ತರಕಾರಿ ಕೀಳುವ ಕೆಲಸಕ್ಕೆ ಈ ಸಂಸ್ಥೆ ಕೊಡುತ್ತಿದೆ ವಾರ್ಷಿಕ ರೂ. 63 ಲಕ್ಷ ಸಂಬಳ: ಅದೇನು ಚಿನ್ನದ ತರಕಾರಿಯೇ? ಇಲ್ಲಿದೆ ಉತ್ತರ

Rs 63 lakh salary for harvesting vegetables: ಈ ಕಂಪೆನಿಗೆ ನೀವು ನೌಕರರಾಗಿ ಆಯ್ಕೆಯಾದರೆ ನಿಮಗೆ ವಾರ್ಷಿಕ 63 ಲಕ್ಷ ರೂಪಾಯಿಗಳನ್ನು ಸಂಬಳವನ್ನಾಗಿ ನೀಡಲಾಗುತ್ತದೆ. ಹಾಗಾದರೆ ಕೆಲಸ ಏನು ಎನ್ನುತ್ತೀರಾ? ಅಂತದ್ದೇನು ರಾಕೆಟ್​ ಸೈನ್ಸ್​ ಅಲ್ಲ, ಏನೋ ಕಂಡು ಹಿಡಿಯಬೇಕಿಲ್ಲ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಕೊರೋನಾ ಬಂದ ನಂತರ ಎಷ್ಟೋ ಮಂದಿ ಭಾರತದಂತ ಮುಂದುವರೆಯುತ್ತಿರುವ ದೇಶಗಳಲ್ಲಿ ಕೆಲಸ ಕಳೆದುಕೊಂಡಿದ್ದಾರೆ. ಮತ್ತೆ ಕೆಲವರು ಕೆಲಸ ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ. ಆದರೆ ಇಲ್ಲೊಂದು ಸಂಸ್ಥೆ ವಿಚಿತ್ರ ಆಫರ್​ ಒಂದನ್ನು ನೀಡಿದೆ. ಈ ಕಂಪೆನಿಗೆ ನೀವು ನೌಕರರಾಗಿ ಆಯ್ಕೆಯಾದರೆ ನಿಮಗೆ ವಾರ್ಷಿಕ 63 ಲಕ್ಷ ರೂಪಾಯಿಗಳನ್ನು ಸಂಬಳವನ್ನಾಗಿ ನೀಡಲಾಗುತ್ತದೆ. ಹಾಗಾದರೆ ಕೆಲಸ ಏನು ಎನ್ನುತ್ತೀರಾ? ಅಂತದ್ದೇನು ರಾಕೆಟ್​ ಸೈನ್ಸ್​ ಅಲ್ಲ, ಏನೋ ಕಂಡು ಹಿಡಿಯಬೇಕಿಲ್ಲ. ನೀವು ಮಾಡಬೇಕಿರುವುದು ಕೃಷಿ ಭೂಮಿಯಲ್ಲಿ ಬೆಳೆದ ತರಕಾರಿಯನ್ನು ಕಿತ್ತು ಪ್ಯಾಕ್​ ಮಾಡುವುದು ಅಷ್ಟೇ..! ಹಾಗಾದರೆ ಇಷ್ಟು ಚಿಕ್ಕ ಕೆಲಸಕ್ಕೆ ಇಷ್ಟೊಂದು ಸಂಬಳ ಏಕೆ ಕೊಡುತ್ತಿದೆ ಈ ಸಂಸ್ಥೆ, ತಲೆಯೇನಾದರೂ ಕೆಟ್ಟಿದೆಯಾ ಎಂದು ನೀವು ಪ್ರಶ್ನಿಸಬಹುದು. ಅದಕ್ಕೆ ಉತ್ತರ ಈ ಲೇಖನದಲ್ಲಿದೆ.

    ಇಂಗ್ಲೆಂಡಿನ ಒಂದು ಸಂಸ್ಥೆ ನೌಕರರಿಗೆ ಭಾರೀ ಮೊತ್ತದ ಸಂಬಳ ಘೋಷಿಸಿದೆ. ವರ್ಷಕ್ಕೆ ಬರೋಬ್ಬರಿ 62 ಸಾವಿರ ಪೌಂಡ್ಸ್​ ಅಂದರೆ ಭಾರತದ ರೂಪಾಯಿಗಳಲ್ಲಿ 63 ಲಕ್ಷ ರೂಪಾಯಿಗಳು. ಇದಕ್ಕೆ ಕಾರಣವೆಂದರೆ, ಇಂಗ್ಲೆಂಡಿನಲ್ಲಿ ಕೆಲಸಕ್ಕೆ ಜನ ಸಿಗುತ್ತಿಲ್ಲ. ಈ ಸಂಸ್ಥೆ ಇಂಗ್ಲೆಂಡಿನ ಬಹುತೇಕ ಸೂಪರ್​ ಮಾರ್ಕೆಟ್​ಗಳಿಗೆ ತರಕಾರಿಯನ್ನು ಸಪ್ಲೇ ಮಾಡುತ್ತದೆ. ಇತ್ತೀಚಿನ ದಿನಗಳಲ್ಲಿ ತರಕಾರಿ ಕತ್ತರಿಸಲು, ಸಂಸ್ಕರಿಸಲು ಮತ್ತು ಅದನ್ನು ಪ್ಯಾಕಿಂಗ್​ ಮಾಡಿ ಸೂಪರ್​ ಮಾರ್ಕೆಟ್​ಗಳಿಗೆ ಕಳಿಸಲು ಜನರ ಕೊರತೆಯಾಗಿದೆ. ಕೆಲಸಗಾರರ ಕೊರತೆ ಹಿನ್ನೆಲೆಯಲ್ಲಿ ದೊಡ್ಡ ಮೊತ್ತದ ಸಂಬಳವನ್ನು ನೀಡಲು ಸಂಸ್ಥೆ ಮುಂದಾಗಿದ್ದು, ಈ ಬಗ್ಗೆ ಈಗಾಗಲೇ ಅಧಿಕೃತ ಪ್ರಕಟಣೆ ಹೊರಡಿಸಿದೆ. ದೊಡ್ಡ ಮೊತ್ತದ ಸಂಬಳವನ್ನು ನೋಡಿಯಾದರೂ ಜನ ಮುಂದೆ ಬರಬಹುದು ಎಂದು ಕಂಪೆನಿ ಆಶಯಿಸಿದೆ.

    ಎಷ್ಟು ಸಿಗತ್ತೆ ಸಂಬಳ?:
    ನೌಕರರು ಬೇಕಾಗಿದ್ದಾರೆ ಎಂದು ಸಂಸ್ಥೆ ಈಗಾಗಲೇ ಎರಡು ಜಾಹಿರಾತುಗಳನ್ನು ಹೊರತಂದಿದೆ. ಟಿಎಚ್​ ಕ್ಲೆಮೆಂಟ್ಸ್​ ಮತ್ತು ಸನ್ಸ್​ ಲಿಮಿಟೆಡ್​ ಸಂಸ್ಥೆ (TH Clements and Sons Limited) ಇಂಗ್ಲೆಂಡ್​ನ ಲಿಂಕನ್​ಶೈರ್​ನಲ್ಲಿದೆ. ತಮ್ಮ ಸಂಸ್ಥೆ ಕೆಲಸಗಾರರ ಹುಡುಕಾಟದಲ್ಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಬ್ರೋಕೊಲಿ ಮತ್ತು ಕ್ಯಾಬೇಜ್​ ಕತ್ತರಿಸುವ ಕೆಲಸಕ್ಕಾಗಿ ಜನ ಬೇಕಾಗಿದ್ದಾರೆ ಎಂದು ಜಾಹೀರಾತು ತಿಳಿಸಿದೆ. ಆಯ್ಕೆಯಾಗುವ ಕೆಲಸಗಾರರಿಗೆ ಪ್ರತಿ ಗಂಟೆಗೆ 30 ಪೌಂಡ್​ ಹಣ ನೀಡುವುದಾಗಿ ಕಂಪೆನಿ ತಿಳಿಸಿದೆ. ಅಂದರೆ ವಾರದ ಐದು ದಿನಗಳು ದಿನಕ್ಕೆ 8 ಗಂಟೆ ಕೆಲಸ ಮಾಡಿದಲ್ಲಿ ವಾರದ ಸಂಬಳ 1200 ಪೌಂಡ್ಸ್​ ಆಗಲಿದೆ. ಅಂದರೆ ತಿಂಗಳಿಗೆ 4,800 ಪೌಂಡ್ಸ್​ ಮತ್ತು ವಾರ್ಷಿಕ 62,400 ಪೌಂಡ್ಸ್​ (63 ಲಕ್ಷ ರೂಪಾಯಿ) ಸಂಬಳ ಸಿಗಲಿದೆ.

    ಇದನ್ನೂ ಓದಿ: ಬಾಲ್ಯದಲ್ಲಿ ಮನೆಯಲ್ಲಿ ಕರೆಂಟ್​ ಕೂಡ ಇರಲಿಲ್ಲ, ಇಂದು ದಿನವೊಂದಕ್ಕೆ ಗಳಿಸ್ತಾರೆ 153 ಕೋಟಿ ಈ ಉದ್ಯಮಿ

    ಕೊರೋನಾ ಮತ್ತು ಬ್ರೆಕ್ಸಿಟ್​ನಿಂದ ಪೆಟ್ಟು (Coronavirus pandemic and Brexit are the reason for crisis) :
    ಕೋರೊನಾ ಅಬ್ಬರ ಮತ್ತು ಬ್ರೆಕ್ಸಿಟ್​ ಬೆಳವಣಿಗೆಯಿಂದ ಸಂಸ್ಥೆಗೆ ಕೆಲಸಗಾರರ ಅವಶ್ಯಕತೆ ಹೆಚ್ಚಾಗಿದೆ. ಮುಂಚೆ ಇದ್ದ ಕೆಲಸಗಾರರು ಸಂಸ್ಥೆಯನ್ನು ತೊರೆದಿದ್ದಾರೆ, ಹೊಸಬರು ಬರುತ್ತಿಲ್ಲ ಎಂದು ಸಂಸ್ಥೆಯ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಕೊರೋನಾ ಮತ್ತು ಬ್ರೆಕ್ಸಿಟ್​ ಎರಡೂ ಸೇರಿ ಬೇರೆಡೆಯಿಂದ ಕೆಲಸಕ್ಕೆ ಬರುತ್ತಿದ್ದ ನೌಕರರ ಮೇಲೆ ನೂರೆಂಟು ಮಾರ್ಗಸೂಚಿಗಳನ್ನು ಹೇರಿದೆ. ಇದರಿಂದ ಕೆಲಸಕ್ಕೆ ಜನ ಸಿಗುತ್ತಿಲ್ಲ ಎಂದು ಸಂಸ್ಥೆ ತಿಳಿಸಿದೆ. ಇದಕ್ಕಾಗಿಯೇ ಸಂಸ್ಥೆಗೆ ತುರ್ತಾಗಿ ಕ್ಯಾಬೇಜ್​, ಬ್ರೋಕೊಲಿ ಕತ್ತರಿಸಲು ಫೀಲ್ಡ್​ ಆಪರೇಟರ್​ಗಳು ಬೇಕಾಗಿದ್ದಾರೆ ಎನ್ನಲಾಗಿದೆ.

    ಇದನ್ನೂ ಓದಿ: ಸೆಕಂಡ್​ ಹ್ಯಾಂಡ್​ ಕಾರ್​ ಷೋರೂಮಿನ ಕಾರ್​ ಡಿಕ್ಕಿಯಲ್ಲಿ ಬೆತ್ತಲಾಗಿ ಸಿಕ್ಕಿಬಿದ್ದ ಮಹಿಳೆ: ಬಂಧಿಸಿದ ಪೊಲೀಸರು

    ಸಂಸ್ಥೆ ಒಟ್ಟೂ ಎರಡು ಜಾಹಿರಾತುಗಳನ್ನು ಬಿಡುಗಡೆ ಮಾಡಿದ್ದು, ಒಂದರಲ್ಲಿ ಕೇವಲ ಕ್ಯಾಬೇಜ್​ ಕೀಳಲು ಜನ ಬೇಕು ಎಂದರೆ, ಇನ್ನೊಂದರಲ್ಲಿ ಕೇವಲ ಬ್ರೋಕೊಲಿ ಕೀಳಲು ಜನ ಬೇಕು ಎಂದು ತಿಳಿಸಿದೆ. ಒಟ್ಟಿನಲ್ಲಿ ಇಂಗ್ಲೆಂಡ್​ಗೆ ತೆರಳಲು ಅನುಮತಿ ಇದ್ದರೆ ನೀವು ಸಹ ಈ ಕೆಲಸಕ್ಕೆ ಪ್ರಯತ್ನಿಸಬಹುದು. ಆದರೆ ಕೊರೋನಾ ಮಾರ್ಗಸೂಚಿಗಳು ಅದಕ್ಕೆ ಸಮಸ್ಯೆಯಾಗಿ ತಲೆದೂರಬಹುದು.
    Published by:Sharath Sharma Kalagaru
    First published: