CUET PG 2023 ನೋಂದಣಿ ದಿನಾಂಕ ವಿಸ್ತರಣೆ; ಇಲ್ಲಿದೆ ಸಂಪೂರ್ಣ ಮಾಹಿತಿ

CUET PG 2023 ನೋಂದಣಿ: ಕಾಮನ್ ಯೂನಿವರ್ಸಿಟಿ ಪ್ರವೇಶ ಪರೀಕ್ಷೆ (CUET-PG) ನೋಂದಣಿ ದಿನಾಂಕವನ್ನು ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (NTA) ಶೀಘ್ರದಲ್ಲೇ ವಿಸ್ತರಿಸಲಿದೆ. ಮಾಧ್ಯಮ ವರದಿಗಳ ಪ್ರಕಾರ, ಯುಜಿಸಿ ಅಧ್ಯಕ್ಷ ಎಂ ಜಗದೇಶ್ ಕುಮಾರ್ ಅವರು ಇದನ್ನು ಖಚಿತಪಡಿಸಿದ್ದಾರೆ ಮತ್ತು ನೋಂದಣಿ ದಿನಾಂಕವನ್ನು ಮೇ 5, 2023 ರಂದು ರಾತ್ರಿ 9.50 ರವರೆಗೆ ವಿಸ್ತರಿಸಲಾಗುವುದು ಎಂದು ಹೇಳಿದ್ದಾರೆ. cuet.nta.nic.in ಗೆ ಭೇಟಿ ನೀಡುವ ಮೂಲಕ ಅಭ್ಯರ್ಥಿಗಳು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.

ತಿದ್ದುಪಡಿ ವಿಂಡೋವನ್ನು ಮೇ 6 ರಂದು ಸಕ್ರಿಯಗೊಳಿಸಲಾಗುತ್ತದೆ ಮತ್ತು ಮೇ 8, 2023 ರಂದು ಮುಚ್ಚಲಾಗುತ್ತದೆ. ಪ್ರವೇಶ ಕಾರ್ಡ್ (CUET PG ಪ್ರವೇಶ ಕಾರ್ಡ್ 2023) ಮತ್ತು ಫಲಿತಾಂಶ (CUET PG ಫಲಿತಾಂಶ 2023) ದಿನಾಂಕವನ್ನು ನಂತರ ಪೋರ್ಟಲ್‌ನಲ್ಲಿ ನೀಡಲಾಗುತ್ತದೆ.

ಅರ್ಜಿ ಶುಲ್ಕ ನೀಡುವ ಮುನ್ನ ಈ ಅಂಶ ಗಮನದಲ್ಲಿರಲಿ

ಈಗಾಗಲೇ ತಮ್ಮ ಕೋರ್ಸ್ ಅನ್ನು ಆಯ್ಕೆ ಮಾಡಿಕೊಂಡಿರುವ ಅಭ್ಯರ್ಥಿಗಳು ತಾವು ಮೊದಲು ಆಯ್ಕೆ ಮಾಡಿದ ಪರೀಕ್ಷೆಗಳು ಅಥವಾ ವಿಷಯಗಳನ್ನು ಬದಲಾಯಿಸಬಹುದು ಅಥವಾ ಅಳಿಸಬಹುದು. ಹೆಚ್ಚಿನ ವಿಷಯಗಳನ್ನು (ಪರೀಕ್ಷೆಗಳು) ಆಯ್ಕೆ ಮಾಡಲು, ಅಭ್ಯರ್ಥಿಗಳು ಹೆಚ್ಚುವರಿ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ (ಅನ್ವಯಿಸಿದರೆ). ಒಮ್ಮೆ ಪಾವತಿಸಿದ ಶುಲ್ಕವನ್ನು ಹಿಂತಿರುಗಿಸಲಾಗುವುದಿಲ್ಲ ಎಂದು ಅಭ್ಯರ್ಥಿಗಳು ತಿಳಿದಿರಬೇಕು.

ನೀವು ಕೆಲವು ಅಂಶಗಳನ್ನು ಸರಿಯಾದ ಮಾಹಿತಿ ಪಡೆದ ನಂತರವೇ ಭರ್ತಿ ಮಾಡುವುದು ಒಳ್ಳೆಯದು. ತಿಳಿಯದೇ ಇರುವ ಅಂಶಗಳ ಬಗ್ಗೆ ಎರಡು ಬಾರಿ ಸರಿಯಾಗಿ ಅರ್ಥಮಾಡಿಕೊಂಡು ನೀವು ಇದನ್ನು ತುಂಬ ಬೇಕು.

ಹತ್ತನೇ ತರಗತಿ ವಿದ್ಯಾರ್ಥಿಗಳ ಕೀ ಉತ್ತರದ ಮಾಹಿತಿ

ಕರ್ನಾಟಕದಲ್ಲಿ ಹತ್ತನೇ ತರಗತಿ ವಿದ್ಯಾರ್ಥಿಗಳ ಪರೀಕ್ಷೆ  ಮುಕ್ತಾಯವಾಗಿದೆ. ವಿದ್ಯಾರ್ಥಿಗಳಿಗೆ ಸಹಾಯವಾಗಲಿ ಎಂದು ಕೀ ಉತ್ತರಗಳನ್ನು (Key Answer) ಬಿಡುಗಡೆ ಮಾಡಲಾಗಿದೆ. ಈ ಉತ್ತರಗಳನ್ನು ಪರಿಶೀಲಿಸುವ ಮೂಲಕ ವಿದ್ಯಾರ್ಥಿಗಳು ತಮ್ಮ ಅಂಕವನ್ನು ಅಂದಾಜಿಸಬಹುದು. ಆದಷ್ಟು ಬೇಗ ನೀವು ಈ ಕೀ ಉತ್ತರಗಳನ್ನು ಪರಿಶೀಲಿಸಿ. ಪರಿಶೀಲಿಸಲು ನಾವು ಇಲ್ಲಿ ನೀಡಿರುವ ಅಧಿಕೃತ ಜಾಲತಾಣಕ್ಕೆ ಬೇಟಿ ನೀಡಿ. ಕರ್ನಾಟಕ ಪ್ರೌಢ ಶಿಕ್ಷಣ (Education) ಪರೀಕ್ಷಾ ಮಂಡಳಿ (ಕೆಎಸ್‌ಇಇಬಿ) ಸೋಮವಾರ 10ನೇ ತರಗತಿ ಅಥವಾ ಎಸ್‌ಎಸ್‌ಎಲ್‌ಸಿ ಬೋರ್ಡ್ ಪರೀಕ್ಷೆ (Exam) 2023 ರ ಉತ್ತರ ಕೀಯನ್ನು ಬಿಡುಗಡೆ ಮಾಡಿದೆ.

ನೀವು ಈಗಾಗಲೇ ಪರೀಕ್ಷೆ ಬರೆದಿದ್ದರೂ ಸಹ ನೀವು ಬರೆದ ಉತ್ತರಗಳು ಸರಿ ಇವೆಯೋ ಇಲ್ಲವೋ ಎಂದು ಪರಿಶೀಲಿಸಲು ಇದು ತುಂಬಾ ಸಹಾಯವಾಗುತ್ತದೆ. ಎಸ್‌ಎಸ್‌ಎಲ್‌ಸಿ ಉತ್ತರ ಕೀಯನ್ನು ಮಂಡಳಿಯ ಅಧಿಕೃತ ವೆಬ್‌ಸೈಟ್ - kseeb.karnataka.gov ನಲ್ಲಿ ಬಿಡುಗಡೆ ಮಾಡಲಾಗಿದೆ. ನೀವು ಈ ಅಧಿಕೃತ ಜಾಲತಾಣಕ್ಕೆ ಭೇಟಿ ನೀಡುವ ಮೂಲಕ ಇನ್ನೂ ಹೆಚ್ಚಿನ ಮಾಹಿತಿ ಪಡೆದುಕೊಳ್ಳಬಹುದು.