Salary Negotiation Tips: HR ಜೊತೆ ಸಂಬಳದ ಬಗ್ಗೆ ಮಾತನಾಡುವಾಗ ಈ ಟ್ರಿಕ್ಸ್ ಬಳಸಿ, ದೊಡ್ಡ ಪ್ಯಾಕೇಜ್ ನಿಮ್ಮದಾಗುತ್ತೆ

ನೀವು ಹೊಸ ಉದ್ಯೋಗದ ಹುಡುಕಾಟದಲ್ಲಿದ್ದರೆ (Job Search) ಅಥವಾ ಹೊಸ ಕೆಲಸಕ್ಕಾಗಿ ಸಂದರ್ಶಗಳು (Job Interview) ಪೂರ್ಣಗೊಂಡು ಜಾಬ್‌ ಆಫರ್‌ (Job Offer) ನಿಮ್ಮ ಕೈಯ್ಯಲ್ಲಿದ್ದರೆ ಸಂಬಳ (Salary) ಎಷ್ಟು ನೀಡಬಹುದು ಎಂಬ ಬಗ್ಗೆ ಕುತೂಹಲಗಳಿರುವುದು ಸಹಜ. ಎಷ್ಟು ಸಂಬಳ ನಿಗದಿ ಮಾಡಬಹುದು ಅಥವಾ ಸದ್ಯದ ಸಂಬಳದ ಎಷ್ಟು ಪರ್ಸೆಂಟ್ ಹೈಕ್‌ ನೀಡಬಹುದು ಎಂಬ ಬಗ್ಗೆ ಯೋಚನೆ ಮಾಡುತ್ತೀರಿ.

ಆದರೆ, ಅನೇಕರು ಹೀಗೆ ಸಂಬಳದ ಬಗ್ಗೆ ಹೊಸ ಕಂಪನಿಯ ಹೆಚ್‌ಆರ್‌ ಜೊತೆ ಚರ್ಚೆ ಮಾಡಲು ಹಿಂಜರಿಯುತ್ತಾರೆ. ಬಹಳಷ್ಟು ಮಂದಿಗೆ ಹಣದ ಬಗ್ಗೆ ಮಾತನಾಡುವುದು ಇಷ್ಟವಿರುವುದಿಲ್ಲ  ನಿಜ. ಆದರೆ ನೀವು ಸರಿಯಾದ ಮಾತುಕತೆ ನಡೆಸದೇ ಹೋದರೆ ದೀರ್ಘಾವಧಿಯಲ್ಲಿ ಬಹಳಷ್ಟು ಹಣವನ್ನು ಕಳೆದುಕೊಳ್ಳಬಹುದು ಎಂದು  ಸಂಶೋಧನೆಯೊಂದು ಹೇಳುತ್ತದೆ. ಆದ್ದರಿಂದ ನೀವು ವೇತನದ ಬಗ್ಗೆ ಸರಿಯಾದ ರೀತಿಯಲ್ಲಿ ಮಾತನಾಡುವುದು ಬಹಳ ಮುಖ್ಯ.

ಹಾಗಿದ್ರೆ ಸಂಬಳ ಹೆಚ್ಚಳ ಅಥವಾ ಸ್ಯಾಲರಿ ಬಗ್ಗೆ ಹೇಗೆ ಮಾತುಕತೆ ನಡೆಸುವುದು ಎಂಬ ಬಗ್ಗೆ ಇಲ್ಲಿದೆ  11 ಸಲಹೆಗಳು.

1.ನಿಮ್ಮ ಮೌಲ್ಯವನ್ನು ಮನದಟ್ಟು ಮಾಡಿಸಿ: ಮೊದಲು ನಿಮ್ಮ ಮೌಲ್ಯ ಏನೆಂಬುದನ್ನು ಅವರಿಗೆ ಸರಿಯಾಗಿ ಅರ್ಥ ಮಾಡಿಸಿ. ಉದ್ಯೋಗದಾತರು ನಿಮ್ಮ ಯಶಸ್ಸಿನ ಬಗ್ಗೆ ಸರಿಯಾದ ರೀತಿಯಲ್ಲಿ ತಿಳಿದುಕೊಳ್ಳಲು ಸಾಧ್ಯವಾಗುವ ಹಾಗೆ ನಿಮ್ಮ ಸಾಧನೆಗಳ ಪಟ್ಟಿಯನ್ನು ಮಾಡಿ. ಇದನ್ನು ಮತ್ತೊಂದು ರೀತಿಯಲ್ಲಿ ಹೇಳುವುದಾದರೆ ನಿಮ್ಮ ಸಾಧನೆಗಳ ಬಗ್ಗೆ ಹೇಳಬೇಡಿ. ಅವುಗಳನ್ನು ತೋರಿಸಿ. ನಿಮ್ಮ ಮೌಲ್ಯವು ಕಂಪನಿಯ ಭವಿಷ್ಯದ ಯಶಸ್ಸಿಗೆ ಹೇಗೆ ಸಂಬಂಧಿಸಿದೆ ಎಂಬುದನ್ನು ಮನದಟ್ಟು ಮಾಡಿಸಿ.

ಇದಕ್ಕಾಗಿ ನಿಮ್ಮ ಹಿಂದಿನ ಕಂಪನಿಯ ಪರ್ಫಾರ್ಮನ್ಸ್‌ ಮುಖ್ಯಾಂಶಗಳನ್ನು ಹೊಂದಿರುವ ಪಟ್ಟಿ ತಯಾರಿಸಿ. ಸಂಪೂರ್ಣ ಲಿಸ್ಟ್‌ ನಲ್ಲಿ ನಿಮ್ಮನ್ನು ಬೆಂಬಲಿಸಲು ಹಿಂದಿನ ಕೆಲಸದಲ್ಲಿ ಸಿಕ್ಕ ಪರ್ಫಾರ್ಮನ್ಸ್‌ ರಿವ್ಯೂಗಳನ್ನು ನೀವು ಉಲ್ಲೇಖಿಸಬಹುದು. ಅದರಲ್ಲೂ ಅತ್ಯುತ್ತಮವಾದದ್ದನ್ನು ನಮೂದಿಸಿ.

2. ಟ್ರೆಂಡ್‌ಗಳ ಬಗ್ಗೆ ತಿಳಿಯಿರಿ: ಹೊಸ ಕಂಪನಿಯಲ್ಲಿ ನೀವು ಹೋಗುವಂಥ ಸ್ಥಾನಕ್ಕೆ ಸಾಮಾನ್ಯವಾಗಿ ಎಷ್ಟು ವೇತನ ನೀಡುತ್ತಾರೆಂಬ ಬಗ್ಗೆ ಮಾಹಿತಿ ಇರಲಿ. ಇದಕ್ಕಾಗಿ ನಿಮ್ಮ ಕೌಶಲ್ಯಗಳಿಗೆ ಹಾಗೂ ಇಷ್ಟು ಅನುಭವ ಹೊಂದಿರುವ ಯಾರಿಗಾದರೂ ಮಾರುಕಟ್ಟೆ ಮೌಲ್ಯ ಎಷ್ಟಿದೆ? ಸಂಬಳ ಶ್ರೇಣಿ ಏನು? ಎಂಬುದರ ಬಗ್ಗೆ ತಿಳಿದಿರಲಿ. PayScale ಮತ್ತು Salary.com ನಂತಹ ವೇದಿಕೆಗಳಲ್ಲಿ ಸಂಬಳ ಮತ್ತು ಪ್ರಯೋಜನಗಳ ಹೋಲಿಕೆಯನ್ನು ನೀವು ಮಾಡಿಕೊಳ್ಳಬಹುದು.

ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್ ಆಕ್ಯುಪೇಷನಲ್ ಔಟ್‌ಲುಕ್ ಹ್ಯಾಂಡ್‌ಬುಕ್ ಅನ್ನು ಸಂಶೋಧಿಸುವ ಮೂಲಕ ನೀವು ಕೆಲವು ಮೌಲ್ಯಯುತ ಮಾಹಿತಿಯನ್ನು ಪಡೆಯಬಹುದು. ಹೆಚ್ಚುವರಿಯಾಗಿ, ಉದ್ಯಮದಲ್ಲಿ ಅನುಭವ ಇರುವವರಿಂದ ಇನ್‌ಪುಟ್ ಅನ್ನು ಕೇಳಿ. ಹಾಗೆಯೇ ಇದೇ ರೀತಿಯ ಸ್ಥಾನಗಳನ್ನು ಹೊಂದಿರುವ ವಿವಿಧ ಕಂಪನಿಗಳಲ್ಲಿ ಇತರರ ಬಗ್ಗೆ ಮಾಹಿತಿ ಪಡೆದುಕೊಳ್ಳಿ. ಇದರಿಂದ ನೀವು ಮಾತುಕತೆಯಲ್ಲಿ ನೇರವಾಗಿ ಈ ಅಂಶವನ್ನೇ ಮುಂದಿಟ್ಟು ಸ್ಯಾಲರಿ ನೆಗೋಶಿಯೇಟ್‌ ಮಾಡಬಹುದು.

ಇದನ್ನೂ ಓದಿ: High Paying Jobs: 2023ರಲ್ಲಿ ಈ ಉದ್ಯೋಗಗಳಲ್ಲಿ ಇರುವ ಮಹಿಳೆಯರಿಗೆ ಹೆಚ್ಚಿನ ಸಂಬಳ ಸಿಗಲಿದೆ

3. ಹೆಚ್ಚಿನ ಗುರಿ ಹೊಂದಿರಿ: ವೇತನದ ವಿಚಾರವಾಗಿ ಮಾತುಕತೆ ನಡೆಸುವ ಮೊದಲು ಎಷ್ಟು ಕೇಳಬೇಕೆಂಬುದನ್ನು ನಿರ್ಧರಿಸಿಕೊಳ್ಳಿ. ನೀವು ಮೊದಲು ಕೆಲಸ ಮಾಡುತ್ತಿದ್ದ ಕಂಪನಿಯ ಸ್ಯಾಲರಿಗಿಂತ ಹೆಚ್ಚಿನದಷ್ಟು ಕೇಳಿ. ಇದರಿಂದ ನೀವು ಮೊದಲು ಕೂಡ ಒಳ್ಳೆಯ ವ್ಯವಸ್ಥೆ ಹೊಂದಿದ್ದೀರಿ ಎಂದು ಅವರು ಭಾವಿಸುತ್ತಾರೆ.

ಹಾಗೆಯೇ ನೀವು ಸ್ವಲ್ಪ ಹೆಚ್ಚಿನ ಪರ್ಸಂಟೇಜ್‌ ಕೂಡ ಕೇಳಬಹುದು. ಆದರೆ ತುಂಬಾ ಹೆಚ್ಚಿನ ಮೊತ್ತವನ್ನೂ ಕೂಡ ಕೇಳಬಾರದು. ಏಕೆಂದರೆ ನೀವು ಅವರ ಬಜೆಟ್‌ನಲ್ಲಿಲ್ಲ ಎಂಬುದಾಗಿ ಅವರು ತೀರ್ಮಾನಿಸಿಬಿಡುವ ಸಾಧ್ಯತೆಗಳೂ ಇರುತ್ತವೆ.

4. ಕೇಳಬೇಕಾದ ಮೊತ್ತದ ಬಗ್ಗೆ ಸ್ಪಷ್ಟವಾಗಿರಿ: ನೀವು ಎಷ್ಟು ಹೆಚ್ಚಿನ ಮೊತ್ತವನ್ನು ಕೇಳಬೇಕು ಎಂಬುದರ ಸ್ಪಷ್ಟನೆ ನಿಮ್ಮಲ್ಲಿರಲಿ. ಅಂಥ ನಿಖರವಾದ ಮೊತ್ತವನ್ನು ನಿರ್ಧರಿಸಿಕೊಂಡೇ ಮಾತನಾಡಿ. ಈ ಬಗ್ಗೆ ನಿಮಗೆ ಸ್ಪಷ್ಟತೆ ಇಲ್ಲದೇ ಹೋದರೆ ಅವರು ನಿಮ್ಮನ್ನು ಕಡಿಮೆ ಸ್ಯಾಲರಿಗೆ ಬಗ್ಗಿಸುವ ಸಾಧ್ಯತೆಗಳಿರುತ್ತವೆ. ಆದ್ದರಿಂದ ಕಡಿಮೆ ವೇತನದ ಬಗ್ಗೆ ಮಾತನಾಡಲೇ ಬೇಡಿ.

5. ಆತ್ಮವಿಶ್ವಾಸ ಮತ್ತು ಧನಾತ್ಮಕತೆ ಇರಲಿ: ಯುಎಸ್ ನ್ಯೂಸ್ & ವರ್ಲ್ಡ್ ವರದಿಯಲ್ಲಿ ರಾಬಿನ್ ಮಾಡೆಲ್ ಒದಗಿಸಿದ ಕೆಳಗಿನ ಉದಾಹರಣೆಯನ್ನು ನೋಡಿ, "ನಾನು ಈ ಸ್ಥಾನದ ಬಗ್ಗೆ ತುಂಬಾ ಉತ್ಸುಕನಾಗಿದ್ದೇನೆ ಮತ್ತು ನಾನು ತಂಡಕ್ಕೆ ಸೂಕ್ತವಾಗಿ ಹೊಂದಿಕೊಳ್ಳುತ್ತೇನೆ ಎಂದು ತಿಳಿದಿದೆ. ನಿಮ್ಮ ಕೊಡುಗೆಯ ಬಗ್ಗೆಯೂ ನಾನು ಉತ್ಸುಕನಾಗಿದ್ದೇನೆ. ಸಂದರ್ಶನಗಳಲ್ಲಿ ನಾವು ಚರ್ಚಿಸಿದಂತೆ ನಾನು ಕಂಪನಿಗೆ ಸಾಕಷ್ಟು ಮೌಲ್ಯವನ್ನು ತರುತ್ತೇನೆ. ನಾವು $60,000 ನ ಸ್ವಲ್ಪ ಹೆಚ್ಚಿನ ಆರಂಭಿಕ ವೇತನವನ್ನು ಪಡೆಯಬಹುದೆ? ನನ್ನ ಮಾರುಕಟ್ಟೆ ಸಂಶೋಧನೆಯು ಈ ಕ್ಷೇತ್ರದ ಉದ್ಯಮದ ಸರಾಸರಿ ಇಷ್ಟು ಎಂದು ತೋರಿಸಿದೆ.”

ಈ ಉದಾಹರಣೆಯಂತೆ ಮೌಲ್ಯವನ್ನು ಸೇರಿಸುವ ನಿಮ್ಮ ಸಾಮರ್ಥ್ಯದ ಬಗ್ಗೆ ಧನಾತ್ಮಕವಾಗಿ ಮಾತನಾಡುವುದು ಮುಖ್ಯವಾಗಿದೆ. ನೀವು ಮೌಲ್ಯಯುತವಾದದ್ದನ್ನು ಕೇಳಬೇಕಾಗುತ್ತದೆ.

6. ಪ್ರಶ್ನೆಗಳನ್ನು ಕೇಳಿ: ಸ್ಯಾಲರಿ ಬಗ್ಗೆ ಮಾತನಾಡುವಾಗ ನೀವು ಇಲ್ಲಿ ನೀವು ಈ ಕೆಳಗಿನ ಪ್ರಶ್ನೆಗಳನ್ನು ಮುಕ್ತವಾಗಿ ಕೇಳಬಹುದು.

"ಈ ಸ್ಥಾನದ ಬಜೆಟ್ ಏನನ್ನು ಆಧರಿಸಿದೆ ಎಂಬುದರ ಕುರಿತು ಇನ್ನಷ್ಟು ಹೇಳಿ..."

"ನನ್ನ ವಿನಂತಿಯಿಂದ ನೀವು ಆಶ್ಚರ್ಯಪಡಬಹುದು ಎಂದು ತೋರುತ್ತದೆ. ದಯವಿಟ್ಟು ಅದರ ಬಗ್ಗೆ ಇನ್ನಷ್ಟು ಹೇಳಿ..."

ಹೀಗೆ ಮುಕ್ತ ಪ್ರಶ್ನೆಗಳನ್ನು ಕೇಳುವುದರಿಂದ ಅವರು ನಿಮ್ಮ ವಿನಂತಿಯ ಗಂಭೀರವಾಗಿರುವುದನ್ನು ಒಪ್ಪಿಕೊಳ್ಳತ್ತಾರೆ.

7. ನೀವು ಇನ್ನೊಬ್ಬರಿಗೆ ಮಾತುಕತೆ ನಡೆಸುತ್ತಿರುವಂತೆ ವರ್ತಿಸಿ: ನೀವು ಬೇರೊಬ್ಬರ ಪರವಾಗಿ ಪ್ರಸ್ತಾಪವನ್ನು ಮಾಡುತ್ತಿರುವಂತೆ ವರ್ತಿಸಿ. ಅದು ಕೆಲವೊಮ್ಮೆ ಸುಲಭವಾಗಬಹುದು ಎಂದು ಮನೋವಿಜ್ಞಾನ ಹೇಳುತ್ತದೆ. ಇದು ನಿಮ್ಮಿಂದ ಗಮನವನ್ನು ತೆಗೆದುಕೊಳ್ಳುತ್ತದೆ. ಜೊತೆಗೆ ನಿಮ್ಮ ನರಗಳನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ.

8. ಕೇಳುವುದನ್ನು ಅಭ್ಯಾಸ ಮಾಡಿ: "ಅಭ್ಯಾಸವು ಪರಿಪೂರ್ಣವಾಗಿಸುತ್ತದೆ" ಎಂಬ ಗಾದೆ ಮಾತಿನಂತೆ ಕನ್ನಡಿಯಲ್ಲಿ ನಿಮ್ಮೊಂದಿಗೆ ನಿಮ್ಮ ಸಂಬಳ ಮಾತುಕತೆಯನ್ನು ನೀವು ಅಭ್ಯಾಸ ಮಾಡಬಹುದು. ಇನ್ನೂ ಉತ್ತಮ ವಿಧಾನವೆಂದರೆ, ನಿಮಗೆ ಸಹಾಯ ಮಾಡುವಂತೆ ಸ್ನೇಹಿತರನ್ನು ಅಥವಾ ವೃತ್ತಿಪರರನ್ನು ಕೇಳಿಕೊಳ್ಳಿ. ವೃತ್ತಿ ತರಬೇತುದಾರರು ಮಾತುಕತೆಗೆ ಉತ್ತಮ ವಿಧಾನಗಳನ್ನು ಹೇಳಿಕೊಡಬಹುದು ಜೊತೆಗೆ ಸಮಾಲೋಚನೆಯಿಂದ ಹೆಚ್ಚಿನದನ್ನು ಹೇಗೆ ಪಡೆಯುವುದು ಎಂಬುದರ ಕುರಿತು ನಿಮಗೆ ಸಲಹೆ ನೀಡಬಹುದು.

9. ಸಕ್ರಿಯವಾಗಿ ಆಲಿಸಿ: ನೀವು ಹೆಚ್ಚಿನ ಸಂಬಳವನ್ನು ಕೇಳಿದ ಬಳಿಕ ಅವರು ಹೇಳುವುದನ್ನೂ ತಾಳ್ಮೆಯಿಂದ ಕೇಳಿಸಿಕೊಳ್ಳಿ. ಅವರು ಏನು ಹೇಳುತ್ತಾರೆ ಎಂಬುದನ್ನು ಕೇಳುವ ಮೂಲಕ, ನೀವು ಅವರ ದೃಷ್ಟಿಕೋನವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ಇದರಿಂದ ಒಂದು ಪರಿಹಾರಕ್ಕೆ ಬರಲು ಇಬ್ಬರಿಗೂ ಸಹಾಯವಾಗುತ್ತದೆ.

10. ನಿಮ್ಮ ಪ್ರತಿಕ್ರಿಯೆ ತಾಳ್ಮೆಯಿಂದಿರಲಿ : ನಿಮ್ಮ ವಿನಂತಿಗೆ ಅವರು ನೋ ಎಂದು ಹೇಳಬಹುದು. ಹಾಗಿದ್ದಲ್ಲಿ, "ನೀವು ಸಂಬಳವನ್ನು ಹೆಚ್ಚಿಸದಿದ್ದರೆ, ನಾನು ಆಫರ್‌ ಸ್ವೀಕರಿಸುವುದಿಲ್ಲ” ಎಂಬಂತೆ ಬೆದರಿಕೆ ಹಾಕಬೇಡಿ. ಬದಲಾಗಿ, "ಸರಿ. ಅರ್ಥವಾಯಿತು. ಸ್ವೀಕರಿಸುವ ಮೊದಲು ಆಫರ್ ಬಗ್ಗೆ ಸ್ವಲ್ಪ ಯೋಚಿಸುತ್ತೇನೆ. ನಿಮ್ಮ ಪರಿಗಣನೆಯನ್ನು ನಾನು ಪ್ರಶಂಸಿಸುತ್ತೇನೆ ” ಎಂಬುದಾಗಿ ಹೇಳಿ. ಅಲ್ಲದೆ, ನೀವು ಯೋಗ್ಯವಾಗಿರುವುದನ್ನು ನೀವು ಪಡೆಯುತ್ತಿಲ್ಲ ಎಂದು ನೀವು ನಿಜವಾಗಿಯೂ ಭಾವಿಸಿದರೆ ಇದರಿಂದ ದೂರಸರಿಯಲು ಹಿಂಜರಿಯಬೇಡಿ.

ತಾಳ್ಮೆಯಿಂದಿರುವುದು ಉತ್ತಮವಾಗಿದೆ. ಸರಿಯಾದ ಅವಕಾಶ ಬರುವವರೆಗೂ ಕಾಯುವುದು ಉತ್ತಮ. ನೀವು ಪ್ರಸ್ತುತ ಇರುವಂಥ ಕಂಪನಿಯಲ್ಲಿ ನೀವು ಸ್ವಲ್ಪ ಸಮಯದವರೆಗೆ ಸ್ಯಾಲರಿ ಏರಿಕೆ ಆಗದಿದ್ದರೆ ಅಥವಾ ಅದು ಏರಿಕೆಯಾಗಬಹುದೋ ಅಥವಾ ಇಲ್ಲವೋ ಎಂಬುದರ ಬಗ್ಗೆ ಸ್ಪಷ್ಟತೆ ಸಿಗದೇ ಹೋದರೆ ನೀವು ಹೊಸ ಉದ್ಯೋಗ ಮಾತುಕತೆಯನ್ನು ಮುಂದುವರಿಸಬಹುದು.

11. ಬರವಣಿಗೆಯಲ್ಲಿ ಪಡೆಯಿರಿ: ನೀವು ಹಾಗೂ ಹೊಸ ಕಂಪನಿ ಹೆಚ್ಆರ್‌ ಒಮ್ಮೆ ಮಾತುಕತೆ ನಡೆಸಿದ ಬಳಿಕ ಒಂದು ಒಪ್ಪಂದಕ್ಕೆ ಬರಬಹುದು. ಆ ಹೊಸ ಮೊತ್ತದ ಬಗ್ಗೆ ನೀವು ಪರಿಷ್ಕೃತ ಆಫರ್‌ ಲೆಟರ್‌ ಪಡೆಯುತ್ತೀರಿ ಎಂದು ಖಚಿತಪಡಿಸಿಕೊಳ್ಳಿ. ನಿಮ್ಮ ಕರ್ತವ್ಯಗಳು ಮತ್ತು ಜವಾಬ್ದಾರಿಗಳ ಬಗ್ಗೆ ನಮೂದಿಸುವುದೂ ಉತ್ತಮ. ಆದ್ದರಿಂದ ನೀವು ಹೊಸ ಕಂಪನಿಗೆ ಕೆಲಸಕ್ಕೆ ಸೇರಿದಾಗ ಯಾವುದೇ ಗೊಂದಲಕ್ಕೆ ಒಳಗಾಗುವ ಸಾಧ್ಯತೆ ಇರುವುದಿಲ್ಲ. ಆದ್ದ್ರಿಂದ ನಿಮ್ಮ ಕಂಪನಿಯ ನೀತಿಯನ್ನು ಆಧರಿಸಿ ಇಮೇಲ್ ಅಥವಾ ಅಧಿಕೃತ ಆಫರ್‌ ಲೆಟರ್‌ ಮೂಲಕ ಬರವಣಿಗೆಯಲ್ಲಿ ನಿಮ್ಮ ಹೊಸ ಕೊಡುಗೆಯನ್ನು ಪಡೆಯಿರಿ.

ಫೋನ್ ಮೂಲಕ ಸಂಬಳದ ಮಾತುಕತೆ ಹೇಗೆ ?

ಅನೇಕ ಸಂದರ್ಭಗಳಲ್ಲಿ, ಫೋನ್ ಮೂಲಕ ಸಂಬಳವನ್ನು ಹೇಗೆ ಮಾತುಕತೆ ಮಾಡಬೇಕೆಂದು ನೀವು ತಿಳಿದುಕೊಳ್ಳಬೇಕು. ಇದರಲ್ಲಿ ಮೇಲಿನ ಎಲ್ಲಾ ನಿಯಮಗಳು ಅನ್ವಯಿಸುತ್ತವೆ. ನಿಮ್ಮ ಪ್ರಸ್ತುತ ಉದ್ಯೋಗದಲ್ಲಿ ವೇತನ ಹೆಚ್ಚಳಕ್ಕಾಗಿ ನೀವು ಮಾತುಕತೆ ನಡೆಸುತ್ತಿದ್ದರೆ, ಮೇಲಿನ ಸಲಹೆಗಳನ್ನು ಬಳಸಿಕೊಂಡು ವೈಯಕ್ತಿಕವಾಗಿ ಮಾತುಕತೆ ನಡೆಸುವುದು ಉತ್ತಮ. ಅದು ಸಾಧ್ಯವಾಗದೇ ಹೋದಾಗ ಮಾತ್ರ ನೀವು ಅದನ್ನು ಫೋನ್ ಮೂಲಕ ಮಾತುಕತೆ ನಡೆಸಬಹುದು.

ಸಾಧ್ಯವಾದರೆ, ಫೋನ್ ಕರೆಗೆ ವರ್ಚುವಲ್ ಪರ್ಯಾಯವೆಂದರೆ ವೀಡಿಯೊ ಕರೆ. ಇದು ಮಾತುಕತೆಗಳನ್ನು ಬೆಂಬಲಿಸಲು, ಬಾಡಿ ಲಾಂಗ್ವೇಜ್‌ ಅರ್ಥಮಾಡಿಕೊಳ್ಳಲು ಇಬ್ಬರಿಗೂ ಸಹಾಯ ಮಾಡುತ್ತದೆ.ಅಲ್ಲದೇ ಸಾಧ್ಯವಾದಾಗಲೆಲ್ಲಾ ಇಮೇಲ್ ಮಾತುಕತೆಗಳನ್ನು ತಪ್ಪಿಸಿ.