Starchy Food: ದೇಹದ ತೂಕ ಕಡಿಮೆ ಮಾಡಿಕೊಳ್ಳಬೇಕಾ? ಹಾಗಿದ್ರೆ ಈ ಆಹಾರ ತಿನ್ನಲೇಬೇಡಿ

ದೇಹದ ತೂಕ ಕಡಿಮೆ ಮಾಡಿಕೊಳ್ಳುವ ವೇಳೆ ತೂಕ ನಿರ್ವಹಣೆಗಾಗಿ ಯಾವ ರೀತಿಯ ಕಾರ್ಬೋಹೈಡ್ರೇಟ್ ಗಳನ್ನು ನೀವು ದೂರವಿಡಬೇಕು ಅಂತ ತಿಳಿದುಕೊಳ್ಳುವುದು ತುಂಬಾನೇ ಮುಖ್ಯವಾಗುತ್ತದೆ. ಹಲವಾರು ರೀತಿಯ ಕಾರ್ಬೋಹೈಡ್ರೇಟ್ ಗಳಿವೆ, ಅವುಗಳಲ್ಲಿ ಕೆಲವು ಆರೋಗ್ಯಕರವಾಗಿವೆ ಮತ್ತು ಇನ್ನೂ ಕೆಲವು ದೇಹದ ತೂಕ ನಿರ್ವಹಣೆಗೆ ಒಳ್ಳೆಯದಲ್ಲ ಎಂದು ನೀವು ತಿಳಿದಿರಬೇಕು. ಗೊತ್ತಿಲ್ಲ ಅಂದ್ರೆ ಇಲ್ಲಿ ನೋಡ್ಕೊಳ್ಳಿ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ಕೆಲವೊಮ್ಮೆ ನಾವು ಮಾಡುತ್ತಿರುವ ವ್ಯಾಯಾಮ (Exercise) ಮತ್ತು ಅನುಸರಿಸುತ್ತಿರುವ ಡಯಟ್ (Diet) ಎರಡು ಚೆನ್ನಾಗಿಯೇ ಇದ್ದರೂ ಸಹ ದೇಹದ ತೂಕ ಕಡಿಮೆ ಆಗುತ್ತಿರುವುದಿಲ್ಲ. ಹೀಗೆ ಆದಲ್ಲಿ ನೀವು ಈ ಪಿಷ್ಟದ ಆಹಾರಗಳು (Starchy food) ನಿಮ್ಮ ದೇಹಕ್ಕೆ (Body) ಸೇರುತ್ತಿವೆಯೇ ಅಂತ ಒಮ್ಮೆ ನೋಡಿಕೊಳ್ಳಿ. ಏನಿದು ಪಿಷ್ಟದ ಆಹಾರಗಳು ಅಂತ ಪ್ರಶ್ನೆಯೊಂದನ್ನು ನೀವು ನಮಗೆ ಕೇಳಬಹುದು. ಪಿಷ್ಟದ ಆಹಾರಗಳು ಎಂದರೆ, ಇದು ಸಹ ಕಾರ್ಬೋಹೈಡ್ರೇಟ್ ಗಳ (Carbohydrate) ಅತ್ಯಂತ ಸಾಮಾನ್ಯ ವಿಧಗಳಾಗಿವೆ ಮತ್ತು ಉತ್ತಮ ಶಕ್ತಿಯ ಮೂಲಗಳಾಗಿವೆ. ಆದರೆ ಉತ್ತಮ ತೂಕ ನಿರ್ವಹಣೆಗಾಗಿ, ನೀವು ಈ ಆಹಾರಗಳಿಂದ (Food) ದೂರವಿರುವುದು ಅವಶ್ಯಕವಾಗಿದೆ ನೋಡಿ.

ತೂಕ ನಿರ್ವಹಣೆಗಾಗಿ ಯಾವ ರೀತಿಯ ಕಾರ್ಬೋಹೈಡ್ರೇಟ್ ಗಳನ್ನು ನೀವು ದೂರವಿಡಬೇಕು ಅಂತ ತಿಳಿದುಕೊಳ್ಳುವುದು ತುಂಬಾನೇ ಮುಖ್ಯವಾಗುತ್ತದೆ. ಹಲವಾರು ರೀತಿಯ ಕಾರ್ಬೋಹೈಡ್ರೇಟ್ ಗಳಿವೆ, ಅವುಗಳಲ್ಲಿ ಕೆಲವು ಆರೋಗ್ಯಕರವಾಗಿವೆ ಮತ್ತು ಇನ್ನೂ ಕೆಲವು ದೇಹದ ತೂಕ ನಿರ್ವಹಣೆಗೆ ಒಳ್ಳೆಯದಲ್ಲ ಎಂದು ನೀವು ತಿಳಿದಿರಬೇಕು.

ಪಿಷ್ಟಯುಕ್ತ ಆಹಾರ ಯಾವುದು?
ಮೂಲತಃ, ಕಾರ್ಬೋಹೈಡ್ರೆಟ್ ಗಳಲ್ಲಿ ಮೂರು ವಿಧಗಳಿವೆ, ಅವುಗಳು ಸಕ್ಕರೆ, ನಾರಿನಂಶ ಮತ್ತು ಪಿಷ್ಟ. ಪಿಷ್ಟಯುಕ್ತ ಆಹಾರಗಳ ಬಗ್ಗೆ ಮತ್ತು ತೂಕ ಇಳಿಸಿಕೊಳ್ಳಲು ಅವು ಪರಿಣಾಮಕಾರಿಯಾಗಿವೆಯೇ ಅಥವಾ ಇಲ್ಲವೇ ಎಂಬುದರ ಬಗ್ಗೆ ತಿಳಿದುಕೊಳ್ಳೋಣ ಬನ್ನಿ. ಪಿಷ್ಟಭರಿತ ಆಹಾರಗಳ ಬಗ್ಗೆ ಮಾತನಾಡುವಾಗ, ಅವು ನಿಜವಾಗಿಯೂ ಪೌಷ್ಟಿಕ ಆಹಾರಕ್ಕೆ ಮುಖ್ಯ. ಅವು ನಿಮ್ಮ ದೇಹಕ್ಕೆ ಗ್ಲುಕೋಸ್ ಅನ್ನು ಒದಗಿಸುತ್ತವೆ ಮತ್ತು ಇದರಲ್ಲಿ ಜೀವಸತ್ವಗಳು, ಖನಿಜಗಳು ಮತ್ತು ನಾರುಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿವೆ, ಇದು ಅನೇಕ ಜನರಿಗೆ ಶಕ್ತಿಯ ಪ್ರಮುಖ ಮೂಲಗಳಾಗಿವೆ.

ನಮಗೆ ಪಿಷ್ಟದ ಆಹಾರಗಳು ಏಕೆ ಬೇಕು?
ಶಕ್ತಿಯ ಉತ್ತಮ ಮೂಲವಾಗಿರುವುದರ ಜೊತೆಗೆ, ಪಿಷ್ಟದ ಆಹಾರಗಳಲ್ಲಿ ಕ್ಯಾಲ್ಸಿಯಂ, ಕಬ್ಬಿಣ, ನಾರಿನಂಶ ಮತ್ತು ಜೀವಸತ್ವಗಳು ಸಹ ಅಧಿಕವಾಗಿರುತ್ತವೆ. ವಾಸ್ತವವಾಗಿ, ಪಿಷ್ಟದ ಆಹಾರಗಳು ಹೊಟ್ಟೆಯನ್ನು ತುಂಬಿಸಿಡುತ್ತವೆ. ಇದು ಅತಿಯಾಗಿ ತಿನ್ನುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ದೀರ್ಘಕಾಲದವರೆಗೆ ನಿಮ್ಮ ಹೊಟ್ಟೆಯನ್ನು ತುಂಬಿಸಿಡುತ್ತದೆ. ಪರಿಣಾಮವಾಗಿ, ಸುಧಾರಿತ ಇನ್ಸುಲಿನ್ ಸಂವೇದನೆ ಮತ್ತು ಕಡಿಮೆಯಾದ ಕೊಬ್ಬಿನ ಶೇಖರಣೆಯಂತಹ ಕೆಲವು ಆರೋಗ್ಯ ಪ್ರಯೋಜನಗಳನ್ನು ಅವು ಒದಗಿಸುತ್ತವೆ, ಇದರರ್ಥ ಅವು ತೂಕ ನಷ್ಟಕ್ಕೆ ಸಹಾಯ ಮಾಡುತ್ತವೆ.

ಇದನ್ನೂ ಓದಿ:  Tea Bags And Health: ಟೀ ಬ್ಯಾಗ್‌ನ ಚಹಾ ಸೇವನೆ ಎಷ್ಟು ಸೂಕ್ತ? ಈ ಬಗ್ಗೆ ತಜ್ಞರು ಹೇಳುವುದೇನು?

ದ್ವಿದಳ ಧಾನ್ಯಗಳು, ಧಾನ್ಯಗಳು ಮತ್ತು ಬೇರಿನ ತರಕಾರಿಗಳು ಆರೋಗ್ಯಕರ ಪಿಷ್ಟದ ಆಹಾರದ ಕೆಲವು ಉತ್ತಮ ಮೂಲಗಳಾಗಿವೆ ಮತ್ತು ಹೆಚ್ಚಿನ ಪೌಷ್ಟಿಕ ಮೌಲ್ಯವನ್ನು ಹೊಂದಿವೆ. ವಾಸ್ತವವಾಗಿ, ಪಿಷ್ಟದ ಹೊರತಾಗಿ, ದ್ವಿದಳ ಧಾನ್ಯಗಳು ಅಕ್ಕಿ ಮತ್ತು ಗೋಧಿಗಿಂತ 2 ರಿಂದ 3 ಪಟ್ಟು ಹೆಚ್ಚು ಪ್ರೋಟೀನ್ ಅನ್ನು ಒದಗಿಸುತ್ತವೆ, ಮತ್ತೊಂದೆಡೆ ಬೇರು ತರಕಾರಿಗಳು ಕಡಿಮೆ ಕ್ಯಾಲೋರಿ ಮತ್ತು ಧಾನ್ಯಗಳಲ್ಲಿ ವಾಸ್ತವವಾಗಿ ನಾರಿನಂಶ ಹೆಚ್ಚಾಗಿರುತ್ತದೆ. ಆದರೆ ಎಲ್ಲಾ ಪಿಷ್ಟಭರಿತ ಆಹಾರವು ನಮ್ಮ ದೇಹಕ್ಕೆ ಒಳ್ಳೆಯದಲ್ಲ.

ಈ ಪಿಷ್ಟಭರಿತ ಆಹಾರಗಳಿಂದ ನೀವು ದೂರವಿರಿ:
1. ಬಿಳಿ ಬ್ರೆಡ್
ಚೀಸ್ ತುಂಬಿದ ಸ್ಯಾಂಡ್ವಿಚ್ ಎಂದರೆ ನಿಮಗೆ ಸಿಕ್ಕಾಪಟ್ಟೆ ಇಷ್ಟಾನಾ? ಆದರೆ ಬಿಳಿ ಬ್ರೆಡ್ ವಾಸ್ತವವಾಗಿ ಯಾವುದೇ ಪೌಷ್ಠಿಕಾಂಶದ ಮೌಲ್ಯವನ್ನು ಹೊಂದಿಲ್ಲ ಮತ್ತು ಇದರಲ್ಲಿ ಪಿಷ್ಟವು ಅಧಿಕವಾಗಿರುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಇದು ಜೀರ್ಣವಾದಾಗ, ಅದು ನಿಜವಾಗಿಯೂ ನಿಮ್ಮ ಗ್ಲೂಕೋಸ್ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ನಿಮಗೆ ಬೇಗನೆ ಹಸಿವಾಗುತ್ತದೆ. ಹೌದು, ಇದು ಅತಿಯಾಗಿ ತಿನ್ನಲು ಕಾರಣವಾಗಬಹುದು ಮತ್ತು ಇದು ನಿಮ್ಮ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ.

ಬಿಳಿ ಬ್ರೆಡ್ ನ ಪರ್ಯಾಯ ಏನು?
ಆ ಲೋಡ್ ಮಾಡಿದ ಸ್ಯಾಂಡ್ವಿಚ್ ಅನ್ನು ನೀವು ತಿನ್ನದೇ ಇರಲು ಸಾಧ್ಯವೇ ಇಲ್ಲ ಅಂತಾದರೆ ನೀವು ಬಿಳಿ ಬದಲು ಗೋಧಿ ಬ್ರೆಡ್ ಅಥವಾ ಬಹುಧಾನ್ಯದ ಬ್ರೆಡ್ ಅನ್ನು ಏಕೆ ಪ್ರಯತ್ನಿಸಬಾರದು? ಇವುಗಳಲ್ಲಿ ಖನಿಜಗಳು, ಜೀವಸತ್ವಗಳು ಮತ್ತು ನಾರುಗಳು ಅಧಿಕವಾಗಿರುತ್ತವೆ ಮತ್ತು ಬಿಳಿ ಬ್ರೆಡ್ ಗೆ ಹೋಲಿಸಿದರೆ ಯಾವುದೇ ಸಕ್ಕರೆ ಅಂಶವು ಇದರಲ್ಲಿರುವುದಿಲ್ಲ.

2. ಬಿಳಿ ಅನ್ನ
ನಾವು ಏಷ್ಯನ್ನರು ಅನ್ನವಿಲ್ಲದೆ ಊಟ ಮಾಡಲು ಸಾಧ್ಯವಿಲ್ಲ! ಆದರೆ ಬಿಳಿ ಅನ್ನದಲ್ಲಿ ಪ್ರೋಟೀನ್ ಮತ್ತು ನಾರುಗಳ ಕೊರತೆಯಿಂದಾಗಿ ಕೇವಲ ಖಾಲಿ ಕಾರ್ಬೋಹೈಡ್ರೇಟ್ ಒಂದನ್ನೇ ನೀವು ಪಡೆಯುತ್ತೀರಿ. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ವೇಗವಾಗಿ ಹೆಚ್ಚಾಗುವಂತೆ ಮಾಡುತ್ತದೆ, ಇದು ಸಾಕಷ್ಟು ಸಮಸ್ಯಾತ್ಮಕ ಸಹ ಆಗಿರುತ್ತದೆ.

ಇದನ್ನೂ ಓದಿ:  Weight Loss: ವೇಗವಾಗಿ ತೂಕ ಇಳಿಸುವ ಭರದಲ್ಲಿ ಈ ತಪ್ಪು ಮಾಡಬೇಡಿ; ಸತ್ಯ, ಮಿಥ್ಯದ ಅರಿವಿರಲಿ!

ಬಿಳಿ ಅನ್ನದ ಪರ್ಯಾಯ ಏನು?
ನಿಮ್ಮ ಬಿಳಿ ಅನ್ನದ ಬದಲು ಕಂದು ಬಣ್ಣದ ಅನ್ನ ಅಥವಾ ಕ್ವಿನೋವಾದಂತಹ ಏನನ್ನಾದರೂ ಬದಲಾಯಿಸಲು ಏಕೆ ಪ್ರಯತ್ನಿಸಬಾರದು, ಇದು ಸಂಪೂರ್ಣ ಧಾನ್ಯವಾಗಿರುತ್ತದೆ ಮತ್ತು ನಿಮ್ಮ ದೇಹಕ್ಕೆ ಅಗತ್ಯವಿರುವ ಎಲ್ಲಾ ಪೌಷ್ಠಿಕಾಂಶದ ಮೌಲ್ಯವನ್ನು ಒದಗಿಸುತ್ತದೆ. ಇದರೊಂದಿಗೆ, ನಿಮಗೆ ಬೇಗನೆ ಹಸಿವಾಗುವುದಿಲ್ಲ ಮತ್ತು ನೀವು ಅತಿಯಾಗಿ ತಿನ್ನಲು ಹೋಗುವುದಿಲ್ಲ. ಇದರಿಂದಾಗಿ ನೀವು ಸುಲಭವಾಗಿ ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳಬಹುದು.
Published by:Ashwini Prabhu
First published: