• Home
  • »
  • News
  • »
  • lifestyle
  • »
  • Heels Care: ಒಡೆದ ಹಿಮ್ಮಡಿ ಸಮಸ್ಯೆಗೆ ಕೇವಲ ಜೇನುತುಪ್ಪ ಸಾಕಂತೆ, ಹೀಗೆ ಬಳಸಿ ನೋಡಿ

Heels Care: ಒಡೆದ ಹಿಮ್ಮಡಿ ಸಮಸ್ಯೆಗೆ ಕೇವಲ ಜೇನುತುಪ್ಪ ಸಾಕಂತೆ, ಹೀಗೆ ಬಳಸಿ ನೋಡಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಚಳಿಗಾಲದ ಶುಷ್ಕ ಗಾಳಿ ಶುಷ್ಕ ಹಿಮ್ಮಡಿಯ ಕಾರಣಗಳಲ್ಲಿ ಒಂದಾಗಿದೆ. ಇದು ಸಾಕಷ್ಟು ತೇವಾಂಶದ ಕೊರತೆಯಿಂದ ಬಿರುಕು ಬಿಡುತ್ತದೆ. ತೂಕ ಹೆಚ್ಚಾಗುವುದು ಸೇರಿ ಅನೇಕ ಕಾರಣಗಳಿವೆ. ಜೇನುತುಪ್ಪ ಮತ್ತು ಉಗುರುಬೆಚ್ಚನೆಯ ನೀರಿನಿಂದ ತ್ವರಿತ ಪರಿಹಾರ ಹೇಗೆ ಪಡೆಯುವುದು ಎಂದು ಈಗ ತಿಳಿಯೋಣ.

  • Share this:

    ಚಳಿ ಶುರುವಾದ ಕೂಡಲೇ ಒಡೆದ ಹಿಮ್ಮಡಿ ಸಮಸ್ಯೆ (Crack Heels Problem) ಶುರುವಾಗುತ್ತದೆ. ಕೆಲವೊಮ್ಮೆ ಒಡೆದ ಹಿಮ್ಮಡಿ ಸಮಸ್ಯೆ ಕಡಿಮೆ ಆಗಲ್ಲ. ಹೆಚ್ಚುತ್ತಾ ಹೋಗುತ್ತದೆ. ಸರಿಯಾಗಿ ನಡೆಯಲು ಆಗದೇ ಕಷ್ಟ ಪಡಬೇಕಾಗುತ್ತದೆ. ಅದಾಗ್ಯೂ ಚಳಿಗಾಲದಲ್ಲಿ (Winter) ತ್ವಚೆಯ ಸಮಸ್ಯೆ (Skin Problem) ಹೆಚ್ಚುತ್ತವೆ. ಅದರಲ್ಲಿ ಮುಖ್ಯವಾಗಿ ಸೀಳು ಹಿಮ್ಮಡಿ, ಒಡೆದ ಹಿಮ್ಮಡಿ ಸಮಸ್ಯೆ ಒಂದಾಗಿದೆ. ಈ ಸಮಸ್ಯೆ ನಿವಾರಣೆಗೆ ಕೆಲವು ಮನೆಮದ್ದುಗಳಿವೆ. ಇವುಗಳನ್ನು ಪ್ರಯತ್ನಿಸಿ, ಬೇಗ ಒಡೆದ ಹಿಮ್ಮಡಿ ಸಮಸ್ಯೆ ದೂರವಾಗುತ್ತದೆ. ಇದರ ಪರಿಣಾಮ ನಿಮ್ಮನ್ನು ಆಶ್ಚರ್ಯಗೊಳಿಸುತ್ತದೆ. ಯಾರೆಲ್ಲಾ ಒಡೆದ ಹಿಮ್ಮಡಿ ಸಮಸ್ಯೆ ಎದುರಿಸುತ್ತಿದ್ದಾರೋ, ಅವರು ಈ ಮನೆಮದ್ದು ಟ್ರೈ ಮಾಡಬಹುದು.


    ಚಳಿಗಾಲದಲ್ಲಿ ಹಿಮ್ಮಡಿಗಳು ಏಕೆ ಬಿರುಕು ಬಿಡುತ್ತವೆ?


    ಸಂಶೋಧನೆಯೊಂದರ ಪ್ರಕಾರ, ಹಿಮ್ಮಡಿ ಸುತ್ತಲಿನ ಚರ್ಮ ಒಣಗಿ ದಪ್ಪವಾದಾಗ ಹಿಮ್ಮಡಿ ಬಿರುಕು ಬಿಡುತ್ತವೆ. ಚಳಿಗಾಲದ ಶುಷ್ಕ ಗಾಳಿ ಶುಷ್ಕ ಹಿಮ್ಮಡಿಯ ಕಾರಣಗಳಲ್ಲಿ ಒಂದಾಗಿದೆ. ಇದು ಸಾಕಷ್ಟು ತೇವಾಂಶದ ಕೊರತೆಯಿಂದ ಬಿರುಕು ಬಿಡುತ್ತದೆ.


    ತೂಕ ಹೆಚ್ಚಾಗುವುದು, ತೆರೆದ ಹಿಮ್ಮಡಿಗೆ ಬೂಟು ಧರಿಸದೇ ಇರುವುದು ಕಾರಣವಾಗುತ್ತದೆ. ಹಾಗಾಗಿ ಇಲ್ಲಿ ನಾವು ಒಡೆದ ಹಿಮ್ಮಡಿ ಸಮಸ್ಯೆಗೆ ಜೇನುತುಪ್ಪ ಮತ್ತು ಉಗುರುಬೆಚ್ಚನೆಯ ನೀರಿನಿಂದ ತ್ವರಿತ ಪರಿಹಾರ ಹೇಗೆ ಪಡೆಯುವುದು ಎಂದು ಈಗ ತಿಳಿಯೋಣ.




    ಒಡೆದ ಹಿಮ್ಮಡಿ ಸಮಸ್ಯೆಗೆ ಜೇನುತುಪ್ಪ ಮತ್ತು ಉಗುರುಬೆಚ್ಚನೆಯ ನೀರು


    ಈ ಪಾಕವಿಧಾನಕ್ಕಾಗಿ ಅರ್ಧ ಬಕೆಟ್ ಉಗುರು ಬೆಚ್ಚಗಿನ ನೀರನ್ನು ತೆಗೆದುಕೊಂಡು ಅದಕ್ಕೆ ಒಂದು ಕಪ್ ಜೇನುತುಪ್ಪ ಸೇರಿಸಿ. ಈಗ ನಿಮ್ಮ ಪಾದಗಳನ್ನು 20 ನಿಮಿಷಗಳ ಕಾಲ ಇರಿಸಿ. ಹೀಲ್ಸ್ ಮೃದುವಾದಾಗ ಕೈಗಳಿಂದ ಹಿಮ್ಮಡಿಗಳನ್ನು ಸ್ಕ್ರಬ್ ಮಾಡಿ. ನಿಯಮಿತವಾಗಿ 5 ದಿನಗಳ ಕಾಲ ಈ ವಿಧಾನ ಮಾಡಿದರೆ ಒಡೆದ ಹಿಮ್ಮಡಿ ಸಮಸ್ಯೆ ದೂರವಾಗುತ್ತದೆ.


    ಆರೋಗ್ಯಕರ ದೇಹ ಕಾಪಾಡಲು, ಆರೋಗ್ಯಕರ ಚರ್ಮಕ್ಕೆ ಜೇನುತುಪ್ಪವು ಉತ್ತಮ ಔಷಧವಾಗಿ ಕಾರ್ಯ ನಿರ್ವಹಿಸುತ್ತದೆ. ಜೇನುತುಪ್ಪವು ಆಂಟಿಮೈಕ್ರೊಬಿಯಲ್ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿದೆ. ಗಾಯ ಗುಣವಾಗಲು ಮತ್ತು ಶೀಘ್ರ ಗುಣವಾಗಲು ಜೇನುತುಪ್ಪ ಪ್ರಯೋಜನಕಾರಿ ಎಂದು ಸಂಶೋಧನೆ ಹೇಳಿದೆ. ಇದನ್ನು ಫೂಟ್ ಸ್ಕ್ರಬ್ ಆಗಿಯೂ ಬಳಸಬಹುದು.


    ತೆಂಗಿನ ಎಣ್ಣೆ


    ತೆಂಗಿನ ಎಣ್ಣೆಯನ್ನು ಉಗುರುಬೆಚ್ಚಗಿನ ನೀರಿನಲ್ಲಿ ನೆನೆಸಿದ ನಂತರ ತೆಂಗಿನ ಎಣ್ಣೆಯಿಂದ ನಿಮ್ಮ ಪಾದಗಳನ್ನು ಮಸಾಜ್ ಮಾಡಿ. ತ್ವರಿತ ಪರಿಹಾರ ಸಿಗುತ್ತದೆ. ಕೊಬ್ಬರಿ ಎಣ್ಣೆಯಿಂದ ಕಣಕಾಲುಗಳಿಗೆ ಮಸಾಜ್ ಮಾಡಿದ ನಂತರ ಸಾಕ್ಸ್ ಧರಿಸಿ ಮತ್ತು ಕೆಲವು ಗಂಟೆಗಳ ಕಾಲ ಬಿಡಿ. ಇದು ಸಮಸ್ಯೆ ಶೀಘ್ರ ಪರಿಹಾರ ಸಿಗುತ್ತದೆ. ನಿಯಮಿತ ಬಳಕೆಯು ಚರ್ಮವನ್ನು ಮೃದುವಾಗಿಡುತ್ತದೆ.


     ಆವಕಾಡೊ ಮತ್ತು ಬಾಳೆಹಣ್ಣು


    ಈ ಪಾಕವಿಧಾನಕ್ಕಾಗಿ ಒಂದು ಬಟ್ಟಲಿನಲ್ಲಿ ಒಂದು ಆವಕಾಡೊ ಮತ್ತು ಒಂದು ಬಾಳೆಹಣ್ಣು ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಉಗುರುಬೆಚ್ಚಗಿನ ನೀರನ್ನು ಅನ್ವಯಿಸಿ, ನಂತರ ಈ ಪೇಸ್ಟ್ ಅನ್ನು ನಿಮ್ಮ ಹಿಮ್ಮಡಿಗೆ ಅನ್ವಯಿಸಿ, 25 ನಿಮಿಷ ಬಿಡಿ. ನಂತರ, ಉಗುರು ಬೆಚ್ಚಗಿನ ನೀರಿನಿಂದ ಪಾದ ಸ್ವಚ್ಛಗೊಳಿಸಿ. ನಿಯಮಿತವಾಗಿ ಮಾಡಿ. ಈ ಪಾಕವಿಧಾನವು ತ್ವರಿತ ಪರಿಹಾರ ನೀಡುತ್ತದೆ.


    ಇದನ್ನೂ ಓದಿ: ಮಧುಮೇಹಿಗಳು ಜೇನುತುಪ್ಪ ಸೇವಿಸಬಹುದೇ? ಈ ಬಗ್ಗೆ ತಜ್ಞರು ಹೇಳುವುದೇನು?


    ರೋಸ್ ವಾಟರ್ ಮತ್ತು ಗ್ಲಿಸರಿನ್


    ಬಿರುಕು ಬಿಟ್ಟ ಹಿಮ್ಮಡಿಗಳ ಸಮಸ್ಯೆಗೆ ಇದು ಅತ್ಯಂತ ಹಳೆಯ ಮತ್ತು ಪ್ಯಾನೇಸಿಯ ಪಾಕವಿಧಾನ. ಬಟ್ಟಲಿನಲ್ಲಿ 1 ಗ್ಲಿಸರಿನ್ ತೆಗೆದುಕೊಂಡು 3 ಚಮಚ ರೋಸ್ ವಾಟರ್ ಸೇರಿಸಿ. ಹಿಮ್ಮಡಿಗಳನ್ನು ನಿಧಾನವಾಗಿ ಮಸಾಜ್ ಮಾಡಿ. ಇದು ಚರ್ಮವನ್ನು ಮೃದುವಾಗಿಸಿ, ಗಾಯ ವಾಸಿಯಾಗುತ್ತದೆ.

    Published by:renukadariyannavar
    First published: