KSRTC Recruitment: 10ನೇ ತರಗತಿ ಪಾಸ್ ಮಾಡಿದ್ದೀರಾ? KSRTCಯಲ್ಲಿ 2000 ಹುದ್ದೆಗೆ ನೇಮಕಾತಿ

ಕಡಿಮೆ ಕ್ವಾಲಿಫಿಕೇಷನ್​ನಲ್ಲಿ (Qualification) ಆಕರ್ಷಕ ವೇತನ ಪಡೆಯಬಲ್ಲ ಸರ್ಕಾರಿ ಕ್ಷೇತ್ರಗಳಲ್ಲಿ ಕೆಎಸ್​ಆರ್​​ಟಿಸಿ (KSRTC) ಕೂಡಾ ಒಂದು. ನೀವು ಹೆಚ್ಚು ಕಲಿಯದಿದ್ದರೂ ಕೆಲವೇ ಕ್ವಾಲಿಫಿಕೇಷನ್ ಇಟ್ಟುಕೊಂಡು ನೀವು ಉತ್ತಮವಾಗಿ ಸಂಪಾದಿಸಬಹುದು. ಕಂಡಕ್ಟರ್ ಪೋಸ್ಟ್​ಗಳಿಗೇ ಉತ್ತಮ ವೇತನ ನೀಡುವ ಕೆಎಸ್​ಆರ್​ಟಿಸಿ ಉದ್ಯೋಗ ಭದ್ರತೆ ಜೊತೆಗೆ ಹಲವು ಸವಲತ್ತುಗಳನ್ನು ಒದಗಿಸುತ್ತದೆ. ಇದೀಗ ಕರ್ನಾಟಕ ರಾಜ್ಯ ಸಾರಿಗೆ 2000 ಹುದ್ದೆಗಳಿಗೆ ನೋಟಿಫಿಕೇಷನ್ (Notification) ರಿಲೀಸ್ ಮಾಡಿದ್ದು ಅದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಎಸ್​ಎಸ್​ಎಲ್​ಸಿ ಪಾಸ್ ಮಾಡಿದ್ದೀರಾ?

ಈ ಹುದ್ದೆಗೆ ಅಪ್ಲೈ ಮಾಡಲು ನೀವು ಖಂಡಿತಾ ಎಸ್​ಎಸ್​ಎಲ್​​ಸಿ ಆದರೂ ಪಾಸ್ ಮಾಡಿರಬೇಕು. ಇದು ಈ ಹುದ್ದೆಯ ಕನಿಷ್ಠ ರಿಕ್ವೈರ್​​ಮೆಂಟ್. ಹಾಗಾಗಿ ನಂದು ಬರೀ ಎಸ್​ಎಸ್​ಎಲ್​ಸಿ ಆಗಿದೆ, ಯಾರು ಜಾಬ್ ಕೊಡ್ತಾರೆ ಎನ್ನುವ ಬದಲು ಈ ಹುದ್ದೆಗಳಿಗೆ ಅರ್ಜಿ ಗುಜರಾಯಿಸಿ.

ನೀವು ಎಸ್​ಎಸ್​ಎಲ್​ಸಿ ಪಾಸ್ ಮಾಡಿದ್ದು ಈ ಹುದ್ದೆಗೆ ಅರ್ಜಿ ಸಲ್ಲಿಸಲು ಬಯಸುತ್ತಿದ್ದರೆ ಜನವರಿ 22. 2023ರಂದು ಕೊನೆಯ ದಿನಾಂಕ. ಈ ದಿನದ ಒಳಗಾಗಿ ನಿಮ್ಮ ಅರ್ಜಿಗಳನ್ನು ಕಳುಹಿಸಿ.

KSRTC ನೇಮಕಾತಿ 2023 ಅರ್ಹತಾ ವಿವರಗಳು

ಶೈಕ್ಷಣಿಕ ಅರ್ಹತೆ: KSRTC ಅಧಿಕೃತ ಅಧಿಸೂಚನೆಯ ಪ್ರಕಾರ ಈ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಯು ಯಾವುದೇ ಮಾನ್ಯತೆ ಸಂಸ್ಥೆಯಿಂದ 10 ನೇ ತರಗತಿಯನ್ನು ಪೂರ್ಣಗೊಳಿಸಿರಬೇಕು.

ವಯಸ್ಸಿನ ಮಿತಿ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ನೇಮಕಾತಿ ಅಧಿಸೂಚನೆಯ ಪ್ರಕಾರ, ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು KSRTC ನಿಯಮಗಳ ಪ್ರಕಾರ ವಯಸ್ಸಿನ ಮಿತಿಯನ್ನು ಹೊಂದಿರಬೇಕು.

ಇದನ್ನೂ ಓದಿ: Woman CEO: ಆಫೀಸ್​ಗೆ ಮಗುವನ್ನು ಕರೆತಂದ ಮಹಿಳಾ ಸಿಇಒ; ಸಾಮಾನ್ಯ ಉದ್ಯೋಗಿಗೂ ಈ ಸೌಲಭ್ಯ ಇದೆಯೇ?

ವಯೋಮಿತಿ ಸಡಿಲಿಕೆ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ನಿಮಯಗಳ ಅನುಸಾರವಾಗಿ ವಯೋಮಿತಿ ಸಡಿಲಿಕೆ ಇರುತ್ತದೆ.
ಅರ್ಜಿಯ ಶುಲ್ಕ: ಈ ಹುದ್ದೆಗೆ ಅರ್ಜಿ ಸಲ್ಲಿಸುವಾಗ ಯಾವುದೇ ಅಪ್ಲಿಕೇಷನ್ ಫೀಸ್ ಅಥವಾ ಅರ್ಜಿ ಶುಲ್ಕ ಇರುವುದಿಲ್ಲ.
ನೇಮಕಾತಿ ಪ್ರಕ್ರಿಯೆ: ಡ್ರೈವಿಂಗ್ ಟೆಸ್ಟ್, ಟ್ರೈನಿಂಗ್

KSRTC ನೇಮಕಾತಿ 2023 ಗೆ ಅರ್ಜಿ ಸಲ್ಲಿಸುವುದು ಹೇಗೆ?

ಮೊದಲನೆಯದಾಗಿ KSRTC ನೇಮಕಾತಿ ಅಧಿಸೂಚನೆ 2023 ಅನ್ನು ಸಂಪೂರ್ಣವಾಗಿ ಪರಿಶೀಲಿಸಿರಿ. ಅದರಲ್ಲಿ ತಿಳಿಸಿರುವ ಅರ್ಹತಾ ಮಾನದಂಡಗಳನ್ನು ನೀವು ಪಡೆದಿದ್ದೀರಾ ಎಂದು ಖಚಿತಪಡಿಸಿಕೊಳ್ಳಿ .

ಆನ್‌ಲೈನ್ ಮೋಡ್ ಮೂಲಕ ಅರ್ಜಿಯನ್ನು ಭರ್ತಿ ಮಾಡುವ ಮೊದಲು, ಸರಿಯಾದ ಇಮೇಲ್ ಐಡಿ ಮತ್ತು ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ. ಅದರ ಮೂಲಕ ಸಂವಹನ ನಡೆಸಲು ಆ ಸಂಖ್ಯೆ ಮತ್ತು ಐಡಿ ಲಭ್ಯವಿರಲಿ.

ಐಡಿ ಪ್ರೂಫ್, ವಯಸ್ಸು, ಶೈಕ್ಷಣಿಕ ಅರ್ಹತೆ, ರೆಸ್ಯೂಮ್, ಯಾವುದೇ  ಕೆಲಸದ ಅನುಭವವಿದ್ದರೆ ಇತ್ಯಾದಿ ದಾಖಲೆಗಳನ್ನು ಸಿದ್ಧವಾಗಿಡಿ. KSRTC ಡ್ರೈವರ್  ಹುದ್ದೆಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವಾಗ ಇದನ್ನು ಸೇರಿಸಿಕೊಳ್ಳಿ.

KSRTC ಆನ್‌ಲೈನ್ ಅರ್ಜಿಯಲ್ಲಿ ಅಗತ್ಯವಿರುವ ಎಲ್ಲಾ ವಿವರಗಳನ್ನು ಅಪ್ಡೇಟ್ ಮಾಡಿಕೊಳ್ಳಿ. ನಿಮ್ಮ ಇತ್ತೀಚಿನ ಫೋಟೋ ಅಟೆಸ್ಟ್ ಮಾಡಿ ಜೊತೆಗೆ ಅಗತ್ಯ ಪ್ರಮಾಣಪತ್ರಗಳು/ದಾಖಲೆಗಳ ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಅಪ್‌ಲೋಡ್ ಮಾಡಿ. ನಿಮ್ಮ ವರ್ಗದ ಪ್ರಕಾರ ಅರ್ಜಿ ಶುಲ್ಕ ಇದ್ದರೆ ಅದನ್ನು ಪಾವತಿಸಿ. ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ಕಿಸಿ.

ಸಾಂದರ್ಭಿಕ ಚಿತ್ರ

KSRTC ನೇಮಕಾತಿ 2023 ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಸಬ್ಮಿಟ್ ಬಟನ್ ಅನ್ನು ಕ್ಲಿಕ್ ಮಾಡಿ. ಮುಂದಿನ ಅಗತ್ಯಗಳಿಗಾಗಿ ನಿಮ್ಮ ಅರ್ಜಿ ಸಂಖ್ಯೆಯನ್ನು ಮರೆಯದೆ ಸೇವ್ ಮಾಡಿಕೊಳ್ಳಿ.