Career Tips: ಡಿಗ್ರಿ ಜೊತೆಗೆ ಈ ಮೂರರಲ್ಲಿ 1 ಕೋರ್ಸ್ ಮಾಡಿದ್ರೂ ಬೇಗ ಒಳ್ಳೆಯ ಉದ್ಯೋಗ ಸಿಗುತ್ತೆ

 ಉದ್ಯೋಗ (Job) ವಿಷಯಕ್ಕೆ ಬಂದಾಗ ಹಿಂದೆಂದಿಗಿಂತಲೂ ಹೆಚ್ಚು ಸ್ಪರ್ಧೆ (Competition) ಈಗ ಇದೆ. ಕಾಂಪಿಟೇಷನ್​ ಮಧ್ಯೆ ಒಳ್ಳೆಯ ಕೆಲಸ ಪಡೆಯುವುದು ಸುಲಭದ ಮಾತಲ್ಲ. ಬೇಗ ಒಳ್ಳೆಯ ಕೆಲಸ ಸಿಗಬೇಕು ಎಂದರೆ ಓದು ಒಂದೇ ಸಾಲದು. ಜೊತೆಗೆ ಕೌಶಲ್ಯಗಳನ್ನು (Skills) ಹೊಂದಿರುವ ಅಭ್ಯರ್ಥಿಗಳಿಗೆ ಕಂಪನಿಗಳು ಮಣೆ ಹಾಕುತ್ತವೆ. ಡಿಗ್ರಿ ಜೊತೆಗೆ ಕೆಲವೊಂದು ಸರ್ಟಿಫಿಕೇಟ್​ ಕೋರ್ಸ್​ಗಳನ್ನು ಮಾಡುವುದು ನಿಮ್ಮನ್ನು ನಿಮ್ಮ ಕನಸಿನ ಉದ್ಯೋಗದತ್ತ ಕರೆದೊಯ್ಯುತ್ತದೆ. ಈ ಹಿನ್ನೆಲೆ ನಿಮಗಾಗಿ ಅಂತಹ 3 ಕೋರ್ಸ್‌ಗಳನ್ನು ತಂದಿದ್ದೇವೆ.

ನೀವು ಪದವೀಧರರಾಗಿದ್ದು ಖಾಸಗಿ ಕಂಪನಿಗಳು ಉದ್ಯೋಗಕ್ಕಾಗಿ ಪ್ರಯತ್ನಿಸುತ್ತಿದ್ದರೆ ಈ ಮಾಹಿತಿ ನಿಮಗೆ ಉಪಯುಕ್ತವಾಗಿದೆ. ಇತ್ತೀಚಿನ ದಿನಗಳಲ್ಲಿ ಖಾಸಗಿ ಕಂಪನಿಗಳು ವೃತ್ತಿಪರ ಕೋರ್ಸ್‌ನಲ್ಲಿ ಪದವಿ ಅಥವಾ ಡಿಪ್ಲೊಮಾ ಹೊಂದಿರುವವರಿಗೆ ಮಾತ್ರ ಉದ್ಯೋಗ ನೀಡುತ್ತಿರುವುದು ಇದರ ಹಿಂದಿನ ದೊಡ್ಡ ಕಾರಣವಾಗಿದೆ. ಹಾಗಾಗಿ ಆ 3 ಕೋರ್ಸ್‌ಗಳು ಯಾವುವು ಎಂಬ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.

1) ವಿದೇಶಿ ಭಾಷಾ ಕೋರ್ಸ್​

ಅನೇಕ ವಿದೇಶಿ ಕಂಪನಿಗಳು ಭಾರತದಲ್ಲಿ ಹೆಚ್ಚು ಹೂಡಿಕೆ ಮಾಡುತ್ತಿವೆ. ಅನೇಕ ದೇಶಗಳು ಇಲ್ಲಿ ತಮ್ಮ ವ್ಯಾಪಾರ ಘಟಕಗಳನ್ನು ಸ್ಥಾಪಿಸುತ್ತಿವೆ. ಉದಾಹರಣೆಗೆ, ಜಪಾನ್, ಕೊರಿಯಾ, ಚೀನಾ, ಜರ್ಮನಿ, ಸಿಂಗಾಪುರ್, ಸೌದಿ ಅರೇಬಿಯಾದಂತಹ ದೇಶಗಳ ಉದ್ಯಮಿಗಳು ಈಗ ಭಾರತದಲ್ಲಿ ವ್ಯಾಪಾರ ಮಾಡಲು ಬಯಸುತ್ತಾರೆ. ಈ ವಿದೇಶಿ ಕಂಪನಿಗಳು ಪದವಿಯ ಜೊತೆಗೆ ಈ ಎರಡು ದೇಶಗಳ ಭಾಷೆಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುವ ಯುವಕರನ್ನು ಹುಡುಕುತ್ತವೆ. ಅನುವಾದಕರಾಗಿ ಕೆಲಸ ಮಾಡುವವರನ್ನು ಕಂಪನಿ ಎದುರು ನೋಡುತ್ತೆ.

ಪ್ರಾತಿನಿಧಿಕ ಚಿತ್ರ

ನೀವು ಪದವಿಯನ್ನು ಮಾಡುತ್ತಿದ್ದರೆ, ಉತ್ತಮ ಉದ್ಯೋಗವನ್ನು ಹುಡುಕುತ್ತಿದ್ದರೆ, ಈ ಕೋರ್ಸ್ ನಿಮಗೆ ಉತ್ತಮವಾಗಿರುತ್ತದೆ. ನೀವು ಕೆಲವು ವಿದೇಶಿ ಭಾಷೆಗಳನ್ನು ಕಲಿತರೆ ಒಳ್ಳೆಯ ಉದ್ಯೋಗವನ್ನು ಸುಲಭವಾಗಿ  ಪಡೆಯಬಹುದು. ವಿದೇಶಿ ಭಾಷೆ ಕಲಿಯಲು ಡಿಪ್ಲೊಮಾ ಮತ್ತು ಸರ್ಟಿಫಿಕೇಟ್ ಎರಡೂ ಮಾದರಿಯ ಕೋರ್ಸ್‌ಗಳು ಲಭ್ಯವಿದೆ. ಈ ಕೋರ್ಸ್ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಮೋಡ್ ಮೂಲಕ ಮಾಡಬಹುದು.

2) ಆಫೀಸ್​ ಮ್ಯಾನೇಜ್​ಮೆಂಟ್​

ಆಫೀಸ್ ಮ್ಯಾನೇಜ್ ಮೆಂಟ್ ಗೊತ್ತಿದ್ದರೆ ನೀವು ಹಣ ಮತ್ತು ಪ್ರತಿಷ್ಠೆ ಎರಡನ್ನೂ ಗಳಿಸಬಹುದು. ಪದವಿಯ ಜೊತೆಗೆ, ನೀವು ಕಚೇರಿ ನಿರ್ವಹಣೆಯಲ್ಲಿ ಪ್ರಮಾಣಪತ್ರ ಕೋರ್ಸ್ ಮಾಡಬಹುದು. ಈ ಕೋರ್ಸ್ ಎರಡು ವಿಧವಾಗಿದೆ. ಒಂದು 6 ತಿಂಗಳು ಮತ್ತು ಇನ್ನೊಂದು 1 ವರ್ಷ. ಭಾರತದಲ್ಲಿ ಈ ಕೋರ್ಸ್ ಅನ್ನು ನೀಡುವ ಅನೇಕ ಆಫ್‌ಲೈನ್ ಮತ್ತು ಆನ್‌ಲೈನ್ ಸಂಸ್ಥೆಗಳಿವೆ. ಈ ಕೋರ್ಸ್‌ನ ಶುಲ್ಕವೂ ಹೆಚ್ಚಿಲ್ಲ. ಆದ್ದರಿಂದ ನೀವು ಪದವಿ ಮುಗಿದ ನಂತರ ಆಫೀಸ್ ಮ್ಯಾನೇಜ್‌ಮೆಂಟ್ ಕೋರ್ಸ್‌ ಮಾಡಬಹುದು.

3) ಪರ್ಸನಾಲಿಟಿ ಡೆವಲೆಪ್​ಮೆಂಟ್​ ಕೋರ್ಸ್​

ಸರ್ಕಾರಿ ನೌಕರಿಯಾಗಲಿ ಅಥವಾ ಖಾಸಗಿ ಉದ್ಯೋಗವಾಗಲಿ ಪ್ರತಿಯೊಬ್ಬ ವ್ಯಕ್ತಿಯೂ ತನ್ನ ವ್ಯಕ್ತಿತ್ವದ ಕಡೆಗೆ ಗಮನ ಹರಿಸಬೇಕು. ನೀವು ಪ್ರಸ್ತುತ ಪದವಿಯಲ್ಲಿದ್ದರೆ, ಭವಿಷ್ಯದಲ್ಲಿ ಉತ್ತಮ ಉದ್ಯೋಗವನ್ನು ಪಡೆಯುವ ಆಸೆಯಿದ್ದರೆ ಈ ಕೋರ್ಸ್ ನಿಮಗೆ ಸೂಕ್ತವಾಗಿದೆ. ಪದವಿಯ ಜೊತೆಗೆ ವ್ಯಕ್ತಿತ್ವ ವಿಕಸನದಲ್ಲಿ ಸರ್ಟಿಫಿಕೇಟ್ ಅಥವಾ ಡಿಪ್ಲೊಮಾ ಕೋರ್ಸ್ ಮಾಡಬಹುದು.