Diwali Safety Tips: ಪಟಾಕಿಯಿಂದ ಆಗುವ ಸುಟ್ಟ ಗಾಯಗಳಿಗೆ ಈ ಪರಿಣಾಮಕಾರಿ ಮನೆಮದ್ದು ಟ್ರೈ ಮಾಡಿ!

ವರ್ಷಕ್ಕೊಮ್ಮೆ ಬರುವ ದೀಪಾವಳಿ ಹಬ್ಬ (Diwali Festival) ಸಾಕಷ್ಟು ಸಡಗರ ಮತ್ತು ಸಂಭ್ರವನ್ನು ತರುತ್ತದೆ. ಹಬ್ಬದಂದು ದೀಪ ಹಚ್ಚಿ ಕತ್ತಲೆಯ ಅಂಧಕಾರ ಹೊಡೆದೋಡಿಸಿ, ಬೆಳಕಿನ ಜ್ಯೋತಿ ಬೆಳಗುವ ಮೂಲಕ ಬಾಳನ್ನು ಬೆಳಗುವ ಪ್ರಾರ್ಥನೆ (Prayer) ಮಾಡುತ್ತಾರೆ. ಈ ವರ್ಷದ ಅಂದರೆ 2022ರ ದೀಪಾವಳಿಯನ್ನು ಅಕ್ಟೋಬರ್ 24 ರಂದು ಆಚರಿಸಲಾಗುತ್ತಿದೆ. ಸಂಜೆಯಾದರೆ ಇಡೀ ನಗರ (City) ಬಣ್ಣ ಬಣ್ಣದ (Color) ದೀಪಗಳಿಂದ ಝಗಮಗಿಸಲು ಶುರುವಾಗುತ್ತದೆ. ಆಕಾಶದಲ್ಲಿ ಪಟಾಕಿಗಳು, ವಿವಿಧ ರೀತಿಯ ಕ್ರ್ಯಾಕರ್ಸ್ ಗಳನ್ನು ಕಂಡು ಖುಷಿ ಪಡಲಾಗುತ್ತದೆ. ದೀಪಾವಳಿಯಲ್ಲಿ ಸುತ್ತಲೂ ತುಂಬಾ ಬೆಳಕು ಹರಡಿರುತ್ತದೆ,.ರಾತ್ರಿಯಿಡೀ ಪಟಾಕಿಗಳ ಪ್ರತಿಧ್ವನಿ ಮನೆ ಮಾಡುತ್ತದೆ.

ಪಟಾಕಿ ಕಿಡಿಯಿಂದ ಸುಟ್ಟ ಗಾಯಗಳಾಗುವುದು

ಇದೇ ವೇಳೆ ದೀಪಾವಳಿ ಸಂದರ್ಭದಲ್ಲಿ ಪಟಾಕಿ ಸಿಡಿಯುವುದು, ಕಿಡಿ ತಾಗಿದಾಗ ಗಾಯಗಳಾಗುತ್ತವೆ. ಸುಟ್ಟ ಗಾಯಗಳಾಗುತ್ತವೆ. ಹಬ್ಬದ ನಂತರ ಪಟಾಕಿಯಿಂದ ಕೈ ಮತ್ತು ಚರ್ಮಕ್ಕೆ ಹಾನಿ ಮಾಡಿಕೊಂಡಿರುವ ಸಾಕಷ್ಟು ಘಟನೆಗಳು ಕೇಳಲು ಮತ್ತು ನೋಡಲು ಸಿಗುತ್ತವೆ. ಇತ್ತೀಚಿನ ದಿನಗಳಲ್ಲಿ ಕಿಡಿಯಿಂದ ಸುಟ್ಟು ಕರಕಲಾದ ಪ್ರಕರಣಗಳು ಹೆಚ್ಚಿವೆ.

ಹಾಗಾಗಿ ನೀವು ಮತ್ತು ನಿಮ್ಮ ಮಕ್ಕಳು ದೀಪಾವಳಿಯಂದು ಜಾಗ್ರತೆಯಿಂದ ದೀವಟಿಗೆಗಳು ಮತ್ತು ಪಟಾಕಿ ಬೆಳಗಿಸುವಂತೆ ನೋಡಿಕೊಳ್ಳಿ. ಅಲ್ಲದೆ ನೀವು ಪಟಾಕಿ ಸಿಡಿಸುವಾಗ ಅಥವಾ ಬಿಸಿ ದ್ರವಗಳು ಅಥವಾ ಡಯಾಸ್ಗಳನ್ನು ಬೆಳಗಿಸುವಾಗ ಸುಟ್ಟರೆ ತಕ್ಷಣವೇ ಪ್ರಥಮ ಚಿಕಿತ್ಸೆ ಪಡೆಯಿರಿ. ಸಣ್ಣ ಸುಟ್ಟ ಗಾಯಕ್ಕೆ ಇಲ್ಲಿ ಕೆಲವು ಮನೆಮದ್ದುಗಳನ್ನು ಹೇಳಲಾಗಿದೆ.

ಇದನ್ನೂ ಓದಿ: ರುಚಿಗೆ ಮಾತ್ರವಲ್ಲ, ಚರ್ಮದ ಆರೋಗ್ಯ ಮತ್ತು ತೂಕ ನಿಯಂತ್ರಣಕ್ಕೂ ಬೇಕು ಬಟಾಣಿ ಕಾಳು

ಸುಟ್ಟ ಗಾಯದ ಮೇಲೆ ತಕ್ಷಣ ತಣ್ಣೀರು ಸುರಿಯಿರಿ

ಸಣ್ಣ ಸುಟ್ಟಗಾಯ ಉಂಟಾದ ವೇಳೆ ಮೊದಲು ನೀವು ಮಾಡಬೇಕಾದ ಮೊದಲ ಕೆಲಸವೆಂದರೆ ಸುಟ್ಟ ಪ್ರದೇಶವನ್ನು ಸುಮಾರು 20 ನಿಮಿಷಗಳ ಕಾಲ ತಣ್ಣನೆಯ ನೀರಿನಲ್ಲಿ ಮುಳುಗಿಸುವುದು. ನಂತರ ಸುಟ್ಟ ಜಾಗವನ್ನು ಸೌಮ್ಯವಾದ ಸೋಪು ಮತ್ತು ನೀರಿನಿಂದ ತೊಳೆಯಿರಿ.

ಸುಟ್ಟ ಜಾಗದಲ್ಲಿ ತಣ್ಣನೆಯ ಬಟ್ಟೆ ಸುತ್ತಿ ಇಟ್ಟುಕೊಳ್ಳಿ

ಸುಟ್ಟ ಪ್ರದೇಶದ ಮೇಲೆ ಸ್ವಚ್ಛ ಮತ್ತು ಒದ್ದೆ ಬಟ್ಟೆ ಹಾಕುವುದು, ನೋವು ಮತ್ತು ಊತವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಪ್ರತಿ 5 ರಿಂದ 15 ನಿಮಿಷಗಳ ಕಾಲ ಸುಟ್ಟ ಗಾಯಕ್ಕೆ ನೀವು ಕೋಲ್ಡ್ ಕಂಪ್ರೆಸ್ ಅನ್ನು ಅನ್ವಯಿಸಬಹುದು. ಆದರೆ ಅತ್ಯಂತ ಕೋಲ್ಡ್ ಕಂಪ್ರೆಸ್‌ ಬಳಸದಿರಲು ಪ್ರಯತ್ನಿಸಿ. ಏಕೆಂದರೆ ಅವು ಕಿರಿಕಿರಿ ಹೆಚ್ಚಿಸುವ ಸಾಧ್ಯತೆ ಇದೆ.

ಸುಟ್ಟ ಗಾಯದ ಮೇಲೆ ಅಲೋವೆರಾ ಹಚ್ಚಿ

ಅಲೋವೆರಾ ಮೊದಲ ಮತ್ತು ಎರಡನೇ ಹಂತದ ಸುಟ್ಟಗಾಯಗಳನ್ನು ಗುಣಪಡಿಸಲು ಪರಿಣಾಮಕಾರಿ ಎಂದು ಅಧ್ಯಯನಗಳು ಹೇಳಿವೆ. ಅಲೋವೆರಾ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಜೊತೆಗೆ ರಕ್ತಪರಿಚಲನೆ ಉತ್ತೇಜಿಸುತ್ತದೆ. ಮತ್ತು ಬ್ಯಾಕ್ಟೀರಿಯಾ ಬೆಳವಣಿಗೆ ತಡೆಯುತ್ತದೆ. ಅಂತಹ ವೇಳೆ

ಅಲೋವೆರಾ ಎಲೆಗಳಿಂದ ಜೆಲ್ ಅನ್ನು ತೆಗೆದುಕೊಂಡು ಅದನ್ನು ಪೀಡಿತ ಪ್ರದೇಶದ ಮೇಲೆ ಅನ್ವಯಿಸುವುದು ಪ್ರಯೋಜನಕಾರಿ ಎಂದು ಸಾಬೀತು ಪಡಿಸಬಹುದು. ನೀವು ಅಂಗಡಿಯಿಂದ ಅಲೋವೆರಾ ಖರೀದಿಸಿದರೆ ಅದರಲ್ಲಿ ಅಲೋವೆರಾ ಅಂಶವು ಹೆಚ್ಚು ಇರುವಂತೆ ನೋಡಿಕೊಳ್ಳಿ.

ಸುಟ್ಟ ಗಾಯಗಳಿಗೆ ಜೇನುತುಪ್ಪ ಮನೆ ಮದ್ದು

ಜೇನುತುಪ್ಪವು ಸಿಹಿಯಾದ ಖಾರದ ರುಚಿಯ ಜೊತೆಗೆ ಸಣ್ಣ ಸುಟ್ಟಗಾಯ ಗುಣಪಡಿಸಲು ಸಹಾಯ ಮಾಡುತ್ತದೆ. ಜೇನುತುಪ್ಪವು ಉರಿಯೂತದ ಗುಣಲಕ್ಷಣ ಹೊಂದಿದೆ. ಅಲ್ಲದೆ ಇದು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಆಂಟಿಫಂಗಲ್ ಆಗಿದೆ. ಇದರಿಂದಾಗಿ ಸುಟ್ಟ ಗಾಯವು ಕಡಿಮೆ ಆಗುತ್ತದೆ.

ಇದನ್ನೂ ಓದಿ: ಬಿರುಕು ಬಿಟ್ಟ ಪಾದಗಳ ಸಮಸ್ಯೆ ಹೋಗಲಾಡಿಸಲು ಇಲ್ಲಿದೆ ಕೆಲವು ಸುಲಭ ಟಿಪ್ಸ್!

ತೆಂಗಿನೆಣ್ಣೆ ಅನ್ವಯಿಸುವುದು ಸಮಸ್ಯೆ ಹೆಚ್ಚಿಸುತ್ತವೆ

ಹೆಚ್ಚಿನ ಜನರು ಸುಟ್ಟ ಗಾಯಕ್ಕೆ ತೆಂಗಿನೆಣ್ಣೆ ಅಥವಾ ಐಸ್ ಅನ್ನು ಹಚ್ಚುತ್ತಾರೆ. ಆದರೆ ಇದು ಸಮಸ್ಯೆಯನ್ನು ಇನ್ನಷ್ಟು ಹದಗೆಡಿಸಬಹುದು. ಅಲ್ಲದೆ ಟೂತ್‌ಪೇಸ್ಟ್, ತುಪ್ಪ, ಮೊಟ್ಟೆಯ ಬಿಳಿಭಾಗ, ಐಸ್ ಅನ್ನು ಬಳಸುವುದು ಸುಟ್ಟ ಗಾಯಗಳಿಗೆ ಹಾನಿಕರ ಆಗಿದೆ.