Boti Gojju Recipe: ಸಂಡೇ ಸ್ಪೆಷಲ್​ ಮನೆಯಲ್ಲಿಯೇ ಮಾಡಿ ರುಚಿಕರವಾದ ಬೋಟಿ ಗೊಜ್ಜು!

ಬಾಡೂಟ ಅಂದರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ, ಭಾನುವಾರ (Sunday) ಬಂತಂದ್ರೆ ಅದೆಷ್ಟೋ ಮಂದಿಗೆ ಹಬ್ಬದಂತೆ. ಕೆಲವರಿಗೆ ಚಿಕನ್ (Chicken) ಇಷ್ಟವಾದರೆ, ಇನ್ನೂ ಕೆಲವರಿಗೆ ಮಟನ್ (Mutton) ಅಂದ್ರೆ ಬಹಳ ಇಷ್ಟ. ಮಟನ್ ಹಾಗೂ ಚಿಕನ್​ನಲ್ಲಿ ನಾನಾ ಬಗೆಯ ವೆರೈಟಿ ಫುಡ್​ಗಳು (Variety Food) ಸಿಗುತ್ತದೆ. ಅದರಲ್ಲಿಯೂ ಸ್ಟಾರ್​ ಹೋಟೆಲ್​ಗಳಲ್ಲಂತೂ (Hotel) ಹೆಸರೇ ಕೇಳಿರದಷ್ಟು ಹೊಸ ಹೊಸದಾದ ಖಾದ್ಯಗಳು ಸಿಗುತ್ತದೆ. ಅದಕ್ಕಾಗಿಯೇ ಅದೆಷ್ಟೂ ಮಂದಿ ನೆಚ್ಚಿನ ಆಹಾರ ಸವಿಯಲು ಪ್ರತಿಷ್ಠಿಯ ಹೋಟೆಲ್‍ಗಳನ್ನೇ ಹುಡುಕಿಕೊಂಡು ಹೋಗ್ತಾರೆ. ಆದರೆ ನಿಜವಾಗಿಯೂ ನೀವು ​ ಸ್ಟಾರ್ ಹೋಟೆಲ್​ಗೆ ಹೋಗುವ ಅಗತ್ಯವಿಲ್ಲ.

ನಾನ್​ವೆಜ್​ನಲ್ಲಿ ನೀವು ಡಿಫರೆಂಟ್​ ಆದ ಆಹಾರ ಸೇವಿಸಬೇಕೆಂದಿದ್ದರೆ, ಒಮ್ಮೆ ಈ ಆಹಾರವನ್ನು ಟ್ರೈ ಮಾಡಿ ಅದುವೇ ಮಟನ್ ಬೋಟಿ ಗೊಜ್ಜು . ಹೌದು, ಮಿಲ್ಟ್ರಿ ಹೋಟೆಲ್‍ಗಳ  ಮೆನುವಿನಲ್ಲಿ ಕಾಣ ಸಿಗುವ ಮಟನ್ ಬೋಟಿ ಗೊಜ್ಜನ್ನು ಹೆಚ್ಚಾಗಿ ಮದುವೆ , ಬೀಗರ ಔತಣ ಸೇರಿದಂತೆ ಹಲವಾರು ಕಾರ್ಯಕ್ರಮಗಳಲ್ಲಿ ಇದನ್ನು ಹೆಚ್ಚಾಗಿ ಮಾಡುತ್ತಾರೆ. ನಿಮಗೆ ಬೇಕೆನಿಸಿದರೆ ಮನೆಯಲ್ಲಿಯೇ ಸುಲಭವಾಗಿ ಮಾಡಿಕೊಂಡು ತಿನ್ನಬಹುದಾಗಿದೆ.

ಬೋಟಿ ಗೊಜ್ಜು

ಮಟನ್​ ಬೋಟಿ ಗೊಜ್ಜು ಮಾಡಲು ಬೇಕಾಗುವ ಸಾಮಾಗ್ರಿಗಳು

• ಬೋಟಿ – 500 ಗ್ರಾಂ


• ತುರಿದ ತೆಂಗಿನಕಾಯಿ – 1 ಚಮಚ


• ಕೊತ್ತಂಬರಿ ಪುಡಿ – 1 ಚಮಚ


• ಅರಿಶಿನ ಪುಡಿ – ಅರ್ಧ ಚಮಚ


• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ


• ಗರಂ ಮಸಾಲಾ ಪುಡಿ – 2 ಚಮಚ


• ಎಣ್ಣೆ – 1 ಚಮಚ


• ಕೆಂಪು ಮೆಣಸಿನ ಪುಡಿ – 1 ಚಮಚ


• ಕಟ್ ಮಾಡಿದ ಕೊತ್ತಂಬರಿ ಸೊಪ್ಪು – 1 ಕಪ್


• ಕಟ್ ಮಾಡಿದ ಈರುಳ್ಳಿ – 1 ಕಪ್


• ಲವಂಗ – 2


• ಏಲಕ್ಕಿ – 1


• ಚಿಕ್ಕ ಗಾತ್ರದ ದಾಲ್ಚಿನ್ನಿ – 1


• ಅಗತ್ಯವಿರುವಷ್ಟು ನೀರು


• ರುಚಿಗೆ ತಕ್ಕಷ್ಟು ಉಪ್ಪು

ಬೋಟಿ ಗೊಜ್ಜು

ಮಟನ್​ ಬೋಟಿ ಗೊಜ್ಜು ಮಾಡುವ ವಿಧಾನ

ಮೊದಲಿಗೆ ಬಿಸಿಯಾದ ನೀರಿನಲ್ಲಿ ಬೋಟಿಯನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ, ಕಟ್ ಮಾಡಿಕೊಂಡು ಪಕ್ಕಕ್ಕೆ ಇಟ್ಟುಕೊಳ್ಳಬೇಕು. ಕಟ್​ ಮಾಡಿಕೊಂಡಿದ್ದ ಬೋಟಿಗೆ ಉಪ್ಪು, ಸ್ವಲ್ಪ ಅರಿಶಿನ ಬೆರೆಸಿ ಕುಕ್ಕರ್​ನಲ್ಲಿ 5 ವಿಜಿಲ್ ಕೂಗಿಸಿಕೊಳ್ಳಬೇಕು. ಬಳಿಕ ಬೇರೆ ಪ್ಯಾನ್​ಗೆ ಎಣ್ಣೆ ಹಾಕಿ, ಅದಕ್ಕೆ ಲವಂಗ, ದಾಲ್ಚಿನ್ನಿ, ಏಲಕ್ಕಿ ಬೀಜಗಳನ್ನು ಸೇರಿಸಿ ಫ್ರೈ ಮಾಡಿಕೊಳ್ಳಬೇಕು. ನಂತರ  ಕಟ್ ಮಾಡಿದ ಈರುಳ್ಳಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಅರಿಶಿನ ಪುಡಿ, ಬೋಟಿ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಅದಕ್ಕೆ ನೀರು ಹಾಕಿ ಬೇಯಿಸಿಕೊಳ್ಳಬೇಕು.

ಬೋಟಿ ಗೊಜ್ಜು

ಇದನ್ನೂ ಓದಿ: Papaya Water: ಪಪ್ಪಾಯಿಯಿಂದ ಜ್ಯೂಸ್ ಮಾತ್ರವಲ್ಲ, ನೀರೂ ತಯಾರಾಗುತ್ತೆ, ಇದರ ಪ್ರಯೋಜನ ಹಲವು!

ನಂತರ ಬೋಟಿ ಗೊಜ್ಜುಗೆ ಕೊತ್ತಂಬರಿ ಪುಡಿ, ತೆಂಗಿನಕಾಯಿ ತುರಿ, ಕೆಂಪು ಮೆಣಸಿನ ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ನಂತರ ಗರಂ ಮಸಾಲಾ ಪುಡಿ, ಕೊತ್ತಂಬರಿ ಸೊಪ್ಪುಗಳನ್ನು ಸೇರಿಸಿ ಕೊಂಚ ನೀರು ಬೆರಸಿ ಚೆನ್ನಾಗಿ ಕುದಿಸಿದರೆ ಬೋಟಿ ಗೊಜ್ಜು ಸವಿಯಲು ಸಿದ್ಧವಾಗಿರುತ್ತದೆ.

ಚಪಾತಿ, ರೋಟಿ, ರೊಟ್ಟಿ, ಪೂರಿ ಜೊತೆಗೆ ಬೋಟಿ ಗೊಜ್ಜು ಬೆಸ್ಟ್ ಕಾಂಬಿನೇಷನ್

ಅದೆಷ್ಟೋ ಜನ ಬೋಟಿ ಗೊಜ್ಜನ್ನು ತಿನ್ನಲೆಂದು ಕೆಲವೊಂದು ಹೋಟೆಲ್​ಗಳನ್ನು ಹುಡುಕಿಕೊಂಡು ಹೋಗುತ್ತಾರೆ. ಆದರೆ ಅದರ ಅಗತ್ಯವಿಲ್ಲ.  ಮನೆಯಲ್ಲಿಯೇ ಇನ್ಮುಂದೆ ನೀವು ಬೋಟಿ ಗೊಜ್ಜನ್ನು ಮಾಡಿಕೊಳ್ಳಬಹುದು. ಅಲ್ಲದೇ ಬೋಟಿ ಗೊಜ್ಜನ್ನು ಬಿಸಿ ಬಿಸಿ ಅನ್ನ, ಚಪಾತಿ, ರೋಟಿ, ರೊಟ್ಟಿ, ಪೂರಿ ಜೊತೆಗೆ ಸೇವಿಸಬಹುದಾಗಿದೆ. ಈ ಬೋಟಿ ಗೊಜ್ಜನ್ನು ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರೂ ಇಷ್ಟ ಪಡುತ್ತಾರೆ. ಅಲ್ಲದೇ ರಾಗಿ ಮುದ್ದೆ ಜೊತೆಗೂ ಬೋಟಿ ಗೊಜ್ಜು ಬೆಸ್ಟ್ ಕಾಂಬಿನೇಷನ್  ಎಂದೇ ಹೇಳಬಹುದು.