JEE Advanced 2021 Registrations: ಜೆಇಇ ಅಡ್ವಾನ್ಸ್​ ಪರೀಕ್ಷೆಗೆ ಹೀಗೆ ರಿಜಿಸ್ಟ್ರೇಶನ್ ಮಾಡಿ..!

ನವದೆಹಲಿ(ಸೆ.13): JEE Advanced 2021 Registrations: ಇಂಜಿನಿಯರಿಂಗ್ ಪ್ರವೇಶಾತಿಗಾಗಿ ನಡೆಸಲಾಗುವ ಜಂಟಿ ಪ್ರವೇಶ ಪರೀಕ್ಷೆ (JEE Advanced 2021)ಗೆ ಇಂದಿನಿಂದ ರಿಜಿಸ್ಟ್ರೇಶನ್ ಪ್ರಾರಂಭವಾಗಿದೆ. ಜೆಇಇ ಅಡ್ವಾನ್ಸ್​ ಪರೀಕ್ಷೆಗೆ ನೋಂದಣಿ ಯಾವ ಸಮಯದಲ್ಲಿ ಆರಂಭವಾಗುತ್ತೆ ಎಂಬುದು ಇನ್ನೂ ಘೋಷಣೆಯಾಗಿಲ್ಲ. ಜೆಇಇ ಮೇನ್ ಸ್ಕ್ರೀನಿಂಗ್​ ಟೆಸ್ಟ್​ನ ಫಲಿತಾಂಶ ಹೊರಬಿದ್ದ ಬಳಿಕ ಜೆಇಇ ಅಡ್ವಾನ್ಸ್​​ಗೆ ರಿಜಿಸ್ಟ್ರೇಶನ್ ಶುರುವಾಗುತ್ತದೆ ಎಂದು ಹೇಳಲಾಗಿದೆ. ಜೆಇಇ ಅಡ್ವಾನ್ಸ್​​ಗೆ ಅರ್ಜಿ ಸಲ್ಲಿಸಲು ಸೆಪ್ಟೆಂಬರ್ 19 ಕೊನೆಯ ದಿನಾಂಕವಾಗಿದೆ. ಅರ್ಜಿ ಶುಲ್ಕ ಪಾವತಿಸಲು ಸೆ.20 ಕಡೆಯ ದಿನವಾಗಿದೆ.

ರಾಷ್ಟ್ರೀಯ ಪರೀಕ್ಷಾ ಪ್ರಾಧಿಕಾರವು(NTA) ಇನ್ನೂ ಸಹ ಜೆಇಇ ಮೇನ್-2021 4ನೇ ಸೆಶನ್​ನ ಫಲಿತಾಂಶವನ್ನು ಪ್ರಕಟ ಮಾಡಿಲ್ಲ. ಆದಾಗ್ಯೂ ವಿದೇಶಿ ಪ್ರಜೆಗಳಿಗೆ ಜೆಇಇ ಅಡ್ವಾನ್ಸ್​-2021 ಆನ್​ಲೈನ್​ ರಿಜಿಸ್ಟ್ರೇಶನ್ ಪ್ರಾರಂಭಿಸಿದೆ. 12ನೇ ತರಗತಿ ಓದುತ್ತಿರುವ ಅಥವಾ ಓದಿರುವ ವಿದೇಶಿ ಅಭ್ಯರ್ಥಿಗಳು (ಒಸಿಐ/ಪಿಐಒ ಕಾರ್ಡ್​ ಹೊಂದಿರುವವರು) ಭಾರತದಲ್ಲಿ ಜೆಇಇ ಅಡ್ವಾನ್ಸ್​​ಗೆ ಅರ್ಜಿ ಸಲ್ಲಿಸಬಹುದು.

ಜೆಇಇ ಅಡ್ವಾನ್ಸ್​ 2021: ಅರ್ಜಿ ಸಲ್ಲಿಸುವುದು ಹೇಗೆ?

ಐಐಟಿ ಜೆಇಇ ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ಈ ಸರಳ ಹಂತಗಳನ್ನು ಅನುಸರಿಸಿ.

ಇದನ್ನೂ ಓದಿ:Career Options: NEET ಪರೀಕ್ಷೆ ಬಳಿಕ ಈ ವೃತ್ತಿಪರ ಕೋರ್ಸ್​ಗಳನ್ನು​ ಆಯ್ಕೆ ಮಾಡಿಕೊಳ್ಳಿ..!

• ಮೊದಲಿಗೆ ಜೆಇಇ ಅಡ್ವಾನ್ಸ್​​ನ ಅಧಿಕೃತ ವೆಬ್​ಸೈಟ್​ jeeadv.ac.in. ಗೆ ಭೇಟಿ ನೀಡಿ.

• ಹೋಂ ಪೇಜ್​ನಲ್ಲಿ ಲಭ್ಯವಿರುವ ಜೆಇಇ ಅಡ್ವಾನ್ಸ್​ಡ್ 2021 ಲಿಂಕ್ ಮೇಲೆ ಕ್ಲಿಕ್ ಮಾಡಿ.


• ಆಗ ಹೊಸ ಪೇಜ್ ಓಪನ್ ಆಗುತ್ತದೆ, ಅಭ್ಯರ್ಥಿಗಳು ಅಕೌಂಟ್​​ಗೆ ಲಾಗಿನ್ ಆಗಿ ಅಥವಾ ರಿಜಿಸ್ಟರ್​ ಆನ್​ಲೈನ್ ಮೇಲೆ ಕ್ಲಿಕ್ ಮಾಡಿ.


• ಅಲ್ಲಿ ಅಗತ್ಯವಾಗಿ ಕೇಳಿರುವ ದಾಖಲಾತಿಗಳನ್ನು ಅಪ್​ಲೋಡ್ ಮಾಡಿ ಅರ್ಜಿಯನ್ನು ತುಂಬಿರಿ.


• ಅರ್ಜಿ ಶುಲ್ಕವನ್ನು ಪಾವತಿಸಿ ಹಾಗೂ ಕೊನೆಗೆ ಸಬ್​ಮಿಟ್​ ಕ್ಲಿಕ್​ ಮಾಡಿ.


• ಆಗ ನಿಮ್ಮ ಅಪ್ಲಿಕೇಶನ್ ಸಬ್​ಮಿಟ್ ಆಗಿರುತ್ತದೆ.


• ಕೊನೆಯಲ್ಲಿ ದೃಢೀಕರಣ ಪುಟವನ್ನು ಡೌನ್​ಲೋಡ್ ಮಾಡಿಕೊಳ್ಳಿ ಮತ್ತು ಹೆಚ್ಚಿನ ಅಗತ್ಯತೆಗಾಗಿ ಅದರ ಹಾರ್ಡ್​ ಕಾಪಿಯನ್ನು ಇಟ್ಟುಕೊಳ್ಳಿ.

ಜೆಇಇ ಅಡ್ವಾನ್ಸ್​ ಅಧಿಕೃತ ವೆಬ್​ಸೈಟ್​ ಇಲ್ಲಿದೆ.

https://jeeadv.nic.in/jeeadvapp/root/loginpage.aspx

ಅರ್ಜಿ ಶುಲ್ಕ ಎಷ್ಟು?

• ಮಹಿಳಾ ಅಭ್ಯರ್ಥಿಗಳು ಹಾಗೂ ಎಸ್​ಸಿ/ಎಸ್​ಟಿ/ಪಿಡಬ್ಲೂಡಿ ವರ್ಗದ ಅಭ್ಯರ್ಥಿಗಳಿಗೆ 1400 ರೂಪಾಯಿ.


• ಇತರೆ ಅಭ್ಯರ್ಥಿಗಳಿಗೆ 2800 ರೂಪಾಯಿಗಳು.

ಪ್ರತೀ ವರ್ಷ, ಜೆಇಇ ಮೇನ್​​ನ ಟಾಪ್​ 2.5 ಲಕ್ಷ ವಿದ್ಯಾರ್ಥಿಗಳಿಗೆ ಮಾತ್ರ ಜೆಇಇ ಅಡ್ವಾನ್ಸ್​ ಬರೆಯಲು ಅವಕಾಶವಿತ್ತು. ಜೆಇಇ ಅಡ್ವಾನ್ಸ್​ 2021 ಪರೀಕ್ಷೆ ಅಕ್ಟೋಬರ್ 3ರಂದು ನಡೆಯಲಿದೆ.

ಐಐಟಿ ಪ್ರವೇಶ ಪರೀಕ್ಷೆಗೆ ಅರ್ಜಿ ಸಲ್ಲಿಸುವವರು 1996 ಅಕ್ಟೋಬರ್ 1ರಂದು ಅಥವಾ ಬಳಿಕ ಜನಿಸಿರಬೇಕು. ಒಬ್ಬ ಅಭ್ಯರ್ಥಿಯು ಜೆಇಇ ಅಡ್ವಾನ್ಸ್ಡ್ ಪರೀಕ್ಷೆಯನ್ನು ಸತತ ಎರಡು ವರ್ಷಗಳಲ್ಲಿ ಎರಡು ಬಾರಿ ಮಾತ್ರ ಬರೆಯಬಹುದು.

ಇದನ್ನೂ ಓದಿ:UPSC is Hiring: ಖಾಲಿ ಇರುವ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ UPSC; ಅರ್ಜಿ ಸಲ್ಲಿಸಲು ಅ.1 ಕೊನೆಯ ದಿನಾಂಕ

ಪ್ರಶ್ನೆ ಪತ್ರಿಕೆ ಹೇಗಿರುತ್ತದೆ?

ಜೆಇಇ ಅಡ್ವಾನ್ಸ್ಡ್​ 2021 ಎರಡು ಪ್ರಶ್ನೆ ಪತ್ರಿಕೆಗಳನ್ನು ಒಳಗೊಂಡಿರುತ್ತದೆ. ಪ್ರತೀ ಪತ್ರಿಕೆಗೆ 3 ಗಂಟೆಗಳ ಕಾಲ ಸಮಯವಿರುತ್ತದೆ. ಎಲ್ಲಾ ಅಭ್ಯರ್ಥಿಗಳು ಕಡ್ಡಾಯವಾಗಿ ಎರಡೂ ಪತ್ರಿಕೆಗಳಿಗೆ ಹಾಜರಾಗಬೇಕು. ಪ್ರಶ್ನೆ ಪತ್ರಿಕೆಯಲ್ಲಿ ಮೂರು ವಿಭಾಗಗಳಿರುತ್ತವೆ. ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ. ಪರೀಕ್ಷಾ ವಿಧಾನವು ಕಂಪ್ಯೂಟರ್ ಆಧಾರಿತ(CBT)ವಾಗಿರುತ್ತದೆ. ಎರಡೂ ಪ್ರಶ್ನೆ ಪತ್ರಿಕೆಗಳು ಇಂಗ್ಲಿಷ್ ಹಾಗೂ ಹಿಂದಿ ಭಾಷೆಯಲ್ಲಿರುತ್ತವೆ.

ಜೆಇಇ-ಮೇನ್ ಪರೀಕ್ಷೆಯಲ್ಲಿ ಉನ್ನತ ಅಂಕಗಳನ್ನು ತೆಗೆದುಕೊಳ್ಳುವ ವಿದ್ಯಾರ್ಥಿಗಳು ಜೆಇಇ-ಅಡ್ವಾನ್ಸ್ಡ್ ಪರೀಕ್ಷೆಗೆ ಅರ್ಹತೆ ಪಡೆಯುತ್ತಾರೆ. 2018 ರಲ್ಲಿ, 224,000 ವಿದ್ಯಾರ್ಥಿಗಳಿಗೆ ಜೆಇಇ-ಅಡ್ವಾನ್ಸ್ಡ್ ತೆಗೆದುಕೊಳ್ಳಲು ಅನುಮತಿ ನೀಡಲಾಯಿತು. ಇದು 2017 ರಲ್ಲಿ 220,000 ಮತ್ತು 2016 ರಲ್ಲಿ 200,000ಕ್ಕಿಂತ ಹೆಚ್ಚಾಗಿದೆ.