UPSC Exam: ಇಂಜಿನಿಯರಿಂಗ್ ಮಾಡಿದವರಿಗೆ ಯುಪಿಎಸ್​ಸಿ ಪರೀಕ್ಷೆ ಸುಲಭವೇ, ಏನಿದು ಹೊಸ ವಾದ?

ಯೂನಿಯನ್ ಪಬ್ಲಿಕ್ ಸರ್ವೀಸ್ ಕಮಿಷನ್ (UPSC) ಅತ್ಯಂತ ಕಠಿಣ ಪರೀಕ್ಷೆಗಳಲ್ಲಿ ಒಂದು ಎಂದು ಎಲ್ಲರಿಗೂ ಗೊತ್ತಿದೆ. ಇಂಜಿನಿಯರಿಂಗ್​ (Engineering) ಓದಿರುವವರಿಗೆ ಈ ಪರೀಕ್ಷೆಯಲ್ಲಿ ಯಶಸ್ವಿಯಾಗುವುದು ಸುಲಭ ಎಂದು ಹೇಳಲಾಗ್ತಿದೆ. 2020ನೇ ಸಾಲಿನ ಯುಪಿಎಸ್​ ಸಿ ಫಲಿತಾಂಶ ಹೊರ ಬಿದ್ದಾಗ ಟಾಪ್​ 10 ಮಂದಿಯಲ್ಲಿ 6 ಮಂದಿ ಎಂಜಿನಿಯರಿಂಗ್ ಹಿನ್ನೆಲೆಯಿಂದ ಬಂದವರಾಗಿದ್ದರು. ಈ ಹಿನ್ನೆಲೆ ಹೊಸ ವಾದವೊಂದು ಎದ್ದಿದೆ. ಅದುವೇ ಇಂಜಿನಿಯರ್​ ಗಳಿಗೆ ಸಿವಿಲ್​ ಸರ್ವೀಸ್ ಪರೀಕ್ಷೆ ಸುಲಭ ಎನ್ನುವುದು. ಇದರ ಜೊತೆಗೆ ಹೆಚ್ಚಿನ ಇಂಜಿನಿಯರ್​ ಗಳು ಬೇರೆ ರೀತಿಯ ಉದ್ಯೋಗಗಳಲ್ಲಿ (Jobs) ಹೆಚ್ಚಿನ ಸಂಖ್ಯೆಯಲ್ಲಿ ತೊಡಗಿಕೊಳ್ಳುತ್ತಿದ್ದಾರೆ ಎಂಬುವುದು. ಇದರಲ್ಲಿ ಯಾವುದು ಸತ್ಯಕ್ಕೆ ಹತ್ತಿರ ತಿಳಿಯೋಣ ಬನ್ನಿ.  

ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ಉದ್ಯೋಗಗಳ ಕೊರತೆಯೇ ಕಾರಣವೇ?

ದೇಶಾದ್ಯಂತ ಇಂಜಿನಿಯರಿಂಗ್ ಕಾಲೇಜುಗಳಿವೆ, ಪ್ರತಿ ವರ್ಷ ಈ ಕಾಲೇಜುಗಳಿಂದ ಲಕ್ಷಾಂತರ ವಿದ್ಯಾರ್ಥಿಗಳು  ಉತ್ತೀರ್ಣರಾಗುತ್ತಿದ್ದಾರೆ. ಆದರೆ ಅದೇ ಸಂಖ್ಯೆಯಲ್ಲಿ ಉದ್ಯೋಗಗಳು ಲಭ್ಯವಿಲ್ಲ. ಕ್ಯಾಂಪಸ್ ಸೆಲೆಕ್ಷನ್ ಮೂಲಕ ಉದ್ಯೋಗ ಪಡೆಯುವ ವಿದ್ಯಾರ್ಥಿಗಳು, ವಿದೇಶದಲ್ಲಿ ಕೆಲಸ ಮಾಡುವ ಎಂಜಿನಿಯರ್‌ಗಳಿಗೆ ಹೋಲಿಸಿದರೆ ಕಡಿಮೆ ವೇತನ ಪಡೆಯುತ್ತಾರೆ. ಇದರ ಹೊರತಾಗಿ, ಪ್ರತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಪ್ರತಿದಿನ ಆಗುತ್ತಿರುವ ಹೊಸ ಬದಲಾವಣೆಗಳು ಆಗುತ್ತಲೇ ಇರುತ್ತವೆ. ಇದಕ್ಕೆ ತಕ್ಕಂತೆ ಅಪ್​ಡೇಟ್​ ಆಗುತ್ತಿರಬೇಕು. ಇದು ಕೂಡ ಹಲವರಿಗೆ ಸವಾಲಿನದ್ದು.

ಸಾಂದರ್ಭಿಕ ಚಿತ್ರ

ಇಂಜಿನಿಯರ್​ ಗಳಿಗೆ ಇರುವ ಅಡ್ವಾಂಟೇಜ್​ ಏನು?

ಸಾಮಾನ್ಯವಾಗಿ ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಐಎಎಸ್‌ನ ಮುಖ್ಯ ಪರೀಕ್ಷೆಗೆ ಹ್ಯುಮಾನಿಟೀಸ್‌ನಿಂದ ವಿಷಯಗಳನ್ನು ಆಯ್ಕೆ ಮಾಡುತ್ತಾರೆ. ಇದು ಅವರಿಗೆ ಅವರಿಗೆ 2 ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ. ತಂತ್ರಜ್ಞಾನದ ವಿಷಯದ ಬಗ್ಗೆ ಆಳವಾದ ತಿಳುವಳಿಕೆಯನ್ನು ಹೊಂದಿರುವುದು ಅವರಿಗೆ ಮಾನವೀಯತೆಯ ವಿಷಯಗಳನ್ನು ಅರ್ಥಮಾಡಿಕೊಳ್ಳಲು ಸುಲಭವಾಗುತ್ತದೆ. ಜೊತೆಗೆ ಅವರು ರೀಸನಿಂಗ್ ಮತ್ತು ಆಪ್ಟಿಟ್ಯೂಡ್‌ನಂತಹ ವಿಷಯಗಳನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳಬಹುದು.

ಸ್ಪರ್ಧಾತ್ಮಕ ಪರೀಕ್ಷೆಗಳ ಅನುಭವ ಇರುತ್ತದೆ

ಇಂಜಿನಿಯರಿಂದ ಅಭ್ಯರ್ಥಿಗಳಲ್ಲಿ ಹಲವರು ಜೆಇಇ ಮತ್ತು ಐಐಟಿ ಉತ್ತೀರ್ಣರಾಗಿದ್ದಾರೆ. ದೊಡ್ಡ ಕಾಲೇಜುಗಳಲ್ಲಿ ಪ್ರವೇಶ ಪರೀಕ್ಷೆಯನ್ನೂ ಎದುರಿಸಿರುತ್ತಾರೆ.  ಆದ್ದರಿಂದ ಈ ವಿದ್ಯಾರ್ಥಿಗಳು ಯಾವಾಗಲೂ ಸ್ಪರ್ಧೆಗೆ ಸಿದ್ಧರಾಗಿದ್ದಾರೆ.

ಇದನ್ನೂ ಓದಿ: UPSC Success Story: ಡಾಕ್ಟರ್ ವೃತ್ತಿಯೊಂದಿಗೇ ಪರೀಕ್ಷೆಗೆ ತಯಾರಿ ನಡೆಸಿ IAS ಆದ ರೇಣು ರಾಜ್

ಆರ್ಟ್ಸ್​ ವಿದ್ಯಾರ್ಥಿಗಳಿಗಿಂತ ಇಂಜಿನಿಯರ್​ಗಳು ಮುಂದಿರುತ್ತಾರೆ

ಇಂಜಿನಿಯರಿಂಗ್​ ವಿದ್ಯಾರ್ಥಿಗಳು ಪಠ್ಯಕ್ರಮ ಮತ್ತು ಪರೀಕ್ಷೆಯ ಮಾದರಿಯನ್ನು ಅರ್ಥಮಾಡಿಕೊಳ್ಳಲು ಸಮರ್ಥರಾಗಿದ್ದಾರೆ ಎಂದು ಹೇಳಬಹುದು. ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಹೆಚ್ಚು ನಿಖರವಾದ ಉತ್ತರಗಳನ್ನು ನೀಡುವ ಕಲೆ ಬಲ್ಲವರಾಗಿದ್ದಾರೆ. ಮತ್ತೊಂದೆಡೆ, ಮಾನವೀಯತೆಯ ವಿದ್ಯಾರ್ಥಿಗಳ ವಿಧಾನವು ಹೆಚ್ಚು ವಿಶ್ಲೇಷಣಾತ್ಮಕವಾಗಿದೆ. ಅವರ ಪಠ್ಯಕ್ರಮ ಮತ್ತು ಪರೀಕ್ಷೆಯ ಮಾದರಿಗೆ ಹೆಚ್ಚು ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ಆದ್ದರಿಂದಲೇ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಹಿಂದುಳಿದಿದ್ದಾರೆ. ಇಂಜಿನಿಯರಿಂಗ್​ ವಿದ್ಯಾರ್ಥಿಗಳು ಈ ಪರೀಕ್ಷೆಯನ್ನು ನೀಡುವ ಮೊದಲು ಅವರು ತಮ್ಮ ಪದವಿ ಹಂತದಲ್ಲಿ ಯಶಸ್ಸಿನ ತಂತ್ರಗಳು, ಪರೀಕ್ಷೆಯ ಮಾದರಿ ಮತ್ತು ಅಧ್ಯಯನದ ವಿಧಾನಗಳನ್ನು ಈಗಾಗಲೇ ಕಲಿತಿದ್ದಾರೆ.

ಇಂಜಿನಿಯರ್​ ಗಳು ಇಂಜಿನಿಯರಿಂಗ್​  ಜಾಬ್​​ ಬಿಟ್ಟು ಬೇರೆಲ್ಲಾ ಮಾಡುತ್ತಾರೆ!

ಹೌದು, ಬಹುತೇಕ ಸ್ಟ್ಯಾಂಡ್​ ಅಪ್​ ಕಾಮಿಡಿಯನ್ಸ್​ ಮೇಲಿನ ವಾಕ್ಯವನ್ನು ಹೇಳುತ್ತಾರೆ. ಇಂಜಿನಿಯರಿಂಗ್​ ಮಾಡಿದವರು ಬೇರೆ ಬೇರೆ ಕ್ಷೇತ್ರಗಳಲ್ಲಿ ಹೆಚ್ಚು ಯಶಸ್ಸು ಗಳಿಸಿದ್ದಾರೆ. ಇನ್ನು ಭಾರತದಲ್ಲಿ ಡಾಕ್ಟರ್​ ಆಗಬೇಕು, ಇಲ್ಲವೇ ಇಂಜಿನಿಯರಿಂಗ್​ ಮಾಡಬೇಕು ಎಂಬ ಅಭಿಪ್ರಾಯ ಇಂದಿಗೂ ಪ್ರಬಲವಾಗಿದೆ. ಆದರಿಂದಲೇ ಭಾರತದಲ್ಲಿ ಪ್ರತಿವರ್ಷ ಲಕ್ಷಾಂತರ ಮಂದಿ ಇಂಜಿನಿಯರ್​ ಗಳಾಗುತ್ತಿದ್ದಾರೆ. ಆದರೆ ಉದ್ಯೋಗಗಳು ಮಾತ್ರ ದೊಡ್ಡ ಪ್ರಮಾಣದಲ್ಲಿ ಸಿಗುತ್ತಿಲ್ಲ. ಅಂತವರಿಗೆ ಯುಪಿಎಸ್​ ಸಿ ಅಂತಹ ಸ್ಪರ್ಧಾತ್ಮಕ ಪರೀಕ್ಷೆ ನಿಜಕ್ಕೂ ಒಂದೊಳ್ಳೆ ಅವಕಾಶವಾಗುತ್ತಿದೆ.