• Home
  • »
  • News
  • »
  • lifestyle
  • »
  • Sleeping Tips: ನಿದ್ರೆ ಹಾಳಾಗೋದಕ್ಕೆ ನಿಮ್ಮ ಹಾಸಿಗೆ ಹೀಗಿರೋದೇ ಕಾರಣವಂತೆ

Sleeping Tips: ನಿದ್ರೆ ಹಾಳಾಗೋದಕ್ಕೆ ನಿಮ್ಮ ಹಾಸಿಗೆ ಹೀಗಿರೋದೇ ಕಾರಣವಂತೆ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Bad Mattress: ಆರೋಗ್ಯ ಸಮಸ್ಯೆಯನ್ನು ಪರಿಹರಿಸಲು, ನೀವು ಪ್ರಮಾಣೀಕೃತ ಫೋಮ್​, ಉತ್ತಮ ಒಳಗಿನ ವಸ್ತುಗಳು ಮತ್ತು ಬಟ್ಟೆಗಳನ್ನು ಹೊಂದಿರುವ ಹಾಸಿಗೆಗಳನ್ನು ಬಳಸಬಹುದು ಅಥವಾ ರೇಷ್ಮೆ ಹತ್ತಿಯ ಮೃದುತ್ವದೊಂದಿಗೆ 100% ನೈಸರ್ಗಿಕ ಹೈಪೋಲಾರ್ಜನಿಕ್ ಸೌಕರ್ಯದ  ಹಾಸಿಗೆಗಳನ್ನು ಬಳಸಬಹುದು.

ಮುಂದೆ ಓದಿ ...
  • Share this:

ಒಳ್ಳೆಯ ರಾತ್ರಿಯ ನಿದ್ರೆಯು (good Sleep) ಬಹಳ ಅವಶ್ಯಕ. ದಿನನಿತ್ಯ ದುಡಿದು ಸುಸ್ತಾಗಿ ಬಂದ ನಂತರ ತಮ್ಮ ಚಡಪಡಿಕೆಯಿಂದ ಹೊರಬರಲು ಮತ್ತು ಮರುದಿನ ತಮ್ಮ ಶಕ್ತಿಯನ್ನು (Energy) ಮರಳಿ ಪಡೆಯಲು ಸಹಾಯ ಮಾಡುತ್ತದೆ. ಮಲಗುವ ಕೋಣೆ, ಹಾಸಿಗೆ, ಎಲ್ಲವೂ ರಾತ್ರಿ 8 ಗಂಟೆಗಳ ಕಾಲ ಆಳವಾದ ನಿದ್ರೆಯನ್ನು ಆನಂದಿಸಲು ಅವಶ್ಯಕ. ಹಾಸಿಗೆ (Bed) ಸರಿಯಿಲ್ಲದಿದ್ದರೆ, ನೀವು ನೆಮ್ಮದಿಯ ನಿದ್ರೆಯನ್ನು ಆನಂದಿಸಲು ಸಾಧ್ಯವಿಲ್ಲ. ನಿದ್ರೆ ಸರಿಯಾಗಲಿಲ್ಲ ಎಂದರೆ, ನಿಮ್ಮ ದಿನ ಹಾಳಾಗುತ್ತದೆ.  ನಿಮ್ಮ ಹಾಸಿಗೆ ಆರಾಮದಾಯಕ ಮತ್ತು ಯಾವುದೇ ಸಮಸ್ಯೆ ಇಲ್ಲದೇ ಇದ್ದರೆ ಮಾತ್ರ ರಾತ್ರಿಯ ನಿದ್ರೆಯನ್ನು (Night Sleep) ಸರಿಯಾಗಿ ಮಾಡಲು ಸಾಧ್ಯವಾಗುತ್ತದೆ.


ಕೆಟ್ಟ ಹಾಸಿಗೆ ಬಳಸುವುದರಿಂದ ಬೆನ್ನು, ಕುತ್ತಿಗೆ ಮತ್ತು ತಲೆ ನೋವು ಸೇರಿದಂತೆ ಅನೇಕ ಉಂಟಾಗಬಹುದು ಎಂದು ತಜ್ಞರು ಹೇಳುತ್ತಾರೆ. ಅದರಲ್ಲೂ ಹಲವು ವರ್ಷಗಳಿಂದ ಒಂದೇ ಹಾಸಿಗೆ ಬಳಸುತ್ತಿರುವವರು ಅದರ ಪರಿಣಾಮವಾಗಿ ಆರೋಗ್ಯ ಸಮಸ್ಯೆಗಳನ್ನು ಅನುಭವಿಸಬಹುದು, ಆದ್ದರಿಂದ ತಕ್ಷಣವೇ ಹೊಸ ಹಾಸಿಗೆ ಖರೀದಿಸುವುದು ಉತ್ತಮ. ಕೆಟ್ಟ ಹಾಸಿಗೆ ಬಳಸುವುದರಿಂದ ಯಾವ ರೀತಿಯ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು ಮತ್ತು ಹಾಸಿಗೆಯ ವಿಷಯಕ್ಕೆ ಬಂದರೆ ಏನನ್ನು ಗಮನಿಸಬೇಕು ಎಂಬುದನ್ನು ನಾವಿಲ್ಲಿ ನೀಡಿದ್ದೇವೆ.


ದೇಹದ ನೋವು ಏಕೆ ಉಂಟಾಗುತ್ತದೆ?


ಬೆನ್ನುನೋವಿನಂತಹ ಸಮಸ್ಯೆಗಳಿಗೂ ತಾವು ಬಳಸುತ್ತಿರುವ ಹಾಸಿಗೆಗೂ ಸಂಬಂಧವಿದೆ ಎಂಬುದನ್ನು ಒಪ್ಪಿಕೊಳ್ಳಲು ಯಾರೂ ಸಿದ್ಧರಿಲ್ಲ. ತಜ್ಞರು ಮತ್ತು ಹಾಸಿಗೆ ತಯಾರಕರು ವಿವಿಧ ಅಧ್ಯಯನಗಳ ಮೂಲಕ ಸರಿಯಾಗಿ ಹೊಂದಿಕೊಳ್ಳದ ಹಾಸಿಗೆಗಳು ನಿದ್ರೆಗೆ ಮಾತ್ರವಲ್ಲದೆ ದೈಹಿಕ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತವೆ ಎಂದು ಸಾಬೀತುಪಡಿಸಿದ್ದಾರೆ. ಆದ್ದರಿಂದ ಹೊಸ ಹಾಸಿಗೆ ಖರೀದಿಸಲು ಪ್ಲ್ಯಾನ್​ ಮಾಡುವವರು ಕೆಲವು ಪ್ರಮುಖ ಅಂಶಗಳನ್ನು ಗಮನಿಸಬೇಕಾಗುತ್ತದೆ.


ಹಾಸಿಗೆ ಬಳಸಲು ವ್ಯಕ್ತಿಗಳ ದೇಹವು ಮೊದಲು ಮುಖ್ಯವಾಗುತ್ತದೆ. ದೇಹ ತೂಕದ ಫೋಮ್ ಅನ್ನು ಬಳಸುವ ಹಾಸಿಗೆಗಳು ವಿಶ್ರಾಂತಿ ಹಾಗೂ ರಾತ್ರಿಯ ನಿದ್ರೆಗೆ ಸರಿಯಾದ ಬೆಂಬಲವನ್ನು ನೀಡುತ್ತವೆ.




ಅತಿಯಾದ ಬೆವರುವಿಕೆ: ಹಾಸಿಗೆಗಳಲ್ಲಿ ಬಳಸುವ ಫೋಮ್ ಕಳಪೆ ಗುಣಮಟ್ಟದ್ದಾಗಿದ್ದರೆ, ಅವು ಚರ್ಮವನ್ನು ಉಸಿರಾಡದಂತೆ ತಡೆಯಬಹುದು ಮತ್ತು ಶಾಖವನ್ನು ಹೆಚ್ಚು ಮಾಡಬಹುದು. ಇದು ಬೆವರುವಿಕೆಗೆ ಕಾರಣವಾಗಬಹುದು. ರಾತ್ರಿ ಮಲಗುವಾಗ ದೇಹ ಪೂರ್ತಿ ಬೆವರಿದರೆ ನೆಮ್ಮದಿಯ ನಿದ್ದೆ ಬರುವುದು ಹೇಗೆ? ಆದ್ದರಿಂದ ನೈಸರ್ಗಿಕ ಹತ್ತಿಯಿಂದ ಮಾಡಿದ ಹಾಸಿಗೆಗಳನ್ನು ಬಳಸುವುದು ಶಾಖವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಬೆವರು ಮುಕ್ತ ನಿದ್ರೆಯನ್ನು ಪಡೆಯಲು ಸಹಾಯ ಮಾಡುತ್ತದೆ.


ಇದನ್ನೂ ಓದಿ: ನಿಮ್ಮ ಲೈಫ್​ಸ್ಟೈಲ್​ ಈ ರೀತಿ ಬದಲಾದ್ರೆ ಅಂಡಾಶಯದ ಕ್ಯಾನ್ಸರ್ ಬರಲ್ಲ


ಹಳೆಯ ಹಾಸಿಗೆ: ಹಣ ಉಳಿತಾಯದ ಹೆಸರಿನಲ್ಲಿ ವರ್ಷಗಟ್ಟಲೆ ಅದೇ ಹಾಸಿಗೆ ಬಳಸುವುದರಿಂದ ಆಸ್ಪತ್ರೆಗೆ ದುಪ್ಪಟ್ಟು ವೆಚ್ಚವಾಗುತ್ತದೆ. ಆದ್ದರಿಂದ ನೀವು ಹಳೆಯ ಹಾಸಿಗೆಗಳನ್ನು ಬಳಸುತ್ತಿದ್ದರೆ ಅದು ತುಂಬಾ ಕುಗ್ಗಿರುತ್ತದೆ, ಕೊಳಕು ಮತ್ತು ಚಪ್ಪಟೆಯಾಗಿರುತ್ತದೆ, ನೀವು ತಕ್ಷಣ ಹೊಸ ಹಾಸಿಗೆ ಖರೀದಿಸುವ ಬಗ್ಗೆ ಯೋಚಿಸಬೇಕು.


ಕಳಪೆ ಗುಣಮಟ್ಟದ ವಸ್ತುಗಳಿಂದ ಮಾಡಿದ ಹಾಸಿಗೆಗಳು ಕಾಲಾನಂತರದಲ್ಲಿ ಹಾಳಾಗುತ್ತದೆ. ಅದರ ಮೇಲೆ ಮಲಗಿದಾಗ, ಬೆನ್ನುಮೂಳೆಯ ಸಮಸ್ಯೆ ಹಾಳಾಗುತ್ತದೆ. ಇದು ಮೊದಲಿಗೆ ಸ್ವಲ್ಪ ಪ್ರಾರಂಭವಾಗಬಹುದು ಮತ್ತು ದಿನಗಳು ಕಳೆದಂತೆ ತೀವ್ರವಾದ ಬೆನ್ನು ನೋವು, ಸ್ನಾಯು ಸೆಳೆತ, ಮೂಳೆಗಳಲ್ಲಿ ಸವೆತಕ್ಕೆ ಕಾರಣವಾಗಬಹುದು.


 ಅಲರ್ಜಿಗಳು: ಹಾಸಿಗೆಗಳು ಚರ್ಮದ ಸಮಸ್ಯೆಗಳು ಮತ್ತು ಸೀನುವಿಕೆಯಂತಹ ಅಲರ್ಜಿಯನ್ನು ಉಂಟುಮಾಡುತ್ತವೆ ಎಂದು ನಮಗೆಲ್ಲರಿಗೂ ತಿಳಿದಿದೆ. ಅವು ಹೊರನೋಟಕ್ಕೆ ಸ್ವಚ್ಛವಾಗಿ ಕಂಡರೂ, ವರ್ಷಗಳ ಬಳಕೆಯ ನಂತರ ಹಾಸಿಗೆಯೊಳಗೆ ಬಹಳಷ್ಟು ಧೂಳು ಮತ್ತು ಕೊಳಕು ಸಂಗ್ರಹವಾಗುತ್ತದೆ. ನಿದ್ರೆಯ ಸಮಯದಲ್ಲಿ ಹಾಸಿಗೆಗಳಿಂದ ಬಿಡುಗಡೆಯಾಗುವ ಧೂಳು ಶ್ವಾಸಕೋಶ ಮತ್ತು ಚರ್ಮದ ಅಲರ್ಜಿಯನ್ನು ಉಂಟುಮಾಡುತ್ತದೆ.


ಅಂತಹ ಆರೋಗ್ಯ ಸಮಸ್ಯೆಯನ್ನು ಪರಿಹರಿಸಲು, ನೀವು ಪ್ರಮಾಣೀಕೃತ ಫೋಮ್​, ಉತ್ತಮ ಒಳಗಿನ ವಸ್ತುಗಳು ಮತ್ತು ಬಟ್ಟೆಗಳನ್ನು ಹೊಂದಿರುವ ಹಾಸಿಗೆಗಳನ್ನು ಬಳಸಬಹುದು ಅಥವಾ ರೇಷ್ಮೆ ಹತ್ತಿಯ ಮೃದುತ್ವದೊಂದಿಗೆ 100% ನೈಸರ್ಗಿಕ ಹೈಪೋಲಾರ್ಜನಿಕ್ ಸೌಕರ್ಯದ  ಹಾಸಿಗೆಗಳನ್ನು ಬಳಸಬಹುದು.


ಇದನ್ನೂ ಓದಿ: ಮಕ್ಕಳನ್ನು ಕಾಡುವ ಮಲಬದ್ಧತೆಗೆ ಇಲ್ಲಿದೆ ನೋಡಿ ಸಿಂಪಲ್​ ಪರಿಹಾರ


ಕೆಟ್ಟ ದುರ್ವಾಸನೆ: ಭಾರತದಲ್ಲಿ ತಾಪಮಾನವು ಕಾಲಕಾಲಕ್ಕೆ ಏರಿಳಿತಗೊಳ್ಳುತ್ತದೆ. ಮಳೆಗಾಲವಾಗಲಿ, ಬೇಸಿಗೆ ಕಾಲವಾಗಲಿ, ವಸಂತ ಋತುವಾಗಲಿ ಬಿಸಿಲಿಗೆ ಮಾತ್ರ ಕೊರತೆಯಿಲ್ಲ. ಈ ರಾತ್ರಿಯ ಬೆವರು ಹಾಸಿಗೆಗಳ ಮೇಲೆ ಸಂಗ್ರಹವಾಗುತ್ತದೆ ಮತ್ತು ಅವು ಹಗಲಿನಲ್ಲಿ ಕೆಟ್ಟ ವಾಸನೆ ಬರುತ್ತದೆ. ಈ ಸಮಯದಲ್ಲಿ ಅದನ್ನು ಬಿಸಿಲಿನಲ್ಲಿ ಹಾಕುವುದು ಉತ್ತಮ.

Published by:Sandhya M
First published: