• Home
  • »
  • News
  • »
  • jobs
  • »
  • Career Anxiety: ಮುಂದೆ ಏನೋ ಆಗುತ್ತೆ ಎಂಬ ‘ಊಹೆ’ಯಿಂದಲೇ ಉದ್ಯೋಗಿಗಳಿಗೆ ಆತಂಕ, ಪರಿಹಾರವೇನು?

Career Anxiety: ಮುಂದೆ ಏನೋ ಆಗುತ್ತೆ ಎಂಬ ‘ಊಹೆ’ಯಿಂದಲೇ ಉದ್ಯೋಗಿಗಳಿಗೆ ಆತಂಕ, ಪರಿಹಾರವೇನು?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಉದ್ಯೋಗ ಕಳೆದುಕೊಳ್ಳುವುದು, ಸ್ಪರ್ಧಾತ್ಮಕ ಪ್ರವೇಶ ಪರೀಕ್ಷೆಯಲ್ಲಿ ಅನುತ್ತೀರ್ಣರಾಗುವುದು, ಬ್ಯಾಂಕ್ ಖಾತೆಯಲ್ಲಿ ಹಣ ಕಡಿಮೆಯಾಗುವುದು ಅಥವಾ ಅನಾರೋಗ್ಯ ಆತಂಕಗಳಿಗೆ ಕಾರಣವಾಗುತ್ತೆ.

  • Share this:

    ಈ ಆತಂಕ (Anxiety) ಅನ್ನೋದು ಮನುಷ್ಯನಿಗೆ ಅನೇಕ ವಿಷಯಗಳಿಂದ ಬರಬಹುದು ನೋಡಿ. ವಿದ್ಯಾರ್ಥಿಗಳಿಗೆ ಪರೀಕ್ಷೆಯ (Exam) ಬಗ್ಗೆ ಮತ್ತು ಪರೀಕ್ಷೆಯ ಫಲಿತಾಂಶದ ಬಗ್ಗೆ ಭಯ ಆದರೆ, ದೊಡ್ಡವರಿಗೆ ಕೆಲಸ (Job) ಸಿಗುತ್ತೋ ಇಲ್ವೋ, ಕೆಲಸ ಸಿಕ್ಕರೆ ಅದು ಎಷ್ಟು ವರ್ಷಗಳ ಕಾಲ ತಮ್ಮ ಕೈ ಹಿಡಿಯುತ್ತೆ ಅನ್ನೋ ಆತಂಕ. ಹೀಗೆ ಚಿಕ್ಕ ಮಕ್ಕಳಿಂದ ಹಿಡಿದು ವಯೋ ವೃದ್ದರವರೆಗೆ ಒಂದಲ್ಲ ಒಂದು ಆತಂಕ ಕಾಡುತ್ತಲೇ ಇರುತ್ತದೆ ಅಂತ ಹೇಳಬಹುದು.


    ಈ ಆತಂಕ ಹೆಚ್ಚಾದರೆ ಅದು ನಮ್ಮ ದೈಹಿಕ, ಭಾವನಾತ್ಮಕ ಮತ್ತು ಮಾನಸಿಕ ಯೋಗಕ್ಷೇಮದ ಮೇಲೆಯೂ ಸಹ ಭಾರಿ ಪರಿಣಾಮ ಬೀರುತ್ತದೆ. ಪ್ರಸ್ತುತ ಪರಿಸ್ಥಿತಿಯಲ್ಲಿ ಅಥವಾ ಭವಿಷ್ಯದಲ್ಲಿ ಸಂಭಾವ್ಯ ಅಪಾಯಗಳಿಂದ ನಮ್ಮನ್ನು ನಾವು ಈ ಆತಂಕದಿಂದ ರಕ್ಷಿಸಿಕೊಳ್ಳಳ್ಳುವುದು ತುಂಬಾನೇ ಮುಖ್ಯವಾಗಿದೆ. ಆತಂಕ ಶುರುವಾಗುವುದೇ ಅನಿಶ್ಚಿತತೆಯ ಭಾವನೆಯಿಂದ ಅಂತ ಹೇಳಿದರೆ ತಪ್ಪಾಗುವುದಿಲ್ಲ.


    ಕೌನ್ಸೆಲಿಂಗ್ ಸೈಕಾಲಜಿಸ್ಟ್ ಜಗಜೀತ್ ಕೌರ್ ಉಲ್ಲೇಖಿಸಿದಂತೆ, ಆತಂಕಗೊಂಡ ಜನರು ಅವರ ಬಳಿ ಬಂದಾಗ "ಆತಂಕ ಅನ್ನೋದು ನಮ್ಮ ಕುಟುಂಬದಲ್ಲಿಯೇ ಇದೆ, ನಾವು ಸಹ ಹಾಗೆಯೇ ಇದ್ದೇವೆ. ಯಾವುದೇ ಪರಿಸ್ಥಿತಿಯ ಬಗ್ಗೆ ಆತಂಕಗೊಂಡು ಅತಿಯಾಗಿ ಯೋಚಿಸುವುದು ನಮ್ಮ ಸಾಮಾನ್ಯ ನಿಭಾಯಿಸುವ ಪ್ರತಿಕ್ರಿಯೆಯಾಗಿದೆ ಎಂದು ಹೇಳುತ್ತಾರಂತೆ”.


    How to start a Career in Tech With No Experience
    ಸಾಂಕೇತಿಕ ಚಿತ್ರ


    ಉದ್ಯೋಗ ಕಳೆದುಕೊಳ್ಳುವುದು, ಸ್ಪರ್ಧಾತ್ಮಕ ಪ್ರವೇಶ ಪರೀಕ್ಷೆಯಲ್ಲಿ ಅನುತ್ತೀರ್ಣರಾಗುವುದು, ಬ್ಯಾಂಕ್ ಖಾತೆಯಲ್ಲಿ ಹಣ ಕಡಿಮೆಯಾಗುವುದು ಅಥವಾ ಅನಾರೋಗ್ಯ.. ಹೀಗೆ ಇವೆಲ್ಲವೂ ನಮ್ಮನ್ನು ತುಂಬಾನೇ ಆತಂಕಕ್ಕೆ ಗುರಿ ಪಡಿಸುತ್ತವೆ ಅಂತ ಇವರು ಹೇಳುತ್ತಾರೆ.


    ಆತಂಕವು ಯಾವಾಗ ಮಾನಸಿಕ ಆರೋಗ್ಯವನ್ನು ಹದಗೆಡಿಸುತ್ತದೆ?


    ಹೃದಯ ಬಡಿತ ಹೆಚ್ಚಾಗುವುದು, ನಡುಗುವಿಕೆ, ವಾಕರಿಕೆ, ಉಸಿರಾಟದ ತೊಂದರೆ ಮತ್ತು ಹೆಚ್ಚಿನ ಸಮಯ ಉದ್ವಿಗ್ನತೆಯಂತಹ ಹೆಚ್ಚಿನ ದೈಹಿಕ ರೋಗಲಕ್ಷಣಗಳನ್ನು ನಾವು ಅನುಭವಿಸಿದಾಗ ಆತಂಕವು ನಮ್ಮ ಜೀವನವನ್ನು ದುರ್ಬಲಗೊಳಿಸಲು ಪ್ರಾರಂಭಿಸುತ್ತದೆ ಅಂತ ನಾವು ತಿಳಿದುಕೊಳ್ಳಬಹುದು. ನಾವು ಅತಿಯಾಗಿ ಚಿಂತಿಸುತ್ತೇವೆ, ಚಡಪಡಿಕೆಗೆ ಒಳಗಾಗುತ್ತೇವೆ, ಏಕಾಗ್ರತೆ ಅಥವಾ ನಿದ್ರೆ ಮಾಡಲು ಸಾಧ್ಯವಾಗುವುದಿಲ್ಲ, ಮತ್ತು ಮುಂಬರುವ ಅಪಾಯದ ಬಗ್ಗೆ ಭಯಪಡುತ್ತೇವೆ.


    ವೃತ್ತಿಜೀವನದ ಆತಂಕವನ್ನು ನಿವಾರಿಸುವುದು ಹೇಗೆ?


    ಮುಂಬರುವ ಪರಿಸ್ಥಿತಿಗೆ ನಾವು ಹೊಂದಿಕೊಳ್ಳಲು ನಮ್ಮಲ್ಲಿ ಸಾಕಷ್ಟು ಸಂಪನ್ಮೂಲಗಳು, ಸಾಮರ್ಥ್ಯ ಮತ್ತು ಗುಣಗಳು ಇಲ್ಲ ಎಂದು ನಾವು ವಿಶ್ಲೇಷಿಸಿದಾಗ ಆತಂಕ ಇನ್ನೂ ಹೆಚ್ಚಾಗುತ್ತದೆ. "ನಾನು ಸ್ನೇಹಿತರನ್ನು ಸಂಪಾದಿಸಲು ಸಾಧ್ಯವಾಗುವುದಿಲ್ಲ, ಏಕೆಂದರೆ ಅವರು ನನ್ನ ವಾರ್ಡ್ರೋಬ್ ಶೈಲಿಯನ್ನು ಇಷ್ಟಪಡದಿರಬಹುದು" ಎಂಬಂತಹ ಆಲೋಚನೆಗಳನ್ನು ಜನರು ಸಾಮಾನ್ಯವಾಗಿ ಹೊಂದಿರಬಹುದು.


    do this simple exercise in sitting time get good health
    ಸಾಂಧರ್ಬಿಕ ಚಿತ್ರ


    "ಕಳೆದ ಎರಡು ವರ್ಷಗಳಲ್ಲಿ ನಾನು ನನ್ನ ತಾಂತ್ರಿಕ ಕೌಶಲ್ಯಗಳನ್ನು ನವೀಕರಿಸದ ಕಾರಣ ನಾನು ಹೊಸ ಉದ್ಯೋಗದಲ್ಲಿ ಕಡಿಮೆ ಪ್ಯಾಕೇಜ್ ಪಡೆಯಬಹುದು". ಯಾವುದೇ ವಯಸ್ಸಿನಲ್ಲಿ, ನಿಮ್ಮ ಸ್ವಂತ ವೃತ್ತಿಜೀವನವನ್ನು ನಿರ್ವಹಿಸುವುದು, ಉದ್ಯೋಗದ ಏಣಿಯ ಮೇಲೆ ಮೊದಲ ಹೆಜ್ಜೆ ಇಡುವುದು, ವ್ಯವಹಾರವನ್ನು ಸ್ಥಾಪಿಸುವುದು ಅಥವಾ ವೃತ್ತಿಜೀವನವನ್ನು ಸಂಪೂರ್ಣವಾಗಿ ಬದಲಾಯಿಸುವುದು ಆತಂಕಕಾರಿಯಾಗಬಹುದು. ಸ್ವ-ಸಂದೇಹ ಶುರುವಾಗಬಹುದು ಮತ್ತು ಇದೆಲ್ಲವೂ ನಿಮ್ಮ ಪೂರ್ಣ ಸಾಮರ್ಥ್ಯವನ್ನು ಅರಿತುಕೊಳ್ಳುವುದರಿಂದ ನಿಮ್ಮನ್ನು ತಡೆಯಬಹುದು.


    • ನಿಮ್ಮ ಚಿಂತೆಗಳು ಪರಿಸ್ಥಿತಿಯಲ್ಲಿನ ಬೆದರಿಕೆಗೆ ಅಸಮಾನವಾಗಿದ್ದಾಗ, ನಿಮಗೆ ಆತಂಕ ಹೆಚ್ಚಾಗಿದೆ ಅಂತ ಅರ್ಥ ಮತ್ತು ನೀವು ವೃತ್ತಿಪರರಿಂದ ಕೂಡಲೇ ಸಹಾಯವನ್ನು ಪಡೆಯಬೇಕು. ಉದಾಹರಣೆಗೆ, ಒಬ್ಬ ಉದ್ಯೋಗಿಯು ತುಂಬಾನೇ ಚೆನ್ನಾಗಿ ಕೆಲಸ ಮಾಡುತ್ತಿದ್ದರೂ ಸಹ ಮೀಟಿಂಗ್ ಗೂ ಮುಂಚೆ ಸುಮ್ಮನೆ ಆತಂಕಕ್ಕೊಳಗಾಗುತ್ತಾನೆ. ಒಂದು ಕಾಲೇಜಿಗೆ ಪ್ರವೇಶ ಪಡೆಯಲು ಸಾಧ್ಯವಾಗದ ಕಾರಣ ಒಬ್ಬ ವಿದ್ಯಾರ್ಥಿ ತನ್ನ ವೃತ್ತಿಜೀವನವೇ ಮುಗಿದಿದೆ ಅಂತ ಸುಮ್ಮನೆ ಭಯಪಡುತ್ತಾನೆ.

    • ಚಿಕ್ಕಪುಟ್ಟ ಒತ್ತಡಗಳು ಪ್ರತಿದಿನವೂ ನಿಮಗೆ ಆತಂಕವನ್ನು ಉಂಟು ಮಾಡಿದರೆ ಮತ್ತು ಅದು ತಿಂಗಳುಗಳಿಗಿಂತ ಹೆಚ್ಚು ಕಾಲ ಮುಂದುವರಿದರೆ, ನೀವು ನಿಮ್ಮ ಚಿಂತೆಗಳನ್ನು ಇತರರೊಂದಿಗೆ ಹಂಚಿಕೊಳ್ಳಬೇಕು.

    • ಇಂತಹ ಸಂದರ್ಭಗಳು ನಿಮಗೆ, ನಿಮ್ಮ ಆಪ್ತ ಸ್ನೇಹಿತನಿಗೆ, ಸಂಬಂಧಿಕರಿಗೆ, ಸಹೋದ್ಯೋಗಿಗೆ ಅಥವಾ ಕುಟುಂಬದ ಸದಸ್ಯರಿಗೂ ಬರಬಹುದು. ಆದ್ದರಿಂದ, ಅವರೊಂದಿಗೆ ಮುಕ್ತವಾಗಿ ಮಾತನಾಡಿ. ಮಾನಸಿಕ ಅಸ್ವಸ್ಥತೆಯ ಬಗ್ಗೆ ಮಾತನಾಡುವುದು ಬಹಳ ಮುಖ್ಯವಾಗುತ್ತದೆ.


    Career Tips how women employees can avoid gossip at workplace

    • ನೀವು ಯಾವಾಗಲೂ ಉದ್ವಿಗ್ನವಾಗಿದ್ದರೆ ಮತ್ತು ನಿದ್ರೆ ಮಾಡಲು ಸಾಧ್ಯವಾಗದಿದ್ದರೆ, ಆತಂಕವು ನಿಮ್ಮ ಮೇಲೆ ಪ್ರತಿಕೂಲ ಪರಿಣಾಮ ಬೀರಲು ಪ್ರಾರಂಭಿಸಿದೆ ಎಂದು ಅರ್ಥ ಮಾಡಿಕೊಳ್ಳಿ.

    • ಉತ್ತಮ ತರಬೇತಿ ಪಡೆದ ಮನಶ್ಶಾಸ್ತ್ರಜ್ಞರು ನಿಮ್ಮ ದೇಹವನ್ನು ವಿಶ್ರಾಂತಿಗೊಳಿಸಲು ಮತ್ತು ನಿಮ್ಮ ಅತಿಯಾದ ಆಲೋಚನೆಯನ್ನು ನಿರ್ವಹಿಸಲು ತಂತ್ರಗಳನ್ನು ಕಲಿಯಲು ನಿಮಗೆ ಸಹಾಯ ಮಾಡುತ್ತಾರೆ.

    • ಜೀವನವು ನಮ್ಮನ್ನು ಅನಿಶ್ಚಿತ ಸಂದರ್ಭಗಳಲ್ಲಿ ಇರಿಸಿದಾಗ ನಾವೆಲ್ಲರೂ ಆತಂಕಕ್ಕೊಳಗಾಗುತ್ತೇವೆ. ಇದು ನಮ್ಮ ಜೀವನದ ಸಾಮಾನ್ಯ ಭಾಗವಾಗಿದೆ. ಆದ್ದರಿಂದ, ಆತಂಕವು ಅಸಹನೀಯವಾದಾಗ ಸಹಾಯವನ್ನು ಪಡೆಯಲು ಹಿಂದೇಟು ಹಾಕಬಾರದು. ನೀವು ಗೌರವಿಸುವ ವೃತ್ತಿ ಸಲಹೆಗಾರರು, ಸಹೋದ್ಯೋಗಿ ಅಥವಾ ಮಾನಸಿಕ ಆರೋಗ್ಯ ತಜ್ಞರನ್ನು ಸಂಪರ್ಕಿಸಿ.

    Published by:Kavya V
    First published: