Career Opportunities: ಅತಿ ಹೆಚ್ಚು ಸಂಬಳ ಪಡೆಯುತ್ತಿರುವ Web3 ಉದ್ಯೋಗಗಳು ಇವೇ ನೋಡಿ

ಉದ್ಯೋಗ ಕ್ಷೇತ್ರದಲ್ಲಿ (Job Market) ಇಂದು ವಿಫುಲ ಅವಕಾಶಗಳಿವೆ ಆದರೆ ಇದನ್ನು ಕಂಡುಕೊಳ್ಳುವ ನಿಪುಣತೆ ಚಾಕಚಕ್ಯತೆ ಅಭ್ಯರ್ಥಿಗಿರಬೇಕು.  ಉದ್ಯೋಗ ರಂಗದಲ್ಲಿರುವ ಅಪ್‌ಡೇಟ್‌ಗಳಿಗೆ ಅಭ್ಯರ್ಥಿ ಬದಲಾಗುತ್ತಿರುವುದು ಮುಖ್ಯವಾಗಿದೆ. ವೆಬ್‌3 ( Web3) ಎಂಬುದು ಇಂತಹುದೇ ಬದಲಾವಣೆಯ ಕೊಡುಗೆ ಎಂದೆನಿಸಿದ್ದು, ಬ್ಲಾಕ್‌ಚೈನ್, ಕೃತಕ ಬುದ್ಧಿಮತ್ತೆ ಮತ್ತು ವರ್ಚುವಲ್ ರಿಯಾಲಿಟಿ ಮೂಲಕ ನಡೆಸಲಾಗುವ ಕ್ಷೇತ್ರವಾಗಿದೆ. ಈ ರಂಗದಲ್ಲಿ ನಿಪುಣ ವೃತ್ತಿಪರರಿಗೆ (Professional) ತುಂಬಾ ಬೇಡಿಕೆ ಇದ್ದೇ ಇದೆ.

ವೆಬ್ 3 ಪದವನ್ನು 2014 ರಲ್ಲಿ ಪೋಲ್ಕಾಡಾಟ್ ಸಂಸ್ಥಾಪಕ ಗೇವಿನ್ ವುಡ್ ಸೃಷ್ಟಿಸಿದರು. ಇದು ಬ್ಲಾಕ್‌ಚೈನ್ ಆಧಾರಿತ ಹಲವು ಆನ್‌ಲೈನ್ ವ್ಯವಸ್ಥೆಯನ್ನು ಉಲ್ಲೇಖಿಸುತ್ತದೆ. ಹಾಗಿದ್ದರೆ ವೆಬ್ 3 ರಂಗದಲ್ಲಿರುವ ಉದ್ಯೋಗ ಅವಕಾಶಗಳೇನು ಎಂಬುದನ್ನು ನೋಡೋಣ

ಹೆಚ್ಚು ಸಂಭಾವನೆ ಪಡೆಯಬಹುದಾದ ವೆಬ್3 ಉದ್ಯೋಗವಕಾಶಗಳು

Web3 ಉದ್ಯೋಗ ಮಾರುಕಟ್ಟೆಯು ಹಲವಾರು ಉದ್ಯೋಗಾವಕಾಶಗಳನ್ನು ಹೊಂದಿದೆ. ಅನಾಲಿಟಿಕ್ಸ್ ಇನ್‌ಸೈಟ್‌ನ ವರದಿಯ ಪ್ರಕಾರ, 2022 ರಲ್ಲಿ ಟಾಪ್ 10 ಹೆಚ್ಚು ಸಂಭಾವನೆ ಪಡೆಯುವ ವೆಬ್3 ಉದ್ಯೋಗಗಳಲ್ಲಿ ಬ್ಲಾಕ್‌ಚೈನ್ ಎಂಜಿನಿಯರ್‌ಗಳು, ಸ್ಮಾರ್ಟ್ ಕಾಂಟ್ರಾಕ್ಟ್ ಡೆವಲಪರ್‌ಗಳು, NFT ಡೆವಲಪರ್‌ಗಳು, ಡೇಟಾ ವಿಜ್ಞಾನಿಗಳು, UX ವಿನ್ಯಾಸಕರು, ಬೆಳವಣಿಗೆ ಹ್ಯಾಕರ್‌ಗಳು, ವ್ಯಾಪಾರ ವಿಶ್ಲೇಷಕರು, ಉತ್ಪನ್ನ ನಿರ್ವಾಹಕರು, ಸಮುದಾಯ ವ್ಯವಸ್ಥಾಪಕರು ಮತ್ತು ಪ್ರಾಜೆಕ್ಟ್ ಮ್ಯಾನೇಜರ್‌ಗಳು ಪ್ರಮುಖ ಹುದ್ದೆಗಳಾಗಿವೆ.

ಪ್ರಾತಿನಿಧಿಕ ಚಿತ್ರ

ಇದಲ್ಲದೆ ವ್ಯಾಪಾರೋದ್ಯಮಿಗಳು, ವಿಷಯ ರಚನೆಕಾರರು, ವಕೀಲರು ಮತ್ತು ಅಕೌಂಟೆಂಟ್‌ಗಳಂತಹ ವಿಭಿನ್ನ ಕೌಶಲ್ಯ ಸೆಟ್‌ಗಳನ್ನು ಹೊಂದಿರುವ ವೃತ್ತಿಪರರಿಗೆ ಬೇಡಿಕೆಯಿದೆ. ಈ ಕ್ಷೇತ್ರವು ಉದ್ಯಮವು ವಿಕಸನಗೊಳ್ಳುತ್ತಿದ್ದಂತೆ ಹೊಸ ಕೌಶಲ್ಯಗಳನ್ನು ಕಲಿಯಲು ಸಿದ್ಧರಿರುವ ಅಭ್ಯರ್ಥಿಗಳನ್ನು ಹುಡುಕುತ್ತಿದೆ.

ವೆಬ್3  ಉದ್ಯೋಗ ಅವಕಾಶಗಳ ಮೇಲೆ ಜಾಗತಿಕ ಆರ್ಥಿಕ ಮಂದಗತಿಯ ಪರಿಣಾಮ:

ಜಾಗತಿಕ ಆರ್ಥಿಕ ಮಂದಗತಿ ಕುಂಟುತ್ತಾ ಸಾಗಿದ್ದು ವೆಬ್3 ಮೇಲೂ ಪರಿಣಾಮ ಬೀರಿದೆ. ಜಾಗತಿಕ ಆರ್ಥಿಕ ಕುಸಿತವು ಉದ್ಯೋಗ ಮಾರುಕಟ್ಟೆಯಲ್ಲಿ ಗಮನಾರ್ಹ ಬದಲಾವಣೆಯನ್ನು ಉಂಟುಮಾಡಿದೆ.

ಇದನ್ನೂ ಓದಿ: Teaching Career: ಸಹಾಯಕ ಪ್ರಾಧ್ಯಾಪಕರಾಗುವುದು ಹೇಗೆ, ಯಾವ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು?

ಇದರಲ್ಲಿ ಕಂಡುಬಂದ ಬದಲಾವಣೆ ಎಂದರೆ ನಿಧಿಯ ಕಡಿತವಾಗಿದೆ. ಹೂಡಿಕೆದಾರರು ಹೆಚ್ಚು ಅಪಾಯ-ವಿರೋಧಿಯಾಗುವುದರೊಂದಿಗೆ, ಅನೇಕ web3 ಯೋಜನೆಗಳು ಸುರಕ್ಷಿತ ನಿಧಿಯನ್ನು ಅನ್ವೇಷಿಸುತ್ತಿವೆ. ನಿಧಿಯಲ್ಲಿನ ಕೊರತೆಯಿಂದ ಉದ್ಯೋಗವಕಾಶ ಕೊಂಚ ಇಳಿಕೆಯಾಗಿದೆ. ಇದರಿಂದ ಅನೇಕ ಸ್ಟಾರ್ಟಪ್‌ಗಳು ಮುಚ್ಚುವ ಸ್ಥಿತಿ ನಿರ್ಮಾಣವಾಗಿದೆ.

ಜಾಗತಿಕ ಆರ್ಥಿಕ ಕುಸಿತದ ಮತ್ತೊಂದು ಪರಿಣಾಮವೆಂದರೆ ಸಂಬಳ ಮತ್ತು ಪ್ರಯೋಜನಗಳಲ್ಲಿನ ಕಡಿತವಾಗಿದೆ. ನಿಧಿಯಲ್ಲಿ ಕೊರತೆಯಾಗಿರುವುದರಿಂದ ಉದ್ಯೋಗಿಗಳಿಗೆ ಸಂಬಳ ಹಾಗೂ ಇನ್ನಿತರ ಪ್ರಯೋಜನಗಳನ್ನು ಒದಗಿಸುವಲ್ಲಿ ಕಂಪನಿಗಳು ಪರದಾಡುವ ಸ್ಥಿತಿ ನಿರ್ಮಾಣವಾಗಿದೆ.

 ವೃತ್ತಿ ರಂಗದಲ್ಲಿ ಉದ್ಯೋಗ ಗಳಿಸುವುದು ಹೇಗೆ?

ವೆಬ್3 ಸ್ಪೇಸ್ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೂ ಈ ಕ್ಷೇತ್ರದಲ್ಲಿ ಉದ್ಯೋಗ ಮಾಡಬೇಕೆಂಬ ಇಚ್ಛೆ ಇರುವವರಿಗೆ ಇನ್ನೂ ಅವಕಾಶಗಳಿವೆ. ಉದ್ಯೋಗ ಮಾರುಕಟ್ಟೆಯತ್ತ ದೃಷ್ಟಿ ನೆಡುವುದು ಮತ್ತು ಇತ್ತೀಚಿನ ಟ್ರೆಂಡ್‌ಗಳು ಮತ್ತು ಬೆಳವಣಿಗೆಗಳ ಬಗ್ಗೆ ಮಾಹಿತಿ ಪಡೆದುಕೊಳ್ಳುತ್ತಿರುವುದು ಮೊದಲ ಹಂತವಾಗಿದೆ.

ಅನೇಕ ಕಂಪನಿಗಳು ನೇಮಕಾತಿ ಪ್ರಕ್ರಿಯೆಯನ್ನು ನಡೆಸುತ್ತಿದ್ದು, ನೀವು ಅರ್ಹರು ಎಂಬುದನ್ನು ತೋರಿಸುವ ಕೌಶಲ್ಯ ಹಾಗೂ ನಿಪುಣತೆ ಅಭ್ಯರ್ಥಿಗಳಲ್ಲಿ ಇರುವುದು ಅಗತ್ಯವಾಗಿದೆ, ಇದು ಎರಡನೆಯ ಹಂತವಾಗಿದೆ.

ಹೆಚ್ಚಿನ ಬೇಡಿಕೆ ಇರುವ ಉದ್ಯೋಗ ಕೌಶಲ್ಯಗಳನ್ನು ಕಲಿತುಕೊಳ್ಳುವುದು ಅತಿಮುಖ್ಯವಾದ ಹಂತವಾಗಿದೆ. ಬ್ಲಾಕ್‌ಚೈನ್ ಅಭಿವೃದ್ಧಿ, ಸ್ಮಾರ್ಟ್ ಒಪ್ಪಂದದ ಅಭಿವೃದ್ಧಿ ಮತ್ತು ಭದ್ರತಾ ಲೆಕ್ಕಪರಿಶೋಧನೆ ಇನ್ನೂ ಹೆಚ್ಚಿನ ಬೇಡಿಕೆಯಲ್ಲಿರುವ ಕೌಶಲ್ಯಗಳನ್ನು ಕಲಿಯಬಹುದಾಗಿದೆ.

UX/UI ವಿನ್ಯಾಸ, ಮಾರ್ಕೆಟಿಂಗ್ ಮತ್ತು ಸಮುದಾಯ ನಿರ್ವಹಣೆಯಂತಹ ಕೌಶಲ್ಯಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಆರ್ಥಿಕ ಕುಸಿತ, ಉದ್ಯೋಗ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರಿದ್ದರೂ ನಿಪುಣ ಅಭ್ಯರ್ಥಿಗಳಿಗೆ ಅವಕಾಶ ಇದ್ದೇ ಇದೆ. ನೇಮಕಾತಿ ಪ್ರಕ್ರಿಯೆ ಅಂದುಕೊಂಡಷ್ಟು ನಡೆಯದೇ ಇದ್ದರೂ ಸರಿಯಾಗಿ ಹುಡುಕುವವರಿಗೆ ಅವಕಾಶದ ಬಾಗಿಲು ತೆರೆದೇ ಇರುತ್ತದೆ.