Weight Loss: ಸ್ಥೂಲಕಾಯ, ತೂಕ ಇಳಿಕೆಗೆ ದೇಸಿ ಆಹಾರವೇ ಹೆಚ್ಚು ಸೂಕ್ತ ಅಂತಾರೆ ಡಯೆಟಿಷಿಯನ್! ಯಾವುದು ಆರೋಗ್ಯಕ್ಕೆ ಹಿತ?

ತೂಕ ಇಳಿಕೆಗೆ ದೇಸಿ ಆಹಾರಗಳು ಅನುಕೂಲಕರವಾಗಿವೆ. ತೂಕ ಇಳಿಸಿಕೊಳ್ಳಲು ಪ್ರೊಟೀನ್ ಯುಕ್ತ ಆಹಾರಗಳನ್ನು ಸೇವಿಸಬೇಕು ಎಂಬುದು ತಜ್ಞರ ಅಭಿಪ್ರಾಯ. ಕೋಳಿ ಮತ್ತು ಮೊಟ್ಟೆಯಲ್ಲಿ ಪ್ರೋಟೀನ್ ಸಮೃದ್ಧವಾಗಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಸ್ಥೂಲಕಾಯ (Obesity) ಗಂಭೀರ ಆರೋಗ್ಯ ಸಮಸ್ಯೆ (Serious Health Problem)ಯಾಗಿದೆ.  ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು  (People) ಹೆಚ್ಚುತ್ತಿರುವ ತೂಕದಿಂದ (Weight Gain) ತೊಂದರೆ ಅನುಭವಿಸುತ್ತಿದ್ದಾರೆ. ಅದರಲ್ಲೂ ಅಧಿಕ ಜನ ಒಬೆಸಿಟಿ ಅಂದರೆ ಸ್ಥೂಲಕಾಯದಿಂದ ಅನೇಕ ಕಾಯಿಲೆಗಳಿಗೆ (Disease) ತುತ್ತಾಗಿದ್ದಾರೆ. ತೂಕವನ್ನು ಕಳೆದುಕೊಳ್ಳುವುದು ಸುಲಭದ ಕೆಲಸವಲ್ಲ. ಆದರೆ ವ್ಯಾಯಾಮ ಮತ್ತು ಆರೋಗ್ಯಕರ ಆಹಾರ (Food), ಉತ್ತಮ ಜೀವನಶೈಲಿ, ಚಟುವಟಿಕೆಗಳಿಂದ ಇದ್ದಾಗ ಸ್ಥೂಲಕಾಯವನ್ನು ತೊಡೆದು ಹಾಕಬಹುದು. ತೂಕ ಇಳಿಸಿಕೊಳ್ಳಲು ಡಯಟ್ ವಿಷಯಕ್ಕೆ ಬಂದರೆ ಮಾರುಕಟ್ಟೆಯಲ್ಲಿ ಸಾಕಷ್ಟು ಆಹಾರ ಮತ್ತು ಪಾನೀಯಗಳು ಲಭ್ಯ ಇವೆ. ಹೀಗಾಗಿ ತೂಕ ಇಳಿಕೆಗೆ ಯಾವ ಸಪ್ಲಿಮೆಂಟ್ ಬೆಸ್ಟ್ ಎಂಬುದು ಗೊತ್ತಾಗದೇ ಗೊಂದಲ ಉಂಟಾಗುತ್ತದೆ.

    ತೂಕವನ್ನು ಕಡಿಮೆ ಮಾಡಲು ಪ್ರೋಟೀನ್ ಭರಿತ ಆಹಾರವನ್ನು ಸೇವಿಸಬೇಕು ಎಂದು ತಜ್ಞರು ಹೇಳುತ್ತಾರೆ. ಕೋಳಿ ಮತ್ತು ಮೊಟ್ಟೆಗಳನ್ನು ಪ್ರೋಟೀನ್‌ನ ಪ್ರಬಲ ಮೂಲವೆಂದು ಪರಿಗಣಿಸಲಾಗಿದೆ. ಆದರೆ ಅವುಗಳನ್ನು ಪ್ರತಿದಿನವೂ ತಿನ್ನಲು ಸಾಧ್ಯವಿಲ್ಲ. ಆದಾಗ್ಯೂ, ನೀವು ಪ್ರತಿದಿನ ಬೇಳೆ ಕಾಳಿನ ದಾಲ್ ಏವನೆ ಮಾಡಬಹುದು.

    ತೂಕ ಕಡಿಮೆ ಮಾಡಲು ದೇಸಿ ಆಹಾರ ವಿವಿಧ ಬೇಳೆ ಕಾಳುಗಳು

    ಮೂಂಗ್ ದಾಲ್, ಟರ್ ದಾಲ್, ಚನಾ ದಾಲ್, ಉದ್ದಿನ ಬೇಳೆ ಮುಂತಾದ ಅನೇಕ ವಿಧದ ದ್ವಿದಳ ಧಾನ್ಯಗಳಿವೆ. ಅವು ಪ್ರೋಟೀನ್‌ನ ಉತ್ತಮ ಮೂಲವಾಗಿದೆ. ದಾಲ್ ರೈಸ್ ಅಥವಾ ದಾಲ್ ರೋಟಿ? ತೂಕ ನಷ್ಟಕ್ಕೆ ಯಾವುದು ಉತ್ತಮ? ಈ ಪ್ರಶ್ನೆಗೆ ಪೌಷ್ಟಿಕ ತಜ್ಞೆ ಮತ್ತು ಡಯೆಟಿಷಿಯನ್ ಶಿಖಾ ಅಗರ್ವಾಲ್ ಶರ್ಮಾ ಉತ್ತರಿಸಿದ್ದಾರೆ.

    ಇದನ್ನೂ ಓದಿ: ಬೇಸಿಗೆಯಲ್ಲಿ ಈ ಹಣ್ಣುಗಳನ್ನು ತಿಂದ್ರೆ ಬೇಗ ಸಣ್ಣ ಆಗ್ತೀರಂತೆ

    ರೊಟ್ಟಿ ಮತ್ತು ಬೇಳೆ ದಾಲ್ ತೂಕ ಇಳಿಕೆಗೆ ಸಹಕಾರಿ

    ಬೇಳೆ ಕಾಳುಗಳು ಪ್ರೋಟೀನ್‌ನ ಸಮೃದ್ಧ ಉಗ್ರಾಣವಾಗಿವೆ. 1 ಬೌಲ್ ಬೇಳೆ ದಾಲ್ 7 ಗ್ರಾಂ ಪ್ರೋಟೀನ್ ನೀಡುತ್ತದೆ. ಅಕ್ಕಿಯಲ್ಲಿ ಬಿ ಕಾಂಪ್ಲೆಕ್ಸ್ ವಿಟಮಿನ್ ಗಳಿದ್ದು ಕಾರ್ಬೋಹೈಡ್ರೇಟ್ ಗಳ ಮೂಲವಾಗಿದೆ. ನೀವು ಯಾವುದೇ ಊಟವನ್ನು ಒಟ್ಟಿಗೆ ಬೇಯಿಸಿದಾಗ, ಅಂದರೆ, ಒಂದು ಧಾನ್ಯ ಮತ್ತು ಒಂದು ಬೇಳೆ, ಆ ಊಟದ ಪ್ರೋಟೀನ್ ಗುಣಮಟ್ಟ ಸುಧಾರಿಸುತ್ತದೆ.

    ರೊಟ್ಟಿ ಮತ್ತು ದಾಲ್‌ನಂತೆಯೇ. ಆದ್ದರಿಂದ, ಕೇವಲ ಗೋಧಿ ರೊಟ್ಟಿಯ ಬದಲು, ಜೋಳ, ಬಾಜ್ರಾ, ರಾಗಿ, ಸೋಯಾಬೀನ್, ಮೂಂಗ್ ದಾಲ್ ಮುಂತಾದ ಪದಾರ್ಥಗಳ ದಾಲ್ ಜೊತೆ ರೊಟ್ಟಿ ಸೇವಿಸುವುದು ಉತ್ತಮ. ಒಬ್ಬ ವ್ಯಕ್ತಿಯು 1 ಬೌಲ್ ಬೇಳೆ ದಾಲ್ ಜೊತೆ ಮಲ್ಟಿಗ್ರೇನ್ ರೊಟ್ಟಿ ಸೇವಿಸಿದರೆ ಫೈಬರ್, ಪ್ರೋಟೀನ್, ಬಿ ಕಾಂಪ್ಲೆಕ್ಸ್ ವಿಟಮಿನ್‌ಗಳನ್ನು ಪಡೆಯುತ್ತಾನೆ. ಇದು ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

    ರೊಟ್ಟಿ ತಿನ್ನುವುದು ತೂಕ ಇಳಿಕೆಗೆ ಅನುಕೂಲಕರ

    ರೊಟ್ಟಿಯು ಕಾರ್ಬೋಹೈಡ್ರೇಟ್‌ಗಳ ಉತ್ತಮ ಮೂಲವಾಗಿದೆ. ಇದು ನಿಮಗೆ ಸಾಕಷ್ಟು ಪ್ರಮಾಣದ ಶಕ್ತಿಯನ್ನು ಒದಗಿಸುತ್ತದೆ. ಮತ್ತು ದೀರ್ಘಕಾಲದವರೆಗೆ ಹಸಿವಾಗದಂತೆ ನೋಡಿಕೊಳ್ಳುತ್ತದೆ. ಒಂದು ರೊಟ್ಟಿ ನಿಮ್ಮ ದೇಹಕ್ಕೆ ವಿಟಮಿನ್ ಬಿ, ಇ ಮತ್ತು ತಾಮ್ರ, ಸತು, ಅಯೋಡಿನ್, ಮ್ಯಾಂಗನೀಸ್, ಸಿಲಿಕಾನ್‌ನಂತಹ ಖನಿಜಗಳಂತಹ ವಿವಿಧ ಜೀವಸತ್ವಗಳು ಮತ್ತು ಖನಿಜಗಳನ್ನು ನೀಡುತ್ತದೆ. ನೀವು ಬೀನ್ಸ್, ಕ್ಯಾರೆಟ್, ಪಾಲಕ ಮುಂತಾದ ಬೇಯಿಸಿದ ತರಕಾರಿಗಳನ್ನು ಕತ್ತರಿಸಿ ಹಿಟ್ಟಿಗೆ ಸೇರಿಸಬಹುದು.

    ತೂಕ ನಷ್ಟಕ್ಕೆ ತುಪ್ಪದ ರೊಟ್ಟಿ

    ರೊಟ್ಟಿ ಮಾಡಲು ಗೋಧಿ ಹಿಟ್ಟನ್ನು ಬಳಸಿ ಮತ್ತು ತುಪ್ಪದ ಜೊತೆ ತಿನ್ನಿರಿ. ಹಿಟ್ಟಿನ ಜೊತೆಗೆ ಇತರ ಹಿಟ್ಟುಗಳಾದ ರಾಗಿ, ಸೋಯಾಬೀನ್ ಹಿಟ್ಟು, ಕಡಲೆ ಹಿಟ್ಟು, ಬಾಜ್ರಾ ಮತ್ತು ಬಲ್ಗರ್ ಗೋಧಿಯನ್ನು ಬೆರೆಸುವುದು ಒಳ್ಳೆಯದು.

    ಅನ್ನ ಮತ್ತು ದಾಲ್ ಸೇವನೆಯಿಂದ ತೂಕ ಇಳಿಕೆ

    ಚಪಾತಿಗಿಂತಲೂ ಅನ್ನದಲ್ಲಿ ನಾರಿನಂಶ, ಪ್ರೊಟೀನ್ ಮತ್ತು ಕೊಬ್ಬು ಕಡಿಮೆ. ಅಕ್ಕಿಯಲ್ಲಿರುವ ಪಿಷ್ಟದ ಅಂಶದಿಂದಾಗಿ, ಇದು ಜೀರ್ಣಿಸಿಕೊಳ್ಳಲು ಸುಲಭವಾಗಿದೆ. ಮತ್ತು ಫೋಲೇಟ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುತ್ತದೆ. ಆದರೆ ತೂಕ ನಷ್ಟದ ದೃಷ್ಟಿಯಿಂದ, ಚಪಾತಿ ಆದ್ಯತೆಯ ಆಯ್ಕೆಯಾಗಿದೆ. ನಿಮಗೆ ಅನ್ನವಿಲ್ಲದೆ ಬದುಕಲು ಸಾಧ್ಯವಾಗದಿದ್ದರೆ, ಹೆಚ್ಚಿನ ಕಾಳುಗಳೊಂದಿಗೆ ದಾಲ್ ಖಿಚಡಿ ಮಾಡುವುದು ಉತ್ತಮ ಎಂಬುದು ತಜ್ಞೆಯ ಸಲಹೆ.

    ತೂಕ ಇಳಿಸಿಕೊಳ್ಳಲು ಸರಿಯಾದ ಮಾರ್ಗ ಯಾವುದು?

    ಪ್ರೋಟೀನ್ ಮತ್ತು ಫೈಬರ್ ಜೊತೆಗೆ, ಬೇಳೆ ದಾಲ್, ಮೆಗ್ನೀಸಿಯಮ್ ಮತ್ತು ಫೋಲೇಟ್ನಲ್ಲಿ ಸಮೃದ್ಧವಾಗಿದೆ. ಇದು ಹೃದಯದ ಆರೋಗ್ಯಕ್ಕೂ ಒಳ್ಳೆಯದು. ಅಕ್ಕಿ ಮತ್ತು ರೊಟ್ಟಿಗಿಂತ ಬೇಳೆ ದಾಲ್ ನಲ್ಲಿ ಹೆಚ್ಚಿನ ಪ್ರೋಟೀನ್ ಮತ್ತು ಅಮೈನೋ ಆಮ್ಲಗಳಿವೆ.

    ಇದನ್ನೂ ಓದಿ: ಬೊಜ್ಜು ಕರಗಿಸುವ ಈ ಆಹಾರಗಳನ್ನು ಮಿಸ್​ ಮಾಡಲೇಬೇಡಿ

    ಆದಾಗ್ಯೂ ನೀವು ಹೆಚ್ಚು ಫೈಬರ್ ಅನ್ನು ಹುಡುಕುತ್ತಿದ್ದರೆ ದಾಲ್ ರೋಟಿಯು ನೆಚ್ಚಿನ ಆಹಾರ ಸಂಯೋಜನೆಯಾಗಿದೆ. ತೂಕವನ್ನು ಕಳೆದುಕೊಳ್ಳುವುದು ಅಥವಾ ಒಟ್ಟಾರೆ ಆರೋಗ್ಯವನ್ನು ಸುಧಾರಿಸುವುದು ನಿಮ್ಮ ಗುರಿಯಾಗಿರಲಿ. ನಿಮ್ಮ ಆಹಾರದಲ್ಲಿ ವಿವಿಧ ಧಾನ್ಯಗಳನ್ನು ಸೇರಿಸುವುದರಿಂದ ನಿಮ್ಮ ಕರುಳಿನ ಆರೋಗ್ಯವನ್ನು ಸುಧಾರಿಸಬಹುದು.
    Published by:renukadariyannavar
    First published: