Multidisciplinary Skills ಅಳವಡಿಸಿಕೊಂಡರೆ ವೃತ್ತಿಜೀವನದಲ್ಲಿ ಅದ್ಭುತಗಳೇ ನಡೆಯುತ್ತವೆ; ಹೆಚ್ಚಿನ ಮಾಹಿತಿ ಇಲ್ಲಿದೆ

ಯಾವುದೇ ಕ್ಷೇತ್ರ ಆಗಲಿ ತಮ್ಮ ಸಾಮರ್ಥ್ಯ, ಕೆಲಸಕ್ಕೆ (Job) ಬೇಕಾದ ಬುದ್ಧಿವಂತಿಕೆ ಜೊತೆ ಜೊತೆಯಲ್ಲಿಯೇ ಒಂದಿಷ್ಟು ಕೌಶಲ್ಯಗಳಿದ್ದರೆ (Skills) ನಾವು ಯಾವುದೇ ಕೆಲಸದಲ್ಲಾಗಲಿ ಬೇಗ ಬೆಳವಣಿಗೆ ಕಾಣಬಹುದು. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಕೆಲಸಗಳ ಜೊತೆಗೆ ಬೇರೆ ಬೇರೆ ಕೌಶಲ್ಯಗಳಿದ್ದರಂತೂ ಕಚೇರಿಯಲ್ಲಿ ಅವರಿಗೆ ಹೆಚ್ಚಿನ ಮರ್ಯಾದೆ ಅಂತಾನೇ ಹೇಳಬಹುದು.

ಬಹುಶಿಸ್ತಿನ ಕೌಶಲ್ಯ (ಮಲ್ಟಿಡಿಸಿಪ್ಲಿನರಿ)
ಈ ಸ್ಕಿಲ್‌ ಬಗ್ಗೆ ಮಾತನಾಡುವಾಗ ಬಹುಶಿಸ್ತಿನ ಕೌಶಲ್ಯ (ಮಲ್ಟಿಡಿಸಿಪ್ಲಿನರಿ) ಗಳು ಪ್ರಮುಖವಾಗುತ್ತವೆ. ಈ ಕೌಶಲ್ಯದ ಅಗತ್ಯವು ಯುಗಗಳಿಂದಲೂ ವಿಶೇಷವಾಗಿ ಕೆಲಸ, ಸಂಶೋಧನೆ ಮತ್ತು ಶಿಕ್ಷಣಕ್ಕೆ ಬಂದಾಗ ಹೆಚ್ಚು ಪ್ರಮುಖವಾಗಿದೆ. ಆದಾಗ್ಯೂ, ಕೋವಿಡ್-19 ಬಿಕ್ಕಟ್ಟು ಮತ್ತು ದೊಡ್ಡ ಪ್ರಮಾಣದ ಆರ್ಥಿಕ ಹಿಂಜರಿತ, ಉದ್ಯೋಗಿಗಳ ವಜಾ ಮತ್ತು ರಾಜಕೀಯ ಅಸ್ಥಿರತೆಯಂತಹ ಪ್ರಪಂಚದಾದ್ಯಂತದ ಪ್ರಮುಖ ಘಟನೆಗಳ ನಡುವೆ ಬಹು-ಶಿಸ್ತಿನ ಕೌಶಲ್ಯದ ಬಗ್ಗೆ ಇನ್ನೂ ಪ್ರಾಶಸ್ತ್ಯ ಹೆಚ್ಚಿದೆ ಎನ್ನಬಹುದು.

ಪ್ರಾತಿನಿಧಿಕ ಚಿತ್ರ

ಬಹುಶಿಸ್ತಿನ ಕೌಶಲ್ಯಗಳು ಎಂದರೇನು?
ಮೊದಲಿಗೆ ನಾವಿಲ್ಲಿ ಬಹು-ಶಿಸ್ತಿನ ಕೌಶಲ್ಯಗಳು ಎಂದರೆ ಏನು ಎಂದು ತಿಳಿಯೋಣ. ಅಂದರೆ ಒಂದಕ್ಕಿಂತ ಹೆಚ್ಚು ಶಿಸ್ತು ಅಥವಾ ಅಧ್ಯಯನ ಕ್ಷೇತ್ರವನ್ನು ಸಂಯೋಜಿಸುವುದು ಅಥವಾ ಒಳಗೊಳ್ಳುವುದು ಎಂದರ್ಥ. ಸರಳವಾಗಿ ಹೇಳುವುದಾದರೆ ನಿಮಗೆ ಗೊತ್ತಿರುವ ಕೆಲಸಕ್ಕೆ ಸಂಬಂಧಿಸಿದ ಹಲವು ಕೌಶಲ್ಯಗಳನ್ನು ಕಲಿಯುವುದು, ಬೆಳೆಸಿಕೊಳ್ಳುವುದು ಎಂದರ್ಥ.

ಶಿಕ್ಷಣ ಕ್ಷೇತ್ರದಲ್ಲಿ ಬಬಹುಶಿಸ್ತಿನ ಕೌಶಲ್ಯಗಳು
ಇದಕ್ಕೆ ಉದಾಹರಣೆಯಾಗಿ ಕೋವಿಡ್‌ ಸಂದರ್ಭದ ಶಿಕ್ಷಣ ಕ್ಷೇತ್ರವನ್ನು ತೆಗೆದುಕೊಂಡು ಶಿಕ್ಷಕ ವೃತ್ತಿಯ ಉದಾಹರಣೆಯನ್ನು ತೆಗೆದುಕೊಳ್ಳುವುದಾದರೆ, ಕೋವಿಡ್‌ಗೆ ಮುಂಚಿನ ಪರಿಸ್ಥಿತಿಯಲ್ಲಿ, ಬಹುಪಾಲು ಸಂಸ್ಥೆಗಳಲ್ಲಿ ಬೋಧನಾ ವೃತ್ತಿಯು ಮಹತ್ವದ ಚಟುವಟಿಕೆಯಾಗಿ ಬೋಧನೆಗೆ ಹೆಸರುವಾಸಿಯಾಗಿತ್ತು. ಆದರೆ ಪ್ರಸ್ತುತ ಬಿಕ್ಕಟ್ಟುಗಳಿಂದಾಗಿ, ಅನೇಕ ಸಂಸ್ಥೆಗಳು ಬೋಧನೆಯ ಹೊರತಾಗಿ ಹಲವಾರು ಫಲಿತಾಂಶಗಳನ್ನು ನಿರೀಕ್ಷಿಸುತ್ತಿವೆ.

ಈಗ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಶಿಕ್ಷಕರು ರಾಷ್ಟ್ರೀಯ (NIRF) ಮತ್ತು ಅಂತರಾಷ್ಟ್ರೀಯ ಸಾಧನೆಯ ಆದೇಶದ ಜೊತೆಗೆ ಆದಾಯದ ಹೊಸ ಮೂಲಗಳನ್ನು ಸೃಷ್ಟಿಸಲು ಸಮಾಲೋಚಕರು, ಸಂಶೋಧಕರು, ತರಬೇತುದಾರರು ಆಗಲು ಪ್ರಯತ್ನಿಸುತ್ತಿದ್ದಾರೆ. (QS-ವರ್ಲ್ಡ್) ಶ್ರೇಯಾಂಕಗಳು. ಅಲ್ಲದೆ, ಬೋಧನೆಯ ಡಿಜಿಟಲ್ ರೂಪಾಂತರದಲ್ಲೂ ಅವರು ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ. ಜೊತೆಗೆ ವಿವಿಧ ತಂತ್ರಜ್ಞಾನಗಳನ್ನು ಕಲಿಯುವ ಮೂಲಕ ಶಿಕ್ಷಕರು "ವರ್ಚುವಲ್ ಟೀಚರ್" ಕೂಡ ಆಗಿದ್ದಾರೆ. ಹೀಗೆ ಬಹುಶಿಸ್ತೀಯ ಅನೇಕ ಕೌಶಲ್ಯಗಳನ್ನು ಪಡೆದುಕೊಂಡ ಶಿಕ್ಷಕರು ಶಾಲೆಗಳು ಮತ್ತು ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಹೆಸರು ಪಡೆದಿದ್ದಾರೆ.

ಇತರೆ ಕ್ಷೇತ್ರದಲ್ಲಿ ಬಹುಶಿಸ್ತಿನ ಕೌಶಲ್ಯಗಳು
ಶಿಕ್ಷಕರು ಮಾತ್ರವಲ್ಲದೇ ಹಣಕಾಸು ಮತ್ತು ಲೆಕ್ಕಪರಿಶೋಧಕ ವೃತ್ತಿಪರರು ವಿವಿಧ ತಂತ್ರಜ್ಞಾನಗಳಾದ MS Excel, Power BI, SAP-ERP, SQL ಡೇಟಾಬೇಸ್, ವರ್ಚುವಲ್ ಆಡಿಟ್‌ಗಳು ಮತ್ತು ಡೇಟಾ ಅನಾಲಿಟಿಕ್ಸ್ ಸಾಫ್ಟ್‌ವೇರ್ ಪೈಥಾನ್, ಇತ್ಯಾದಿಗಳಲ್ಲಿ ಉನ್ನತ ಕೌಶಲ್ಯವನ್ನು ಹೊಂದಿದ್ದಾರೆ. ಹಾಗೆಯೇ, IT ವೃತ್ತಿಪರರು ಹಣಕಾಸು ಮತ್ತು ಬ್ಯಾಂಕಿಂಗ್ ಮೂಲಭೂತ ಅಂಶಗಳನ್ನು ಕಲಿಯಲು ಉತ್ಸುಕರಾಗಿದ್ದಾರೆ.

ಹಾಗೆಯೇ ಕಂಪನಿಗಳಲ್ಲಿ ಸಾಮಾನ್ಯವಾಗಿ ಹೆಚ್‌ಆರ್‌ ಕೆಲಸ ಉದ್ಯೋಗಿಗಳನ್ನು ನೇಮಿಸುವುದು ಮತ್ತು ಅದಕ್ಕೆ ಸಂಬಂಧಪಟ್ಟ ಕೆಲಸ ಮಾಡುವುದು. ಆದರೆ ಇವರೂ ಸಹ ಈಗ ನವೀಕರಣಗೊಂಡಿದ್ದು, ಉದ್ಯೋಗ ವಿನ್ಯಾಸ, ಉದ್ಯೋಗ ವಿಶ್ಲೇಷಣೆ, ಉದ್ಯೋಗ ಸರದಿ, ಪರಿಹಾರ ವೇತನ, ಉದ್ಯೋಗಿ ಪ್ರಯೋಜನ ಯೋಜನೆಗಳು, ಬಡ್ತಿಗಳು, ಕುಂದುಕೊರತೆ ನಿಯಂತ್ರಣದಂತಹ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.

ಇದನ್ನೂ ಓದಿ: Average Students: ಕಡಿಮೆ ಮಾರ್ಕ್ಸ್ ಗಳಿಸಿರುವವರು ಈ ಉದ್ಯೋಗಗಳನ್ನು ಆಯ್ಕೆ ಮಾಡಬಹುದು

ವೃತ್ತಿಜೀವನದ ಬೂಸ್ಟರ್ ಈ ಮಲ್ಟಿಡಿಸಿಪ್ಲಿನರಿ ಸ್ಕಿಲ್
ಹೀಗೆ ಹೊಸದಾಗಿ ಏನನ್ನೋ ಕಲಿಯುವುದು ಹಲವಾರು ಕ್ಷೇತ್ರಗಳಲ್ಲಿ ನಮ್ಮ ಜ್ಞಾನ ವೃದ್ಧಿಸುವುದರ ಜೊತೆಗೆ ನಾವು ಸೇವೆ ಸಲ್ಲಿಸುವ ಸಂಸ್ಥೆಗಳಿಗೆ ಮತ್ತು ಜನರಿಗೆ ಗರಿಷ್ಠ ಪ್ರಯೋಜನವನ್ನು ನೀಡಬಹುದು. ಹೀಗಾಗಿಯೇ ಬಹು-ಶಿಸ್ತೀಯ ಕೌಶಲ್ಯವನ್ನು ಹೊಂದಿರುವುದು ಸಹ ಒಂದು ನಿರ್ದಿಷ್ಟ ವೃತ್ತಿ ಬೂಸ್ಟರ್ ಆಗಿದೆ ಎನ್ನುತ್ತಾರೆ ತಜ್ಞರು.

ಹೀಗೆ ಬೇರೆ ಬೇರೆ ರೀತಿಯ ಮತ್ತು ವೃತ್ತಿ ಜೀವನಕ್ಕೆ ಅಗತ್ಯವಾದ ಬಹು-ಶಿಸ್ತೀಯ ಕೌಶಲ್ಯ ಸೆಟ್‌ಗಳ ಬಗ್ಗೆ ತಿಳಿದಿರುವುದು ಪ್ರತಿಯೊಬ್ಬ ಉದ್ಯೋಗಿಯ ವೃತ್ತಿಜೀವನದಲ್ಲಿ ಸಾಕಷ್ಟು ಲಾಭ ತಂದುಕೊಡುತ್ತದೆ ಎನ್ನಬಹುದು. ಒಟ್ಟಾರೆ ಹೆಚ್ಚಿನ ಉತ್ಪಾದಕತೆ, ವೃತ್ತಿ ಜೀವನದಲ್ಲಿ ಯಶಸ್ಸು ಪಡೆಯಲು ಬಹು-ಶಿಸ್ತೀಯತೆಯು ಕೌಸಲ್ಯಗಳು ನಿಜಕ್ಕೂ ಪ್ರಯೋಜನ ನೀಡುತ್ತದೆ.