Education Loan: ಎಜ್ಯುಕೇಶನ್ ಲೋನ್ ಪಡೆಯೋದ್ರಿಂದ ಇಷ್ಟೆಲ್ಲಾ ಲಾಭಗಳಿವೆ ನೋಡಿ!

ಶಿಕ್ಷಣ ಕ್ಷೇತ್ರವು(Education Sector) ಮೊದಲಿನಂತಿಲ್ಲ. ಸಾಕಷ್ಟು ತಂತ್ರಜ್ಞಾನವನ್ನು(Technology), ಅನುಭವದ ಕಲಿಕೆಯನ್ನು, ಉದ್ಯಮ ಸಂಯೋಜಿತ ಪಠ್ಯಕ್ರಮಗಳನ್ನು ಒಳಗೊಂಡಿದೆ. ವೃತ್ತಿಪರ ಹಾಗೂ ವೈಯಕ್ತಿಕ ಅವಕಾಶಗಳನ್ನು ಅನ್ಲಾಕ್‌(Unlock) ಮಾಡಲು ಇಂತಹ ಗುಣಮಟ್ಟದ ಶಿಕ್ಷಣ(Quality Education) ಇಂದಿನ ಕಾಲದಲ್ಲಿ ಅವಶ್ಯ ಕೂಡ.

ಆದ್ರೆ ಶಿಕ್ಷಣದ ಈ ಮಾದರಿಯು ಬೋಧನಾ ಶುಲ್ಕವನ್ನು ಹೆಚ್ಚಿಸುವಲ್ಲಿ ಮತ್ತು ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಅಡ್ಮಿಶನ್‌ ಗಳಿಗಾಗಿ ತೀವ್ರ ಪೈಪೋಟಿಗೆ ಕಾರಣವಾಗಿದೆ.

ಅಂತೆಯೇ, ಪೋಷಕರು ತಮ್ಮ ಮಕ್ಕಳ ಉನ್ನತ ಅಭ್ಯಾಸಕ್ಕಾಗಿ ಹೆಚ್ಚಿನ ಹಣವನ್ನು ಸುರಿಯುವುದು ಅನಿವಾರ್ಯವಾಗುತ್ತದೆ. ಆದ್ರೆ ಈ ದುಬಾರಿ ಶಿಕ್ಷಣದ ಆರ್ಥಿಕ ಸಂಕೋಲೆಯಿಂದ ಮುಕ್ತವಾಗಲು ಸುಲಭವಾದ ಮಾರ್ಗವೆಂದರೆ ಎಜ್ಯುಕೇಶನ್‌ ಲೋನ್‌ ಮಾಡುವುದು. ಇದು ಸಾಕಷ್ಟು ಪ್ರಯೋಜನಕಾರಿ ಕೂಡ.

* ಡಬಲ್ ತೆರಿಗೆ ವಿನಾಯಿತಿ ಪ್ರಯೋಜನ: ಇತರ ಸಾಲದ ಪ್ರಕಾರಗಳಿಗಿಂತ ಭಿನ್ನವಾಗಿ, ಶಿಕ್ಷಣ ಸಾಲವನ್ನು ಪಡೆದುಕೊಳ್ಳುವುದು ನಿಮಗೆ ವಿನಾಯಿತಿಗಳನ್ನು ಒದಗಿಸುತ್ತದೆ.

-TCS (Tax collection at source) : ಶಿಕ್ಷಣ ಸಾಲವನ್ನು ತೆಗೆದುಕೊಳ್ಳುವ ವಿದ್ಯಾರ್ಥಿಗಳು ಕೇವಲ 0.5 ಶೇಕಡಾ TCS ಅನ್ನು ಪಾವತಿಸಬೇಕಾಗುತ್ತದೆ.

-ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವಾಗ ತೆರಿಗೆ ವಿನಾಯಿತಿ: ಸೆಕ್ಷನ್ 80E (ಭಾರತದ ಆದಾಯ ತೆರಿಗೆ) ಅಡಿಯಲ್ಲಿ, ವಿದ್ಯಾರ್ಥಿಗಳು 8 ವರ್ಷಗಳವರೆಗೆ ಪಾವತಿಸಿದ ಬಡ್ಡಿಯ ಮೇಲೆ ಅನಿಯಮಿತ ತೆರಿಗೆ ಕಡಿತವನ್ನು ಪಡೆಯಬಹುದು

*ವೈಯಕ್ತಿಕ ಉಳಿತಾಯವನ್ನು ಹಾಗೆಯೇ ಇಡಬಹುದು : ಶಿಕ್ಷಣದ ಸಾಲ ಪಡೆಯುವುದರಿಂದ ಪಾಲಕರು ತಮ್ಮ ಮಕ್ಕಳ ಬೋಧನಾ ಅಗತ್ಯವನ್ನು ಪೂರೈಸಲು ರಿಯಲ್ ಎಸ್ಟೇಟ್, ಈಕ್ವಿಟಿಗಳು ಅಥವಾ ಚಿನ್ನಗಳನ್ನು ಮಾರಾಟ ಮಾಡಬೇಕಾಗಿಲ್ಲ. ತಮ್ಮ ಉಳಿತಾಯವನ್ನು ಹಾಗೆಯೇ ಇಡಬಹುದು.

*ಸೂಕ್ತವಾದ ಸಾಲದ ಆಯ್ಕೆ: ಅವರ ಪ್ರೊಫೈಲ್ ಮತ್ತು ಕೋರ್ಸ್ ಗಳ ಆಧಾರದ ಮೇಲೆ, ವಿದ್ಯಾರ್ಥಿಗಳು ತಮ್ಮ ಅಧ್ಯಯನ ಅಗತ್ಯಗಳಿಗೆ ಸರಿಹೊಂದುವ ಸಾಲದ ಪ್ರಕಾರವನ್ನು ಆಯ್ಕೆ ಮಾಡಿಕೊಳ್ಳಬಹುದು.

*ಮರುಪಾವತಿಯ ಅವಧಿ: ಸಾಮಾನ್ಯವಾಗಿ, ಶಿಕ್ಷಣ ಸಾಲಗಳ ಸಂದರ್ಭದಲ್ಲಿ ಕೋರ್ಸ್ ಮುಗಿದ 6 ರಿಂದ 12 ತಿಂಗಳ ನಂತರ EMI ಪಾವತಿಗಳನ್ನು ಪ್ರಾರಂಭಿಸಲು ನಿಗದಿಪಡಿಸಲಾಗಿದೆ. ಇದರಿಂದಾಗಿ ಉದ್ಯೋಗವನ್ನು ಹುಡುಕಲು... ಹುಡುಕಿದ ನಂತರ ಸಾಲ ತುಂಬಲು ಸಾಕಷ್ಟು ಸಮಯ ಸಿಗುತ್ತದೆ.

*ಭವಿಷ್ಯಕ್ಕಾಗಿ ಕ್ರೆಡಿಟ್ ಹಿಸ್ಟರಿ ನಿರ್ಮಿಸುವುದು: ಶಿಕ್ಷಣ ಸಾಲಗಳನ್ನು ಮರುಪಾವತಿ ಮಾಡುವುದು ವಿದ್ಯಾರ್ಥಿಗಳ ಕ್ರೆಡಿಟ್ ಹಿಸ್ಟರಿಯನ್ನು ನಿರ್ಮಿಸುತ್ತದೆ.

ಇದು ಭವಿಷ್ಯದಲ್ಲಿ ಗೃಹ ಸಾಲ ಅಥವಾ ವಾಹನ ಸಾಲದಂತಹ ಇತರ ಸಾಲಗಳನ್ನು ಸುಲಭವಾಗಿ ಪಡೆದುಕೊಳ್ಳಲು ಸಹಾಯ ಮಾಡುತ್ತದೆ.

*ಮೇಲಾಧಾರ ಠೇವಣಿ ಅಗತ್ಯವಿಲ್ಲ: 7.5 ಲಕ್ಷದ ವರೆಗೆ ಹೆಚ್ಚಿನ ಬ್ಯಾಂಕ್‌ಗಳು ಮೇಲಾಧಾರ-ಮುಕ್ತ ಸಾಲಗಳನ್ನು ನೀಡುತ್ತವೆ. ನೀವು ಅದರ ಪ್ರಯೋಜನವನ್ನು ಪಡೆದುಕೊಳ್ಳಬಹುದು.

ಇದನ್ನೂ ಓದಿ: Clinical Education: ಕ್ಲಿನಿಕಲ್ ಶಿಕ್ಷಣ ಪದ್ಧತಿ ಎಂದರೇನು? EXXAT ಸಂಸ್ಥೆಯ ಸಿಇಒ ವಿವರಣೆ ಹೀಗಿದೆ

*ವಿದ್ಯಾರ್ಥಿಗಳಲ್ಲಿ ಆರ್ಥಿಕ ಶಿಸ್ತನ್ನು ನಿರ್ಮಿಸುವುದು: EMI ಗಳನ್ನು ಮರುಪಾವತಿ ಮಾಡುವುದು ಎಂದರೆ ವಿದ್ಯಾರ್ಥಿಗಳ ವೃತ್ತಿಪರ ಜೀವನದ ಆರಂಭದಲ್ಲಿ ಒಂದು ಮೊತ್ತವನ್ನು ಬದಿಗಿರಿಸುವುದು ಎಂದರ್ಥ. ಅದು ಅವರ ಮುಂದಿನ ಜೀವನದಲ್ಲಿ ಆರ್ಥಿಕ ಉಳಿತಾಯದ ಪಾಠ ಹೇಳಿಕೊಡುತ್ತದೆ.

*ಕಡಿಮೆ ಬಡ್ಡಿದರಗಳು ಮತ್ತು ಮಹಿಳೆಯರಿಗೆ ಹೆಚ್ಚುವರಿ ಪ್ರಯೋಜನಗಳು: ವಿಶಿಷ್ಟವಾಗಿ, ಸುರಕ್ಷಿತ ಶಿಕ್ಷಣ ಸಾಲಗಳಿಗೆ, ಮಹಿಳೆಯರಿಗೆ ಬಡ್ಡಿದರಗಳು 7.85% ಮತ್ತು ಪುರುಷರಿಗೆ 8.35% ರಿಂದ ಪ್ರಾರಂಭವಾಗುತ್ತವೆ. ಇದು ವೈಯಕ್ತಿಕ ಸಾಲದಂತಹ ಇತರ ಸಾಲಗಳಿಗಿಂತ ಗಮನಾರ್ಹವಾಗಿ ಕಡಿಮೆಯಾಗಿದೆ.

*ದೀರ್ಘ ಮರುಪಾವತಿ ಅವಧಿ: ಇತರ ಸಾಲದ ವರ್ಗಗಳಿಗಿಂತ ವಿಭಿನ್ನವಾಗಿ ಶಿಕ್ಷಣ ಸಾಲಗಳ ಮರುಪಾವತಿ ಅವಧಿಯು 20 ವರ್ಷಗಳವರೆಗೆ ಇರುತ್ತದೆ.

ವಿದ್ಯಾರ್ಥಿ ಸಾಲವನ್ನು ತೆಗೆದುಕೊಳ್ಳುವ ಮೊದಲು ನೆನಪಿನಲ್ಲಿಟ್ಟುಕೊಳ್ಳಬೇಕಾದ ವಿಷಯಗಳು:

1. ತೆರಿಗೆ ಪ್ರಯೋಜನಗಳು ಬಡ್ಡಿಯ ಮೇಲೆ ಮಾತ್ರ ಅನ್ವಯಿಸುತ್ತವೆಯೇ ಹೊರತು ಪಾವತಿಸಬೇಕಾದ ಮೂಲ ಮೊತ್ತದ ಮೇಲಲ್ಲ.

2. ಪ್ರಾಥಮಿಕ ಅರ್ಜಿದಾರರು ಸಾಲ ಮರುಪಾವತಿ ಮಾಡದೇ ಹೋದರೆ ಅದರ ಹೊಣೆಗಾರಿಕೆ ಸಹ ಅರ್ಜಿದಾರರು ಅಥವಾ ಗಾರ್ಡಿಯನ್‌ ಮೇಲಿರುತ್ತದೆ.

ಇದನ್ನೂ ಓದಿ: Karnataka: ವಿದ್ಯಾರ್ಥಿಗಳೇ ಗಮನಿಸಿ- UG, PG ಪರೀಕ್ಷಾ ಕ್ರಮದಲ್ಲಿ ಮಹತ್ತರ ಬದಲಾವಣೆ

3. ಅರ್ಜಿದಾರ ಮತ್ತು ಸಹ-ಅರ್ಜಿದಾರರ ಆದಾಯ ಮತ್ತು ಶೈಕ್ಷಣಿಕ ವಿಶ್ವಾಸಾರ್ಹತೆಯ ಪರಿಶೀಲನೆ ಕಡ್ಡಾಯವಾಗಿದೆ.

ಒಟ್ಟಾರೆ ಶಿಕ್ಷಣದ ಸಾಲದಿಂದ ಸಾಕಷ್ಟು ಪ್ರಯೋಜನಗಳಿವೆ. ಈ ಸಾಲವನ್ನು ಪಡೆಯುವುದರಿಂದ ಆರ್ಥಿಕ ಹೊರೆಯೂ ಕಡಿಮೆಯಾಗುತ್ತದೆ.