Brave Girl: 10ನೇ ತರಗತಿ ಪರೀಕ್ಷೆ ಬರೆದ 6ನೇ ಕ್ಲಾಸ್​ ವಿದ್ಯಾರ್ಥಿನಿ!

ಇತ್ತೀಚಿನ ದಿನಗಳಲ್ಲಿ ವಿದ್ಯಾರ್ಥಿಗಳು ಹೆಚ್ಚಿನ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಹಲವಾರು ಕಡೆ ಇದು ಸಾಬೀತಾಗಿದೆ. ವಿದ್ಯಾರ್ಥಿಗಳು (Students) ಆಗಾಗ ತಮ್ಮ ಜಾಣತನದಿಂದ ಹೊಸ (New) ಹೊಸ ಆವಿಷ್ಕಾರ ಮಾಡುವುದು ಪರೀಕ್ಷೆಯಲ್ಲಿ (Exam) ಹೆಚ್ಚಿನ ಅಂಕ ಗಳಿಸುವುದು ಎಲ್ಲವನ್ನು ನೀವು ನೋಡಿರುತ್ತೀರಾ ಆದರೆ ಇಲ್ಲೊಬ್ಬ ಪುಟ್ಟ ಬಾಲಕಿ ಮಾಡಿರುವ ಸಾಧನೆ ನೋಡಿದ್ರೆ ನೀವು ಖಂಡಿತ ಖುಷಿ (Happy) ಪಡ್ತೀರಾ, ಹಾಗಾದ್ರೆ  ಈ ಬಾಲಕಿ ಮಾಡಿರುವ ಸಾಧನೆ ಏನು? ಇವಳ ಸಾಧನೆಯ (Success) ಹಿಂದಿನ ಸಾಮರ್ಥ್ಯದ ಗುಟ್ಟೇನು ಎಂಬ ಮಾಹಿತಿಯನ್ನು ನಾವಿಲ್ಲಿ ನೀಡಿದ್ದೇವೆ ನೋಡಿ. 

ಕಾಕಿನಾಡ ಜಿಲ್ಲೆಯ ಜನರು ಈ ಪುಟ್ಟ ಬಾಲಕಿಯ ಸಾಧನೆಗೆ ಆಶ್ಚರ್ಯ ಪಟ್ಟಿದ್ದಾರೆ. ಕೇವಲ ಕಾರ್ಪೊರೇಟ್ ಶಾಲೆಗಳಿಗೆ ಸೀಮಿತವಾಗಿರುವ ವಿದ್ಯಾರ್ಥಿಗಳು ಮಾತ್ರ ಪ್ರತಿಭಾವಂತರಲ್ಲಾ ಪ್ರತಿಭೆ ಸರಕಾರಿ ಶಾಲೆಗಳಲ್ಲೂ ಇದೆ ಎಂಬುದನ್ನು ಸರಕಾರಿ ಶಾಲಾ ಶಿಕ್ಷಕರು ಸಾಬೀತು ಮಾಡುತ್ತಿದ್ದಾರೆ.

ಕಾಕಿನಾಡದ ಮಹಾತ್ಮಾ ಗಾಂಧಿ ಮುನ್ಸಿಪಲ್ ಹೈಸ್ಕೂಲ್ ಇದಕ್ಕೆ ಉದಾಹರಣೆಯಾಗಿದೆ. ಇಲ್ಲಿನ ಶಾಲೆಯ ಆರನೇ ತರಗತಿಗೆ ಸೇರಿರುವ ಹೇಮಶ್ರೀ ಅವರು ವಿಶೇಷ ಪ್ರತಿಭಾನ್ವಿತ ವರ್ಗದ ಅಡಿಯಲ್ಲಿ ಎಪಿ 10 ನೇ ಪರೀಕ್ಷೆಗೆ ಹಾಜರಾಗುತ್ತಿದ್ದಾರೆ. ಹೇಮಾ ಶ್ರೀ ಯಾರು? ಹತ್ತನೆ ತರಗತಿ ಪರೀಕ್ಷೆಯನ್ನು ಈ ಬಾಲಕಿ ಬರೆಯುವುದರಲ್ಲಿ ಏನು ವಿಶೇಷವಿದೆ ಅಂದುಕೊಂಡ್ರಾ? ಈ ವಿಶೇಷಕ್ಕೂ ಒಂದು ಕಾರಣವಿದೆ ಅದೇನೆಂದರೆ ಆ ಬಾಲಕಿ ಈಗ ಓದುತ್ತಿರುವುದು 6ನೇ ತರಗತಿಯಲ್ಲಿ ಆದ್ರೆ ಅವಳು ಬರೆಯುತ್ತಿರುವುದು ಮಾತ್ರ ಹತ್ತನೇ ತರಗತಿ.

ಪರೀಕ್ಷೆಗೆ ಏನು ಬರೆದಿದ್ದಾಳೆ. ಅನುಮತಿ ಸಿಕ್ಕಿದ್ದು ಹೇಗೆ ಎಂಬ ವಿವರಗಳನ್ನು ನೋಡಿದರೆ ಹೇಮಶ್ರೀ ಕಾಕಿನಾಡ ನಗರದ ಗಾಂಧಿ ಪಾರ್ಕ್ ಎದುರು ಇರುವ ಮಹಾತ್ಮಾ ಗಾಂಧಿ ನಗರ ಪಾಲಕ ಪ್ರೌಢಶಾಲೆಯಲ್ಲಿ ಆರನೇ ತರಗತಿಯಲ್ಲಿ ಓದುತ್ತಿದ್ದಾಳೆ.

ಇದನ್ನೂ ಓದಿ: JEE Main ಅರ್ಹತಾ ಮಾನದಂಡ ಸಡಿಲಿಕೆ ಮಾಡುವಂತೆ ವಿದ್ಯಾರ್ಥಿಗಳ ಆಗ್ರಹ; ಶಿಕ್ಷಣ ಇಲಾಖೆ ಹೇಳಿದ್ದೇನು ನೋಡಿ

ಆದರೆ, ಶ್ಲೋಕಗಳು, ಸಾಮಾನ್ಯ ಜ್ಞಾನ ಇತ್ಯಾದಿ ಎಲ್ಲ ವಿಷಯಗಳಲ್ಲಿಯೂ ಮುಂದಿದ್ದರಿಂದ ಶಿಕ್ಷಕರೂ ಈ ಬಾಲಕಿಯ ಜಾಣತನದ ಬಗ್ಗೆ ವಿಶೇಷ ಗಮನ ನೀಡಿದ್ದಾರೆ. ಈ ಬಾಲಕಿ ಎಲ್ಲ ರೀತಿಯಲ್ಲೂ ಮುಂದಿದ್ದಾಳೆ ಎಂಬುದನ್ನು ಮನಗಂಡ ಪಾಲಕರು ಹಾಗೂ ಶಿಕ್ಷಕರು ಮೇಲಧಿಕಾರಿಗಳ ಗಮನಕ್ಕೆ ತಂದರು. ಈಕೆಯ ಪ್ರತಿಭೆ 10ನೇ ತರಗತಿ ಓದುವವರ ಜ್ಞಾನ ಹೊಂದಿರುವುದನ್ನು ಮನಗಂಡು ವಿಶೇಷ ಅನುಮತಿ ಕೋರಿ ಅಧಿಕಾರಿಗಳಿಗೆ ಅರ್ಜಿ ಸಲ್ಲಿಸಿದ್ದರು.

ಈ ವಿಷಯವನ್ನು ಆಂಧ್ರಪ್ರದೇಶ ಶಿಕ್ಷಣ ಇಲಾಖೆ ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಪ್ರಕಾಶ್ ಅವರ ಗಮನಕ್ಕೆ ಜಿಲ್ಲೆಯ ಅಧಿಕಾರಿಗಳ ಮೂಲಕ ತಿಳಿಸಲಾಯಿತು. ಹೇಮಶ್ರೀಯನ್ನು ಹಲವು ರೀತಿಯಲ್ಲಿ ಪ್ರಶ್ನಿಸಿದರು. ಅವರು ಕೇಳಿದ ಎಲ್ಲಾ ಪ್ರಶ್ನೆಗಳಿಗೆ ಉತ್ತರಿಸುತ್ತಿದ್ದಂತೆ ವಿಶೇಷ ಆದೇಶದ ಮೂಲಕ 10ನೇ ತರಗತಿ ಪರೀಕ್ಷೆಗೆ ಹಾಜರಾಗಲು ಅವಕಾಶ ಕಲ್ಪಿಸಿದರು. ಇದು ಬಹಳ ಅಪರೂಪ. ಅದರಲ್ಲೂ ಹೇಮಶ್ರೀ ಅವರ ಐಕ್ಯೂ ಹೆಚ್ಚಿರುವುದನ್ನು ಕಂಡುಕೊಂಡಿರುವ ಶಿಕ್ಷಣ ತಜ್ಞರು ಭವಿಷ್ಯದಲ್ಲಿ ಉತ್ತಮ ಸಾಧನೆ ಮಾಡಲಿದ್ದಾಳೆ ಈ ವಿದ್ಯಾರ್ಥಿನಿ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ.

ಸಾಮಾನ್ಯ ಕುಟುಂಬದಿಂದ ಬಂದಿರುವ ಹೇಮಶ್ರೀ ಅವರ ಪ್ರತಿಭೆಯನ್ನು ಹತ್ತನೇ ತರಗತಿ ಪರೀಕ್ಷೆ ಮುಗಿದ ನಂತರ ಹೇಳುತ್ತೇವೆ ಎಂದು ಆಕೆಯ ಪೋಷಕರು ಹೇಳಿದ್ದಾರೆ. ಇಂತಹ ಪ್ರತಿಭೆ ಇರುವ ಮಗು ತಮ್ಮ ಶಾಲೆಯಲ್ಲಿ ಓದಿ 6ನೇ ತರಗತಿಯಲ್ಲಿರುವಾಗಲೇ  ಹತ್ತನೇ ತರಗತಿ ಪರೀಕ್ಷೆ ಬರೆಯುತ್ತಿರುವುದು ತುಂಬಾ ಖುಷಿ ತಂದಿದೆ ಎಂದು ಶಾಲೆಯ ಶಿಕ್ಷಕರು ಹೇಮಶ್ರೀ ಅವರ ಪ್ರತಿಭೆಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಜಿಲ್ಲಾ ಪರಿಷತ್ ಪ್ರೌಢಶಾಲೆಯಲ್ಲಿ 10ನೇ ತರಗತಿ ಪರೀಕ್ಷೆ ಬರೆಯುತ್ತಿದ್ದಾರೆ

ಎಲ್ಲಾ ಪರೀಕ್ಷೆಗಳನ್ನು ಮಾಡಿ ವಿಶೇಷ ನಾಮಿನಲ್ ರೋಲ್ ಮೂಲಕ ಹತ್ತನೇ ತರಗತಿ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಕಾಕಿನಾಡ ಗಾಂಧಿನಗರದ ಮಹಾತ್ಮ ಗಾಂಧಿ ನಗರ ಪಾಲಕ ಪ್ರೌಢಶಾಲೆಯ ಪ್ರಾಂಶುಪಾಲ ವೆಂಕಟೇಶ್ವರರಾವ್ ತಿಳಿಸಿದ್ದಾರೆ. ಹೇಮಶ್ರೀ ಪ್ರಸ್ತುತ ಇಂದ್ರಪಾಲೆಂನಲ್ಲಿರುವ ಜಿಲ್ಲಾ ಪರಿಷತ್ ಪ್ರೌಢಶಾಲೆಯಲ್ಲಿ 10ನೇ ತರಗತಿ ಪರೀಕ್ಷೆ ಬರೆಯುತ್ತಿದ್ದಾರೆ.