India Post Recruitment 2023: ಪೋಸ್ಟ್​ ಆಫೀಸ್​​ನಲ್ಲಿ 40,889 ಹುದ್ದೆಗಳು ಖಾಲಿ- ಅಭ್ಯರ್ಥಿಗಳು ಇಲ್ಲಿ ಅರ್ಜಿ ಹಾಕಿ

India Post Recruitment 2023: ಭಾರತೀಯ ಅಂಚೆ ಇಲಾಖೆಯು(India Post) ಖಾಲಿ ಇರುವ ಹುದ್ದೆಗಳನ್ನು ಭರ್ತಿ ಮಾಡಲು ನೇಮಕಾತಿ ಪ್ರಕ್ರಿಯೆ ನಡೆಸುತ್ತಿದೆ. ದೇಶಾದ್ಯಂತ ಒಟ್ಟು 40,889 ಗ್ರಾಮೀಣ ಡಾಕ್ ಸೇವಕ್ ಹುದ್ದೆಗಳು ಖಾಲಿ ಇವೆ. ಕರ್ನಾಟಕದಲ್ಲಿಯೂ 3036 ಗ್ರಾಮೀಣ ಡಾಕ್ ಸೇವಕ್(Gramin Dak Sevak-GDS) ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ. ಈ ಹುದ್ದೆಗಳಿಗೆ ಅರ್ಜಿ ಹಾಕಲು ಫೆಬ್ರವರಿ 16, 2023 ಕೊನೆಯ ದಿನವಾಗಿದೆ(Last Date). ಆಸಕ್ತರು ಈ ಹುದ್ದೆಗಳಿಗೆ ಆನ್​ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕು.

ಅಭ್ಯರ್ಥಿಗಳು ಆನ್​ಲೈನ್ ಮೂಲಕ ಇಲ್ಲಿ ಅರ್ಜಿ ಸಲ್ಲಿಸಿ.

ಹಂತ-1
ಅಭ್ಯರ್ಥಿಗಳು ಮೊದಲಿಗೆ ವೆಬ್​ಸೈಟ್​ ವಿಳಾಸ https://indiapostgdsonline.gov.in/ ಗೆ ಭೇಟಿ ನೀಡಬೇಕು.

ಅಲ್ಲಿ Indian Post ಹೋಮ್​ ಪೇಜ್​ನಲ್ಲಿ 'Stage 1.Registration' ಎಂಬುದರ ಮೇಲೆ ಕ್ಲಿಕ್ ಮಾಡಿ.

ನಂತರ ಅಲ್ಲಿ 2 ಆಯ್ಕೆಗಳು ಕಾಣುತ್ತವೆ. ಅವುಗಳಲ್ಲಿ Registration ಎಂಬುದರ ಮೇಲೆ ಕ್ಲಿಕ್ಕಿಸಿ.

ಆಗ ಅಪ್ಲಿಕೇಶನ್ ಓಪನ್ ಆಗುತ್ತದೆ. ಅಲ್ಲಿ ನಿಮ್ಮ ಹೆಸರು, ವಿಳಾಸ, ತಂದೆ- ತಾಯಿ ಹೆಸರು, ಜನ್ಮ ದಿನಾಂಕ, ಲಿಂಗ, ಜಾತಿ, 10ನೇ ತರಗತಿ ಪಾಸಾದ ವರ್ಷ, ಮೊಬೈಲ್ ನಂಬರ್, ಇ-ಮೇಲ್ ಐಡಿ ವಿಳಾಸ- ಹೀಗೆ ಅಲ್ಲಿ ಕೇಳಿರುವ ಮಾಹಿತಿಯನ್ನು ಭರ್ತಿ ಮಾಡಿ.

ಬಳಿಕ ನೀವು ಅಲ್ಲಿ ನೀಡಲಾದ ಮೊಬೈಲ್​ ನಂಬರ್ ಮತ್ತು ಇ-ಮೇಲ್​ ಐಡಿಗೆ OTP ಬರುತ್ತದೆ. ಅದನ್ನು ಅಲ್ಲಿ ಹಾಕಿ, ವ್ಯಾಲಿಡೇಟ್ ಮಾಡಬೇಕು. ಮೊಬೈಲ್​ ನಂಬರ್ ನಿಮ್ಮದೇ ಎಂದು ಖಚಿತಪಡಿಸಲು ಈ ಕ್ರಮ ಮಾಡಬೇಕು.

ನಂತರ 'Submit' ಎಂಬುದರ ಮೇಲೆ ಕ್ಲಿಕ್ ಮಾಡಿ.

ರಿಜಿಸ್ಟ್ರೇಷನ್ ನಂಬರ್ ಕ್ರಿಯೇಟ್ ಆಗುತ್ತದೆ. ಅಲ್ಲಿ ನೀವು ಅರ್ಜಿ ಹಾಕಬಯಸುವ ಸರ್ಕಲ್ ಹೆಸರು ನೆನಪಿಟ್ಟುಕೊಳ್ಳಿ.

ಹಂತ- 2

ನಂತರ ಪುನಃ ವೆಬ್​ಸೈಟ್​​ ಗೆ https://indiapostgdsonline.gov.in/ ಭೇಟಿ ನೀಡಿ.

ಅಲ್ಲಿ 'Stage 2.Apply Online >> Apply' ಎಂಬ ಆಯ್ಕೆ ಮೇಲೆ ಕ್ಲಿಕ್ ಮಾಡಿ.

ಈಗಾಗಲೇ ರಿಜಿಸ್ಟ್ರೇಶನ್ ಆಗಿರುವ ನಂಬರ್​ನ್ನು ನಮೂದಿಸಿ, ನೀವು ಅರ್ಜಿ ಹಾಕಬಯಸುವ ಸರ್ಕಲ್​​ನ್ನು ಆಯ್ಕೆ ಮಾಡಿ.

ಬಳಿಕ ಅಲ್ಲಿ' Submit' ಎಂಬುದರ ಮೇಲೆ ಕ್ಲಿಕ್ ಮಾಡಿ.

ಮತ್ತೊಂದು ಪೇಜ್ ಆಗುತ್ತದೆ. ಅಲ್ಲಿ ಕೇಳಲಾಗಿರುವ ಅಗತ್ಯ ಮಾಹಿತಿಗಳನ್ನು ನೀಡಿ. ಅರ್ಜಿಯನ್ನು ಭರ್ತಿ ಮಾಡಿ.

ಆನ್​ಲೈನ್ ಮೂಲಕ ಅರ್ಜಿ ಶುಲ್ಕ ಪಾವತಿಗೆ ಲಿಂಕ್ ನೀಡಲಾಗಿರುತ್ತದೆ. ಅದರ ಮೇಲೆ ಕ್ಲಿಕ್ಕಿಸಿ ಅರ್ಜಿ ಶುಲ್ಕ ಪಾವತಿಸಿ.

ಇದನ್ನೂ ಓದಿ: Post Office Jobs: ಕರ್ನಾಟಕದಲ್ಲಿ 3036 ಪೋಸ್ಟ್ ಆಫೀಸ್​ ಹುದ್ದೆಗಳಿಗೆ ಅರ್ಜಿ ಆಹ್ವಾನ-10th ಪಾಸಾದವರು ಅಪ್ಲೈ ಮಾಡಿ

ಅಭ್ಯರ್ಥಿಗಳು ಇಲ್ಲಿಯೇ 'Application Status' ಎಂಬುದರ ಮೇಲೆ ಕ್ಲಿಕ್ ಮಾಡಿ, ಅರ್ಜಿಯ ಸ್ಟೇಟಸ್ ತಿಳಿಯಬಹುದು.

ಅಪ್ಲಿಕೇಶನ್ ಫೀಸ್ ಕಟ್ಟಿದ ಬಳಿಕ ಮುಂದಿನ ರೆಫೆರೆನ್ಸ್​​ಗಾಗಿ ಅರ್ಜಿಯನ್ನು ಡೌನ್​ಲೋಡ್ ಮಾಡಿಕೊಂಡು ಪ್ರಿಂಟ್ ತೆಗೆದಿಟ್ಟುಕೊಳ್ಳಿ.