Bengaluru: ವಿದ್ಯಾರ್ಥಿಯ ಕಷ್ಟಕ್ಕೆ ಸ್ಪಂದಿಸಿದ ಶಿಕ್ಷಣ ಸಚಿವರು; ರಾತ್ರೋ ರಾತ್ರಿ ಬಿ ಸಿ ನಾಗೇಶ್ ಸಹಾಯ ಹಸ್ತ

ಬೆಂಗಳೂರು: ಸಚಿವರೊಬ್ಬರ ಒಳ್ಳೆಯ ನಡೆ  17 ವರ್ಷದ ಬಾಲಕನ ಬದುಕಿನ ದಿಕ್ಕನ್ನೇ ಬದಲಿಸಿದ ಕಥೆ ಇದು. ಶಿಕ್ಷಣ ಸಚಿವ ಬಿ ಸಿ ನಾಗೇಶ್ (Education Minister BC Nagesh)​ ಅವರಿಗೆ ಮಾಡಿದ ಒಂದು ಕರೆಯಿಂದ ಬಾಲಕನ ಬದುಕೇ ಬದಲಾಯಿತು. ಹಾಗಾದ್ರೆ ಆದದ್ದೇನು? ಒಬ್ಬ ವಿದ್ಯಾರ್ಥಿಯ (Student) ಬದಕನ್ನ ಬದಲಿಸುವ ಕೆಲವನ್ನು ಶಿಕ್ಷಣ (Education) ಸಚಿವರು ಏನು ಮಾಡಿದರು ಎಂಬ ಮಾಹಿತಿ ಇಲ್ಲಿದೆ ಗಮನಿಸಿ. ರಾತ್ರಿ (Night) ಸುಮಾರು ಹನ್ನೊಂದು ಗಂಟೆಗೆ ಒಬ್ಬ ಕಾಮನ್​ ಮ್ಯಾನ್​​ ಅವರಿಗೆ ಕರೆ ಮಾಡುತ್ತಾನೆ. ಆತ ತುಂಬಾ ಗೊಂದಲದಲ್ಲಿರುತ್ತಾನೆ. ಆಗ ಅವರು ಬೇಡಿಕೆ ಇಡುತ್ತಾರೆ. ಅದು ದ್ವಿತೀಯ ಪಿಯುಸಿ ಒಬ್ಬ ವಿಶೇಷ ಚೇತನನಿಗೆ ಸಂಬಂಧಪಟ್ಟ ಸಂಗತಿಯಾಗಿದೆ. 

ಅದೇನೆಂದರೆ, ದೃಷ್ಟಿ ವಿಕಲಚೇತನ ವಿದ್ಯಾರ್ಥಿಯೊಬ್ಬನ ಲಿಪಿಕಾರ ಅಂದರೆ ಈ ವಿದ್ಯಾರ್ಥಿ ಹೇಳಿದ್ದನ್ನು ಬರೆಯುವ ವ್ಯಕ್ತಿಯೊಬ್ಬರ ಮನೆಯಲ್ಲಿ 22 ವರ್ಷದ ಮಹಿಳೆಯೊಬ್ಬರಿಗೆ ಗರ್ಪಪಾತವಾಗಿದೆ ಎಂಬ ವಿಷಯ ತಿಳಿದು ಬಂತು ಆಕಾರಣದಿಂದ ಲಿಪಿಕಾರ ಪರೀಕ್ಷೆ ಬರೆಯಲು ಬರುವುದಿಲ್ಲ ಎಂದು ತಿಳಿದುಬಂತು. ಇದರಿಂದಾಗಿ ದ್ವಿತೀಯ ಪಿಯುಸಿ ವಿದ್ಯಾರ್ಥಿ ಅಭಿನವ್​​ ಪರೀಕ್ಷೆ ಬರೆಯಲು ಸಾಧ್ಯವಾಗದ ಪರಿಸ್ಥಿತಿ ಎದುರಾಯ್ತು.

ಇದರಿಂದಾಗಿ ಅಭಿನವ್​ ಮನೆಯ ಸದಸ್ಯರೆಲ್ಲರೂ ಸಹ ತುಂಬಾ ಚಿಂತೆಗೀಡಾದರು. ಈ ವರ್ಷ ಪರೀಕ್ಷೆ ಬರೆಯಲು ಸಾಧ್ಯವಾಗದೇ ಹೋದರೆ ಒಂದು ವರ್ಷ ವ್ಯರ್ಥವಾಗಿ ಹೋಗಯತ್ತದೆ ಎಂಬ ಚಿಂತೆಯಿಂದ ಆತನ ಕುಂಟುಂಬಸ್ಥರು ತಲೆ ಕೆಡಿಸಿಕೊಂಡಿದ್ದರು. ಈಗ ಏನು ಮಾಡಬೇಕು ಎಂದು ಎಲ್ಲರೂ ಚಿಂತೆಯಿಂದ ಇರುವಾಗ ಒಮ್ಮೆ ಶಿಕ್ಷಣ ಸಚಿವ ಬಿಸಿ ನಾಗೇಶ್​ ಅವರಿಗೆ ಕರೆ ಮಾಡುವ  ನಿರ್ಧಾರಕ್ಕೆ ಬಂದರು. ಆದರೆ ಆಗಲೇ ರಾತ್ರಿಯಾಗಿ ಹೋಗಿತ್ತು.

ಯಾರಾದರೂ ಹೊಸ ಲಿಪಿಕಾರರನ್ನು ಆಯ್ಕೆ ಮಾಡುವುದು ಸುಲಭದ ಕೆಲಸವಾಗರಲಿಲ್ಲ. ಅದಕ್ಕಾಗಿ ಕೆಲವು ಹಂತಗಳನ್ನು ಪಾಲಿಸಲೇ ಬೇಕಾಗಿತ್ತು. ಆ ಹಂತಗಳನ್ನು ಪೂರೈಸಿಕೊಡುವಂತೆ ಏನಾದರೂ ಅನುವು ಮಾಡಿ ಎಂದು ಪ್ರಾಂಶುಪಾಲರನ್ನು ಕೇಳಲಾಯಿತು. ಅಂದು ಭಾನುವಾರ ಸಮಯ 9:30.

ಇದನ್ನೂ ಓದಿ: Brain Health: ನಿಮ್ಮ ಮೆದುಳನ್ನು ಚುರುಕುಗೊಳಿಸಲು ಈ ರೀತಿ ಮಾಡಿ

ಬದಲಾಗಿ, ಪರೀಕ್ಷೆ ಬರೆಯಲು ಸಿದ್ಧವಾಗಿರುವ ಸ್ನೇಹಿತರಿಗೆ ಅವರು ಶಿಫಾರಸು ಮಾಡಬಹುದಿತ್ತು. ಆದರೆ ಪಿಯು ಶಿಕ್ಷಣ ಇಲಾಖೆಯು ಹೊಸ ಲಿಪಿಕಾರರನ್ನು ಅನುಮೋದಿಸಬೇಕಾಗಿತ್ತು. ಗಾಬರಿಗೊಂಡ ಪೋಷಕರು ಅಭಿನವ್ ಪಿಯು ಕಾಲೇಜು ಪ್ರಾಂಶುಪಾಲರ ಮನೆಗೆ ದೌಡಾಯಿಸಿದ್ದಾರೆ. ಪ್ರಕ್ರಿಯೆಯ ಪ್ರಕಾರ, ಪ್ರಾಂಶುಪಾಲರು ಪಿಯು ಶಿಕ್ಷಣದ ಉಪನಿರ್ದೇಶಕರಿಗೆ ಲಿಪಿಕಾರರನ್ನು ಶಿಫಾರಸು ಮಾಡಬೇಕಾಗಿತ್ತು ಅವರು ಅರ್ಹತೆಯನ್ನು ಪರಿಶೀಲಿಸುತ್ತಾರೆ ಮತ್ತು ನಂತರ ಅನುಮೋದಿಸುತ್ತಾರೆ.

ಪ್ರಾಂಶುಪಾಲರು ಡಿಡಿಪಿಯುಗೆ ಕರೆ ಮಾಡಿದರು, ಆದರೆ ಅವರು ಪಟ್ಟುಬಿಡಲಿಲ್ಲ. ಇದು ದೀರ್ಘಾವಧಿಯ ಪ್ರಕ್ರಿಯೆ ಸಮಯ ತೆಗೆದುಕೊಳ್ಳುತ್ತದೆ. ರಾತ್ರೋರಾತ್ರಿ ಮಾಡಲು ಸಾಧ್ಯವಿಲ್ಲ ಎಂದು ಡಿಡಿಪಿಯು ಪ್ರಾಂಶುಪಾಲರಿಗೆ ಹೇಳುವಂತೆ ಸೂಚಿಸಿದರು. ತನ್ನ ಮಗ ಖಿನ್ನತೆಗೆ ಒಳಗಾಗುತ್ತಾನೆ ಎಂದು ಅವರಿಗೆ ಖಚಿತವಾಗಿತ್ತು.

ಇದನ್ನೂ ಓದಿ: SSLC Guidelines: ಹತ್ತನೇ ತರಗತಿ ವಿದ್ಯಾರ್ಥಿಗಳೇ ಗಮನಿಸಿ; ಇಲ್ಲಿದೆ ಮಹತ್ವದ ಮಾಹಿತಿ

ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಸಚಿವರಾದ ಬಿ.ಸಿ.ನಾಗೇಶ್ಅವರ ಸಂಪರ್ಕ ಸಂಖ್ಯೆ ಅವರ ಬಳಿ ಇದೆ ಎಂದು ತಂದೆ ನೆನಪಿಸಿಕೊಂಡಾಗ ಒಮ್ಮೆ ಕರೆ ಮಾಡಿಯೇ ಬಿಡೋಣ ಎಂದು ಯೋಚಿಸಿ ರಾತ್ರೊ 11:30ಕ್ಕೆ ಕರೆ ಮಾಡಿದರು. ಸಚಿವರು ಕಾಲ್​ ರಿಸೀವ್​ ಮಾಡಿದರು. ಆದರೆ ಮೊದಲು ಇದು ಫೋನ್​ ಮಾಡುವ ಸಮಯವೇನ್ರೀ ಅಂತ ಕೇಳಿದ್ರೂ ನಂತರ ಈ ಕಡೆಯಿಂದ ನಾನು ದ್ವಿತೀಯ ಪಿಯುಸಿ ಪರೀಕ್ಷೆ ಬರೆಯಲಿರುವ ವಿದ್ಯಾರ್ಥಿಯ ತಂದೆ ಎಂದಾಕ್ಷಣ ಶಾಂತವಾದ್ರು. ಎಲ್ಲಾ ಸಂಗತಿಯನ್ನು ವಿವರಿಸಲಾಯಿತು.

ಅವರು ತಕ್ಷಣವೇ ಕರ್ನಾಟಕ ಶಾಲಾ ಪರೀಕ್ಷಾ ಮತ್ತು ಮೌಲ್ಯಮಾಪನ ಮಂಡಳಿಯ ಪರೀಕ್ಷಾ ನಿರ್ದೇಶಕರಿಗೆ ಕರೆ ಮಾಡಿದರು.  ನಿರ್ದೇಶಕರ ಸಂಖ್ಯೆಗೆ ಸಂದೇಶ ಕಳುಹಿಸಿದರು . ಅವರನ್ನು ಸಂಪರ್ಕಿಸಿ, ಅವರು ನೇರವಾಗಿ ಪ್ರಾಂಶುಪಾಲರೊಂದಿಗೆ ಮಾತನಾಡಿದರು ಮತ್ತು ಇವರಿಗೆ ಸಹಾಯ ಮಾಡಲು ಸೂಚಿಸಿದರು. ಪೋಷಕರು ಕೆಎಸ್‌ಇಎಬಿ ನಿರ್ದೇಶಕ ಗೋಪಾಲಕೃಷ್ಣ ಅವರಿಗೆ ಕರೆ ಮಾಡಿ, ಸ್ಥಳೀಯ ಅಧಿಕಾರಿಗಳಿಗೆ ಸೂಚಿಸಿದರು. ಅವರ ತಂಡವು 2.30 ರವರೆಗೆ ಕಾನ್ಫರೆನ್ಸ್ ಕರೆಗಳನ್ನು ಮಾಡಿತು.

ಮರುದಿನ ಬೆಳಿಗ್ಗೆ 8 ಗಂಟೆಗೆ ಇತರ ವಿಧಿವಿಧಾನಗಳಿಗಾಗಿ ಖಜಾನೆ ಕಚೇರಿಗೆ ಭೇಟಿ ನೀಡುವಂತೆ ಪೋಷಕರು ಮತ್ತು ವಿದ್ಯಾರ್ಥಿಗೆ ತಿಳಿಸಲಾಯಿತು. ಬೆಳಿಗ್ಗೆ, ಎಲ್ಲಾ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಲಾಯಿತು ಮತ್ತು ಅಭಿನವ್ ಹೊಸ ಲಿಪಿಕಾರನೊಂದಿಗೆ ಪರೀಕ್ಷೆ ಬರೆದಿದ್ದಾರೆ.