PMNAM: ಡಿ.12ರಂದು ಪ್ರಧಾನ ಮಂತ್ರಿ ರಾಷ್ಟ್ರೀಯ ಅಪ್ರೆಂಟಿಸ್​ ಶಿಪ್​ ಮೇಳ-ಆಸಕ್ತರು ಈಗಲೇ ರಿಜಿಸ್ಟರ್ ಆಗಿ

ಪ್ರಧಾನ ಮಂತ್ರಿ ರಾಷ್ಟ್ರೀಯ ಅಪ್ರೆಂಟಿಸ್​ ಶಿಪ್​ ಮೇಳ(Pradhan Mantri National Apprenticeship Mela (PMNAM))ವು ಇದೇ ಡಿಸೆಂಬರ್ 12ರಂದು ನಡೆಯಲಿದೆ ಎಂದು ಕೌಶಲ್ಯ ಅಭಿವೃದ್ಧಿ ಮತ್ತು ವಾಣಿಜ್ಯೋದ್ಯಮ ಸಚಿವಾಲಯ(The Ministry of Skill Development and Entrepreneurship)ವು ಹೇಳಿದೆ. ಆಸಕ್ತ ಅಭ್ಯರ್ಥಿಗಳು ಅಧಿಕೃತ ವೆಬ್​ಸೈಟ್ apprenticeshipindia.gov.in ​ನಲ್ಲಿ ಈವೆಂಟ್​ಗೆ ನೋಂದಾಯಿಸಿಕೊಳ್ಳಬಹುದು.

ಪ್ರಧಾನ ಮಂತ್ರಿ ರಾಷ್ಟ್ರೀಯ ಅಪ್ರೆಂಟಿಸ್​ ಶಿಪ್​ ಮೇಳವನ್ನು ಈ ವರ್ಷ 25 ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಸುಮಾರು 197 ಸ್ಥಳಗಳಲ್ಲಿ ನಡೆಸಲಾಗುವುದು ಎಂದು ಸಚಿವಾಲಯ ತಿಳಿಸಿದೆ. ಲೋಕಲ್ ಬ್ಯುಸಿನೆಸ್​​ಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಲಾಗುತ್ತಿದೆ. ಅದರಂತೆ ಸ್ಥಳೀಯ ಯುವಕರಿಗೆ ಅಪ್ರೆಂಟಿಸ್​ಶಿಪ್​ ತರಬೇತಿ ನೀಡುವ ಮೂಲಕ ಅವರು ತಮ್ಮ ವೃತ್ತಿ ಜೀವನವನ್ನು ರೂಪಿಸಿಕೊಳ್ಳಲು ಅವಕಾಶವನ್ನು ಒದಗಿಸಲಾಗುತ್ತಿದೆ. ಅಪ್ರೆಂಟಿಸ್​ ಶಿಪ್​ ಮೇಳದಲ್ಲಿಯೇ ಸೂಕ್ತ ಮತ್ತು ಅರ್ಹ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿಕೊಳ್ಳಲು ಕಂಪನಿಗಳಿಗೆ ಅವಕಾಶವಿರುತ್ತದೆ.

ಈ ಅಪ್ರೆಂಟಿಸ್​ ಶಿಪ್​ ಮೇಳದ ಮೂಲಕ ಸರ್ಕಾರವು ವರ್ಷಕ್ಕೆ 1 ಮಿಲಿಯನ್ ಯುವಕರಿಗೆ ತರಬೇತಿ ನೀಡುವ ಗುರಿಯನ್ನು ಹೊಂದಿದೆ.

ಇದನ್ನೂ ಓದಿ: JNCASR Recruitment 2022: ಡಿಪ್ಲೊಮಾ, ಡಿಗ್ರಿ ಆಗಿದ್ರೆ ರೆಸ್ಯೂಮ್ ಇ-ಮೇಲ್ ಮಾಡಿ-ಇಲ್ಲಿದೆ ಸರ್ಕಾರಿ ಕೆಲಸ

ಅಷ್ಟೇ ಅಲ್ಲದೇ, ಈ ಮೇಳದ ಮೂಲಕ ಅಭ್ಯರ್ಥಿಗಳು ನ್ಯಾಷನಲ್​​ ಕೌನ್ಸಿಲ್ ಫಾರ್ ವೊಕೇಶನಲ್ ಎಜುಕೇಶನ್ ಆ್ಯಂಡ್ ಟ್ರೈನಿಂಗ್​(NCVET) ಮಾನ್ಯತೆ ಪಡೆದ ಪ್ರಮಾಣ ಪತ್ರಗಳನ್ನು ಪಡೆಯುತ್ತಾರೆ. ಇದು ಅಭ್ಯರ್ಥಿಗಳಿಗೆ ಮುಂದಿನ ದಿನಗಳಲ್ಲಿ ಕೆಲಸ ಪಡೆಯಲು ಸಹಕಾರಿಯಾಗಿದೆ.

ಈ ಅಪ್ರೆಂಟಿಸ್​ ಶಿಪ್ ಮೇಳದಲ್ಲಿ ಭಾಗಿಯಾಗುವ ಅಭ್ಯರ್ಥಿಗಳು ಕೆಲವೊಂದು ಅರ್ಹತೆಗಳನ್ನು ಹೊಂದಿರಬೇಕು.

ಅಭ್ಯರ್ಥಿಯು 5ನೇ ತರಗತಿಯಿಂದ 12ನೇ ತರಗತಿಯವರೆಗೆ ತೇರ್ಗಡೆಯಾಗಿರಬೇಕು.

ITI, ಡಿಪ್ಲೋಮಾ, ಪದವೀಧರರು ಕೌಶಲ್ಯ ಪ್ರಮಾಣ ಪತ್ರಗಳನ್ನು ಹೊಂದಿರಬೇಕು.

ಅಭ್ಯರ್ಥಿಗಳು ತಮ್ಮ ರೆಸ್ಯೂಮ್​ನ ಮೂರು ಪ್ರತಿಗಳು, ಫೋಟೋ ಐಡಿ (ಆಧಾರ್​ ಕಾರ್ಡ್​​/ ಡ್ರೈವಿಂಗ್​ ಲೈಸೆನ್ಸ್​​, ಪ್ಯಾನ್​ ಕಾರ್ಡ್​​​ ಇತ್ಯಾದಿ) ಮತ್ತು 3 ಪಾಸ್​​ಪೋರ್ಟ್​ ಅಳತೆಯ ಭಾವಚಿತ್ರ(ಫೋಟೋ)ಗಳನ್ನು ಅಪ್ರೆಂಟಿಸ್​ ಶಿಪ್ ಮೇಳಕ್ಕೆ ತೆಗೆದುಕೊಂಡು ಹೋಗಬೇಕು.