Special Talent: ಕಲಬುರಗಿಯ ಈ ಪೋರನಿಗೆ ಇಂಗ್ಲೀಷ್​ ಸುಲಿದ ಬಾಳೆಹಣ್ಣಿನಷ್ಟೇ ಸಲೀಸು!

ಪಟ ಪಟ ಅಂತಾ ಅರಳು ಹುರಿದಂತೆ ಈತನ ಮಾತು. ಇಂಗ್ಲೀಷ್ ನಲ್ಲಿ ಯಾವುದೇ ವರ್ಡ್ ಕೇಳಿದ್ರೂ ಅದ್ಕಿಂತ್ಲೂ ಸ್ಪೀಡಾಗಿ ಹೇಳ್ತಾನೆ ಸ್ಪೆಲ್ಲಿಂಗ್. ಅಬ್ಬಬ್ಬ! ಅದೇನ್ ಟ್ಯಾಲೆಂಟ್ ಗುರು (Children Talent) ಅಂತಾ ನಿಬ್ಬೆರಗಾಗ್ ಬಿಡ್ತೀರ. ಈ ಪೋರನ ಸ್ಪೀಡ್ ನೋಡಿದ್ರೆ ಸುಸ್ತಾಗ್ ಬಿಡ್ತೀರ. ಹೀಗೆ ಐದು ನಿಮಿಷದಲ್ಲಿ ಈತ ಹೇಳೋ ಆ ಪದಗಳ ಸಂಖ್ಯೆ ಎಷ್ಟು ಗೊತ್ತಾ? ನೀವೇ ನೋಡ್ಬಿಡಿ. ಅಂದಹಾಗೆ ಈ ಪೋರನ ಹೆಸರು ಧೃವಂತ್ ರಾಜೀವ್ ಆಲೂರ್ ಅಂತ. ಕಲಬುರಗಿ ನಗರದ (Kalaburagi News) ಬ್ಯಾಂಕ್ ಕಾಲೋನಿಯ ರಾಜೀವ್ ಹಾಗೂ ಕವಿತಾ ದಂಪತಿಗಳ ಎರಡನೆ ಪುತ್ರ. ಸದ್ಯ ಧೃವಂತ್ ಒಂದನೆ ಕ್ಲಾಸ್ ಹುಡುಗ. ಆದ್ರೆ ಈತನ ಟ್ಯಾಲೆಂಟ್ ಮಾತ್ರ ಕಡಿಮೆಯದ್ದಲ್ಲ.

ಈತ ಇಂಗ್ಲಿಷ್​ನಲ್ಲಿ ಅರಳು ಹುರಿದಷ್ಟೇ ಈಸಿಯಾಗಿ ಇಂಗ್ಲಿಷ್ ಪದಗಳನ್ನು ಹೇಳ್ತಾನೆ. ಐದು ವರ್ಷದ ಧೃವಂತ್ ತಂದೆ ತಾಯಿಯಿಂದ ಬಳುವಳಿಯಾಗಿ ಪಡೆದ ವಿದ್ಯೆಯಿಂದ ಇದೀಗ ಇಂಡಿಯಾ ಬುಕ್ ಆಫ್ ರೆಕಾರ್ಡ್ ದಾಖಲೆಗೆ ಪಾತ್ರರಾಗಿದ್ದಾನೆ.

ಇದನ್ನೂ ಓದಿ: Good News: ಪ್ರಯಾಣಿಕರೇ ಗಮನಿಸಿ, ಕಲಬುರಗಿಯಿಂದ ದಾದರ್​ಗೆ ವಿಶೇಷ ರೈಲು

ಐದು ನಿಮಿಷಗಳಲ್ಲಿ 310 ಇಂಗ್ಲಿಷ್ ಪದ
ದೃವಂತ್ ತಂದೆ ಶಿಕ್ಷಕರಾಗಿದ್ದು ಮಗನಲ್ಲಿರುವ ಆಸಕ್ತಿ ಗಮನಿಸಿ ಇಂಗ್ಲಿಷ್ ಪದಗಳನ್ನ ಉಚ್ಛರಿಸಲು ಕಲಿಸಲಾರಂಭಿಸಿದ್ದರು. ಹೀಗೆ ಮಗನ ಕಲಿಕೆಯ ಸ್ಪೀಡ್ ಕಂಡು ಇದನ್ನ ಯಾಕೆ ಇಂಡಿಯಾ ಬುಕ್ ಆಫ್ ರೆಕಾರ್ಡ್​ಗೆ ಕಳಿಸಲು ಮುಂದಾದ್ರು. ಈ ಮೂಲಕ ದೃವಂತ್ ಕೇವಲ ಐದು ನಿಮಿಷಗಳಲ್ಲಿ 310 ಇಂಗ್ಲಿಷ್ ಪದಗಳನ್ನು ಚಾಚೂ ತಪ್ಪದೇ ಉಚ್ಛರಿಸಿ ಈ ಹಿಂದೆ ಅಂಡಮಾನ್ ನಿಕೋಬಾರ್ನ ಐದು ವರ್ಷದ ಶಿವಯೋಗಿತಾ ಎಂಬ ಬಾಲಕಿ ಹೆಸರಲ್ಲಿದ್ದ ದಾಖಲೆಯನ್ನು ಉಡೀಸ್ ಮಾಡ್ತಾನೆ. ಇಂಡಿಯಾ ಬುಕ್ ಅಫ್ ರೆಕಾರ್ಡ್ ನ ಪದಕವನ್ನು ಮುಡಿಗೇರಿಸಿಕೊಳ್ತಾನೆ.

ಇದನ್ನೂ ಓದಿ: Kalaburagi: 111 ದಿನ ಉಪವಾಸ, ಮೌನವ್ರತ ಮಾಡಿದ ಕಲಬುರಗಿಯ ಸ್ವಾಮೀಜಿ!

ಅರಳು ಹುರಿದಷ್ಟೇ ಸುಲಭ!
ಹೀಗೆ ಐದರ ಹರೆಯದ ದೃವಂತ್ ಇಂಗ್ಲೀಷ್ ಪದಗಳ ಅಕ್ಷರಗಳನ್ನು ಅರಳು ಹುರಿದಷ್ಟು ಸ್ಪೀಡಲ್ಲಿ ಹೇಳುವ ಮೂಲಕ ಜನರನ್ನು ನಿಬ್ಬೆರಗಾಗುವಂತೆ ಮಾಡ್ತಿದ್ದಾನೆ. ಕರುನಾಡ ಈ ಬಾಲ ಪ್ರತಿಭೆಗೆ ನಮ್ ಕಡೆಯಿಂದಲೂ ಹ್ಯಾಟ್ಸಾಪ್ ಹೇಳೋಣ ಅಲ್ವಾ!

ವರದಿ: ಶ್ರೀಕಾಂತ್ ಬಿರಾಳ, ನ್ಯೂಸ್18 ಕನ್ನಡ ಕಲಬುರಗಿ