• Home
  • »
  • News
  • »
  • jobs
  • »
  • Career Tips: ಜಾಬ್ ಆಫರ್ ಅನ್ನು ತಿರಸ್ಕರಿಸುವಾಗ ಯಾವ ಕಾರಣಗಳನ್ನು ನೀಡುವುದು ಸೂಕ್ತ?

Career Tips: ಜಾಬ್ ಆಫರ್ ಅನ್ನು ತಿರಸ್ಕರಿಸುವಾಗ ಯಾವ ಕಾರಣಗಳನ್ನು ನೀಡುವುದು ಸೂಕ್ತ?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಜಾಬ್​ ಆಫರ್​ ಅನ್ನು ಸೂಕ್ತ ಕಾರಣಗಳೊಂದಿಗೆ ತಿರಸ್ಕರಿಸುವುದನ್ನು ಪ್ರತಿಯೊಬ್ಬ ಉದ್ಯೋಗಿಯೂ ತಿಳಿದಿರಬೇಕು. ಇಲ್ಲವಾದರೆ ಉದ್ಯೋಗಿ ಭವಿಷ್ಯದಲ್ಲಿ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

  • Share this:

ಜೀವನದಲ್ಲಿ NO ಎಂದು ಎಲ್ಲಿ, ಯಾವಾಗ, ಹೇಗೆ ಹೇಳಬೇಕು (How to Say No) ಎಂದು ಕಲಿತವರು ನೆಮ್ಮದಿಯಿಂದ ಇರುತ್ತಾರೆ ಎನ್ನುತ್ತಾರೆ. ಅಂದರೆ ಸ್ವೀಕರಿಸುವುದು ಮಾತ್ರವಲ್ಲ, ತಿರಸ್ಕರಿಸುವುದು ಗುಣ ಕೂಡ ಇರಬೇಕು. ಉದ್ಯೋಗಿಯಾಗಿಯೂ (Employee) ಈ ಮಾತು ಅನ್ವಯಿಸುತ್ತದೆ. ಬೇಡದ ಜಾಬ್​​ ಆಫರ್​ (Job Offer) ಇರಲಿ, ನಿಮ್ಮ ವ್ಯಾಪ್ತಿಗೆ ಬರದ ಕೆಲಸವಿರಲಿ. ನಯವಾಗಿ ತಿರಸ್ಕರಿಸುವ ಕಲೆ ಗೊತ್ತಿರಬೇಕು.


ಇದೇ ರೀತಿ ನೀವು ಸಾಕಷ್ಟು ಕಡೆ ಕೆಲಸಕ್ಕಾಗಿ ಹುಡುಕಾಟ ನಡೆಸಿದ್ದರೆ, ಒಂದು ಕೆಲಸ ಸಿಕ್ಕ ಬಳಿಕ ಮತ್ತೊಂದು ಜಾಬ್​ ಆಫರ್​ ಬರಬಹುದು. ನೀವು ಸದ್ಯ ಕೆಲಸದಲ್ಲಿದ್ದರೂ ಬೇರೆ ಕಂಪನಿಯಿಂದ ನಿಮಗೆ ಒಂದೊಳ್ಳೆ ಅವಕಾಶ ಬರಬಹುದು. ಈ ಸಮಯದಲ್ಲಿ ನೀವು ಆಫರ್​ ಸ್ವೀಕರಿಸುವ ಸ್ಥಾನದಲ್ಲಿರದಿದ್ದರೆ ತಿರಸ್ಕರಿಸುವುದೇ ನಿಮಗೆ ಉಳಿದಿರುವ ಆಯ್ಕೆ. ಇದೊಂದು ಸೂಕ್ಷ್ಮ ವಿಚಾರ ಎಂಬುವುದನ್ನು ಮರೆಯಬೇಡಿ. ನಯವಾಗಿ ಜಾಬ್​ ಆಫರ್​ ಅನ್ನು ತಿರಸ್ಕರಿಸಬೇಕು. ಅದು ಹೇಗೆ ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.


job market going to slow down in 2023


ಕೆಟ್ಟ ಅಭಿಪ್ರಾಯ ಬರದಂತೆ ನಡೆದುಕೊಳ್ಳಿ


ಜಾಬ್​ ಆಫರ್​ ಅನ್ನು ಸೂಕ್ತ ಕಾರಣಗಳೊಂದಿಗೆ ತಿರಸ್ಕರಿಸುವುದನ್ನು ಪ್ರತಿಯೊಬ್ಬ ಉದ್ಯೋಗಿಯೂ ತಿಳಿದಿರಬೇಕು. ಇಲ್ಲವಾದರೆ ಉದ್ಯೋಗಿ ಭವಿಷ್ಯದಲ್ಲಿ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಜಾಬ್​ ಆಫರ್​ ನೀಡಿದವರ ಬಳಿ ನಿಮ್ಮ ಬಗ್ಗೆ ಕೆಟ್ಟ ಅಭಿಪ್ರಾಯ ಬರದಂತೆ ನಡೆದುಕೊಳ್ಳಬೇಕು.


ಫೋನ್​ ಮಾಡಿದ್ರೆ ಅವಾಯ್ಡ್​ ಮಾಡಬೇಡಿ


ಅವರು ಕೊಟ್ಟ ಆಫರ್​ ಅನ್ನು ನೀವು ತಿರಸ್ಕರಿಸಿರುವ ಬಗ್ಗೆ ಯಾವ ರೀತಿ ತಿಳಿಸುತ್ತೀರಿ ಎಂಬುವುದು ಎಂಬಾನೇ ಮುಖ್ಯ.  ನಿಮ್ಮ ಭಾಷೆ ತುಂಬಾ ಸಭ್ಯವಾಗಿರಬೇಕು. ಆಗ ಮಾತ್ರ ಭವಿಷ್ಯದಲ್ಲಿ ನಿಮಗೆ ಬೇಕಾದಾಗ ಆ ಕಂಪನಿಯ ಬಾಗಿಲು ನಿಮಗಾಗಿ ತೆರೆದಿರುತ್ತದೆ. ನೀವು ಉದ್ಯೋಗದ ಪ್ರಸ್ತಾಪವನ್ನು ತಿರಸ್ಕರಿಸಲು ಪ್ರಯತ್ನಿಸುತ್ತಿದ್ದರೆ, ಆ ಕಂಪನಿಯ HR ಅಥವಾ ಬಾಸ್‌ ನಿಂದ ಇಮೇಲ್ ಅಥವಾ ಕರೆ ಬಂದಾಗ ಅದನ್ನು ನಿರ್ಲಕ್ಷಿಸಬೇಡಿ. ಫೋನ್​​ ಕರೆಗೆ ಸರಿಯಾದ ರೀತಿಯಲ್ಲಿ ಪ್ರತಿಕ್ರಿಯಿಸಿ ಇಲ್ಲವಾದರೆ ತಪ್ಪು ಅಭಿಪ್ರಾಯ ಮೂಡುತ್ತೆ.




ಸೂಕ್ತ ಕಾರಣಗಳನ್ನು ನೀಡಿ


ಕೆಲಸ ಮಾಡಲು ಬಯಸುವುದಿಲ್ಲ ಎಂದು ನೀವು ನಿರ್ಧರಿಸಿದಾಗ, ಫೋನ್ ಅಥವಾ ಇಮೇಲ್ ಮೂಲಕ ಕೆಲಸದ ಆಹ್ವಾನವನ್ನು ತಿರಸ್ಕರಿಸಲು ಕಾರಣವನ್ನು ತಿಳಿಸಿ. ನಿಮ್ಮ ಇಂಟರ್​ ವ್ಯೂ ವೇಳೆ ಯಾವುದೇ ನಕಾರಾತ್ಮಕ ವಿಷಯವಿದ್ದರೆ ಅದನ್ನು ಬರೆಯುವ ಅಗತ್ಯವಿಲ್ಲ. ಸಕಾರಾತ್ಮಕ ಟಿಪ್ಪಣಿಯೊಂದಿಗೆ ಪ್ರಸ್ತಾಪವನ್ನು ತಿರಸ್ಕರಿಸಿ. ನೀವು ಒಬ್ಬರ ರೆಫರೆನ್ಸ್​​ ನೊಂದಿಗೆ ಸಂದರ್ಶನವನ್ನು ನೀಡಿದ್ದರೆ, ಆ ವ್ಯಕ್ತಿಗೆ ಧನ್ಯವಾದ ಹೇಳಲು ಮರೆಯಬೇಡಿ. ಸಂಬಂಧ ಚೆನ್ನಾಗಿದ್ದಾಗ ಅವರು ಭವಿಷ್ಯದಲ್ಲಿಯೂ ನಿಮ್ಮೊಂದಿಗೆ ಸಂಪರ್ಕದಲ್ಲಿರಲು ಪ್ರಯತ್ನಿಸುತ್ತಾರೆ.


ಬೇಕಾಬಿಟ್ಟಿ ತಿರಸ್ಕರಿಸಿದರೆ ಅದು ವೃತ್ತಿಪರತೆ ಅಲ್ಲ. ಫೋಸ್​, ಮೇಲ್​ ಮಾಡದೆ ಸುಮ್ಮನೇ ಅವಾಯ್ಡ್​ ಮಾಡುವುದು ಒಳ್ಳೆಯದಲ್ಲ. ಒಳ್ಳೆಯ ರೀತಿಯಲ್ಲಿ ಆಫರ್ ಅನ್ನು ನಿರಾಕರಿಸಿ. ಭವಿಷ್ಯದಲ್ಲಿ ಅವಕಾಶಗಳಿದ್ದರೆ, ತಿಳಿಸುವಂತೆ ಮನವಿ ಮಾಡಿಕೊಳ್ಳಿ.

Published by:Kavya V
First published: