NEET UG ನೋಂದಣಿಯಿಂದ CTET ಫಲಿತಾಂಶಗಳವರೆಗೆ ಮಾರ್ಚ್​​ ತಿಂಗಳಲ್ಲಿ ಏನೆಲ್ಲಾ ಇದೆ? ಮಾಹಿತಿ ಇಲ್ಲಿದೆ

ಮಾರ್ಚ್ (March) ತಿಂಗಳಲ್ಲಿ ಹಲವಾರು ಶೈಕ್ಷಣಿಕ ಕಾರ್ಯಕ್ರಮಗಳನ್ನು ನಿಗದಿಪಡಿಸಲಾಗಿದೆ. ವಿವಿಧ ರಾಜ್ಯಗಳಾದ್ಯಂತ 10 ಮತ್ತು 12 ನೇ ತರಗತಿಯ ಬೋರ್ಡ್ ಪರೀಕ್ಷೆಗಳ ಹೊರತಾಗಿ, NEET ಯುಜಿ ನೋಂದಣಿಗಳು, SSC CGL ಶ್ರೇಣಿ II ಪರೀಕ್ಷೆ ಸೇರಿದಂತೆ ಶಿಕ್ಷಣ (Education) ಕ್ಷೇತ್ರದಾದ್ಯಂತ ಸಾಕಷ್ಟು ಬೆಳವಣಿಗೆಗಳು ನಡೆಯುತ್ತಿವೆ. ಹಾಗಾದರೆ ಈ ತಿಂಗಳು (Month) ಯಾವೆಲ್ಲಾ ಪರೀಕ್ಷೆಗಳು ನಡೆಯಲಿದೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿ ನೀಡಲಾಗಿದೆ ಗಮನಿಸಿ. 

NEET UG ನೋಂದಣಿ
ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ ಪದವಿಪೂರ್ವ (NEET-UG) ಗಾಗಿ ಆನ್‌ಲೈನ್ ಅರ್ಜಿ ಪ್ರಕ್ರಿಯೆಯು ಶೀಘ್ರದಲ್ಲೇ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಇದು ಮಾರ್ಚ್ ಮೊದಲ ವಾರದಲ್ಲಿ ಪ್ರಾರಂಭವಾಗುವ ನಿರೀಕ್ಷೆಯಿದೆ . ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (NTA) ಅಪ್ಲಿಕೇಶನ್‌ಗಳನ್ನು ಬಿಡುಗಡೆ ಮಾಡಿದಾಗ ಅಭ್ಯರ್ಥಿಗಳು ಪರೀಕ್ಷಾ ಏಜೆನ್ಸಿಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು. ನೋಂದಣಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು. ವೇಳಾಪಟ್ಟಿಯ ಪ್ರಕಾರ ಈ ವರ್ಷ ಪದವಿ ವಿದ್ಯಾರ್ಥಿಗಳಿಗೆ ಪರೀಕ್ಷೆಯನ್ನು ಮೇ 7 ರಂದು ನಡೆಸಲಾಗುವುದು.

ಇದನ್ನೂ ಓದಿ: Womens Day Speech: ಮಹಿಳಾ ದಿನಾಚರಣೆಯಂದು ಈ ರೀತಿ ಭಾಷಣ ಮಾಡಿ, ಶಭಾಷ್​ ಎನಿಸಿಕೊಳ್ಳಿ

ಮಹಾರಾಷ್ಟ್ರ ಬೋರ್ಡ್ 10 ನೇ ತರಗತಿ ಪರೀಕ್ಷೆಗಳು
ಮಹಾರಾಷ್ಟ್ರ ರಾಜ್ಯ ಮಂಡಳಿಯ 10 ನೇ ತರಗತಿ ಪರೀಕ್ಷೆಗಳು ಇಂದು ಅಂದರೆ ಮಾರ್ಚ್ 2 ರಂದು ಆರಂಭವಾಗಿದೆ. ಭಾಷಾ ಪತ್ರಿಕೆಗಳೊಂದಿಗೆ ಪ್ರಾರಂಭವಾಗಿವೆ . ಪರೀಕ್ಷೆಗಳು ಮಾರ್ಚ್ 25 ರಂದು ಸೋಶಿಯಲ್​ ಸ್ಟಡಿ ಪೇಪರ್ II ಜಿಯೋಗ್ರಾಫಿಯೊಂದಿಗೆ ಮುಕ್ತಾಯಗೊಳ್ಳುತ್ತವೆ.ಇದರ ಮಧ್ಯೆ 12 ನೇ ತರಗತಿ ಅಥವಾ HSC ಪರೀಕ್ಷೆಗಳು ಫೆಬ್ರವರಿ 21 ರಂದು ಇಂಗ್ಲಿಷ್ ಪತ್ರಿಕೆಯೊಂದಿಗೆ ಪ್ರಾರಂಭವಾಗಿದೆ ಮತ್ತು ಮಾರ್ಚ್ 20 ರಂದು ಕೊನೆಗೊಳ್ಳಲಿದೆ.

ರಾಜಸ್ಥಾನ ಬೋರ್ಡ್ ಪರೀಕ್ಷೆಗಳು
ರಾಜಸ್ಥಾನ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (RBSE) ಮಾರ್ಚ್ ತಿಂಗಳಲ್ಲಿ 10 ಮತ್ತು 12 ನೇ ತರಗತಿ ಪರೀಕ್ಷೆಗಳನ್ನು ನಡೆಸುತ್ತಿದ್ದು, ಇದಕ್ಕಾಗಿ 21,12,206 ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ. 10 ನೇ ತರಗತಿಯ  ಪರೀಕ್ಷೆಯು ಮಾರ್ಚ್ 16 ರಂದು ಇಂಗ್ಲಿಷ್ ಪತ್ರಿಕೆಯೊಂದಿಗೆ ಪ್ರಾರಂಭವಾಗುತ್ತದೆ ಮತ್ತು ಏಪ್ರಿಲ್ 11 ರಂದು ಸಂಸ್ಕೃತ ಮತ್ತು ವೃತ್ತಿಪರ ವಿಷಯಗಳೊಂದಿಗೆ ಮುಕ್ತಾಯಗೊಳ್ಳಲಿದೆ. 12 ನೇ ತರಗತಿ ವಿದ್ಯಾರ್ಥಿಗಳಿಗೆ, ವಾರ್ಷಿಕ ಪರೀಕ್ಷೆಗಳು ಮಾರ್ಚ್ 9 ರಂದು ಮನೋವಿಜ್ಞಾನ ಪತ್ರಿಕೆಯೊಂದಿಗೆ ಪ್ರಾರಂಭವಾಗುತ್ತವೆ ಮತ್ತು ವೃತ್ತಿಪರ ಪರೀಕ್ಷೆಯೊಂದಿಗೆ ಕೊನೆಗೊಳ್ಳುತ್ತವೆ.

NEET PG 2023
ವಿದ್ಯಾರ್ಥಿಗಳು ಕೇಂದ್ರ ಸರ್ಕಾರಕ್ಕೆ ಪದೇ ಪದೇ ಮನವಿ ಮಾಡಿದರೂ ಮತ್ತು ಪರೀಕ್ಷೆಯನ್ನು ಮುಂದೂಡಲು ನ್ಯಾಯಾಲಯಗಳನ್ನು ಸಂಪರ್ಕಿಸಿದರೂ, ವೈದ್ಯಕೀಯ ಮಂಡಳಿಯು ಮಾರ್ಚ್ 5 ರಂದು ಈ ವರ್ಷದ NEET PG 2023 ಗಾಗಿ ನಿಗದಿತ ಪರೀಕ್ಷೆಯ ದಿನಾಂಕವನ್ನು ಮುಂದುವರಿಸಿದೆ . ಈಗಾಗಲೇ ಫೆಬ್ರವರಿ 27 ರಂದು ಪ್ರವೇಶ ಪತ್ರಗಳನ್ನು ನೀಡಲಾಗಿದ್ದು, ಮಾರ್ಚ್ 31 ರಂದು ಫಲಿತಾಂಶ ಪ್ರಕಟವಾಗುವ ನಿರೀಕ್ಷೆಯಿದೆ.

CTET 2023 ಫಲಿತಾಂಶಗಳು
ಈ ತಿಂಗಳು, ಕೇಂದ್ರೀಯ ಶಿಕ್ಷಕರ ಅರ್ಹತಾ ಪರೀಕ್ಷೆ (CTET) 2023 ರ ಫಲಿತಾಂಶಗಳನ್ನು ಕೇಂದ್ರ ಶಾಲಾ ಶಿಕ್ಷಣ ಮಂಡಳಿ (CBSE) ಪ್ರಕಟಿಸುತ್ತದೆ. ಕಂಪ್ಯೂಟರ್ ಆಧಾರಿತ ಪರೀಕ್ಷೆಯಾಗಿದ್ದ ಈ ಪರೀಕ್ಷೆಯಲ್ಲಿ ಸುಮಾರು 32.5 ಲಕ್ಷ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಪರಿಶೀಲನಾ ಪ್ರಕ್ರಿಯೆ ಮುಗಿದ ನಂತರ ಮಂಡಳಿಯು ಫಲಿತಾಂಶಗಳನ್ನು ಪ್ರಕಟಿಸಲಿದೆ.

SSC CGL ಶ್ರೇಣಿ II ಪರೀಕ್ಷೆ
ಸ್ಟಾಫ್ ಸೆಲೆಕ್ಷನ್ ಕಮಿಷನ್ ಅಥವಾ SSC CGL ನ ಕಂಬೈನ್ಡ್ ಗ್ರಾಜುಯೇಟ್ ಲೆವೆಲ್ ಟೈರ್ II ಪರೀಕ್ಷೆಯು ಇಂದು ಮಾರ್ಚ್, 2 ರಂದು ಪ್ರಾರಂಭವಾಗುತ್ತದೆ ಮತ್ತು ಮಾರ್ಚ್ 7 ಕ್ಕೆ ಕೊನೆಗೊಳ್ಳಲಿದೆ. ವಿವಿಧ ಸರ್ಕಾರಿ ಇಲಾಖೆಗಳಲ್ಲಿ 37,409 ಖಾಲಿ ಹುದ್ದೆಗಳನ್ನು ಭರ್ತಿ ಮಾಡಲು, ಸುಮಾರು 33,55,194 ಅಭ್ಯರ್ಥಿಗಳು SSC CGL ಶ್ರೇಣಿ I ಗೆ ನೋಂದಾಯಿಸಿಕೊಂಡಿದ್ದಾರೆ. ಅವರಲ್ಲಿ 3,86,652 ಮಂದಿ CGL ಶ್ರೇಣಿ II ಪರೀಕ್ಷೆಗೆ ಆಯ್ಕೆಯಾಗಿದ್ದಾರೆ.