Foreign Study: ವಿದ್ಯಾರ್ಥಿಗಳೇ ಗಮನಿಸಿ, ವಿದೇಶದಲ್ಲಿ ಓದುವವರಿಗೆ ಒಂದೊಳ್ಳೆ ಅವಕಾಶ ಇಲ್ಲಿದೆ!

ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳು (Students) ಒಂದು ವರ್ಷ ಮುಂಚಿತವಾಗಿಯೇ ಯುಎಸ್‌ ವೀಸಾಕ್ಕೆ ಅರ್ಜಿ ಸಲ್ಲಿಸಬಹುದು ಎಂದು ಅಮೆರಿಕ ಹೇಳಿದೆ. ಯುಎಸ್‌ನಲ್ಲಿ ಅಧ್ಯಯನ ಮಾಡಲು ಬಯಸುವ ವಿದೇಶಿ (Foreign) ವಿದ್ಯಾರ್ಥಿಗಳಿಗೆ ಅವರ ಶೈಕ್ಷಣಿಕ ಅವಧಿ ಪ್ರಾರಂಭವಾಗುವ ಒಂದು ವರ್ಷದ (Year) ಮೊದಲು ವೀಸಾಕ್ಕೆ ಅರ್ಜಿ ಸಲ್ಲಿಸಬಹುದು ಎಂದು ಅಲ್ಲಿನ ಸರ್ಕಾರ ತಿಳಿಸಿದೆ. ವಿದೇಶಿ ವಿದ್ಯಾರ್ಥಿಗಳು ತಮ್ಮ ಕೋರ್ಸ್​ನ (Course) ಪ್ರಾರಂಭಕ್ಕೆ 30 ದಿನಗಳ ಮೊದಲು ವಿದ್ಯಾರ್ಥಿಗಳು ಅಲ್ಲಿ ಹಾಜರಿರಬೇಕು ಎಂದು ಹೇಳಲಾಗಿದೆ. ಈ ನಿಯಮವನ್ನು (Rules) ಪಾಲಿಸಲೇ ಬೇಕಾಗುತ್ತದೆ. 

ವಿದ್ಯಾರ್ಥಿ ವೀಸಾವನ್ನು US ರಾಯಭಾರ ಕಚೇರಿಗಳು ಮತ್ತು ಕಾನ್ಸುಲೇಟ್‌ಗಳು ತಮ್ಮ ಶೈಕ್ಷಣಿಕ ಸಂಸ್ಥೆಗಳು ನೀಡುವ I-20 ಫಾರ್ಮ್ ಅನ್ನು ಆಧರಿಸಿ ನೀಡುತ್ತವೆ.

ಕೋರ್ಸ್‌ ಆರಂಭವಾಗುವ 30 ದಿನಗಳ ಮೊದಲು ಹೋಗಬಹುದು!

ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ಸಾಮಾನ್ಯವಾಗಿ ಎಫ್‌ ಮತ್ತು ಎಂ ಎಂಬ ಎರಡು ವರ್ಗದ US ವೀಸಾಗಳನ್ನು ನೀಡಲಾಗುತ್ತದೆ. ಹೊಸ ವಿದ್ಯಾರ್ಥಿಗಳಿಗೆ ಅಧ್ಯಯನದ ಕೋರ್ಸ್‌ ಪ್ರಾರಂಭ ದಿನಾಂಕಕ್ಕಿಂತ 365 ದಿನಗಳ ಮುಂಚಿತವಾಗಿ ವಿದ್ಯಾರ್ಥಿ ವೀಸಾಗಳನ್ನು ನೀಡಬಹುದು" ಎಂದು ಸ್ಟೇಟ್ ಡಿಪಾರ್ಟ್‌ಮೆಂಟ್ ಹೇಳಿದೆ. ಹಾಗಾಗಿ ಬಿ ವೀಸಾದಲ್ಲಿ ವಿದ್ಯಾರ್ಥಿಯು ತಮ್ಮ ಕೋರ್ಸ್​​ ಪ್ರಾರಂಭದ 30 ದಿನಗಳ ಮೊದಲು US ಅನ್ನು ಪ್ರವೇಶಿಸಬಹುದು ಎಂದು ಹೇಳಲಾಗಿದೆ.

ವಿದ್ಯಾರ್ಥಿ ವೀಸಾವನ್ನು US ರಾಯಭಾರ ಕಚೇರಿಗಳು ಮತ್ತು ಕಾನ್ಸುಲೇಟ್‌ಗಳು, ತಮ್ಮ ಶೈಕ್ಷಣಿಕ ಸಂಸ್ಥೆಗಳು ನೀಡುವ I-20 ಫಾರ್ಮ್ ಅನ್ನು ಆಧರಿಸಿ ನೀಡುತ್ತವೆ. ಇದನ್ನು ಎಲ್ಲಾ ವಿದ್ಯಾರ್ಥಿಗಳು, ವಿದ್ಯಾರ್ಥಿ ಮತ್ತು ವಿನಿಮಯ ಸಂದರ್ಶಕ ವ್ಯವಸ್ಥೆಯಲ್ಲಿ (SEVIS) ನೋಂದಾಯಿಸಿಕೊಳ್ಳಬೇಕು ಎಂದು ರಾಜ್ಯ ಇಲಾಖೆ ಹೇಳಿದೆ. ಸಂಗಾತಿ ಮತ್ತು ಅಪ್ರಾಪ್ತ ಮಕ್ಕಳು, ವಿದ್ಯಾರ್ಥಿಯೊಂದಿಗೆ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ವಾಸಿಸಲು ಬಯಸಿದರೆ, ಪ್ರತಿಯೊಬ್ಬರೂ ವಿದ್ಯಾರ್ಥಿಯ ಶೈಕ್ಷಣಿಕ ಸಂಸ್ಥೆಯಿಂದ ವೈಯಕ್ತಿಕ ಫಾರ್ಮ್ I-20 ಅನ್ನು ಸ್ವೀಕರಿಸಬೇಕಾಗುತ್ತದೆ ಎಂದೂ ಸಹ ಹೇಳಲಾಗಿದೆ.

ಇದನ್ನೂ ಓದಿ:Communication: ವಿದ್ಯಾರ್ಥಿಗಳೊಂದಿಗೆ ಶಿಕ್ಷಕರು ಈ ರೀತಿ ಮಾತನಾಡಿದರೆ ಉತ್ತಮ

ಕೋರ್ಸ್‌ ಮುಗಿದ 60 ದಿನಗಳೊಳಗಾಗಿ ತೆರಳಬೇಕು!

ಸ್ಟೇಟ್ ಡಿಪಾರ್ಟ್‌ಮೆಂಟ್ ಪ್ರಕಾರ, ಕೋರ್ಸ್‌ ಮುಗಿದ 60 ದಿನಗಳಲ್ಲಿ ವಿದ್ಯಾರ್ಥಿಯು ವಾಪಸ್‌ ತೆರಳಬೇಕು. ಎಫ್ ವೀಸಾ ಹೊಂದಿರುವ ವಿದೇಶಿ ವಿದ್ಯಾರ್ಥಿಗಳು ಯಾವುದೇ ಅಧಿಕೃತ ಪ್ರಾಯೋಗಿಕ ತರಬೇತಿಯನ್ನು ಒಳಗೊಂಡಂತೆ ಫಾರ್ಮ್ I-20 ನಲ್ಲಿ ಪಟ್ಟಿ ಮಾಡಲಾದ ಕೋರ್ಸ್‌ನ ಅಂತಿಮ ದಿನಾಂಕದ ನಂತರ 60 ದಿನಗಳ ಒಳಗೆ ಅಮೆರಿಕವನ್ನು ಬಿಡಬೇಕಾಗುತ್ತದೆ.

ಹೊಸ ಪ್ರಕಟಣೆಯ ಪ್ರಕಾರ ವಿಶ್ವವಿದ್ಯಾನಿಲಯಗಳು ಅವಧಿಯ ಸಮಯಕ್ಕಿಂತ 12-14 ತಿಂಗಳ ಮೊದಲು I-20 ಫಾರ್ಮ್‌ಗಳನ್ನು ಸ್ವೀಕರಿಸಬಹುದು ಮತ್ತು ನೀಡಬಹುದು.

"ಹೆಚ್ಚು ಕಾಯುವ ಅಗತ್ಯವಿಲ್ಲ!"

ವೀಸಾ ಸೇವೆಗಳ ಉಪ ಸಹಾಯಕ ಕಾರ್ಯದರ್ಶಿ ಜೂಲಿ ಸ್ಟಫ್ಟ್ ಅವರು ಸುದ್ದಿ ಮಾಧ್ಯಮಕ್ಕೆ ತಿಳಿಸಿದಂತೆ ಭಾರತವು ಕಳೆದ ವರ್ಷ ವಿದ್ಯಾರ್ಥಿ ವೀಸಾಗಳ ದಾಖಲೆಯನ್ನು ಮುರಿದಿದೆ. ಯುನೈಟೆಡ್ ಸ್ಟೇಟ್ಸ್‌ಗೆ ಬರುವ ಅಂತರರಾಷ್ಟ್ರೀಯ ವಿದ್ಯಾರ್ಥಿಗಳ ವಿಷಯದಲ್ಲಿ ಭಾರತವು ಈಗ ವಿಶ್ವದಲ್ಲಿಯೇ ಎರಡನೇ ಸ್ಥಾನದಲ್ಲಿದೆ.

ವೀಸಾ ನವೀಕರಣಕ್ಕಾಗಿ ಕಾಯುವ ಅಗತ್ಯ ಇಲ್ಲ

“ಸಂದರ್ಶನದ ಅಗತ್ಯವಿಲ್ಲದಿದ್ದರೆ ವೀಸಾ ನವೀಕರಣಕ್ಕಾಗಿ ನೀವು ಹೆಚ್ಚು ಸಮಯ ಕಾಯುವ ಅಗತ್ಯವಿಲ್ಲ. ಈ ವೀಸಾ ನೀಡುವ ಕುರಿತು ನಾವು ನಮ್ಮ ಎಲ್ಲಾ ಪ್ರಯತ್ನಗಳನ್ನು ಮಾಡುತ್ತಿದ್ದೇವೆ. ಇದು ನಮ್ಮ ಕಾರ್ಯತಂತ್ರದ ಒಂದು ಭಾಗವಾಗಿದೆ” ಎಂದು ಜೂಲಿ ಸ್ಟಫ್ಟ್ ಹೇಳಿದ್ದಾರೆ. ಮೊದಲ ಬಾರಿ ವೀಸಾ ಅರ್ಜಿ ಸಲ್ಲಿಸುವವರಿಗೆ ಅದರಲ್ಲೂ ವಿಶೇಷವಾಗಿ B1 (ವ್ಯಾಪಾರ) ಮತ್ತು B2 (ಪ್ರವಾಸಿ) ವರ್ಗಗಳ ಅಡಿಯಲ್ಲಿ ಅರ್ಜಿ ಸಲ್ಲಿಸುವವರಿಗೆ ದೀರ್ಘ ಕಾಲ ಕಾಯುವ ಅನಿವಾರ್ಯತೆ ಇತ್ತು.

ಭಾರತದಲ್ಲಿ ಮೊದಲ ಬಾರಿಗೆ B1/B2 ವೀಸಾ ಅರ್ಜಿದಾರರ ಕಾಯುವ ಅವಧಿಯು ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಮೂರು ವರ್ಷಗಳ ಹತ್ತಿರ ಇತ್ತು. ಕರೋನಾ ವೈರಸ್ ಸಂಬಂಧಿತ ಪ್ರಯಾಣ ನಿರ್ಬಂಧಗಳನ್ನು ತೆಗೆದುಹಾಕಿದ ನಂತರ ಯುಎಸ್ ವೀಸಾಗಳಿಗಾಗಿ ಅರ್ಜಿಗಳ ಸಂಖ್ಯೆಯಲ್ಲಿ ಏರಿಕೆಯಾಗಿವೆ.