Health Tips: ಸಂಜೆ 4 ಗಂಟೆ ನಂತರ ಹಣ್ಣುಗಳನ್ನು ತಿನ್ನಬಾರದಂತೆ! ಇದರ ಹಿಂದಿನ ಕಾರಣ ಏನು ಗೊತ್ತಾ?

ಹಣ್ಣುಗಳನ್ನು (Fruits) ತಿನ್ನುವುದರಿಂದ ಆಗುವ ಲಾಭಗಳು ಎಲ್ಲರಿಗೂ ಗೊತ್ತು. ಕೆಲವರು ಸಮಯ ನೋಡದೆ ಹಣ್ಣುಗಳನ್ನು ಕೊಯ್ದು ಅಥವಾ ಖರೀದಿ ಮಾಡಿ ಯಾವಾಗ ಬೇಕಾದರೂ ತಿನ್ನುತ್ತಾರೆ. ಆದರೆ ಹೆಚ್ಚಿನ ಜನರ ಮನಸ್ಸಿನಲ್ಲಿ ಒಂದು ಪ್ರಶ್ನೆ ಇರುತ್ತದೆ, ಹಣ್ಣುಗಳನ್ನು ತಿನ್ನಲು ಸರಿಯಾದ ಸಮಯ ಯಾವುದು? ಊಟದ ನಂತರ (After Lunch) ಹಣ್ಣುಗಳನ್ನು ತಿನ್ನಬೇಕೇ? ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಹಣ್ಣುಗಳನ್ನು ತಿನ್ನುವುದು ದೇಹಕ್ಕೆ ಪ್ರಯೋಜನವನ್ನು ನೀಡುತ್ತದೆಯೇ? ಊಟದ ನಂತರ ಹಣ್ಣುಗಳನ್ನು ತಿನ್ನುವುದು ಜೀರ್ಣಕ್ರಿಯೆಗೆ (Digestion) ಸಹಾಯ ಮಾಡುತ್ತದೆಯೇ? ಹಣ್ಣುಗಳ ವಿಚಾರದಲ್ಲಿ ಇಂತಹ ಹಲವು ಪ್ರಶ್ನೆಗಳು ಎದುರಾಗುತ್ತವೆ. ಆದ್ದರಿಂದ ಇದಕ್ಕಾಗಿ ಕೆಲವು ನಿಯಮಗಳಿವೆ.

ಹೌದು, ಬೇರೆ ಆಹಾರಗಳಿಗಿಂತ ಈ ಹಣ್ಣುಗಳು ದೇಹಕ್ಕೆ ಬಹಳಷ್ಟು ಆರೋಗ್ಯಕರ. ಆದರೆ ಇದನ್ನು ತಿನ್ನುವಾಗ ಹಲವಾರು ಪ್ರಶ್ನೆಗಳು ಬರುವುದು ಸಹಜ. ಹಾಗಿದ್ರೆ ಹಣ್ಣುಗಳನ್ನು ಸೇವಿಸುವಾಗ ಯಾವ ಸಮಯದಲ್ಲಿ ತಿನ್ನಬೇಕು, ಎಷ್ಟು ಹೊತ್ತಿಗೆ ತಿನ್ನಬೇಕೆಂದು ತಿಳಿದಿರಬೇಕು. ಇಲ್ಲದಿದ್ದರೆ ಆರೋಗ್ಯದಲ್ಲಿ ಕೆಲವೊಂದು ಏರುಪೇರುಗಳಾಗಲು ಕಾರಣವಾಗುತ್ತದೆ.

ಸಂಜೆ 4 ಗಂಟೆಯ ನಂತರ ಹಣ್ಣುಗಳನ್ನು ಏಕೆ ತಿನ್ನಬಾರದು?

ಆಯುರ್ವೇದದ ಪ್ರಕಾರ, ಹಣ್ಣುಗಳು ಹಗುರವಾಗಿದ್ದರೂ, ಅವು ತಂಪಾಗಿರುತ್ತವೆ. ಅನೇಕ ಹಣ್ಣುಗಳು ಸಿಹಿ ಮತ್ತು ಹುಳಿ ರುಚಿಯನ್ನು ಹೊಂದಿರುತ್ತವೆ. ಸಂಜೆ 4 ಗಂಟೆಯ ನಂತರ ತಿನ್ನುವ ಹಣ್ಣುಗಳು ದೇಹವನ್ನು ತಂಪಾಗಿಸುವುದರಿಂದ ವಾತ ಮತ್ತು ಕಫ ಆಗಲು ಕಾರಣವಾಗುತ್ತದೆ. ಆದ್ದರಿಂದ ಸೂರ್ಯಾಸ್ತದ ನಂತರ ಹಣ್ಣುಗಳನ್ನು ತಿನ್ನುವುದನ್ನು ತಪ್ಪಿಸಿ.

ಇದನ್ನೂ ಓದಿ: ರೋಸ್ ವಾಟರ್ ಅಂಗಡಿಯಲ್ಲಿ ಖರೀದಿ ಮಾಡ್ಬೇಡಿ, ನೀವೇ ಮನೇಲಿ ಹೀಗೆ ತಯಾರಿಸಿ

ಸಂಜೆ 4 ಗಂಟೆಯ ನಂತರ ಹಣ್ಣುಗಳನ್ನು ತಿನ್ನುವುದರಿಂದ ಅಡ್ಡಪರಿಣಾಮಗಳು

• ಆಯುರ್ವೇದದ ಪ್ರಕಾರ, ಸಂಜೆ ಹಣ್ಣುಗಳನ್ನು ತಿನ್ನುವುದು ನಿದ್ರೆಗೆ ಭಂಗ ತರುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸಮಸ್ಯೆಯನ್ನುಂಟು ಮಾಡುತ್ತದೆ.


• ಹಣ್ಣುಗಳು ಶಕ್ತಿಯ ಉತ್ತಮ ಮೂಲವಾಗಿದೆ. ಆದರೆ ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸಹ ಹೆಚ್ಚಿಸುತ್ತದೆ. ಆದ್ದರಿಂದ ಮಲಗುವ ಮುನ್ನ ಇದನ್ನು ತಿನ್ನುವುದರಿಂದ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸಬಹುದು.


• ಸೂರ್ಯಾಸ್ತದ ನಂತರ ನಮ್ಮ ಜೀರ್ಣಕ್ರಿಯೆ ನಿಧಾನವಾಗುತ್ತದೆ ಮತ್ತು ಕಾರ್ಬೋಹೈಡ್ರೇಟ್‌ಗಳನ್ನು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತದೆ. ಅದಕ್ಕಾಗಿಯೇ ಕಾರ್ಬೋಹೈಡ್ರೇಟ್ ಹೊಂದಿರುವ ಹಣ್ಣುಗಳ ತಿನ್ನುವುದನ್ನು ಮಿತಿಗೊಳಿಸುವುದು ಉತ್ತಮ.

ಸಾಂಕೇತಿಕ ಚಿತ್ರ

ಹಣ್ಣುಗಳನ್ನು ತಿನ್ನಲು ಸರಿಯಾದ ಸಮಯ

ಖಾಲಿ ಹೊಟ್ಟೆಯಲ್ಲಿ ಹಣ್ಣುಗಳನ್ನು ತಿನ್ನಲು ಬೆಳಿಗ್ಗೆ ಉತ್ತಮ ಸಮಯ. ರಾತ್ರಿಯಲ್ಲಿ ಕನಿಷ್ಠ 10 ಗಂಟೆಗಳ ನಿದ್ದೆ ಮಾಡುವುದು ಸಾಮಾನ್ಯ. ಈ ಸಮಯದಲ್ಲಿ ನಮ್ಮ ಹೊಟ್ಟೆಯಲ್ಲಿ ಏನೂ ಇರುವುದಿಲ್ಲ. ಆದ್ದರಿಂದ, ಖಾಲಿ ಹೊಟ್ಟೆಯಲ್ಲಿ ಬೆಳಿಗ್ಗೆ ಆರೋಗ್ಯಕರ ಆಹಾರವನ್ನು ತಿನ್ನುವುದದರಿಂದ ದೇಹ ಪೋಷಕಾಂಶಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದಾಗಿ ಜೀರ್ಣಕ್ರಿಯೆಯೂ ಸರಾಗವಾಗಿ ನಡೆಯುತ್ತದೆ. ಅದಕ್ಕಾಗಿಯೇ ಬೆಳಿಗ್ಗೆ ಮತ್ತು ವ್ಯಾಯಾಮದ ಮೊದಲು ಸರಳವಾದ ಕಾರ್ಬೋಹೈಡ್ರೇಟ್​​ಗಳನ್ನು ತಿನ್ನುವುದು ಉತ್ತಮ.

ಅಸಿಡಿಟಿ ಕಡಿಮೆ ಮಾಡಲಿರುವ ಹಣ್ಣುಗಳಿವು