Careerನ ಆರಂಭದಲ್ಲಿ ಈ ಮಹಿಳಾ ಉದ್ಯೋಗಿಗಳ ಕೈ ಹಿಡಿದಿದ್ದು ‘STEM’ ಅಂತೆ, ಹೇಗೆ ಗೊತ್ತೇ?

ಸಾಮಾನ್ಯವಾಗಿ ನಮ್ಮಲ್ಲಿ ಬಹುತೇಕರಿಗೆ ಸ್ಟೆಮ್ (STEM- Science, Technology, Engineering, and Mathematics) ಉದ್ಯೋಗಗಳು ಅಂತ ಹೇಳಿದರೆ ಬಹುಶಃ ಅರ್ಥವಾಗಲಿಕ್ಕಿಲ್ಲ. ಹೀಗೆಂದರೆ ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್ ಮತ್ತು ಗಣಿತ ಕ್ಷೇತ್ರಗಳಲ್ಲಿನ ಯಾವುದೇ ರೀತಿಯ ಕೆಲಸ ಅಂತ ಹೇಳಬಹುದು. ಈ ವಿಷಯಗಳಲ್ಲಿ ಅಡಿಪಾಯದೊಂದಿಗೆ, ಸ್ಟೆಮ್ ವೃತ್ತಿಜೀವನವು (Career) ಸಮಸ್ಯೆಗಳನ್ನು ಪರಿಹರಿಸಲು, ಹೊಸ ಆಲೋಚನೆಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಸಂಶೋಧನೆ ನಡೆಸಲು ನಿಮಗೆ ಅನುವು ಮಾಡಿಕೊಡುತ್ತದೆ.

ಈ ವೃತ್ತಿಪರರು ಯಾವುದೇ ಕೆಲಸಕ್ಕೆ ಹೋದರೂ ಬೇರೆಯವರಿಗಿಂತಲೂ ಬೇಗನೆ ಹೊಂದಿಕೊಳ್ಳಬಹುದು ಮತ್ತು ಯಶಸ್ಸು ಕಾಣುವ ಸಾಧ್ಯತೆಗಳು ತುಂಬಾನೇ ಇರುತ್ತವೆ ಅಂತ ಹೇಳಬಹುದು. ಈಗೇಕೆ ಇದರ ಬಗ್ಗೆ ಮಾತು ಅಂತೀರಾ? ಇಲ್ಲಿ ಕೆಲವು ಮಹಿಳಾ ಉದ್ಯೋಗಿಗಳಿಗೆ ತಮ್ಮ ವೃತ್ತಿಜೀವನದಲ್ಲಿ ಯಶಸ್ಸು ಕಾಣುವುದಕ್ಕೆ ಈ ‘ಸ್ಟೆಮ್’ ತುಂಬಾನೇ ಸಹಾಯ ಮಾಡಿದೆ ಅಂತ ಹೇಳುತ್ತಿದ್ದಾರೆ ನೋಡಿ.

ಸಾಮಾನ್ಯವಾಗಿ ಮಹಿಳೆಯರು ಕಾರ್ಪೊರೇಟ್ ಜಗತ್ತಿಗೆ ಫ್ರೆಶರ್​ ಆಗಿ ಕಾಲಿಟ್ಟಾಗ ತುಂಬಾನೇ ಸವಾಲುಗಳನ್ನು ಎದುರಿಸುತ್ತಾರೆ ಅಂತ ಹೇಳಬಹುದು. ಮಹಿಳೆಯರು ಕಾರ್ಪೊರೇಟ್ ಜಗತ್ತಿನಲ್ಲಿ ಕೇವಲ ಶೈಕ್ಷಣಿಕವಾಗಿ ಮಾತ್ರವಲ್ಲ, ಪ್ರತಿ ಹಂತದಲ್ಲೂ ಅವರನ್ನು ಪರೀಕ್ಷಿಸಲಾಗುತ್ತದೆ. ಇದನ್ನು ಕೆಲವರು ಸಾಮಾಜಿಕ ಪಕ್ಷಪಾತ ಅಂತ ಹೇಳಬಹುದು. ಇನ್ನೂ ಕೆಲವರು ಕಾರ್ಪೊರೇಟ್ ಜಗತ್ತಿನಲ್ಲಿ ಹೊಸಬರು ಅಂತ ಯಾರೇ ಬಂದರೂ ಅನೇಕ ಸವಾಲುಗಳನ್ನು ಎದುರಿಸಿಯೇ ಮುಂದಕ್ಕೆ ಹೋಗಬೇಕಾಗುತ್ತದೆ ಅಂತ ಹೇಳುತ್ತಾರೆ.

ಪ್ರಾತಿನಿಧಿಕ ಚಿತ್ರ

ಸಾಮಾಜಿಕ ಪಕ್ಷಪಾತ ಮತ್ತು ಕುಟುಂಬ ಬೆಂಬಲ

ಸಮಯವು ಈಗ ತುಂಬಾನೇ ಬದಲಾಗಿದ್ದರೂ ಸಹ ಮಹಿಳೆಯರು ಮಾತ್ರ ಇನ್ನೂ ಹಳೆಯ ರೀತಿಯ ಸಮಸ್ಯೆಗಳನ್ನೇ ಪ್ರತಿದಿನ ಎದುರಿಸುತ್ತಿದ್ದಾರೆ. ನಿಮ್ಮ ವೃತ್ತಿಜೀವನದ ಹಾದಿ ಮತ್ತು ಗುರಿಗಳನ್ನು ಅಂತಿಮವಾಗಿ ಆಯ್ಕೆ ಮಾಡಬೇಕಿರುವುದು ನೀವೇ ಎನ್ನುವುದನ್ನು ಮಹಿಳೆಯರು ನೆನಪಿಟ್ಟುಕೊಳ್ಳುವುದು ಮುಖ್ಯ ಮತ್ತು ನಿಮ್ಮ ಆಕಾಂಕ್ಷೆಗಳಿಗೆ ಹೊಂದಿಕೆಯಾಗುವ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನೀವು ಸಶಕ್ತರಾಗಿರಬೇಕು.

ನಿಮ್ಮ ವೃತ್ತಿಜೀವನದ ಪ್ರಯಾಣವು ಅನನ್ಯವಾಗಿರುತ್ತದೆ ಎಂಬುದನ್ನು ನೆನಪಿಟ್ಟುಕೊಳ್ಳಿ ಮತ್ತು ನಿಮ್ಮ ಕೆಲಸದ ಅನುಭವಗಳೇ ನಿಮ್ಮ ಶಕ್ತಿ ಅಂತ ಹೇಳಬಹುದು. ನಿಮಗೆ, ನೀವು ಭಾವೋದ್ರೇಕಗಳಿಗೆ ನಿಷ್ಠರಾಗಿ ಉಳಿಯುವ ಮೂಲಕ ಮತ್ತು ವೃತ್ತಿಜೀವನದುದ್ದಕ್ಕೂ ಬೆಂಬಲ ನೀಡುವವರನ್ನು ಮತ್ತು ಸಂಪನ್ಮೂಲಗಳನ್ನು ಹುಡುಕುವ ಮೂಲಕ ನೀವು ಎದುರಿಸಬಹುದಾದ ಅಡೆತಡೆಗಳನ್ನು ನಿವಾರಿಸಿಕೊಳ್ಳಬಹುದು ಮತ್ತು ತೃಪ್ತಿದಾಯಕವಾದ ವೃತ್ತಿಜೀವನವನ್ನು ಮುಂದುವರಿಸಬಹುದು.

ಆರಾಮ ವಲಯದಿಂದ ತಪ್ಪಿಸಿಕೊಳ್ಳುವುದು

"ನಿಮ್ಮ ಸುತ್ತಮುತ್ತಲಿರುವ ಜನರೆಲ್ಲಾ ನಿಮ್ಮನ್ನು ಕೆಳಗಿಳಿಸಲು ಪ್ರಯತ್ನಿಸುತ್ತಿರುವಾಗ, 'ಬೇರೆ ಸ್ಟ್ರೀಮ್ ಅನ್ನು ಆಯ್ಕೆ ಮಾಡಲು' ನಿಮ್ಮನ್ನು ಒತ್ತಾಯಿಸುತ್ತಿರುವಾಗ ಇದು ವಿಶೇಷವಾಗಿ ಕಷ್ಟಕರವಾದ ಕ್ಷೇತ್ರವಾಗಿದೆ ಎಂದು ತೋರುತ್ತದೆ.

ನೀವು ಸ್ಟೆಮ್ ಅನ್ನು ಓದುವ ಅವಧಿಯಲ್ಲಿ ನೀವು ಇದನ್ನು ಪದೇ ಪದೇ ಕೇಳುತ್ತಲೇ ಇರುತ್ತೀರಿ ಮತ್ತು ಅವರ ಧ್ವನಿ ನಿಮ್ಮ ಧ್ವನಿಗಿಂತಲೂ ಜೋರಾಗಿರುತ್ತವೆ" ಎಂದು ಫೈಂಡಬಿಲಿಟಿ ಸೈನ್ಸಸ್ ನಲ್ಲಿ ಕಾಗ್ನಿಟಿವ್ ಸೊಲ್ಯೂಷನ್ಸ್ ಡೆಲಿವರಿ ಜನರಲ್ ಮ್ಯಾನೇಜರ್ ಪ್ರಜಕ್ತಾ ಕುಲಕರ್ಣಿ ಅವರು ಹೇಳುತ್ತಾರೆ.

ಹೆಚ್ಚಿನ ಮಹತ್ವಾಕಾಂಕ್ಷಿ ಟೆಕ್ಕಿಗಳು ಬಹುಶಃ ಅದೇ ಎರಡನೇ ಆಲೋಚನೆಗಳನ್ನು ಹೊಂದಿರುತ್ತಾರೆ ಅಂತ ಹೇಳಬಹುದು. ನನ್ನ ಆರಂಭಿಕ ವರ್ಷಗಳಲ್ಲಿ ನನಗೆ ಸಹಾಯ ಮಾಡಿದ ಒಂದು ಸಲಹೆಯೆಂದರೆ, ನಿಮ್ಮ ಆರಾಮ ವಲಯದಿಂದ ಹೊರಬರುವುದು ಅನಿವಾರ್ಯವಾಗಿರುತ್ತದೆ.

ಅಡಚಣೆಯು ಟೆಕ್ ಪ್ರಪಂಚದ ಕೇಂದ್ರಬಿಂದುವಾಗಿದೆ ಮತ್ತು ಅದೇ ರೀತಿ, ಆ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳುವಾಗ ನಿಮಗೆ ನಿಮ್ಮ ಆರಾಮ ವಲಯದಿಂದ ಹೊರಬರುವುದು ಸ್ವಲ್ಪ ಮಟ್ಟಿಗೆ ಅಗತ್ಯವಿದೆ.

ಅಪ್ರಜ್ಞಾಪೂರ್ವಕ ಸಮೀಕರಣದ ವಿರುದ್ಧ ಹೋರಾಡುವುದು

ಉತ್ತಮ ಸಂಪನ್ಮೂಲಗಳು, ಅವಕಾಶಗಳಿಗೆ ಹೆಚ್ಚಿನ ಪ್ರವೇಶ ಇತ್ಯಾದಿಗಳಿಗೆ ಸಂಬಂಧಿಸಿದಂತೆ ಸಮಯವು ಹೇಗೆ ಬದಲಾಗಿದೆ ಎಂಬುದರ ಹೊರತಾಗಿಯೂ, ಮಹಿಳೆಯರು ಇನ್ನೂ ಅಪ್ರಜ್ಞಾಪೂರ್ವಕ ಸಮೀಕರಣದಿಂದ ಉದ್ಭವಿಸುವ ಆಂತರಿಕ ಸಮಸ್ಯೆಗಳನ್ನು ಎದುರಿಸುತ್ತಲೇ ಇದ್ದಾರೆ ಅಂತ ಹೇಳಬಹುದು.

ಲೋವೆಸ್ ಇಂಡಿಯಾದ ಸಾಫ್ಟ್ವೇರ್ ಎಂಜಿನಿಯರಿಂಗ್ ನಿರ್ದೇಶಕಿ ಗಾಯತ್ರಿ ವೈದ್ಯನಾಥನ್ "ತಪ್ಪಿತಸ್ಥ ಭಾವನೆಯಿಲ್ಲದೆ ಸಹಾಯವನ್ನು ಕೇಳುವುದು ನನ್ನ ಅತಿದೊಡ್ಡ ಕಲಿಕೆಗಳಲ್ಲಿ ಒಂದಾಗಿದೆ. ನಮ್ಮನ್ನು ಅಸಮರ್ಥರು ಅಥವಾ ದುರ್ಬಲರು ಎಂದು ನೋಡಲಾಗುತ್ತದೆ ಎಂದು ಭಾವಿಸಿ ಎಷ್ಟೋ ಬಾರಿ ನಾವು ಸಹಾಯವನ್ನು ಕೇಳುವುದೆ ಇಲ್ಲ ಎಂದು ನಾನು ಭಾವಿಸುತ್ತೇನೆ” ಎಂದು ಹೇಳಿದರು.

ರೋಲ್ ಮಾಡೆಲ್ ಗಳ ಅವಶ್ಯಕತೆಯಿದೆ..

ರೋಲ್ ಮಾಡೆಲ್ ಇರಬೇಕು ಎಂಬ ನಿರ್ದಿಷ್ಟ ಅಂಶವನ್ನು ಎರಡು ಕಡೆಯಿಂದ ನೋಡಬಹುದು. ಒಂದು ಮಾರ್ಗದರ್ಶಕನನ್ನು ಹೊಂದುವುದರ ಗಂಭೀರ ಪ್ರಾಮುಖ್ಯತೆ ಮತ್ತು ಯಾರನ್ನು ಅವಲಂಬಿಸಬೇಕು ಎಂದು ಖಚಿತವಾಗಿ ತಿಳಿದಿಲ್ಲದಿರುವುದು ಅಂತ ಹೇಳಬಹುದು.

ಈ ಬಗ್ಗೆ ವಿವರಿಸಿದ ಪೈನ್ ಲ್ಯಾಬ್ಸ್ ನ ಮರ್ಚೆಂಟ್ ಸರ್ವೀಸಸ್ ನ ಎಸ್‌ವಿಪಿ ರಶ್ಮಿ ಸೆಹಗಲ್ "ಇತರರಿಗೆ ವಿರುದ್ಧವಾಗಿ ನೀವು ಏನು ಹೇಳುತ್ತಿದ್ದೀರಿ ಎಂಬುದರ ಬಗ್ಗೆ ನೀವು ಎರಡು ಬಾರಿ ಯೋಚನೆ ಮಾಡಿರಬೇಕು ಎಂದು ನಾನು ಭಾವಿಸುತ್ತೇನೆ.

ಅಲ್ಲದೆ, ಅಂತಿಮವಾಗಿ ಪ್ರತಿಕ್ರಿಯೆ ಹೇಗಿರುತ್ತದೆ ಎಂದು ನಿಮಗೆ ನಿಜವಾಗಿಯೂ ತಿಳಿದಿರುವುದಿಲ್ಲ. ಆರಂಭಿಕ ಅವಧಿಗಳನ್ನು ಮೀರಿ ರೋಲ್ ಮಾಡೆಲ್ ಗಳನ್ನು ಕಂಡು ಹಿಡಿಯುವುದು ಕಷ್ಟ" ಎನ್ನುತ್ತಾರೆ.

ಮಾರ್ಗದರ್ಶಕನನ್ನು ಹುಡುಕುವುದು

"ಟೆಕ್ ಉದ್ಯಮದಲ್ಲಿ ಮೊದಲು ಕೆಲಸವನ್ನು ಪ್ರಾರಂಭಿಸುವಾಗ ಮಾರ್ಗದರ್ಶಕರನ್ನು ಹುಡುಕುವುದು ನಿಮ್ಮ ವೃತ್ತಿಪರ ಅಭಿವೃದ್ಧಿಗೆ ನಿರ್ಣಾಯಕವಾಗಿರುತ್ತದೆ. ನನ್ನ ಅಭಿಪ್ರಾಯದಲ್ಲಿ, ಮಾರ್ಗದರ್ಶಕ ಎಂದರೆ ಅವರ ವೃತ್ತಿಜೀವನವು ಪ್ರಶಂಸನೀಯ ಮತ್ತು ಮಹತ್ವಾಕಾಂಕ್ಷೆಯಾಗಿರ್ಬೆಕು ಮತ್ತು ಸ್ಟೆಮ್ ವೃತ್ತಿಜೀವನದ ಅನೇಕ ಮಹಿಳೆಯರು ತಮಗೆ ಮಾರ್ಗದರ್ಶಕರು ಇದ್ದಾರೆ ಎಂದು ಭಾವಿಸುವುದಿಲ್ಲ.

ಇದನ್ನೂ ಓದಿ: Career Tips: ಬೇಡಿಕೆಯ ವೈದ್ಯರಾಗಲು ಯಾವೆಲ್ಲಾ ಸ್ಕಿಲ್ಸ್ ಇರಬೇಕು, ಇಲ್ಲಿದೆ ನೋಡಿ ಮಾಹಿತಿ

ನನ್ನ ವೃತ್ತಿಜೀವನದ ಆರಂಭಿಕ ಹಂತಗಳಲ್ಲಿ, ನಾನು ಮಾರ್ಗದರ್ಶಕರ ಸಲಹೆಯನ್ನು ಸಹ ಬಯಸಿದ್ದೆ ಎಂದು ಡಿಎಕ್ಸ್‌ಸಿ ಟೆಕ್ನಾಲಜಿಯ ಡಿಎಕ್ಸ್‌ಸಿ ಸೆಕ್ಯೂರಿಟಿ ಗ್ಲೋಬಲ್ ಡೈರೆಕ್ಟರ್ ರಶ್ಮಿ ಚಂದ್ರಶೇಖರ್ ಹೇಳಿದರು. "ಅದೇನೇ ಇದ್ದರೂ, ನನ್ನಂತಹ ಕೆಲವು ಕಿರಿಯ ಮಹಿಳೆಯರು ಮತ್ತು ಹೆಚ್ಚು ಅನುಭವಿ ಮಹಿಳಾ ವೃತ್ತಿಪರರನ್ನು ಒಳಗೊಂಡ ಕೆಲಸದಲ್ಲಿ ಸಹೋದರತ್ವವನ್ನು ರಚಿಸುವ ಮೂಲಕ ನಾನು ಈ ಪರಿಸ್ಥಿತಿಯನ್ನು ನಿವಾರಿಸಿದೆ.

ಔಪಚಾರಿಕ ಮಾರ್ಗದರ್ಶನದ ಕೊರತೆಯ ಹೊರತಾಗಿಯೂ, ಇದೇ ಹಾದಿಯಲ್ಲಿ ಪ್ರಯಾಣಿಸಿದ ಇತರರಿಂದ ಕಲಿಯಲು ಕೆಲವು ಜನರು ನನಗೆ ಸಹಾಯ ಮಾಡಿದರು ಮತ್ತು ಸವಾಲುಗಳನ್ನು ಸಮರ್ಥವಾಗಿ ಎದುರಿಸಿದೆ" ಎಂದು ಅವರು ಹೇಳಿದರು.