Dry Fish Benefits: ಛೀ ಅಂತ ಮೂಗು ಮುಚ್ಚಿಕೊಳ್ಳಬೇಡಿ; ಒಣ ಮೀನು ತಿನ್ನೋದ್ರಿಂದ ದೂರವಾಗುತ್ತೆ ನಾನಾ ರೋಗಗಳು!

ಒಣ ಮೀನಿನ (Dry Fish) ವಾಸನೆ ಕಂಡ್ರೆ ಮೂಗು ಮುಚ್ಚಿಕೊಳ್ಳುತ್ತೀರಾ? ನಿಮ್ಗೆ ಗೊತ್ತಾ ಇದರಲ್ಲಿದೆ ನಾನಾ ರೋಗ ಒಣ ಮೀನಿನ ಹೆಸರು ಕೇಳಿದರೆ ಸಾಕು ಅನೇಕ ಮಂದಿಯ ಬಾಯಲ್ಲಿ ನೀರೂರುತ್ತದೆ. ಅನೇಕ ಜನರು ಒಣಗಿದ ಮೀನುಗಳನ್ನು ತಿನ್ನಲು ಇಷ್ಟಪಡುತ್ತಾರೆ. ಕೆಲವರಿಗೆ ಒಣಮೀನಿನ ಕರಿ (Dry Fish Curry) ಮತ್ತು ವಿವಿಧ ರೀತಿಯ ರೆಸಿಪಿ ತುಂಬಾ  ಇಷ್ಟವಾಗುತ್ತದೆ. ಒಣಗಿದ ಮೀನು ವಿಶಿಷ್ಟವಾದ ವಾಸನೆ ಮತ್ತು ರುಚಿಯನ್ನು ಹೊಂದಿರುತ್ತದೆ. ಆದರೆ ಕೆಲ ಮಂದಿಗೆ  ಒಣಗಿದ ಮೀನಿನ ವಾಸನೆ ಇಷ್ಟವಾಗುವುದಿಲ್ಲ. ಈ ಮೀನನ್ನು ಬಿಸಿಲಿನಲ್ಲಿ (Sunny) ಒಣಗಿಸಲಾಗುತ್ತದೆ. ನಂತರ ಮೀನು ಒಣಗಿದ ಮೇಲೆ ಸಂಗ್ರಹಿಸಡಲಾಗುತ್ತಿದೆ. ಈ ರೀತಿ ಮಾಡುವುದರಿಂದ ಮೀನು ಹಾಳಾಗುವುದಿಲ್ಲ. ಈ ಮೀನನ್ನು ಡ್ರೈ ಫಿಶ್​ ಎಂದು ಕೂಡ ಕರೆಯಲಾಗುತ್ತದೆ.

ಒಣಮೀನು

ಮೀನನ್ನು ಒಣಗಿಸುವುದರಿಂದ ಸೂಕ್ಷ್ಮಜೀವಿಗಳು ಹತ್ತಿರವು ಸುಳಿವುದಿಲ್ಲ. ಅಲ್ಲದೇ ಈ ರೀತಿಯ ವಿಧಾನದಿಂದ ಮೀನನ್ನು ದೀರ್ಘಕಾಲ ಸಂರಕ್ಷಿಸಬಹುದು. ಜೊತೆಗೆ ಈ ಡ್ರೈ ಫಿಶ್​ನಲ್ಲಿ ಸಾಕಷ್ಟು ಪೌಷ್ಟಿಕಾಂಶದ (Nutrition) ಮೌಲ್ಯವೂ ಇದೆ. ಆದರೆ ಒಣ ಮೀನನ್ನು ತಿನ್ನುವ ಅದೆಷ್ಟೂ ಮಂದಿಗೆ ಅದರಲ್ಲಿ ಅಡಗಿರುವ ಪೌಷ್ಟಿಕಾಂಶದ ಬಗ್ಗೆ ತಿಳಿದಿರುವುದಿಲ್ಲ. ಆದರೆ ಇಂದು ನಾವು ಈ ಬಗ್ಗೆ ಮಾಹಿತಿ ನೀಡುತ್ತೇವೆ.

ಒಣಮೀನು

• ಪ್ರೋಟೀನ್: ಒಣಗಿದ ಮೀನು ಉತ್ತಮ ಗುಣಮಟ್ಟದ ಪ್ರೋಟೀನ್‌ನ ಮೂಲವಾಗಿದೆ. ಇದು ಸುಮಾರು 80 ರಿಂದ 85 ಪ್ರತಿಶತ ಪ್ರೋಟೀನ್ ಅನ್ನು ಹೊಂದಿರುತ್ತದೆ. ಒಣಗಿದ ಮೀನಿನ ಪ್ರೋಟೀನ್‌ನಲ್ಲಿರುವ ಅಮೈನೋ ಆಮ್ಲಗಳು ಮೊಟ್ಟೆಗಳಲ್ಲಿನ ಅಮೈನೋ ಆಮ್ಲಗಳಿಗೆ ಬಹುತೇಕ ಹೋಲಿಕೆಯಾಗುತ್ತವೆ.


• ಆಂಟಿ-ಆಕ್ಸಿಡೆಂಟ್‌ಗಳು: ಒಣಗಿದ ಮೀನಿನಲ್ಲಿ ಆಂಟಿಆಕ್ಸಿಡೆಂಟ್‌ಗಳಿವೆ, ಇದು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ತುಂಬಾ ಪ್ರಯೋಜನಕಾರಿಯಾಗಿದೆ.


• ಸೋಡಿಯಂ: ಇದು ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇದಲ್ಲದೇ, ಈ ಘಟಕಾಂಶವು ನರಗಳು ಮತ್ತು ಸ್ನಾಯುಗಳ ಸರಿಯಾದ ಕಾರ್ಯನಿರ್ವಹಣೆಗೆ ಸಹಾಯ ಮಾಡುತ್ತದೆ.

ಒಣಮೀನು

• ಪೊಟ್ಯಾಸಿಯಮ್: ಇದು ದೇಹಕ್ಕೆ ಅಗತ್ಯವಾದ ಅಂಶವಾಗಿದೆ. ಪೊಟ್ಯಾಸಿಯಮ್ ದೇಹದಲ್ಲಿ ನೀರಿನ ಸಮತೋಲನವನ್ನು ಕಾಪಾಡುತ್ತದೆ. ನಮ್ಮ ನರಮಂಡಲ, ಸ್ನಾಯುಗಳು ಮತ್ತು ಹೃದಯದ ಸರಿಯಾದ ಕಾರ್ಯನಿರ್ವಹಣೆಗೆ ಇದು ಅವಶ್ಯಕವಾಗಿದೆ.


• ರಂಜಕ: ಈ ಪೋಷಕಾಂಶವು ನಮ್ಮ ಮೂಳೆಗಳು, ಹಲ್ಲುಗಳು ಮತ್ತು DNA ಮತ್ತು RNA ರಚನೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

ಒಣಮೀನು

• ವಿಟಮಿನ್ ಬಿ 12: ಇದು ನರಮಂಡಲದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಮತ್ತು ಮೆದುಳಿನ ಸರಿಯಾದ ಕಾರ್ಯನಿರ್ವಹಣೆಗೆ ಸಹಾಯ ಮಾಡುತ್ತದೆ. ಇದು ಕೆಂಪು ರಕ್ತ ಕಣಗಳ ರಚನೆಯಲ್ಲಿಯೂ ಪಾತ್ರ ವಹಿಸುತ್ತದೆ.


• ಸೆಲೆನಿಯಮ್: ಸೆಲೆನಿಯಮ್ ದೇಹದಲ್ಲಿ ಬಹಳ ಕಡಿಮೆ ಪ್ರಮಾಣದಲ್ಲಿ ಅಗತ್ಯವಿದೆ. ಆದರೆ, ಇದು ದೇಹದಲ್ಲಿ ಪ್ರೋಟೀನ್​ಗಳು ಮತ್ತು ಆಂಟಿ-ಆಕ್ಸಿಡೆಂಟ್ ಕಿಣ್ವಗಳ ಉತ್ಪಾದನೆಯಲ್ಲಿ ಭಾಗವಹಿಸುತ್ತದೆ. ಈ ಅಂಶವು ದೇಹದ ಜೀವಕೋಶಗಳ ನಾಶವನ್ನು ಸಹ ತಡೆಯುತ್ತದೆ.


• ನಿಯಾಸಿನ್: ನಿಯಾಸಿನ್ ದೇಹವು ಆಹಾರದಿಂದ ಶಕ್ತಿಯನ್ನು ಉತ್ಪಾದಿಸಲು ಸಹಾಯ ಮಾಡುತ್ತದೆ. ಅಲ್ಲದೇ, ಈ ವಸ್ತುವು ಮಾನವ ದೇಹದಲ್ಲಿ ನರಮಂಡಲ, ಜೀರ್ಣಾಂಗ ವ್ಯವಸ್ಥೆ ಮತ್ತು ಚರ್ಮವನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: Food Tips: ಈ ವಸ್ತುಗಳಿಂದ ಕೈಗಳನ್ನು ತೊಳೆದ್ರೆ ಮೀನಿನ ವಾಸನೆ ಮಾಯವಾಗುತ್ತೆ!

ಮೇಲಿನ ಎಲ್ಲಾ ಪದಾರ್ಥಗಳ ಹೊರತಾಗಿ, ಒಣಗಿದ ಮೀನಿನಲ್ಲಿ ಕೊಲೆಸ್ಟ್ರಾಲ್ ಮತ್ತು ಸ್ಯಾಚುರೇಟೆಡ್ ಕೊಬ್ಬಿನಾಮ್ಲಗಳು ಕಡಿಮೆ. ಆದ್ದರಿಂದ ಇದು ಹೃದ್ರೋಗ ಮತ್ತು ಅಧಿಕ ರಕ್ತದೊತ್ತಡದ ಅಪಾಯವನ್ನು ಕಡಿಮೆ ಮಾಡಲು ಹೆಚ್ಚು ಸಹಾಯ ಮಾಡುತ್ತದೆ. ತೂಕವನ್ನು ನಿಯಂತ್ರಿಸಲು ಡಯಟ್ ಮಾಡುವವರು, ಪ್ರೋಟೀನ್‌ನ ಉತ್ತಮ ಮೂಲವಾಗಿ ಅವರು ತಮ್ಮ ಆಹಾರದಲ್ಲಿ ಒಣಗಿದ ಮೀನುಗಳನ್ನು ಸೇವಿಸಬಹುದು. ಏಕೆಂದರೆ ಇದು ಕ್ಯಾಲೋರಿಗಳಲ್ಲಿ ತುಂಬಾ ಕಡಿಮೆಯಾಗಿದೆ. 100 ಗ್ರಾಂ ಒಣಗಿದ ಮೀನು ಸುಮಾರು 80 ಪ್ರತಿಶತ ಪ್ರೋಟೀನ್ ಮತ್ತು ಸುಮಾರು 300 ಕ್ಯಾಲೋರಿಗಳನ್ನು ಹೊಂದಿರುತ್ತದೆ.