Career Opportunities: ಬೇಕರಿ ಮತ್ತು ಪಾಕಶಾಸ್ತ್ರದ ಡಿಪ್ಲೋಮಾ ಮಾಡಿದ್ರೆ ಎಷ್ಟೆಲ್ಲಾ ಉದ್ಯೋಗ ಆಯ್ಕೆಗಳಿವೆ ನೋಡಿ

ಇಂದು ಬೇಕರಿ ಮತ್ತು ಪಾಕ ( Bakery & Culinary) ಸಂಬಂಧಿತ ಕ್ಷೇತ್ರಗಳು ಹೆಚ್ಚು ಲೀಡಿಂಗ್​ನಲ್ಲಿವೆ. ಲಕ್ಷಾಂತರ ಜನರಿಗೆ ಉದ್ಯೋಗವಕಾಶವನ್ನು (Job Opportunities) ತೆರೆದಿಡುತ್ತಿದೆ. ಸಾಂಪ್ರಾದಾಯಿಕ ಕೋರ್ಸ್​ಗಳ ಜೊತೆಗೆ ಈ ಡಿಪ್ಲೋಮಾ ಕೋರ್ಸ್​ಗಳನ್ನು (Diploma Courses) ಮಾಡುವುದರಿಂದ ಬೇಕರಿ ಮತ್ತು ಕುಕಿಂಗ್​ ಕ್ಷೇತ್ರದಲ್ಲಿ ಹೊಸತನ್ನು ಸಾಧಿಸಬಹುದು. ಜೊತೆಗೆ ಇವು ನಿರಂತರವಾಗಿ ಸಾಗುವ ಉದ್ಯಮವಾಗಿದ್ದು, ಸೃಜನಶೀಲತೆಗೆ ಹೆಚ್ಚು ಅವಕಾಶವಿರುತ್ತದೆ. ಹಾಗಾದ್ರೆ ಈ ನಿಟ್ಟಿನಲ್ಲಿ ಬೇಕರಿ ಡಿಪ್ಲೋಮಾದಲ್ಲಿ ಎಷ್ಟೆಲ್ಲಾ ವೃತ್ತಿಗಳನ್ನು ಆಯ್ದುಕೊಳ್ಳಬಹುದು ಎಂಬುವುದನ್ನು ಇಲ್ಲಿ ತಿಳಿಯಿರಿ.

ಪೇಸ್ಟ್ರೀ ಶೆಫ್​​

ಇವತ್ತು ಪೇಸ್ಟ್ರೀಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್​ ಇದೆ. ಬೇಕಿಂಗ್​ ಮತ್ತು ಪೇಸ್ಟ್ರೀ ತಯಾರಿಸುವಲ್ಲಿ ಅತ್ಯುತ್ತಮ ತಂತ್ರದ ಅರಿವಿರಬೇಕು. ಕೇಕ್​ ವಿನ್ಯಾಸ ಮಾಡುವುದು ಜೊತೆಗೆ ಅದನ್ನು ಪ್ರಸ್ತುತ ಪಡಿಸುವುದು ಕೂಡ ಬಹಳ ಮುಖ್ಯವಾಗುತ್ತದೆ. ಅತಿ ಬೇಗನೆ ಕೇಕ್​ ಮಾಡಬೇಕಲ್ಲದೇ ಹಲವಾರು ಕೆಲಸವನ್ನು ಮಾಡುವಷ್ಟು ಪರಿಣತಿ ಹೊಂದಿರಬೇಕು.

ವಿವಿಧ ಕೌಶಲ್ಯತೆ ಬಳಸಿಕೊಂಡು ಬಿಸ್ಕೆಟ್​, ಪೇಸ್ಟ್ರೀ, ಬ್ರೆಡ್​​ ಮತ್ತು ಸ್ವೀಟ್ಸ್​ ಮಾಡುವಂತವರಾಗಿರಬೇಕು. ಪೇಸ್ಟ್ರೀ ಐಸಿಂಗ್​​, ಫ್ರಾಸ್ಟಿಂಗ್​ , ಅಲಂಕಾರ ಜೊತೆಗೆ ಸಿಹಿ ತಿನಿಸುಗಳನ್ನು ಆಕರ್ಷಕವಾಗಿ ಅಲಂಕರಿಸುವ ಕಲೆಯಲ್ಲಿ ಪ್ರಾವೀಣ್ಯತೆ ಇರಬೇಕು. ದಾಸ್ತಾನು ನಿರ್ವಹಣೆಯ ಹೆಚ್ಚುವರಿ ಹೊಣೆಗಾರಿಕೆಯೂ ಇರುತ್ತದೆ. ಬ್ಯುರೋ ಆಫ್​​ ಲೇಬರ್​ ಸ್ಟ್ಯಾಟಿಸ್ಟಿಕ್ಸ್​​ ಹೇಳುವಂತೆ ಮೇ 2022 ರಲ್ಲಿ ಶೆಫ್​ ಇಲ್ಲವೇ ಮುಖ್ಯ ಶೆಫ್ ಅವರ ವಾರ್ಷಿಕ ವೇತನ 18,08,769 ರೂ ಆಗಿದೆ.

ಕೇಟರಿಂಗ್ / ಅಡುಗೆ ಮಾಡುವವರು

ನುರಿತ ಸಂಘ ಮತ್ತು ಗ್ರಾಹಕ ಸೇವಾ ಕೌಶಲ್ಯ ಹೊಂದಿರುವ ಅಡುಗೆಯವರಿಗೆ ಬಹಳ ಡಿಮ್ಯಾಂಡ್​. ರುಚಿಯಾದ ಅಡುಗೆ, ಪಾಕಪ್ರಾವೀಣ್ಯತೆಗೆ ಎಲ್ಲೆಡೆ ತೆರೆದ ಅವಕಾಶವಿದೆ. ಒತ್ತಡದ ನಡುವೆ ಅಗತ್ಯ ಬಿದ್ದಂತೆ ಕೆಲಸ ಮಾಡಲು ಸಿದ್ಧವಿರಬೇಕು.

ಭಾರತೀಯ, ಸಾಂಪ್ರದಾಯಿಕ, ಪಾರ್ಟಿ ಅಡುಗೆಗಳಿಗೆ ಭಾರೀ ಡಿಮ್ಯಾಂಡ್​​ ಇದೆ. ಹದವಾಗಿ ಬೇಯಿಸಿ ಶುಚಿಯಾಗಿ ಬಡಿಸಿ, ರುಚಿಯಾಗಿ ನೀಡಿದರೇ ಅವರಿಗೆ ಎಲ್ಲಿಲ್ಲದ ಬೇಡಿಕೆ. ಈವೆಂಟ್​ ಬಳಿಕ ಸಂಪೂರ್ಣ ಸ್ವಚ್ಛತೆಯ ಕಾರ್ಯ ಮುಗಿಸಬೇಕು. ಮೆನು ಆಯೋಜನೆಯಿಂದ ಬಡಿಸುವ ತನಕ ಶೆಫ್​ ಕೆಲಸ ಮುಖ್ಯವಾಗುತ್ತದೆ. ಇವರ ಸಂಬಳ ವರ್ಷಕ್ಕೆ 21,07,789 ರೂ ಆಗಿರುತ್ತದೆ.

ಆಹಾರ ವಿನ್ಯಾಸಕರು

ಇವತ್ತು ಆಹಾರವನ್ನು ಮಾಡುವುದಷ್ಟೇ ಅಲ್ಲ ಅದನ್ನು ವಿನ್ಯಾಸ ಮಾಡುವುದು ಕೂಡ ಬ್ಯುಸಿನೆಸ್​ ಕ್ಷೇತ್ರದಲ್ಲಿ ಗಮನ ಸೆಳೆಯುತ್ತದೆ. ತರಕಾರಿಯನ್ನು ಕತ್ತರಿಸುವುದರಿಂದ ಹಿಡಿದು ಟೇಬಲ್​ ಮೇಲೆ ಜೋಡಿಸುವ ತನಕ, ಬಡಿಸುವುದರಿಂದ ಹಿಡಿದು ಫಿಂಗರ್​ ಬೌಲ್​ ನೀಡುವ ತನಕ ಪ್ರತಿಯೊಂದು ಕೂಡ ಅಲಂಕಾರಕ್ಕೆ ಒತ್ತು ನೀಡುತ್ತದೆ.

ಸಾಸ್​ ಬಳಕೆ, ವಿವಿಧ ಉಪಕರಣಗಳನ್ನು ಬಳಸುವ ರೀತಿಗೆ ತರಬೇತಿ ಪಡೆದಿರುತ್ತಾರೆ. ಇನ್ನೂ ಇವರು ಫೋಟೋಶೂಟ್​ಗಳಲ್ಲಿ ಲೈಟಿಂಗ್​ಗೆ ಹೊಂದುವಂತೆ ಆಹಾರವನ್ನು, ಬಣ್ಣದ ಸಾಮಗ್ರಿ ಬಳಸಿ ಅಡುಗೆ ಮಾಡುವಷ್ಟು ಪರಿಣತಿ ಇರಬೇಕು. ಇವರ ಸರಾಸರಿ ವಾರ್ಷಿಕ ಸಂಬಳ 2022 ರಲ್ಲಿ 16,00, 899 ರೂ ಆಗಿತ್ತು.

ಆಹಾರದ ಬರಹಗಾರರು/ ಫುಡ್​ ರೈಟಿಂಗ್​ ಜರ್ನಲಿಸ್ಟ್​​

ಇವತ್ತು ಆಹಾರ ಮತ್ತು ಬರಹ ಒಂದಕ್ಕೊಂದು ಸಂಬಂಧ ಹೊಂದಿದೆ. ದಿನಪತ್ರಿಕೆ, ನಿಯತಕಾಲಿಕ ಬ್ಲಾಗ್, ಅಡುಗೆ ಪುಸ್ತಕ ಮತ್ತು ಸಾಮಾಜಿಕ ಜಾಲತಾಣದ ಬರಹಗಳಲ್ಲಿ ಆಹಾರದ ರೆಸಿಪಿ ಮತ್ತು ಅದರ ವಿಶೇಷತೆಗಳ ಬರವಣಿಗೆಗೆ ಭಾರೀ ಬೇಡಿಕೆ ಇದೆ. ರೆಸ್ಟೋರೆಂಟ್​ ವಿಮರ್ಶೆ, ಆಹಾರದ ರುಚಿ, ಗುಣಮಟ್ಟಕ್ಕೆ ರೇಟಿಂಗ್ಸ್​ ನೀಡುವುದು ಇದಕ್ಕೆಲ್ಲಾ ಮನ್ನಣೆ ಇದೆ.

ಮಾಧ್ಯಮದೊಟ್ಟಿಗೆ ಉತ್ತಮ ನೆಟ್​ವರ್ಕ್​ ಇದ್ದರೆ ಒಳ್ಳೆಯ ಅಡುಗೆಗಳನ್ನು ಬರಹ ರೂಪಕ್ಕಿಳಿಸಬಹುದು. ಆಹಾರದ ಬರವಣಿಗೆ ಮಾಡುವವರು ಆಹಾರದ ಬಗ್ಗೆ ಸರಿಯಾದ ಜ್ಞಾನವನ್ನು ಹೊಂದಿರಬೇಕು. ಅದರಲ್ಲೂ ದೊಡ್ಡ ದೊಡ್ಡ ಟಿವಿ ಶೋಗಳಲ್ಲೂ ಭಾಗವಹಿಸಿ ಅದರ ಬಗ್ಗೆ ತಿಳಿಸಿಕೊಡಬಹುದು. 2022 ರಲ್ಲಿ ಈ ಬರಹಗಾರರ ವಾರ್ಷಿಕ ವೇತನವು 10,09,689 ರೂ ಆಗಿದೆ.

ಫುಡ್​ ಫೋಟೋ ಜರ್ನಲಿಸ್ಟ್​/ ಫೋಟೋಗ್ರಾಫರ್ಸ್​​

ದೊಡ್ಡ ದೊಡ್ಡ ಮ್ಯಾಗಜೀನ್​ಗಳಲ್ಲಿ ಆಹಾರಕ್ಕಿಂತಲೂ ಅದನ್ನು ಸೆರೆಹಿಡಿದಿರುವ ರೀತಿಗೆ ಮನಸ್ಸು ಸೋಲುತ್ತದೆ. ಈ ನಿಟ್ಟಿನಲ್ಲಿ ಫೋಟೋ ಜರ್ನಲಿಸ್ಟ್​ ಶೆಫ್​ನೊಟ್ಟಿಗೆ ಚರ್ಚಿಸಿ ಅದಕ್ಕೆ ಅನುಗುಣವಾಗಿ ವಿಭಿನ್ನ ರೀತಿಯಲ್ಲಿ ಫ್ರೇಮ್ ಇಡಬಹುದು. ಈ ನಿಟ್ಟಿನಲ್ಲಿ ಲೈಟ್ಸ್​, ಅತ್ಯುತ್ತಮ ಕ್ಯಾಮರಾ. ಲೆನ್ಸ್, ಸೆಟ್​ ಡಿಸೈನ್​ , ಪ್ರಾಪರ್ಟಿ ಇದೆಲ್ಲದರ ಬಗ್ಗೆ ಅರಿವು ಮುಖ್ಯವಾಗುತ್ತದೆ. ಇವರ ವಾರ್ಷಿಕ ಸಂಬಳ 4,00,800 ರೂ ಆಗಿದೆ.

ಆಹಾರೋದ್ಯಮಿ

ಇವತ್ತು ಅತಿ ದೊಡ್ಡ ಉದ್ಯಮಗಳಲ್ಲಿ ಆಹಾರದ ಉದ್ಯಮವೇ ಮುಂದಿದೆ. ಅಡುಗೆ ಮತ್ತು ಅದಕ್ಕೆ ಸಂಬಂಧಿಸಿದ ಉತ್ಪನ್ನಗಳ ಬ್ರ್ಯಾಂಡ್​ ತಯಾರಿಕೆ. ಮೆನುಗಳ ತಯಾರಿಕೆ, ನ್ಯೂಟ್ರಿಷಿಯನ್​ಯುಕ್ತ ಆಹಾರದ ತಯಾರಿಕೆಗೆ ಅತ್ಯುತ್ತಮ ಅವಕಾಶ. ಇನ್ನೂ ದೊಡ್ಡ ರೆಸ್ಟೊರೆಂಟ್​, ಟ್ರಕ್​, ಮೊಬೈಲ್​ ಕ್ಯಾಂಟೀನ್​​ ಇವೆಲ್ಲ ಆಹಾರದ ಕ್ಷೇತ್ರದಲ್ಲಿ ಕ್ರಾಂತಿಯನ್ನೇ ಉಂಟು ಮಾಡುತ್ತಿವೆ. ಇವರ ವಾರ್ಷಿಕ ಸರಾಸರಿ ಆದಾಯ 21,09,291 ರೂ ಆಗಿದೆ.