್ತದೆ. ಸಾಮಾನ್ಯ ಕೆಮ್ಮು ಸಾಮಾನ್ಯವಾಗಿ ವೈರಲ್ ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶದ ಸೋಂಕಿನಿಂದ ಉಂಟಾಗುತ್ತದೆ.

ಟಿಬಿ ಮತ್ತು ಸಾಮಾನ್ಯ ಕೆಮ್ಮು ನಡುವೆ ವ್ಯತ್ಯಾಸ ಗುರುತಿಸುವುದು ಹೇಗೆ?

ಕೆಮ್ಮನ್ನು ಅರ್ಥ ಮಾಡಿಕೊಳ್ಳಲು ಅದರ ಪ್ರಕಾರ ಮತ್ತು ಅವಧಿ ಅರ್ಥ ಮಾಡಿಕೊಳ್ಳುವುದು ಮುಖ್ಯ. ಟಿಬಿ ಮತ್ತು ಇತರ ದೀರ್ಘಕಾಲದ ಉಸಿರಾಟದ ಕಾಯಿಲೆಗಳು ಕೆಮ್ಮು ಉಂಟು ಮಾಡುತ್ತವೆ. ಆದರೆ ಟಿಬಿಯ ಆರಂಭಿಕ ಲಕ್ಷಣಗಳು ಕೆಮ್ಮಿನ ರೂಪದಲ್ಲಿ ಮಾತ್ರ ಕಾಣಿಸುತ್ತವೆ. ಎರಡು ವಾರಗಳಿಗಿಂತ ಹೆಚ್ಚು ಕಾಲ ಇರುವ ಕೆಮ್ಮು ಟಿಬಿ ಕಾಯಿಲೆಯ ಲಕ್ಷಣವಾಗಿದೆ.

ಟಿಬಿ ಮತ್ತು ಸಾಮಾನ್ಯ ಕೆಮ್ಮಿನ ನಡುವಿನ ವ್ಯತ್ಯಾಸ

ಟಿಬಿಯು ತೀವ್ರವಾದ ಕೆಮ್ಮನ್ನು ಹೊಂದಿದ್ದು ಅದು 2 ವಾರಗಳಿಗಿಂತ ಹೆಚ್ಚು ಕಾಲ ಇರುತ್ತದೆ. ಟಿಬಿ ಸೋಂಕಿಗೆ ಒಳಗಾದ ಟಿಬಿ ರೋಗಿಯ ಇತಿಹಾಸ, ಟಿಬಿ ಸೋಂಕಿತ ರೋಗಿ ಕೆಮ್ಮಿದಾಗ ರಕ್ತ ಬರುತ್ತದೆ. ನಿರಂತರವಾಗಿ ಆಯಾಸ ಇರುತ್ತದೆ. ತೂಕ ನಷ್ಟ, ಹಸಿವಿನ ನಷ್ಟ, ದೇಹದ ಚಳಿ ಮತ್ತು ನಡುಕ ಬರುವುದು, ಜ್ವರ ಮತ್ತು ರಾತ್ರಿ ಬೆವರುವಿಕೆ ಲಕ್ಷಣಗಳು ಉಂಟಾಗುತ್ತವೆ.

ಟಿಬಿ ಕಾಯಿಲೆಗೆ ಮುಖ್ಯ ಕಾರಣಗಳು

ದುರ್ಬಲ ಪ್ರತಿರಕ್ಷಣಾ ವ್ಯವಸ್ಥೆ, ಟಿಬಿ ಸೋಂಕಿತ ವ್ಯಕ್ತಿಯ ಜೊತೆಗಿನ ಸಂಪರ್ಕ, ಕಳಪೆ ಆಹಾರ ಸೇವನೆ, ಆಗಾಗ್ಗೆ ಧೂಮಪಾನ ಮಾಡುವುದು, ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆ ಮತ್ತು ರೋಗ ನಿರೋಧಕ ಕಾಯಿಲೆ ಹಾಗೂ ಮೊದಲೇ ಅಸ್ತಿತ್ವದಲ್ಲಿರುವ ಆರೋಗ್ಯ ಅಸ್ವಸ್ಥತೆಗಳು ಕಾರಣವಾಗಿವೆ.

ಸಾಂದರ್ಭಿಕ ಚಿತ್ರ

ಟಿಬಿಗೆ ಚಿಕಿತ್ಸೆ ಏನಿದೆ?

ಟಿಬಿ ಕಾಯಿಲೆಯ ಮೊದಲ ಸಂಚಿಕೆಯಲ್ಲಿ - 6 ತಿಂಗಳ ಔಷಧಿಗಳ ಮತ್ತು ನಿಯಮಿತ ಅನುಸರಣೆ, ಬ್ಯಾಕ್ಟೀರಿಯಾ ಹರಡುವುದನ್ನು ತಡೆಗಟ್ಟಲು ದೇಹದೊಳಗೆ ಇರುವ ಗರಿಷ್ಠ ಪ್ರಮಾಣದ ಬ್ಯಾಕ್ಟೀರಿಯಾ ಕೊಲ್ಲಲು ಔಷಧ ನೀಡುವುದು. TB ಸೋಂಕಿಗೆ ಮತ್ತೆ ರೋಗಿ ಒಳಗಾಗುವುದಿಲ್ಲ.

TB ಯ ಎರಡನೇ ಸಂಚಿಕೆಯಲ್ಲಿ 9 ತಿಂಗಳ TB ಔಷಧಿ ನೀಡಲಾಗುತ್ತದೆ. ಅದು ದೇಹದೊಳಗೆ ನಿಷ್ಕ್ರಿಯವಾದ TB ಅನ್ನು ಕೊಲ್ಲುತ್ತದೆ

ಒಬ್ಬ ವ್ಯಕ್ತಿಯು 1 ಮತ್ತು 2 ನೇ ತರಗತಿಯಲ್ಲಿ ಔಷಧಿ ಸೇವಿಸಿದರೂ ಪರಿಹಾರ ಸಿಗದಿದ್ದರೆ ನಾಲ್ಕನೇ ಬಾರಿಗೆ ಮತ್ತೆ ಟಿಬಿ ಸೋಂಕಿಗೆ ಒಳಗಾದರೆ, ಅವನು ಎಂಡಿಆರ್ ಟಿಬಿ ಅಂದ್ರೆ ಮಲ್ಟಿಡ್ರಗ್ ನಿರೋಧಕ ಟಿಬಿಗೆ ತುತ್ತಾಗಿರಬಹುದು.

ಇದನ್ನೂ ಓದಿ: ಹಲಸಿನ ಹಣ್ಣಿನಿಂದ ಆಗುವ ಪ್ರಯೋಜನಗಳನ್ನು ಕೇಳ್ತಾ ಇದ್ರೆ, ಈಗ್ಲೇ ಪಕ್ಕಾ ತಿನ್ನೋಕೆ ಸ್ಟಾರ್ಟ್​ ಮಾಡ್ತೀರ!

ಮಲ್ಟಿಡ್ರಗ್ ರೆಸಿಸ್ಟೆಂಟ್ ಟಿಬಿಗೆ ಕಟ್ಟುನಿಟ್ಟಾದ ಚಿಕಿತ್ಸೆಯ ಅಗತ್ಯವಿದೆ. ತಜ್ಞರ ಪರೀಕ್ಷೆಯ ಮೂಲಕ ರೋಗ ನಿರ್ಣಯ ಮಾಡಲಾಗುತ್ತದೆ.