Acid Reflux: ಹೊಟ್ಟೆಯ ಆಮ್ಲೀಯತೆ ಸಮಸ್ಯೆ ನಿವಾರಣೆಗೆ ಆಯುರ್ವೇದ ಪರಿಹಾರ ಸಲಹೆ ಹೀಗಿದೆ!

ಇತ್ತೀಚಿನ ದಿನಗಳಲ್ಲಿ ಗ್ಯಾಸ್ಟ್ರಿಕ್ (Gastric) ಮತ್ತು ಆ್ಯಸಿಡಿಟಿ ಆರೋಗ್ಯ ಸಮಸ್ಯೆಯು (Acidity Health Problem) ಬಹುತೇಕ ಜನರನ್ನು ಕಾಡುತ್ತಿದೆ. ಇದು ಹೆಚ್ಚಿದರೆ ಗಂಭೀರ ಕಾಯಿಲೆಗಳಿಗೆ (Serious Disease) ಕಾರಣವಾಗುತ್ತದೆ. ಇದರಲ್ಲಿ ಆ್ಯಸಿಡ್ ರಿಫ್ಲಕ್ಸ್ (Acid Reflux) ಎಂದು ಕರೆಯಲ್ಪಡುವ ಗ್ಯಾಸ್ಟ್ರೋಸೊಫೇಜಿಲ್ ರಿಫ್ಲಕ್ಸ್ ಕಾಯಿಲೆಯು ಗಂಭೀರ ಜೀರ್ಣಕಾರಿ ಅಸ್ವಸ್ಥತೆ ಆಗಿದೆ. ಹೊಟ್ಟೆಯ ಆಮ್ಲವು ನಿರಂತರವಾಗಿ ಅನ್ನನಾಳಕ್ಕೆ ಹಿಂತಿರುಗಿದರೆ ಈ ಕಾಯಿಲೆ ಉಂಟಾಗುತ್ತದೆ. ಅನ್ನನಾಳವು ನಿಮ್ಮ ಬಾಯಿಯನ್ನು ನಿಮ್ಮ ಹೊಟ್ಟೆಗೆ ಸಂಪರ್ಕಿಸುವ ಕೊಳವೆ. ಸಾಮಾನ್ಯ ಭಾಷೆಯಲ್ಲಿ ಇದನ್ನು ಹೊಟ್ಟೆಯಲ್ಲಿ ಆಮ್ಲ ಉಂಟಾಗುವಿಕೆ ಎಂದು ಹೇಳುತ್ತಾರೆ. ಇದು ಎಲ್ಲರಲ್ಲೂ ಕಂಡು ಬರುವ ಸಾಮಾನ್ಯ ಸಮಸ್ಯೆ. ಇದು ಒಮ್ಮೆ ಬಂದು ಹೋಗಲ್ಲ.

ಆ್ಯಸಿಡ್ ರಿಫ್ಲಕ್ಸ್ ಸಮಸ್ಯೆ

ಆ್ಯಸಿಡ್ ರಿಫ್ಲಕ್ಸ್ ಸಮಸ್ಯೆಯು ಪದೇ ಪದೇ ಉಂಟಾಗುತ್ತಲೇ ಇರುತ್ತದೆ. ಹೊಟ್ಟೆಯ ಆಮ್ಲವು ಅನ್ನನಾಳಕ್ಕೆ ಹಿಂತಿರುಗಿದರೆ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಅಜೀರ್ಣ, ಎದೆಯುರಿ, ವಾಕರಿಕೆ, ವಾಂತಿ ಮತ್ತು ಬಾಯಿಯ ದುರ್ವಾಸನೆ ಲಕ್ಷಣಗಳು ಉಂಟಾಗುತ್ತವೆ.

ಆಹಾರ ಜೀರ್ಣವಾಗಲು ಆಮ್ಲದ ಅಗತ್ಯತೆಯಿದೆ. ಆದರೆ ಅದರ ಪ್ರಮಾಣ ಹೆಚ್ಚಾದರೆ ಅದು ಆಹಾರದ ಜೊತೆ ಕರುಳಿಗೆ ಹೋಗುವ ಬದಲು ಮೇಲ್ಭಾಗದ ಕಡೆಗೆ ಚಲಿಸುತ್ತದೆ. ಆಗ ಆ್ಯಸಿಡ್ ರಿಫ್ಲಕ್ಸ್ ಸಮಸ್ಯೆ ಉಂಟಾಗುತ್ತದೆ.

ಏನಿದು ಆ್ಯಸಿಡ್ ರಿಫ್ಲಕ್ಸ್ ಗೆ ಚಿಕಿತ್ಸೆ ಏನಿದೆ?  

ಆ್ಯಸಿಡ್ ರಿಫ್ಲಕ್ಸ್  ಸಮಸ್ಯೆ ನಿವಾರಣೆಗೆ ಕೂಡಲೇ ಚಿಕಿತ್ಸೆ ತೆಗೆದುಕೊಳ್ಳಬೇಕು. ಇಲ್ಲದಿದ್ದರೆ ಇದು ಜೀರ್ಣಕ್ರಿಯೆಗೆ ಸಂಬಂಧಿಸಿದ ಅನೇಕ ಅಸ್ವಸ್ಥತೆ ಉಂಟು ಮಾಡುತ್ತದೆ. ಇದರ ಲಕ್ಷಣಗಳು ಮತ್ತು ಅದನ್ನು ಹೇಗೆ ನಿವಾರಿಸುವುದು ಎಂದು ನೋಡೋಣ.

ಆಯುರ್ವೇದ ಡಾ.ದೀಕ್ಷಾ ಅವರು ಆ್ಯಸಿಡ್ ರಿಫ್ಲಕ್ಸ್ ಗೆ ಕೆಲವು ಪರಿಹಾರ ತಿಳಿಸಿದ್ದಾರೆ. ಮೊದಲು ಲಕ್ಷಣಗಳ ಬಗ್ಗೆ ತಿಳಿಯೋಣ.

ಉರಿ ಅಥವಾ ಹೊಟ್ಟೆಯ ಕಿರಿಕಿರಿ

ಎದೆಯುರಿ ಆಸಿಡ್ ರಿಫ್ಲಕ್ಸ್‌ನ ಸಾಮಾನ್ಯ ಲಕ್ಷಣ. ಎದೆಮೂಳೆಯ ಹಿಂದೆ ಸುಡುವ ಸಂವೇದನೆ ಇರುತ್ತದೆ. ಈ ಸುಡುವ ಸಂವೇದನೆಯು ಕೆಳ ಬೆನ್ನಿನಿಂದ ಗಂಟಲಿಗೆ ಹೋಗಬಹುದು. ಹೊಟ್ಟೆಯ ಆಮ್ಲವು ಅನ್ನನಾಳದ ಒಳಪದರಕ್ಕೆ ಹಿಂತಿರುಗಿದಾಗ ಇದು ಸಂಭವಿಸುತ್ತದೆ. ಇದು ಹಲವು ಗಂಟೆಗಳವರೆಗೆ ಇರುತ್ತದೆ.

ಹುಳಿ ಬೆಲ್ಚಿಂಗ್ ಸಮಸ್ಯೆ

ಆ್ಯಸಿಡ್ ರಿಫ್ಲಕ್ಸ್ ಸಮಸ್ಯೆ ಇದ್ದವರು ಹೊಟ್ಟೆಯ ಆಮ್ಲದ ಜೊತೆ ಅಜೀರ್ಣ ಸಮಸ್ಯೆ ಹೊಂದಿರುತ್ತಾರೆ. ಹುಳಿ ಬೆಲ್ಚ್ ಆಗಬಹುದು ಮತ್ತು ಬಾಯಿಯಲ್ಲಿ ಹುಳಿ ನೀರು ಬರುತ್ತದೆ. ಅತಿಯಾಗಿ ತಿನ್ನುವುದು, ಊಟವಾದ ತಕ್ಷಣ ವ್ಯಾಯಾಮ ಮಾಡುವುದು ಅಥವಾ ತಿಂದ ನಂತರ ಬಾಗುವುದು ಇದಕ್ಕೆ ಕಾರಣವಾಗಿದೆ.

ಆಹಾರ ನುಂಗಲು ತೊಂದರೆ

ಡಿಸ್ಫೇಜಿಯಾ ಎಂದರೆ ನುಂಗಲು ತೊಂದರೆ ಆಗುವುದು. ಆಹಾರವು ಗಂಟಲು ಅಥವಾ ಎದೆಯಲ್ಲಿ ಸಿಲುಕಿದಂತೆ ಭಾಸವಾಗುತ್ತದೆ. ಇದು ಆಸಿಡ್ ರಿಫ್ಲಕ್ಸ್ ಕಾರಣದಿಂದಾಗಿರಬಹುದು.

ಸಾಂದರ್ಭಿಕ ಚಿತ್ರ

ನೋಯುತ್ತಿರುವ ಗಂಟಲು

ಆಸಿಡ್ ರಿಫ್ಲಕ್ಸ್ ಅನ್ನನಾಳಕ್ಕೆ ಹೊಟ್ಟೆಯ ಆಮ್ಲವು ಹಿಮ್ಮೆಟ್ಟುವಿಕೆಯಿಂದ ಉಂಟಾಗುತ್ತದೆ. ಇದು ನೋಯುತ್ತಿರುವ ಗಂಟಲು, ಒಣ ಕೆಮ್ಮು ಮತ್ತು ಉಬ್ಬಸಕ್ಕೆ ಕಾರಣವಾಗುತ್ತದೆ.

ದೀರ್ಘಕಾಲದ ಕೆಮ್ಮು

ಆಸಿಡ್ ರಿಫ್ಲಕ್ಸ್ ದೀರ್ಘಕಾಲದ ಕೆಮ್ಮಿನಿಂದ ಉಂಟಾಗಬಹುದು. ಕೆಮ್ಮು ವಾಸ್ತವವಾಗಿ ಅನ್ನನಾಳದಲ್ಲಿ ಹೊಟ್ಟೆಯ ಆಮ್ಲದ ಏರಿಕೆಯ ಕ್ರಿಯೆ. ವೈದ್ಯರನ್ನು ಭೇಟಿ ಮಾಡಬೇಕು. ಮನೆಮದ್ದು ಪ್ರಯತ್ನಿಸಿ.

ಹೊಟ್ಟೆಯ ಆಮ್ಲೀಯತೆ ಸಮಸ್ಯೆ ನಿವಾರಣೆಗೆ ಆಯುರ್ವೇದ ಚಿಕಿತ್ಸೆ

ಆಯುರ್ವೇದ ವೈದ್ಯೆ ದೀಕ್ಷಾ ಭಾವಸರ್ ಅವರು ಆ್ಯಸಿಡ್ ರಿಫ್ಲಕ್ಸ್ ಸಮಸ್ಯೆ ನಿವಾರಣೆಗೆ ಕೆಲವು ಮನೆಮದ್ದು ತಿಳಿಸಿದ್ದಾರೆ. 1 ಲೋಟ ನೀರು ತೆಗೆದುಕೊಂಡು, 1 ಚಮಚ ಕೊತ್ತಂಬರಿ ಬೀಜಗಳು, 5 ಪುದೀನ ಎಲೆಗಳು ಮತ್ತು 15 ಕರಿಬೇವಿನ ಎಲೆಗಳನ್ನು ಸೇರಿಸಿ ಮತ್ತು 5 ನಿಮಿಷ ಕುದಿಸಿ. ಫಿಲ್ಟರ್ ಮಾಡಿ ಬೆಳಿಗ್ಗೆ ಕುಡಿಯಿರಿ.

ಇದನ್ನೂ ಓದಿ: ಸೌಂದರ್ಯಕ್ಕೊಂದೇ ಅಲ್ಲ, ಆರೋಗ್ಯಕ್ಕೂ ಒಳ್ಳೆಯದು ರೋಸ್ ವಾಟರ್  

ಆಹಾರ ಸೇವನೆಯ ನಂತರ ಯಾವಾಗಲೂ ಸೋಂಪು ಸೇವಿಸಿ. ಮೂರನೇ ಪರಿಹಾರದಲ್ಲಿ 1 ಕಪ್ ನೀರನ್ನು ತೆಗೆದುಕೊಂಡು ಅದನ್ನು 3 ನಿಮಿಷಗಳ ಕುದಿಸಿ. ನಂತರ ಅದಕ್ಕೆ ಸ್ವಲ್ಪ ಒಣ ಗುಲಾಬಿ ದಳ ಹಾಕಿ 5 ನಿಮಿಷ ಬೇಯಿಸಿ. ಫಿಲ್ಟರ್ ಮಾಡಿ ಮತ್ತು ರಾತ್ರಿ ಮಲಗುವ ಮೊದಲು ಸೇವಿಸಿ.