Makeup Artist Jobs: ನಿಮಗೆ ಚೆನ್ನಾಗಿ ಮೇಕಪ್ ಮಾಡೋಕೆ ಬಂದ್ರೆ ಇಷ್ಟೆಲ್ಲ ಉದ್ಯೋಗಾವಕಾಶವಿದೆ ನೋಡಿ!

ನೋಡೋಕೆ ಚೆನ್ನಾಗಿ ಕಾಣಬೇಕು ಎಂದು ಎಲ್ಲರೂ ಬಯಸ್ತಾರೆ. ಅದರಲ್ಲೂ ಫಂಕ್ಷನ್‌ ಗಳಲ್ಲಿ ಚೆನ್ನಾಗಿ ಮಿಂಚಬೇಕು ಅನ್ನೋದು ಹೆಂಗಳೆಯರೆಲ್ಲರ ಕನಸು ಅಂದರೆ ತಪ್ಪಾಗೋದಿಲ್ಲ. ಹಾಗಾಗಿ ಇಂದಿನ ದಿನಗಳಲ್ಲಿ ಚಿಕ್ಕ ಪುಟ್ಟ ಫಂಕ್ಷನ್‌ಗಳಿಗೂ ಕೂಡ ಮೇಕಪ್‌ ಆರ್ಟಿಸ್ಟ್​ಗಳನ್ನು (Makeup Artist) ಕರೆಸೋದು ಕಾಮನ್‌ ಆಗಿದೆ. ಹಾಗಾಗಿಯೇ ಇಂದು ಬ್ಯೂಟಿ ಇಂಡಸ್ಟ್ರಿಯಲ್ಲಿ (Beauty Industry) ವೃತ್ತಿಪರರಿಗೆ ಬೇಡಿಕೆ ಹೆಚ್ಚಾಗಿದೆ. ಮೇಕ್ಅಪ್ ಮತ್ತು ಸೌಂದರ್ಯ ಪ್ರಪಂಚವು ವಿಶಾಲವಾಗಿದೆ. ಸಿನಿಮಾ ಸೆಟ್‌ಗಳಿಂದ ಹಿಡಿದು ನ್ಯೂಸ್ ಚಾನೆಲ್‌ಗಳು, ಮದುವೆಗಳವರೆಗೆ ಬ್ಯೂಟಿ ಎಕ್ಸ್‌ಪರ್ಟ್‌ (Beauty Experts) ಬೇಕೇ ಬೇಕು.

ಇದಲ್ಲದೇ, ಹೊಸ-ಯುಗದ ತಂತ್ರಜ್ಞಾನ ಮತ್ತು ಡಿಜಿಟಲ್ ಯುಗವು ಸೌಂದರ್ಯ ಮತ್ತು ಮೇಕಪ್ ಕ್ಷೇತ್ರದಲ್ಲಿ ಹೆಚ್ಚು ಅವಕಾಶಗಳನ್ನು ತೆರೆಯುವಂತೆ ಮಾಡಿದೆ. ಸೌಂದರ್ಯ ಕ್ಷೇತ್ರದಲ್ಲಿ ಹೆಚ್ಚು ಆಸಕ್ತಿ ಇದ್ದರೆ ನಿಮಗೆ ಹಲವಾರು ವೃತ್ತಿ ಅವಕಾಶಗಳಿವೆ.

ಮೇಕಪ್ ಆರ್ಟಿಸ್ಟ್‌
ನೀವು ಮೇಕಪ್ ಬಗ್ಗೆ ಹೆಚ್ಚಿನ ಆಸಕ್ತಿ, ಪ್ರೀತಿ ಹೊಂದಿದ್ದರೆ ನೀವು ಮೇಕಪ್‌ ಆರ್ಟಿಸ್ಟ್‌ ಆಗಬಹುದು. ಇದು ಲಾಭದಾಯಕ ವೃತ್ತಿ ಅವಕಾಶಗಳಲ್ಲಿ ಒಂದಾಗಿದೆ. ಪ್ರತಿಯೊಬ್ಬರೂ ತಾವು ಅತ್ಯುತ್ತಮವಾಗಿ ಕಾಣಬೇಕೆಂದು ಬಯಸುವುದರಿಂದ ಮೇಕಪ್ ಕಲಾವಿದರ ಬೇಡಿಕೆ ಹೆಚ್ಚುತ್ತಿದೆ. ಸಿನಿಮಾಗಳು, ಧಾರಾವಾಹಿಗಳು, ಫೋಟೋಶೂಟ್‌ಗಳು, ಬ್ರೈಡಲ್ ಶೂಟ್‌ಗಳು ಮತ್ತು ಪಾರ್ಟಿಗಳಿಗೆ ಜೀವನದ ಪ್ರತಿಯೊಂದು ಕ್ಷೇತ್ರದಲ್ಲೂ ಮೇಕಪ್ ಕಲಾವಿದರ ಅಗತ್ಯವಿದೆ.

ಏರ್‌ಬ್ರಶ್, ಎಚ್‌ಡಿ, ಸೆಲೆಬ್ರಿಟಿ ಮೇಕಪ್ ಆರ್ಟಿಸ್ಟ್, ಬ್ರೈಡಲ್ ಮೇಕಪ್ ಆರ್ಟಿಸ್ಟ್, ಸ್ಟೇಜ್ ಮತ್ತು ಥಿಯೇಟರ್ ಮೇಕಪ್ ಆರ್ಟಿಸ್ಟ್, ಸ್ಟೋರ್ ಮೇಕಪ್ ರೆಪ್ರೆಸೆಂಟೇಟಿವ್ ಮುಂತಾದ ವಿಭಾಗಗಳಲ್ಲಿ ನೀವು ಪರಿಣಿತರಾಗಬಹುದು.

ಬ್ಯೂಟಿ ಕನ್ಸಲ್ಟೆಂಟ್
ಸೌಂದರ್ಯ ಸಲಹೆಗಾರರು ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಜನಪ್ರಿಯರಾಗುತ್ತಿದ್ದಾರೆ. ಇದೊಂದು ಜನಪ್ರಿಯ ವೃತ್ತಿ ಆಯ್ಕೆಯಾಗಿದೆ. ಸೌಂದರ್ಯ ಸಲಹೆಗಾರರಾಗಿ ಗ್ರಾಹಕರ ಚರ್ಮದ ಪ್ರಕಾರ, ಕಾಳಜಿಗಳು ಮತ್ತು ಆದ್ಯತೆಗಳನ್ನು ವಿಶ್ಲೇಷಿಸಬಹುದು. ಅವರಿಗೆ ಸೂಕ್ತವಾದ ಉತ್ಪನ್ನ ಮತ್ತು ಶೈಲಿಯನ್ನು ಶಿಫಾರಸು ಮಾಡಬಹುದು. ವಿವಿಧ ಮೇಕಪ್ ತಂತ್ರಗಳನ್ನು ಮತ್ತು ಸೌಂದರ್ಯದ ಮೂಲಭೂತ ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡಬಹುದು.

ನೇಲ್ ಆರ್ಟಿಸ್ಟ್
ಗ್ರಾಹಕರಲ್ಲಿ ಹೆಚ್ಚಿನ ಬೇಡಿಕೆಯ ಕಾರಣ ನೇಲ್‌ ಸಲೂನ್‌ಗಳು ಗಮನ ಸೆಳೆಯುತ್ತವೆ. ಆಸಕ್ತಿಯುಳ್ಳವರು ನೇಲ್‌ ಆರ್ಟ್‌ನಲ್ಲಿ ಪರಿಣತಿ ಹೊಂದಬಹುದು. ಉಗುರು ತಜ್ಞರಾಗಬಹುದು. ಸರಿಯಾದ ತರಬೇತಿ ಮತ್ತು ಸಾಮರ್ಥ್ಯವನ್ನು ಹೊಂದಿದ್ದರೆ, ನೇಲ್‌ ಸಲೂನ್ ಅನ್ನು ಪ್ರಾರಂಭಿಸುವುದು ಅತ್ಯುತ್ತಮ ಆಯ್ಕೆಯಾಗಿದೆ. ಉಗುರು ತಂತ್ರಜ್ಞರು ತಮ್ಮ ಗ್ರಾಹಕರಿಗೆ ಉಗುರು ಸೇವೆಗಳನ್ನು ಒದಗಿಸುವುದು ಮಾತ್ರವಲ್ಲದೆ ಉಗುರು ಚಿಕಿತ್ಸೆಯನ್ನು ವಿಸ್ತರಿಸಬಹುದು.

ಹೇರ್‌ ಸ್ಟೈಲಿಸ್ಟ್‌
ಹೇರ್ ಸ್ಟೈಲಿಂಗ್ ಸೌಂದರ್ಯ ಉದ್ಯಮದ ಅವಿಭಾಜ್ಯ ಅಂಗ. ಇಂದು ಹೇರ್ ಸ್ಟೈಲಿಸ್ಟ್‌ಗಳಿಗೆ ಹೆಚ್ಚಿನ ಬೇಡಿಕೆಯಿದೆ. ಹೇರ್‌ ಸ್ಟೈಲಿಸ್ಟ್ ಆಗಿ, ಒಬ್ಬರು ಸಲೂನ್‌ನಲ್ಲಿ ಅಥವಾ ಆರ್ಟಿಸ್ಟ್​ಗಳೊಂದಿಗೆ ಕೆಲಸ ಮಾಡಬಹುದು.

ಇದನ್ನೂ ಓದಿ: Job Alert: ಮೈಸೂರಿನಲ್ಲಿ ಕೆಲಸ ಖಾಲಿ ಇದೆ- ತಿಂಗಳಿಗೆ 80 ಸಾವಿರ ಸಂಬಳ, ಅರ್ಜಿ ಹಾಕಲು ಇವತ್ತೇ ಕೊನೆ ದಿನ

ಅವರಿಗೆ ಯಾವುದು ಹೆಚ್ಚು ಸರಿಹೊಂದುತ್ತದೆ ಎಂಬುದರ ಕುರಿತು ಅವರಿಗೆ ಸಲಹೆ ನೀಡಬಹುದು. ವಿಶೇಷ ಸಂದರ್ಭಗಳಲ್ಲಿ ಉತ್ತಮವಾಗಿ ಕಾಣಲು ಅವರಿಗೆ ಸಹಾಯ ಮಾಡಬಹುದು. ಹೇರ್ ಸ್ಟೈಲಿಂಗ್‌ನಲ್ಲಿ ಪರಿಣತಿ ಹೊಂದಲು ಮತ್ತು ಗ್ರಾಹಕರಿಗೆ ಉತ್ತಮ ಸೇವೆಗಳನ್ನು ಒದಗಿಸುವ ಹಲವಾರು ಪ್ರತಿಷ್ಠಿತ ಸಂಸ್ಥೆಗಳಿವೆ.

ಬ್ಯೂಟಿ ಇನ್‌ಫ್ಲುಯೆನ್ಸರ್‌
ನೀವು ಮೇಕಪ್ ಮತ್ತು ಸೌಂದರ್ಯದ ಬಗ್ಗೆ ಆಸಕ್ತಿ ಹೊಂದಿದ್ದೀರಾ? ಜನರಿಗೆ ಸಲಹೆಗಳನ್ನು ನೀಡಲು ಬಯಸುವಿರಾ? ಹಾಗಿದ್ದರೆ ನೀವು ಉತ್ತಮ ಪರಿಣತಿ, ಜ್ಞಾನ ಮತ್ತು ಕೌಶಲ್ಯಗಳೊಂದಿಗೆ ಬ್ಯೂಟಿ ಇನ್‌ಫ್ಲುಯೆನ್ಸರ್‌ ಆಗಬಹುದು.ಸರಳವಾದ ಸಲಹೆಗಳನ್ನು ನೀಡುವುದು, ಸಚಿತ್ರ ಮೇಕಪ್ ಟ್ಯುಟೋರಿಯಲ್‌ಗಳು ತೋರಿಸುವುದು, ಸೌಂದರ್ಯ ಸಲಹೆಗಳನ್ನು ನೀಡುವುದರ ಮೂಲಕ ನೀವು ಅತ್ಯುತ್ತಮ ಬ್ಯೂಟಿ ಇನ್‌ಫ್ಲುಯೆನ್ಸರ್‌ ಆಗಬಹುದು.

ಇದನ್ನೂ ಓದಿ: SAMEER Recruitment 2023: ತಿಂಗಳಿಗೆ 2 ಲಕ್ಷ ಸಂಬಳ- ಇಲ್ಲಿದೆ ಬಂಪರ್ ಉದ್ಯೋಗ

ಒಟ್ಟಾರೆ ಇಂದು ಕಾಲ ಬದಲಾಗಿದೆ. ವೃತ್ತಿಜೀವನದ ಕಡೆಗೆ ಜನರ ದೃಷ್ಟಿಕೋನಗಳೂ ಬದಲಾಗಿವೆ. ಈ ಹೊಸ ಯುಗವು ಕೇವಲ ವೈದ್ಯರು ಮತ್ತು ಇಂಜಿನಿಯರ್‌ಗಳ ಬಗ್ಗೆ ಮಾತ್ರವಲ್ಲ ಬದಲಿಗೆ ನಿರ್ದೇಶಕರು, ಪ್ರಭಾವಿಗಳು, ಛಾಯಾಗ್ರಾಹಕರು, ಮೇಕಪ್ ಕಲಾವಿದರು, ಕೇಶ ವಿನ್ಯಾಸಕರು ಮತ್ತು ಅಂತಹ ಅನೇಕ ರೋಮಾಂಚಕಾರಿ ವೃತ್ತಿಜೀವನವನ್ನು ಹೊಂದಿದೆ.