• Home
  • »
  • News
  • »
  • jobs
  • »
  • Education: ಪಠ್ಯಪುಸ್ತಕದಲ್ಲಿ ವೇದಗಳ ಸೇರ್ಪಡೆ? ಮಹತ್ವದ ಸೂಚನೆ ನೀಡಿದ ಕೇಂದ್ರ ಶಿಕ್ಷಣ ಸಚಿವ

Education: ಪಠ್ಯಪುಸ್ತಕದಲ್ಲಿ ವೇದಗಳ ಸೇರ್ಪಡೆ? ಮಹತ್ವದ ಸೂಚನೆ ನೀಡಿದ ಕೇಂದ್ರ ಶಿಕ್ಷಣ ಸಚಿವ

ವೇದಗಳು (ಸಾಂಕೇತಿಕ ಚಿತ್ರ)

ವೇದಗಳು (ಸಾಂಕೇತಿಕ ಚಿತ್ರ)

History Education: ಡಿಸೆಂಬರ್ 28 ರಂದು ಸಂಸದೀಯ ಸಮಿತಿಯು ನಾಲ್ಕು ಮತ್ತು ಭಗವದ್ಗೀತೆಯಂತಹ ಹಿಂದೂ ಧರ್ಮಗ್ರಂಥಗಳು ರಾಷ್ಟ್ರೀಯ ಶಿಕ್ಷಣ ನೀತಿಯ ಅಡಿಯಲ್ಲಿ ಹೊಸ ಇತಿಹಾಸ ಪಠ್ಯಕ್ರಮದ ಭಾಗವಾಗಿದೆ ಎಂದು ಶಿಫಾರಸು ಮಾಡಿತು.

  • News18 Kannada
  • Last Updated :
  • New Delhi, India
  • Share this:

ಮುಂದಿನ ವರ್ಷ ಎಂದರೆ 2023 ರ ಜನವರಿ 26 ರಿಂದ ದೇಶದ ಎಲ್ಲಾ ಶಾಲೆಗಳಲ್ಲಿ ಭಾರತೀಯ ಇತಿಹಾಸದ (History) ಹೊಸ ಆವೃತ್ತಿಯನ್ನು ಪರಿಚಯಿಸಲಾಗುವುದು ಎಂದು ಕೇಂದ್ರ ಶಿಕ್ಷಣ (Education) ಸಚಿವ ಧರ್ಮೇಂದ್ರ ಪ್ರಧಾನ್ ಅವರು ಮಂಗಳವಾರ ಘೋಷಿಸಿದ್ದಾರೆ. ಇತಿಹಾಸ ಪಠ್ಯಕ್ರಮವು 2020 ರಲ್ಲಿ ಸರ್ಕಾರವು ಪ್ರಸ್ತಾಪಿಸಿದ ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿಯ (NEP) ಭಾಗವಾಗಿದೆ ಅಂತ ಹೇಳಲಾಗುತ್ತಿದೆ. ಇಂಡಿಯನ್ ಕೌನ್ಸಿಲ್ ಆಫ್ ಹಿಸ್ಟಾರಿಕಲ್ ರಿಸರ್ಚ್ (ICHR) ಮತ್ತು ಆರ್‌ಎಸ್‌ಎಸ್ ಸಂಯೋಜಿತ ಅಖಿಲ ಭಾರತೀಯ ಇತಿಹಾಸ್ ಸಂಕಲನ್ ಯೋಜನೆ (Plan) ಜಂಟಿಯಾಗಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿದ ಸಚಿವರು, ಹೊಸ ಪಠ್ಯಕ್ರಮವು ಇಂಗ್ಲಿಷ್ ಆಧಾರಿತ ಬೋಧನಾ ವಿಧಾನಕ್ಕಿಂತ ಮಾತೃಭಾಷೆಗೆ (Mother Tongue) ಉತ್ತೇಜನವನ್ನು ನೀಡುತ್ತದೆ ಎಂದು ಹೇಳಿದರು.


"ವಸಂತ ಪಂಚಮಿಯ ಸಂದರ್ಭದಲ್ಲಿ ಜನವರಿ 26 ರಿಂದ ರಾಷ್ಟ್ರೀಯ ಶಿಕ್ಷಣ ನೀತಿಯ ಅಡಿಯಲ್ಲಿ ದೇಶಾದ್ಯಂತದ ವಿದ್ಯಾರ್ಥಿಗಳಿಗೆ ಭಾರತೀಯ ಇತಿಹಾಸದ ಸರಿಪಡಿಸಿದ ಆವೃತ್ತಿಯನ್ನು ಕಲಿಸಲಾಗುವುದು. ಎನ್ಇಪಿ ನಮಗೆ ಅನೇಕ ಅವಕಾಶಗಳನ್ನು ಒದಗಿಸುತ್ತದೆ. ಎನ್ಇಪಿಯಲ್ಲಿ ಮಾತೃಭಾಷೆಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ. ಮಾತೃಭಾಷೆಗೆ ಆದ್ಯತೆ ನೀಡದೆ ಶಿಕ್ಷಣವನ್ನು ನೀಡುವುದು ಅರ್ಥಹೀನವಾಗಿದೆ" ಎಂದು ಪ್ರಧಾನ್ ಕಾರ್ಯಕ್ರಮದಲ್ಲಿ ಹೇಳಿದರು.


ಶಿಕ್ಷಣ ಕ್ಷೇತ್ರದಲ್ಲಿ ಗೇಮ್ ಚೇಂಜರ್


2020 ರಲ್ಲಿ ರಾಷ್ಟ್ರೀಯ ಶಿಕ್ಷಣ ನೀತಿಯನ್ನು ಪರಿಚಯಿಸಿದಾಗ ಭಾರತೀಯ ಶಿಕ್ಷಣ ವ್ಯವಸ್ಥೆಗೆ ಇದು ಒಂದು ಗೇಮ್ ಚೇಂಜರ್ ಎಂದು ಶ್ಲಾಘಿಸಲಾಗಿತ್ತು.. ಹೊಸ ನೀತಿಯ ಅಡಿಯಲ್ಲಿನ ಪರಿಷ್ಕರಣೆಗಳು ಮುಂಬರುವ ವರ್ಷಗಳಲ್ಲಿ ವಿದ್ಯಾರ್ಥಿಗಳಿಗೆ ಹೇಗೆ ಸಹಾಯ ಮಾಡಬಹುದು ಎಂಬುದನ್ನು ಇಲ್ಲಿ ವಿವರಿಸಲಾಗಿದೆ ನೋಡಿ.


ಭಗವದ್ಗೀತೆ ಮತ್ತು ವೇದಗಳ ಸೇರ್ಪಡೆ?


ಡಿಸೆಂಬರ್ 28 ರಂದು ಸಂಸದೀಯ ಸಮಿತಿಯು ನಾಲ್ಕು ಮತ್ತು ಭಗವದ್ಗೀತೆಯಂತಹ ಹಿಂದೂ ಧರ್ಮಗ್ರಂಥಗಳು ರಾಷ್ಟ್ರೀಯ ಶಿಕ್ಷಣ ನೀತಿಯ ಅಡಿಯಲ್ಲಿ ಹೊಸ ಇತಿಹಾಸ ಪಠ್ಯಕ್ರಮದ ಭಾಗವಾಗಿದೆ ಎಂದು ಶಿಫಾರಸು ಮಾಡಿತು. ಈಶಾನ್ಯ ಸೇರಿದಂತೆ ದೇಶದ ಮೂಲೆ ಮೂಲೆಗಳಿಂದ ಬಂದ ಅನೇಕ "ಅಸಂಘಟಿತ ಸ್ವಾತಂತ್ರ್ಯ ಹೋರಾಟಗಾರರ" ಕೊಡುಗೆಗಳನ್ನು ಎನ್‌ಸಿಇಆರ್‌ಟಿ ಪಠ್ಯಪುಸ್ತಕಗಳಲ್ಲಿ ಸಮಾನ ಪ್ರಾಮುಖ್ಯತೆಯೊಂದಿಗೆ ಸೇರಿಸಬೇಕು ಎಂದು ಸಮಿತಿ ಸೂಚಿಸಿದೆ.


ಇದನ್ನೂ ಓದಿ: Anganwadi Recruitment: ಅಂಗನವಾಡಿ ನೇಮಕಾತಿಗೆ ಹೊಸ ನಿಯಮ, 10, 12ನೇ ತರಗತಿ ಪಾಸ್​ ಆದ್ರೆ ಮಾತ್ರ ಕೆಲಸ


ಶಾಲಾ ಪಠ್ಯಪುಸ್ತಕಗಳಲ್ಲಿ ಐತಿಹಾಸಿಕವಲ್ಲದ ಸಂಗತಿಗಳ ಉಲ್ಲೇಖಗಳನ್ನು ಗುರುತಿಸಲು,  ಮಹಾನ್ ಮಹಿಳಾ ಸಾಧಕರಿಗೆ ಸಮಾನ ಪ್ರಾತಿನಿಧ್ಯವನ್ನು ನೀಡಲು ಈ ಸಮಿತಿಯನ್ನು ರಚಿಸಲಾಗಿದೆ.


10+2 ಫ್ರೇಮ್ ವರ್ಕ್ ಇರುವುದಿಲ್ಲ


2023-24 ರ ಶೈಕ್ಷಣಿಕ ವರ್ಷದಿಂದ ಜಾರಿಗೆ ಬರಲಿರುವ ಎನ್ಇಪಿ, ಕೆ 12 ಶಿಕ್ಷಣದಲ್ಲಿ 10 +2 ಫ್ರೇಮ್ ವರ್ಕ್ ಅನ್ನು ತೆಗೆದು ಹಾಕುತ್ತದೆ.  ಬದಲಿಗೆ ನಾಲ್ಕು ಹಂತದ ಕಲಿಕಾ ವ್ಯವಸ್ಥೆಯನ್ನು ಅಳವಡಿಸಿಕೊಳ್ಳುತ್ತದೆ. ಅಡಿಪಾಯ, ಪೂರ್ವಸಿದ್ಧತೆ, ಮಧ್ಯಮ ಮತ್ತು ಮಾಧ್ಯಮಿಕ, ಪರಿಣಾಮಕಾರಿಯಾಗಿ 5 + 4 + 3 + 4 ಪಠ್ಯಕ್ರಮ ಫ್ರೇಮ್ ವರ್ಕ್ ಅನ್ನು ರಚಿಸುತ್ತದೆ. ಶಿಕ್ಷಣ ನೀತಿಯು ಅಡಿಪಾಯ ಮಟ್ಟದಲ್ಲಿ ಪಠ್ಯಕ್ರಮವನ್ನು ವಿನ್ಯಾಸಗೊಳಿಸಿರುವುದು ಇದೇ ಮೊದಲು. ಹೊಸ ಶಿಕ್ಷಣ ನೀತಿಯ ಅನುಷ್ಠಾನವು ರಾಜ್ಯದಿಂದ ರಾಜ್ಯಕ್ಕೆ ಮತ್ತು ಸಂಸ್ಥೆಗಳ ನಡುವೆ ಭಿನ್ನವಾಗಿರಬಹುದು, ಆದರೆ ಪ್ರಮುಖ ಉದ್ದೇಶಗಳು ಒಂದೇ ಆಗಿರುತ್ತವೆ.


ಉನ್ನತ ಶಿಕ್ಷಣವು ಸುಲಭವಾಗುತ್ತದೆ


ಎನ್ಇಪಿ 2020 ರ ಅಡಿಯಲ್ಲಿ ಹೆಚ್ಚಾಗಿ ತಮ್ಮದೇ ಆದ ಶೈಕ್ಷಣಿಕ  ಆಯ್ಕೆ ಮಾಡಲು ಸಾಧ್ಯವಾಗಿದೆ. ಇದು ಉನ್ನತ ಶಿಕ್ಷಣದ ಕಾರ್ಯವಿಧಾನಕ್ಕೆ ಹೆಚ್ಚು ಹೊಂದಿಕೊಳ್ಳುತ್ತದೆ. ಹೊಸ ನೀತಿಯ ಅಡಿಯಲ್ಲಿ, ಕ್ಯಾಂಪಸ್ ಸುರಕ್ಷತೆ, ಮಾನಸಿಕ ಯೋಗಕ್ಷೇಮ, ಕುಂದುಕೊರತೆ ಪರಿಹಾರ ಮತ್ತು ಇತರ ಸೇವೆಗಳ ಮೂಲಕ ವಿದ್ಯಾರ್ಥಿಗಳ ಅನುಭವವನ್ನು ಹೆಚ್ಚಿಸಲು ಸಂಸ್ಥೆಗಳು ಹೆಚ್ಚು ಗಮನ ಹರಿಸುತ್ತವೆ.


ಬೋರ್ಡ್ ಪರೀಕ್ಷೆಗಳ ಬಗ್ಗೆ ಆತಂಕವಿರುವುದಿಲ್ಲ


ಎನ್ಇಪಿ 2020 ರ ಅಡಿಯಲ್ಲಿ, ಬೋರ್ಡ್ ಪರೀಕ್ಷೆಗಳ ಬಗ್ಗೆ ಭಯ ಪಡುವ ಅವಶ್ಯಕತೆ ಇಲ್ಲ. ಆದರೆ ಸಮಗ್ರ ಅಭಿವೃದ್ಧಿಯನ್ನು ಉತ್ತೇಜಿಸುವ ಮತ್ತು ಪ್ರಮುಖ ಸಾಮರ್ಥ್ಯಗಳನ್ನು ಪರೀಕ್ಷಿಸುವ ಗುರಿಯನ್ನು ಹೊಂದಿದೆ ಎಂದು ಸರ್ಕಾರ ತಿಳಿಸಿದೆ. ವಿದ್ಯಾರ್ಥಿಗಳಿಗೆ ಯಾವುದೇ ನಿರ್ದಿಷ್ಟ ಶಾಲಾ ವರ್ಷದಲ್ಲಿ ಎರಡು ಸಂದರ್ಭಗಳಲ್ಲಿ ಬೋರ್ಡ್ ಪರೀಕ್ಷೆಗಳನ್ನು ತೆಗೆದುಕೊಳ್ಳಲು ಅನುಮತಿಸಲಾಗುತ್ತದೆ. ವಿದ್ಯಾರ್ಥಿಗಳು 3, 5 ಮತ್ತು 8ನೇ ತರಗತಿಗಳಲ್ಲಿ ಶಾಲಾ ಪರೀಕ್ಷೆಗಳನ್ನು ತೆಗೆದುಕೊಳ್ಳುತ್ತಾರೆ.

First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು