Nursing Career: ನರ್ಸ್ ಆದವರು 8 ಉದ್ಯೋಗಗಳನ್ನು ಮಾಡಬಹುದು; ವೇತನ ಸೇರಿದಂತೆ ಸಂಪೂರ್ಣ ಮಾಹಿತಿ ಇಲ್ಲಿದೆ

ವೈದ್ಯರು ತಮ್ಮ ರೋಗಿಗಳಲ್ಲಿ ರೋಗಗಳು ಮತ್ತು ಇತರ ಪರಿಸ್ಥಿತಿಗಳನ್ನು ಪತ್ತೆಹಚ್ಚಲು ಮತ್ತು ಚಿಕಿತ್ಸೆ ನೀಡಲು ಹೆಚ್ಚಿನ ಸಮಯವನ್ನು ಕಳೆಯುತ್ತಾರೆ. ರೋಗಿಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ನರ್ಸ್ (Nurse) ಜವಾಬ್ದಾರಿಯಾಗಿದೆ. ನರ್ಸಿಂಗ್ ವೃತ್ತಿಯ ( Nursing Career) ಪ್ರಮುಖ ಭಾಗವೆಂದರೆ ರೋಗಿಗಳ ಆರೈಕೆ ಮತ್ತು ಹೆಚ್ಚು ಶೈಕ್ಷಣಿಕ ಅಭ್ಯಾಸವನ್ನು ಹೊಂದಿರುವ ಉದ್ಯೋಗಗಳು ರೋಗಿಗಳಿಗೆ ಚಿಕಿತ್ಸೆ ನೀಡುತ್ತಿವೆ.

ಹೈಸ್ಕೂಲ್ ಡಿಪ್ಲೊಮಾ ಹೊಂದಿರುವ ನರ್ಸಿಂಗ್ ವೃತ್ತಿಪರರು ಹಾಸಿಗೆ ಹಿಡಿದವರ ಮೇಲ್ವಿಚಾರಣೆ ಮಾಡುವುದು ಅಥವಾ ಆರೈಕೆ ಮಾಡುವುದು, ಹಾಸಿಗೆಗಳನ್ನು ಬದಲಾಯಿಸುವುದು ಮತ್ತು ರೋಗಿಗಳನ್ನು ತಿರುಗಿಸುವಂತಹ ಸಣ್ಣ ಕಾರ್ಯಗಳನ್ನು ಮಾಡುತ್ತಾರೆ.

ನರ್ಸಿಂಗ್ ವೃತ್ತಿಪರರಿಗೆ ಅಗತ್ಯವಿರುವ ಕೌಶಲ್ಯಗಳು:

ಹೆಚ್ಚಿನ ಗಮನ: ಔಷಧಿಯನ್ನು ಶಿಫಾರಸು ಮಾಡುವುದರಿಂದ ಹಿಡಿದು ರೋಗಿಯ ಪ್ರಮುಖ ಗುಣಲಕ್ಷಣಗಳನ್ನು ಎಚ್ಚರಿಕೆಯಿಂದ ಮೇಲ್ವಿಚಾರಣೆ ಮಾಡಲು, ದಾದಿಯರು(ನರ್ಸ್‌ಗಳಿಗೆ) ಹೆಚ್ಚಿನ ಗಮನವನ್ನು ಹೊಂದಿರಬೇಕು.

ಸಂವಹನ: ದಾದಿಯರು ಪರಸ್ಪರ, ರೋಗಿಗಳು, ವೈದ್ಯರು ಮತ್ತು ರೋಗಿಗಳ ಕುಟುಂಬಗಳೊಂದಿಗೆ ಪರಿಣಾಮಕಾರಿಯಾಗಿ ಸಂವಹನ ನಡೆಸುವ ಸಾಮರ್ಥ್ಯವನ್ನು ಹೊಂದಿರಬೇಕು.

ವಿಮರ್ಶಾತ್ಮಕ ಚಿಂತನೆ: ವೈದ್ಯಕೀಯ ಸಿಬ್ಬಂದಿಗಳು ರೋಗಿಗಳ ಅಗತ್ಯಗಳ ಕುರಿತು ಜಾಗರೂಕರಾಗಿರಬೇಕು ಮತ್ತು ರೋಗಿಗಳ ಆರೈಕೆಯನ್ನು ಮಾಡಲು ನಿರ್ಣಾಯಕ ಚಿಂತನೆಯ ಕೌಶಲ್ಯಗಳು ಬೇಕಾಗುತ್ತವೆ.

ಸಹಾನುಭೂತಿ: ಅನಾರೋಗ್ಯ ಅಥವಾ ಗಾಯಗೊಂಡ ರೋಗಿಯೊಂದಿಗೆ ಮಾತನಾಡುವಾಗ ಅಥವಾ ದಿಗ್ಭ್ರಮೆಗೊಂಡ ಕುಟುಂಬಕ್ಕೆ ರೋಗದ ಕುರಿತು ವಿವರಿಸುವಾಗ , ದಾದಿಯರು ಸಹಾನುಭೂತಿ ನೀಡುವ ಶಕ್ತಿಯನ್ನು ಹೊಂದಿರಬೇಕು.

ಸಂಸ್ಥೆ: ದಾದಿಯರು ರೋಗಿಗಳ ಚಾರ್ಟ್‌ಗಳನ್ನು ಅಪ್‌ಡೇಟ್‌ ಮಾಡಬೇಕು ಮತ್ತು ನಿರ್ವಹಿಸಬೇಕು, ಔಷಧಿಗಳು ಮತ್ತು ಇತರ ಚಿಕಿತ್ಸೆಗಳ ಕುರಿತು ಮಾಹಿತಿಯನ್ನು ಹೊಂದಿರಬೇಕು ಮತ್ತು ಕಿರಿಯ ಹಂತದ ಸಿಬ್ಬಂದಿಗೆ ಮಾಹಿತಿ ನೀಡಬೇಕು. ದಾದಿಯರು ಹೆಚ್ಚಾಗಿ ಒಂದಕ್ಕಿಂತ ಹೆಚ್ಚಿನ ಕೆಲಸವನ್ನು ಮಾಡಬೇಕು.

ಸಾಂದರ್ಭಿಕ ಚಿತ್ರ

ದೈಹಿಕ ಸದೃಡತೆ: ರೋಗಿಗಳನ್ನು ಎತ್ತಬೇಕು ಹಾಗೂ ಅವರ ದಿನನಿತ್ಯದ ಕೆಲಸವನ್ನು ಮಾಡಲು ಸಹಾಯ ಮಾಡಬೇಕಾಗುತ್ತದೆ. ಈ ದೈನಂದಿನ ಕಾರ್ಯಗಳನ್ನು ನಿರ್ವಹಿಸಲು ಅವರು ದೈಹಿಕವಾಗಿ ಸದೃಢರಾಗಿರಬೇಕು.

ಪರಿಗಣಿಸಬೇಕಾದ ನರ್ಸಿಂಗ್ ವೃತ್ತಿ ಮಾರ್ಗಗಳು:

1) ಪರವಾನಗಿ ಪಡೆದ ನರ್ಸ್ ವೈದ್ಯರು ಅಥವಾ ನರ್ಸ್ ಪ್ರಾಕ್ಟೀಷನರ್(ಪ್ರಾಯೋಗಿಕ ನರ್ಸ್‌)

ಸರಾಸರಿ ವಾರ್ಷಿಕ ವೇತನ: $48,070
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +6%
ಉದ್ಯೋಗ ವಿವರಣೆ: ಪರವಾನಗಿ ಪಡೆದ ಪ್ರಾಯೋಗಿಕ ದಾದಿಯರು (ಎಲ್‌ಪಿಎನ್‌ ಗಳು) ವೈದ್ಯರ ಕಚೇರಿಗಳು, ಆರೋಗ್ಯ ಚಿಕಿತ್ಸಾಲಯಗಳು, ಆಸ್ಪತ್ರೆಗಳು ಮತ್ತು ನರ್ಸಿಂಗ್ ಹೋಮ್‌ಗಳು ಸೇರಿದಂತೆ ವಿವಿಧ ಹಂತದಲ್ಲಿ ರೋಗಿಗಳಿಗೆ ಮೂಲಭೂತ ವೈದ್ಯಕೀಯ ಆರೈಕೆಯನ್ನು ಒದಗಿಸುತ್ತಾರೆ.

ಎಲ್‌ಪಿನ್‌ಗಳು ಮತ್ತು ಪರವಾನಗಿ ಪಡೆದ ವೃತ್ತಿಪರ ದಾದಿಯರು (ಎಲ್‌ವಿಎನ್‌ ಗಳು) ಹೈಸ್ಕೂಲ್ ಡಿಪ್ಲೊಮಾವನ್ನು ಪಡೆದಿರಬೇಕು ಮತ್ತು ಪ್ರಮಾಣೀಕರಣ ಅಥವಾ ಪರವಾನಗಿ ಕಾರ್ಯಕ್ರಮವನ್ನು ಪೂರ್ಣಗೊಳಿಸಬೇಕು.

ಎಲ್‌ಪಿನ್‌ ಗಳು ಮತ್ತು ಎಲ್‌ವಿಎನ್‌ ಗಳು ರೋಗಿಗಳ ರಕ್ತದೊತ್ತಡವನ್ನು ಮಾಹಿತಿಯನ್ನು ಪಡೆಯುವುದು, ರೋಗಿಯ ದಾಖಲೆಗಳನ್ನು ಮಾಡಿಕೊಳ್ಳುವುದು ಮತ್ತು ದೈನಂದಿನ ಜೀವನ ಚಟುವಟಿಕೆಗಳಿಗೆ ಸಹಾಯವನ್ನು ಮಾಡಬೇಕು.

ಪರವಾನಗಿ ನಿಯಮಗಳು ರಾಜ್ಯಗಳ ನಡುವೆ ಭಿನ್ನವಾಗಿರುತ್ತವೆ ಮತ್ತು ಈ ನರ್ಸಿಂಗ್‌ ವೃತ್ತಿಪರರು ಎಷ್ಟು ಜವಾಬ್ದಾರಿಯನ್ನು ಹೊಂದಿದ್ದಾರೆ ಮತ್ತು ಅವರಿಗೆ ಎಷ್ಟು ಮೇಲ್ವಿಚಾರಣೆ ಅಗತ್ಯವಿರುತ್ತದೆ ಎಂಬ ಅಂಶಗಳ ಮೇಲೆ ನಿಯಮಗಳನ್ನು ನಿರ್ಧರಿಸಲಾಗುತ್ತದೆ.

2) ನರ್ಸ್ ಅರಿವಳಿಕೆ ತಜ್ಞ

ಸರಾಸರಿ ವಾರ್ಷಿಕ ವೇತನ: $195,610
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +12%
ಉದ್ಯೋಗ ವಿವರಣೆ: ನರ್ಸ್ ಅರಿವಳಿಕೆ ತಜ್ಞರು ವೈದ್ಯಕೀಯ ಪ್ರಕ್ರಿಯೆಗಳಲ್ಲಿ ಅರಿವಳಿಕೆ ನೀಡುವ ಮತ್ತು ಮೇಲ್ವಿಚಾರಣೆ ಮಾಡುವ ಪ್ರಮುಖ ಕೆಲಸವನ್ನು ಹೊಂದಿದ್ದಾರೆ.

ನರ್ಸ್ ಅರಿವಳಿಕೆ ತಜ್ಞರು ಸಾಮಾನ್ಯವಾಗಿ ಆಸ್ಪತ್ರೆಗಳು ಅಥವಾ ಕಚೇರಿಗಳಲ್ಲಿ ಶಸ್ತ್ರಚಿಕಿತ್ಸಕರು, ದಂತವೈದ್ಯರು ಅಥವಾ ಅರಿವಳಿಕೆ ತಜ್ಞರ ವಿಭಾಗದಲ್ಲಿ ಕೆಲಸ ಮಾಡುತ್ತಾರೆ. ಈ ವೃತ್ತಿಪರರು ನೋಂದಾಯಿತ ದಾದಿಯರಾಗಿರಬೇಕು ಮತ್ತು ನರ್ಸಿಂಗ್‌ನಲ್ಲಿ ಸ್ನಾತಕೋತ್ತರ ವಿಜ್ಞಾನವನ್ನು ಹೊಂದಿರಬೇಕು (ಎಮ್‌ಎಸ್‌ಎನ್‌).

3) ನರ್ಸ್ ಶಿಕ್ಷಣತಜ್ಞ

ಸರಾಸರಿ ವಾರ್ಷಿಕ ವೇತನ: $77,440
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +22%
ಉದ್ಯೋಗ ವಿವರಣೆ: ನರ್ಸಿಂಗ್ ಶಿಕ್ಷಕರು ನರ್ಸಿಂಗ್ ವಿದ್ಯಾರ್ಥಿಗಳಿಗೆ ನರ್ಸ್ ಆಗುವ ಕಲೆ ಮತ್ತು ವಿಜ್ಞಾನದ ಕುರಿತು ಶಿಕ್ಷಣ ನೀಡುತ್ತಾರೆ. ಅವರು ಕಾಲೇಜು ಮಟ್ಟದಲ್ಲಿ ವಿದ್ಯಾರ್ಥಿಗಳಿಗೆ ನರ್ಸಿಂಗ್ ವೃತ್ತಿಯನ್ನು ಕಲಿಸುತ್ತಾರೆ ಮತ್ತು ರೋಗಗಳ ಕುರಿತು ಹಲವು ಸಂಶೋಧನೆಯನ್ನು ಕೂಡ ಮಾಡುತ್ತಾರೆ .

ನರ್ಸ್ ಶಿಕ್ಷಣತಜ್ಞರು ಆರ್‌ಎನ್‌ ಆಗಿರಬೇಕು ಮತ್ತು ಎಮ್‌ಎಸ್‌ಎನ್‌ ಪಧವಿಯನ್ನು ಹೊಂದಿರಬೇಕು. ಮಹತ್ವಾಕಾಂಕ್ಷೆಯ ನರ್ಸ್ ಶಿಕ್ಷಣತಜ್ಞರು ಪದವಿ ಶಾಲೆಯ ಸಮಯದಲ್ಲಿ ನರ್ಸಿಂಗ್ ಶಿಕ್ಷಣದಲ್ಲಿ ಪರಿಣತಿಯನ್ನು ಹೊಂದಿರಬೇಕು ಅಥವಾ ಸ್ನಾತಕೋತ್ತರ ನರ್ಸ್ ಶಿಕ್ಷಣತಜ್ಞರ ಪ್ರಮಾಣೀಕರಣವನ್ನು ಪಡೆದಿರಬೇಕು. ಈ ವೃತ್ತಿಪರರು ಸಾಮಾನ್ಯವಾಗಿ ಕ್ಲಿನಿಕಲ್ ನರ್ಸ್ ತಜ್ಞರಾಗಿ ಕಾರ್ಯನಿರ್ವಹಿಸುತ್ತಾರೆ.

4) ನರ್ಸ್ ಸೂಲಗಿತ್ತಿ(ಶುಶ್ರೂಷಕಿಯರು)

ಸರಾಸರಿ ವಾರ್ಷಿಕ ವೇತನ: $112,830
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +7%
ಉದ್ಯೋಗ ವಿವರಣೆ: ನರ್ಸ್ ಸೂಲಗಿತ್ತಿಯರು ಹೆರಿಗೆಯ ಪ್ರಕ್ರಿಯೆಯ ಕೆಸಲವನ್ನು ಮಾಡುತ್ತಾರೆ, ಗರ್ಭಧಾರಣೆಯ ಆರಂಭಿಕ ಹಂತಗಳಿಂದ ಹೆರಿಗೆ ಆಗುವರೆಗೂ ಮತ್ತು ಹೆರಿಗೆ ನಂತರವು ಕೂಡ ರೋಗಿಗಳ ಕಾಳಜಿಯನ್ನು ನೋಡಿಕೊಳ್ಳುತ್ತಾರೆ.

ನರ್ಸ್ ಶುಶ್ರೂಷಕಿಯರು ಸ್ವತಂತ್ರವಾಗಿ ಅಥವಾ ಅವರು ಚಿಕಿತ್ಸಾಲಯಗಳು, ಆಸ್ಪತ್ರೆಗಳು ಅಥವಾ ವೈದ್ಯರ ಕಚೇರಿಗಳಲ್ಲಿ ಕೆಲಸ ಮಾಡಬಹುದು ಅಥವಾ ಅವರು ತಮ್ಮ ಸ್ವಂತ ವ್ಯವಹಾರವನ್ನು ಮಾಡಬಹುದು.

5) ನರ್ಸ್ ಪ್ರ್ಯಾಕ್ಟಿಷ್ನರ್ ಗಳು

ಸರಾಸರಿ ವಾರ್ಷಿಕ ವೇತನ: $120,680
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +46%
ಉದ್ಯೋಗ ವಿವರಣೆ: ನರ್ಸ್ ಪ್ರ್ಯಾಕ್ಟಿಷ್ನರ್ ಗಳು (ಎನ್‌ಪಿ ಗಳು) ವೈದ್ಯಕೀಯ ಆರೈಕೆಯ ಸಂಪೂರ್ಣ ಕೆಲಸವನ್ನು ನಿರ್ವಹಿಸಬಲ್ಲ ಸುಧಾರಿತ ಮಟ್ಟದ ದಾದಿಯರು.

ವೈದ್ಯಕೀಯ ವೈದ್ಯರು ಮತ್ತು ವೈದ್ಯ ಸಹಾಯಕರಂತೆಯೇ, ನರ್ಸ್ ಪ್ರಯೋಗಿಗಳು ಕಾಯಿಲೆಗಳು, ಗಾಯಗಳು ಮತ್ತು ಇತರ ಪರಿಸ್ಥಿತಿಗಳಿಗೆ ಚಿಕಿತ್ಸೆಯನ್ನು ನೀಡತ್ತಾರೆ. ಎನ್‌ಪಿ ಗಳು ಸ್ಕ್ರೀನಿಂಗ್‌ಗಳು ಮತ್ತು ಉತ್ತಮ ತಪಾಸಣೆಗಳನ್ನು ಒದಗಿಸುವ ಮೂಲಕ ರೋಗಿಗಳ ಆರೋಗ್ಯವನ್ನು ನೋಡಿಕೊಳ್ಳುತ್ತಾರೆ.

ಎನ್‌ಪಿ ಗಳು ನೋಂದಾಯಿತ ನರ್ಸ್‌ಗಳಾಗಿದ್ದು, ಅವರು ಎಮ್‌ಎಸ್‌ಎನ್‌ ಅಥವಾ ಶುಶ್ರೂಷ ಅಭ್ಯಾಸದ ವೈದ್ಯರು (ಡಿಎನ್‌ಪಿ) ನಂತಹ ಮುಂದುವರಿದ ಪದವಿಗಳನ್ನು ಹೊಂದಿರಬೇಕು.

ಚಿಕಿತ್ಸಾಲಯಗಳು, ಕಛೇರಿಗಳು, ಆಸ್ಪತ್ರೆಗಳು ಮತ್ತು ನರ್ಸಿಂಗ್ ಹೋಂಗಳು ಸೇರಿದಂತೆ ಯಾವುದೇ ವೈದ್ಯಕೀಯ ವ್ಯವಸ್ಥೆಯಲ್ಲಿ ನರ್ಸ್ ವೈದ್ಯರು ಕೆಲಸ ಮಾಡಬಹುದು.

ಸಾಂದರ್ಭಿಕ ಚಿತ್ರ

6) ನರ್ಸಿಂಗ್ ಸಹಾಯಕರು

ಸರಾಸರಿ ವಾರ್ಷಿಕ ವೇತನ: $30,310
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +5%
ಉದ್ಯೋಗ ವಿವರಣೆ: ನರ್ಸಿಂಗ್ ಸಹಾಯಕರನ್ನು, ಸಾಮಾನ್ಯವಾಗಿ ಪ್ರಮಾಣೀಕೃತ ಶುಶ್ರೂಷಾ ಸಹಾಯಕರು (ಸಿಎನ್‌ಎ ಗಳು) ಎಂದು ಕರೆಯುತ್ತಾರೆ.
ದೈನಂದಿನ ಜೀವನ, ರೋಗಿಗಳ ಚಲಮಲನಗಳನ್ನು ನೋಡಿಕೊಳ್ಳುವುದು, ಔಷಧಿಗಳನ್ನು ನೀಡುವುದು, ದಾಖಲೆಗಳನ್ನು ಅಪ್‌ಟೇಟ್‌ ಮಾಡುವುದು ಮತ್ತು ಆರೋಗ್ಯ ಸ್ಥಿತಿ ಮತ್ತು ಪ್ರಮುಖ ಗುಣಲಕ್ಷಣಗಳ ಮೇಲ್ವಿಚಾರಣೆ ಮಾಡುವುದು ಸೇರಿದಂತೆ ರೋಗಿಗಳ ಆರೈಕೆಯಲ್ಲಿ ಸಿಎನ್‌ಎ ಗಳು ದಾದಿಯರಿಗೆ ಸಹಾಯ ಮಾಡುತ್ತಾರೆ. ಹೈಸ್ಕೂಲ್ ಡಿಪ್ಲೊಮಾ ಮತ್ತು ಸಿಎನ್‌ಎ ಕಾರ್ಯಕ್ರಮವನ್ನು ಪೂರ್ಣಗೊಳಿಸಿರಬೇಕು.

7) ಆಜ್ಞೆಯನ್ನು ಪಾಲಿಸುವವರು(ಆರ್ಡಲಿಗಳು)

ಸರಾಸರಿ ವಾರ್ಷಿಕ ವೇತನ: $29,990
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +5%
ಉದ್ಯೋಗ ವಿವರಣೆ: ಆಜ್ಞೆಯನ್ನು ಪಾಲಿಸುವವರು ರೋಗಿಗಳಿಗೆ ನೇರವಾಗಿ ಆರೈಕೆ ನೀಡುವ ಬದಲಿಗೆ, ಅವರು ಉಪಕರಣಗಳ ದಾಸ್ತಾನು ಕೆಲಸವನ್ನು ನೊಡಿಕೊಳ್ಳುತ್ತಾರೆ, ವಸ್ತುಗಳನ್ನು ಸರಿಯಾದ ಕ್ರಮದಲ್ಲಿ ಜೋಡಿಸುವುದು ಮತ್ತು ರೋಗಿಗಳನ್ನು ಆಪರೇಟಿಂಗ್ ಕೊಠಡಿಗಳು ಮತ್ತು ಎಕ್ಸ್-ರೇ ಕೊಠಡಿಗಳಂತಹ ಸ್ಥಳಗಳಿಗೆ ಮತ್ತು ಅಲ್ಲಿಂದ ಸಾಗಿಸಲು ಗಾಲಿಕುರ್ಚಿಗಳು ಮತ್ತು ಇತರ ವಿಧಾನಗಳನ್ನು ಬಳಸಲು ಸಹಾಯ ಮಾಡುತ್ತಾರೆ.

8) ನೋಂದಾಯಿತ ನರ್ಸ್

ಸರಾಸರಿ ವಾರ್ಷಿಕ ವೇತನ: $77,600
ಯೋಜಿತ ಉದ್ಯೋಗ ಬೆಳವಣಿಗೆ (2021-2031): +6%
ಉದ್ಯೋಗ ವಿವರಣೆ: ಆರ್‌ಎನ್‌ ಗಳು ವಿವಿಧ ಕರ್ತವ್ಯಗಳನ್ನು ನಿರ್ವಹಿಸುತ್ತಾರೆ. ಹೆಚ್ಚಿನ ಆರ್‌ಎನ್‌ ಗಳು ಪ್ರಮುಖ ಗುಣಲಕ್ಷಣಗಳನ್ನು ರೆಕಾರ್ಡ್ ಮಾಡುವ ಮೂಲಕ ರೋಗಿಗಳ ಆರೈಕೆಯನ್ನು ನೋಡುಕೊಳ್ಳುತ್ತಾರೆ, ಆರೈಕೆ ಮಾಡುವ ಕೆಲಸವನ್ನು ನಿರ್ವಹಿಸುತ್ತಾರೆ, ಔಷಧಿಯನ್ನು ನೀಡುತ್ತಾರೆ, ರಕ್ತವನ್ನು ಪರಿಕ್ಷೆ ಮಾಡುತ್ತಾರೆ ಮತ್ತು ಅವರ ಮಾರದಿಯನ್ನ ಸಲ್ಲಿಸುವುದು ಮತ್ತು ರೋಗಿಯ ಪ್ರಗತಿಯನ್ನು ಮೇಲ್ವಿಚಾರಣೆ ಮಾಡುವುದು ಮತ್ತು ದಾಖಲಿಸುವುದು ಅವರ ಕೆಲಸವಾಗಿರುತ್ತದೆ.

ನೋಂದಾಯಿತ ದಾದಿಯರು ನರ್ಸಿಂಗ್‌ನಲ್ಲಿ ಸಹಾಯಕ ಪದವಿ (ಎಡಿಎನ್‌) ಅಥವಾ ನರ್ಸಿಂಗ್‌ನಲ್ಲಿ ಬ್ಯಾಚುಲರ್ ಆಫ್ ಸೈನ್ಸ್ (ಬಿಎಸ್‌ಎನ್‌) ಹೊಂದಿರಬೇಕು ಮತ್ತು ಅವರು ಎನ್‌ಸಿಎಲ್‌ಇಎಕ್ಸ್‌-ಆರ್‌ಎನ್‌, ನಿರೀಕ್ಷಿತ ಆರ್‌ಎನ್‌ ಗಳಿಗೆ ರಾಷ್ಟ್ರೀಯ ಪ್ರಮಾಣಿತ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು.

ವೈದ್ಯರ ಕಚೇರಿಗಳು, ಆಸ್ಪತ್ರೆಗಳು ಮತ್ತು ಆರೈಕೆ ಚಿಕಿತ್ಸಾಲಯಗಳು, ಶಾಲೆಗಳು ಮತ್ತು ವಿಮಾನಗಳಂತಹ ಕೆಲವು ವೈದ್ಯಕೀಯೇತರ ಕ್ಷೇತ್ರದಲ್ಲಿ ಇವರು ಕೆಲಸಮಾಡಬಹುದು.