Retirement Age: ಈ ಸರ್ಕಾರಿ ಉದ್ಯೋಗಿಗಳ ನಿವೃತ್ತಿ ವಯಸ್ಸು ಇನ್ನೂ 5 ವರ್ಷಗಳು ಹೆಚ್ಚಳ

ಕೇಂದ್ರ ಸರ್ಕಾರಕ್ಕೆ (Central Govt) ಎಲ್ಲಾ ಉದ್ಯೋಗಿಗಳಿಂದ ಕೇಳಿ ಬರುತ್ತಿರುವ ಒಂದೇ ಒಂದು ಕೂಗು ಅಂದರೆ ಅದು ನಿವೃತ್ತಿ ವಯಸ್ಸಿನ (Retirement Age) ಹೆಚ್ಚಳ. ಹೌದು, ಕೇಂದ್ರ ಸರ್ಕಾರಿ ನೌಕರರು ನಿವೃತ್ತಿ ವಯಸ್ಸನ್ನು ಹೆಚ್ಚಿಸಲು ಸರ್ಕಾರವನ್ನು ನಿರಂತರವಾಗಿ ಒತ್ತಾಯಿಸುತ್ತಲೇ ಬಂದಿದ್ದಾರೆ. ಉದ್ಯೋಗಿಗಳ ಒತ್ತಾಯಕ್ಕೆ ಮಣಿದು ಅನೇಕ ರಾಜ್ಯ ಸರ್ಕಾರಗಳೇ ನೌಕರರ ನಿವೃತ್ತಿ ವಯಸ್ಸನ್ನು ಹೆಚ್ಚಿಸಿವೆ.

ನಿವೃತ್ತಿ ವಯಸ್ಸು ಹೆಚ್ಚಳ

ಹೀಗೆ ನಿವೃತ್ತಿ ವಯಸ್ಸನ್ನು ಹೆಚ್ಚಿಸಿರುವ ರಾಜ್ಯಗಳಲ್ಲಿ ಪಶ್ಚಿಮ ಬಂಗಾಳ ಕೂಡ ಒಂದು. ಪಶ್ಚಿಮ ಬಂಗಾಳ ಇಲ್ಲಿನ ವೈದ್ಯ ವರ್ಗಕ್ಕೆ ಖುಷಿ ಸುದ್ದಿಯೊಂದನ್ನು ನೀಡಿದ್ದು, ನಿವೃತಿ ವಯಸ್ಸನ್ನು ಬರೋಬ್ಬರಿ 5 ವರ್ಷ ಹೆಚ್ಚಿಸಲು ಸರ್ಕಾರ ನಿರ್ಧರಿಸಿದೆ.

ವೈದ್ಯರ ಕೊರತೆ ನೀಗಿಸಲು ನಿವೃತ್ತಿ ವಯಸ್ಸು ಹೆಚ್ಚಳ

ರಾಜ್ಯದಲ್ಲಿ ಉಂಟಾಗಿರುವ ವೈದ್ಯರ ಕೊರತೆಯನ್ನು ನೀಗಿಸಲು ಪಶ್ಚಿಮ ಬಂಗಾಳ ಸರ್ಕಾರ ವೈದ್ಯರ ನಿವೃತ್ತಿ ವಯಸ್ಸನ್ನು 5 ವರ್ಷ ಹೆಚ್ಚಿಸಲು ತೀರ್ಮಾನ ಕೈಗೊಂಡಿದ್ದು, ರಾಜ್ಯ ಆರೋಗ್ಯ ಇಲಾಖೆಯಿಂದ ರಾಷ್ಟ್ರೀಯ ಆರೋಗ್ಯ ಮಿಷನ್ ಅಡಿಯಲ್ಲಿ ವೈದ್ಯರ ನಿವೃತ್ತಿ ವಯಸ್ಸನ್ನು 5 ವರ್ಷಗಳವರೆಗೆ ಹೆಚ್ಚಿಸಲಾಗುವುದು ಎಂದು ತಿಳಿಸಿದೆ.

ನಿವೃತ್ತಿ ವಯಸ್ಸು; 62 ರಿಂದ 67 ವರ್ಷಕ್ಕೆ ಏರಿಕೆ

ಸದ್ಯ ವೈದ್ಯರ ನಿವೃತ್ತಿ ವಯಸ್ಸು 62 ವರ್ಷವಾಗಿದ್ದು, ಅದನ್ನು 5 ವರ್ಷ ಏರಿಸುವ ಮೂಲಕ ನಿವೃತ್ತಿ ವಯಸ್ಸನ್ನು 67 ವರ್ಷಕ್ಕೆ ಏರಿಸಲು ಸಿದ್ಧತೆ ನಡೆಸಲಾಗುತ್ತಿದೆ. ಆರೋಗ್ಯ ಅಧಿಕಾರಿಗಳ ಪ್ರಕಾರ, ತಜ್ಞರು ಮತ್ತು ವೈದ್ಯಕೀಯ ಅಧಿಕಾರಿಗಳು ವೈದ್ಯರ ಕೊರತೆಯನ್ನು ನೀಗಿಸಲು ಈ ಮಹತ್ವದ ಕ್ರಮವನ್ನು ರಾಜ್ಯ ಸರ್ಕಾರ ತೆಗೆದುಕೊಂಡಿದೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಇಷ್ಟೇ ಅಲ್ಲ, ಇಲಾಖೆಯ ಅಧಿಕಾರಿಗಳ ಪ್ರಕಾರ, ನಿವೃತ್ತಿ ನಂತರ 70 ವರ್ಷಗಳವರೆಗೆ ವೈದ್ಯರ ಸೇವಾವಧಿಯನ್ನು ಸಹ ನವೀಕರಿಸಬಹುದು ಎನ್ನಲಾಗಿದೆ.

ಗುತ್ತಿಗೆ ವೈದ್ಯರ ನಿವೃತ್ತಿ ವಯಸ್ಸೂ ಏರಿಕೆ

ಆರೋಗ್ಯ ಇಲಾಖೆಯ ಮೂಲಗಳು, NHM ಅಡಿಯಲ್ಲಿ, ವೈದ್ಯರು ವಿವಿಧ ರೋಗಿಗಳಿಗೆ ಸೇವೆ ಸಲ್ಲಿಸಲು ತೊಡಗಿದ್ದಾರೆ. ರಾಜ್ಯದಾದ್ಯಂತ ವಿವಿಧ ನಾಗರಿಕ ಸಂಸ್ಥೆಗಳ ಅಡಿಯಲ್ಲಿ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಹೆಚ್ಚಿನವರು ಕೆಲಸ ಮಾಡುತ್ತಾರೆ. ಒಪ್ಪಂದದ ಅಡಿಯಲ್ಲಿ ಸೇವೆಯಲ್ಲಿ ತೊಡಗಿರುವ ಉದ್ಯೋಗಿಗಳಿಗೆ ಈ ಪ್ರಯೋಜನವನ್ನು ನೀಡಲಾಗುತ್ತದೆ. ಗುತ್ತಿಗೆ ವೈದ್ಯರ ನಿವೃತ್ತಿ ವಯಸ್ಸನ್ನು ಹೆಚ್ಚಿಸಲಾಗಿದೆ.

ಅವರು ಈಗ 70 ವರ್ಷಗಳಲ್ಲಿ ನಿವೃತ್ತರಾಗಲಿದ್ದಾರೆ. ಇಲ್ಲಿಯವರೆಗೆ ಅವರು 65 ನೇ ವಯಸ್ಸಿನಲ್ಲಿ ನಿವೃತ್ತರಾಗುತ್ತಿದ್ದರು. ವೈದ್ಯರ ತೀವ್ರ ಕೊರತೆಯು ಈ ಮಾರ್ಗವನ್ನು ಆಯ್ಕೆ ಮಾಡಲು ಪ್ರಮುಖ ಕಾರಣವೆಂದು ಅಧಿಕಾರಿಗಳು ತಿಳಿಸಿದ್ದಾರೆ.

ರಾಜ್ಯ ಸರ್ಕಾರದ ಕ್ರಮಕ್ಕೆ ಪರ-ವಿರೋಧ

ರಾಜ್ಯ ಸರ್ಕಾರದ ಈ ಕ್ರಮಕ್ಕೆ ಕೆಲ ವೈದ್ಯರು ಒಪ್ಪಿಗೆ ನೀಡಿದರೆ, ಇನ್ನೂ ಕೆಲವರು ವಿರೋಧ ವ್ಯಕ್ತಪಡಿಸಿದ್ದು,.ವೈದ್ಯಕೀಯ ಸಮುದಾಯದ ಒಂದು ವಿಭಾಗವು ನಿವೃತ್ತಿ ವಯಸ್ಸನ್ನು ಹೆಚ್ಚಿಸುವ ನಿರ್ಧಾರದ ಬಗ್ಗೆ ಸರ್ಕಾರವನ್ನು ಪ್ರಶ್ನಿಸಿದೆ.

ಪ್ರತಿ ವರ್ಷ ಸುಮಾರು 5000 ಹೊಸ ವೈದ್ಯರು ಬರುತ್ತಿದ್ದಾರೆ. ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ವೈದ್ಯರಾಗುತ್ತಿದ್ದಾರೆ ಆದರೆ ನೇಮಕಾತಿಗೆ ಸರ್ಕಾರದಿಂದ ಯಾವುದೇ ಉಪಕ್ರಮವಿಲ್ಲ. ಅವರನ್ನು ನೇಮಕ ಮಾಡಿದ್ದರೆ ರಾಜ್ಯದಲ್ಲಿ ವೈದ್ಯರ ಕೊರತೆ ಇರುತ್ತಿರಲಿಲ್ಲ ಮತ್ತು ನಿವೃತ್ತಿ ವಯಸ್ಸನ್ನು ಸಹ ಹೆಚ್ಚಿಸಬೇಕಿರಲಿಲ್ಲ ಎಂದು ಸರ್ಕಾರದ ವಿರುದ್ಧ ಧ್ವನಿ ಎತ್ತಿದ್ದಾರೆ.

ನೇಮಕಾತಿಗೆ ಸರ್ಕಾರ ಒತ್ತು ನೀಡಬೇಕು

ಆದರೆ ಕೆಲವರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ. ವೈದ್ಯರ ನಿವೃತ್ತಿ ವಯಸ್ಸನ್ನು ಹೆಚ್ಚಿಸುವ ಮೂಲಕ ಪರಿಸ್ಥಿತಿಯನ್ನು ನಿಭಾಯಿಸಬಾರದು. ಇಂತಹ ಪರಿಸ್ಥಿತಿಯಲ್ಲಿ ರಾಜ್ಯ ಸರಕಾರ ನಿವೃತ್ತಿ ವಯೋಮಿತಿ ಹೆಚ್ಚಿಸುವ ಬದಲು ನೇಮಕಾತಿಗೆ ಹೆಚ್ಚಿನ ಒತ್ತು ನೀಡಬೇಕು ಎಂದು ಸರ್ಕಾರಕ್ಕೆ ಮನವರಿಕೆ ಮಾಡಿದ್ದಾರೆ.

ಗುತ್ತಿಗೆ ವೈದ್ಯರನ್ನು ರಾಷ್ಟ್ರೀಯ ಆರೋಗ್ಯ ಮಿಷನ್ ಅಡಿಯಲ್ಲಿ ವಿವಿಧ ಸೇವೆಗಳಿಗೆ ಲಗತ್ತಿಸಲಾಗಿದ್ದು, ಇವರೆಲ್ಲಾ ರಾಜ್ಯದ ವಿವಿಧ ಪುರಸಭೆ ಮತ್ತು ಮಹಾನಗರ ಪಾಲಿಕೆಯ ಅಡಿಯಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.

ಇದನ್ನೂ ಓದಿ: FIRE ಸೂತ್ರ ಪಾಲಿಸಿದ್ರೆ 40ನೇ ವಯಸ್ಸಿನಲ್ಲೇ ಹೆಚ್ಚಿನ ಹಣದೊಂದಿಗೆ ನೆಮ್ಮದಿಯಿಂದ ನಿವೃತ್ತಿ ಪಡೆಯಬಹುದು

ಈ ವೈದ್ಯರ ಒಟ್ಟು ಸಂಖ್ಯೆ 1200 ಆಗಿದ್ದು, ಈ ಪೈಕಿ 400 ವೈದ್ಯರು ಶೀಘ್ರದಲ್ಲೇ ನಿವೃತ್ತಿ ಹೊಂದಲಿದ್ದಾರೆ. ವೈದ್ಯರ ತೀವ್ರ ಕೊರತೆಯ ಭೀತಿಯಿಂದ ಗುತ್ತಿಗೆ ವೈದ್ಯರ ನಿವೃತ್ತಿ ವಯಸ್ಸನ್ನು 70 ವರ್ಷಕ್ಕೆ ಹೆಚ್ಚಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ನಿವೃತ್ತಿ ವಯಸ್ಸಿನ ಏರಿಕೆ ವೈದ್ಯರ ದಕ್ಷತೆ ಬಗ್ಗೆಯೂ ಗಮನ ಹರಿಸಬೇಕಾದ ವಿಚಾರವಾಗಿದೆ. ವೈದ್ಯರ ಕೊರತೆ ಇದ್ದಲ್ಲಿ ಪಶ್ಚಿಮ ಬಂಗಾಳ ಹೊಸ ನೇಮಕಾತಿಗೆ ಮುಂದಾಗಬಹುದು.