BDS Course: ದಂತ ವೈದ್ಯರಾದವರಿಗೆ ಈಗ ಸಾಕಷ್ಟು ವೃತ್ತಿ ಅವಕಾಶಗಳಿವೆ; ಸಂಪೂರ್ಣ ಮಾಹಿತಿ ಇಲ್ಲಿದೆ

ದಂತ ಉದ್ಯಮ ಇಂದು ಬಹಳ ಬೇಡಿಕೆ ಹೊಂದಿರುವ ಕ್ಷೇತ್ರವಾಗಿದೆ. ಒನ್‌ ಮ್ಯಾನ್‌ ಶೋ ಎಂದು ಇದನ್ನು ಪರಿಗಣಿಸಲಾದರೂ ಇದು ಸಂಪೂರ್ಣ ವೈವಿಧ್ಯತೆ ಹೊಂದಿರುವಂಥ ಕ್ಷೇತ್ರವಾಗಿದೆ. ದಂತ ಆರೋಗ್ಯ (Teeth Health) ಸೇವೆಯಲ್ಲಿ ಕೆಲವರು ಹಲ್ಲುಗಳು ಮತ್ತು ದವಡೆಯ ಜೋಡಣೆಯಲ್ಲಿ ಪರಿಣತಿ ಹೊಂದಿರುವ ಆರ್ಥೊಡೆಂಟಿಸ್ಟ್‌ಗಳಾಗಬಹುದು (Orthodontist) , ಪರಿದಂತಶಾಸ್ತ್ರಜ್ಞ, ವಸಡು ಕಾಯಿಲೆಗಳನ್ನು ಪತ್ತೆ ಹಚ್ಚುವಲ್ಲಿ ಮತ್ತು ಚಿಕಿತ್ಸೆ ನೀಡುವಲ್ಲಿ ಪರಿಣತಿ ಹೊಂದಬಹುದು. ಹಲವು ಕ್ಷೇತ್ರದಲ್ಲಿ ಕೆಲಸ ಮಾಡಬಹುದು.

ಡಿಸೆಂಬರ್ 2022 ರಲ್ಲಿ ಡೆಂಟಲ್ ಫೀಲ್ಡ್ ತನ್ನ ಪ್ಲಾಟ್‌ಫಾರ್ಮ್‌ನಲ್ಲಿ ಅತಿ ಹೆಚ್ಚು ಉದ್ಯೋಗ ಪೋಸ್ಟಿಂಗ್‌ಗಳನ್ನು ಹೊಂದಿದೆ. ಭಾರತೀಯ ದಂತ ಕ್ಷೇತ್ರವು 2030 ರ ವೇಳೆಗೆ $1339 ಮಿಲಿಯನ್ ಮೌಲ್ಯವನ್ನು ತಲುಪುತ್ತದೆ ಎಂದು ಅಂದಾಜಿಸಲಾಗಿದೆ.

ಡೆಂಟಲ್‌ ಸ್ಟಾರ್ಟಪ್‌ಗಳಿಂದ ಉದ್ಯೋಗಾವಕಾಶಗಳ ಅಲೆ ಸೃಷ್ಟಿ

ಅಂದಹಾಗೆ ಹೊಸ ಯುಗದ ಡೆಂಟಲ್ ಸ್ಟಾರ್ಟ್‌ಅಪ್‌ಗಳು ಕ್ಷೇತ್ರದಲ್ಲಿ ಸಾಂಪ್ರದಾಯಿಕ ಸ್ಥಾನವನ್ನು ಹೆಚ್ಚಿಸುತ್ತಿವೆ. ಉದ್ಯೋಗಾವಕಾಶಗಳಲ್ಲಿ ಹೊಸ ಅಲೆಯನ್ನು ಸೃಷ್ಟಿಸುತ್ತಿವೆ. ಇತ್ತೀಚೆಗೆ ಡೆಂಟಲ್‌ ಕೇರ್‌ ಉದ್ಯಮಕ್ಕೆ ದೊಡ್ಡ ಕೊಡುಗೆ ನೀಡುವವರೆಂದರೆ ಮನೆ ಬಾಗಿಲಿಗೇನೇ ಬಂದು ನೀಡಲಾಗುವ ದಂತ ಆರೋಗ್ಯ ರಕ್ಷಣೆ.

ಹಲ್ಲಿನ ಆರೈಕೆಯನ್ನು ಹೆಚ್ಚು ವೆಚ್ಚ-ಪರಿಣಾಮಕಾರಿ ಮತ್ತು ಸುಲಭವಾಗಿಸುವ ನಿಟ್ಟಿನಲ್ಲಿ ಮನೆ ಬಾಗಿಲಿಗೇನೇ ಬಂದು ನೀಡಲಾಗುವ ದಂತ ಆರೋಗ್ಯ ರಕ್ಷಣೆ ಅನ್ನೋದು ಒಂದು ಕ್ರಾಂತಿಕಾರಿ ಹೆಜ್ಜೆಯಾಗಿದೆ. ಅದರ ನಾವೀನ್ಯತೆಯಿಂದಾಗಿ, ಇದು ಹೆಚ್ಚಿನ ತಜ್ಞರು ಮತ್ತು ಫ್ರೆಶರ್‌ಗಳನ್ನು ನೇಮಿಸಿಕೊಳ್ಳುತ್ತಿದೆ. ಅದರಲ್ಲೂ ವಿಶೇಷವಾಗಿ ಎರಡನೇ ಮತ್ತು ಮೂರನೇ ಹಂತದ ನಗರಗಳಲ್ಲಿ.

ಉದಾಹರಣೆಗೆ, ಡೆಂಟಾ ಮಿತ್ರದಂತಹ ನಿರ್ದಿಷ್ಟ ಮತ್ತು ಸ್ಥಾಪಿತ ಡೆಂಟಲ್‌ ಸ್ಟಾರ್ಟಪ್‌ಗಳು ದಂತವೈದ್ಯರನ್ನು "ಸೂಟ್‌ಕೇಸ್ ಕ್ಲಿನಿಕ್" ಎಂಬ ಕ್ರಾಂತಿಕಾರಿ ಪೋರ್ಟಬಲ್ ಕ್ಲಿನಿಕ್ ಕಿಟ್‌ನೊಂದಿಗೆ ಸಜ್ಜುಗೊಳಿಸುತ್ತಿವೆ. ಈ ಮೂಲಕ ದಂತ ಸೇವೆಗಳನ್ನು ಮನೆ ಬಾಗಿಲಿಗೆ ತರುವ ದಂತ ಮಾರುಕಟ್ಟೆ ಸ್ಥಳಗಳನ್ನು ರಚಿಸುತ್ತಿವೆ.

ಇಂತಹ ಸ್ಟಾರ್ಟಪ್‌ಗಳಿಂದ ಡೆಂಟಲ್‌ ಇಕೋಸಿಸ್ಟಮ್‌ ಹೊಂದಿರದ ದೂರದ ಸ್ಥಳಗಳಲ್ಲಿ ದಂತ ತಜ್ಞರು ರೋಗಿಗಳಿಗೆ ಸಹಾಯ ಮಾಡಬಹುದಾಗಿದೆ. ಇದು ಅಭ್ಯಾಸ ಮಾಡುವವರಿಗೆ ಉತ್ತಮ ಸೇವೆ ನೀಡಲು, ಕಲಿಯಲು ಮತ್ತು ಆವಿಷ್ಕರಿಸಲು ಅವಕಾಶವನ್ನು ನೀಡುತ್ತದೆ.

ಅಂತಹ ಅವಕಾಶಗಳು ಸಾಮಾನ್ಯವಾಗಿ ವೃತ್ತಿಜೀವನದ ಬಿಲ್ಡರ್‌ಗಳಾಗಿರುತ್ತವೆ. ಅಲ್ಲದೇ ಅಭ್ಯಾಸಕಾರರು ತಮ್ಮ ಪ್ರೊಫೈಲ್‌ಗಳಿಗೆ ಅನನ್ಯ ಅನುಭವಗಳನ್ನು ಸೇರಿಸಲು ಸಹಾಯ ಮಾಡಬಹುದು. ಹೊಸ ದಂತ ಸನ್ನಿವೇಶವು ತಜ್ಞರ ಮೇಲೆ ಕೇಂದ್ರೀಕೃತವಾಗಿರುವಾಗ, ಇದು ಆರೋಗ್ಯ ಪ್ರಭಾವಿಗಳಿಗೆ ತಮ್ಮ ವ್ಯಾಪ್ತಿಯನ್ನು ವಿಸ್ತರಿಸಲು ಅನುವು ಮಾಡಿಕೊಡುತ್ತದೆ.

ಹೊಸ-ಯುಗದ ಸ್ಟಾರ್ಟ್‌ಅಪ್‌ಗಳು ಮಾರ್ಕೆಟಿಂಗ್ ಅನ್ನು ಹೆಚ್ಚಿಸಲು ಮತ್ತು ಚಿಂತನೆ ಮತ್ತು ಉದ್ಯಮದ ನಾಯಕರಾಗಿ ಮಾರುಕಟ್ಟೆಯಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಹೆಲ್ತ್‌ ಇನ್‌ಫ್ಲ್ಯೂಯೆನ್ಸರ್‌ಗಳೊಂದಿಗೆ ಕೈಜೋಡಿಸುತ್ತಿವೆ.

ತಂತ್ರಜ್ಞಾನ ಮತ್ತು ಭದ್ರತೆ

ಪ್ರಸ್ತುತ ದಂತ ವಲಯದಲ್ಲಿನ ಪ್ರಮುಖ ಕಾಳಜಿಗಳೆಂದರೆ ಭದ್ರತೆ ಮತ್ತು ಡೇಟಾ ಗೇಟ್‌ಕೀಪಿಂಗ್. ಹೆಚ್ಚಿನ ಸಂಸ್ಥೆಗಳು ತಮ್ಮ ದಂತ ಅಭ್ಯಾಸವನ್ನು ನಿರ್ಮಿಸಲು ತಾಂತ್ರಿಕ ಮಾರ್ಗವನ್ನು ತೆಗೆದುಕೊಳ್ಳುತ್ತಿರುವುದರಿಂದ, ಡೇಟಾವನ್ನು ರಕ್ಷಿಸಲು ತಾಂತ್ರಿಕ ಮತ್ತು ಭದ್ರತಾ ಪರಿಣತಿ ಮುಖ್ಯವಾಗುತ್ತದೆ.

ಈ ತಾಂತ್ರಿಕ ಒಳಹರಿವು ಹಲ್ಲಿನ ಅಭ್ಯಾಸದ ಮೂಲಭೂತ ಜ್ಞಾನವನ್ನು ಹೊಂದಿರುವ ಆದರೆ ತಾಂತ್ರಿಕ ಅನುಷ್ಠಾನದಲ್ಲಿ ಪ್ರಾಥಮಿಕ ಪರಿಣತಿಯನ್ನು ಹೊಂದಿರುವ ತಜ್ಞರಿಗೆ ವ್ಯಾಪಕವಾದ ಬೇಡಿಕೆಯನ್ನು ಸೃಷ್ಟಿಸುತ್ತಿದೆ.

ಗ್ರಾಹಕರ ಯಶಸ್ಸು

ಗ್ರಾಹಕರ ಯಶಸ್ಸು ಮತ್ತೊಂದು ಹೆಚ್ಚುತ್ತಿರುವ ಡೊಮೇನ್ ಆಗಿದ್ದು, ಬುಕಿಂಗ್‌ನಿಂದ ಅಪಾಯಿಂಟ್‌ಮೆಂಟ್‌ನ ದಿನದವರೆಗೆ ಎಲ್ಲವೂ ಸರಿಯಾಗಿ ನಡೆಯುವಂತೆ ನೋಡಿಕೊಳ್ಳಲು ಪರಿಣಿತರ ಅಗತ್ಯವಿದೆ. ರೋಗಿಗಳನ್ನು ತಲುಪಲು, ಮನವೊಲಿಸಲು ಅಪ್ಲಿಕೇಶನ್ ನಂತಹ ತಂತ್ರಜ್ಞಾನದ ಅವಶ್ಯಕತೆಯಿದೆ.

ಇದನ್ನೂ ಓದಿ: Skill Upgradation: ವೈದ್ಯರಾದವರು ಬೇಡಿಕೆಯಲ್ಲಿ ಉಳಿಯಬೇಕೆಂದರೆ ಈ ಸ್ಕಿಲ್ಸ್ ಅನ್ನು ಅಳವಡಿಸಿಕೊಳ್ಳಬೇಕು

ಮಾರ್ಕೆಟಿಂಗ್

ಇನ್ನು, ಹೆಲ್ತ್‌ಕೇರ್ ಸ್ಟಾರ್ಟ್‌ಅಪ್‌ಗಳು ಸಾಮಾಜಿಕ ಮಾಧ್ಯಮ ಮತ್ತು ಪಾವತಿಸಿದ ಜಾಹೀರಾತುಗಳ ಮೂಲಕ ತಮ್ಮ ಗ್ರಾಹಕರನ್ನು ತಲುಪಲು ಮಾರ್ಗಗಳನ್ನು ಕಂಡುಕೊಳ್ಳುತ್ತಿವೆ. ಆನ್‌ಲೈನ್ ಮತ್ತು ಆಫ್‌ಲೈನ್ ಸಮುದಾಯಗಳಲ್ಲಿ ಮಾರ್ಕೆಟಿಂಗ್‌ ಮಾಡಲು ಈ ಕ್ಷೇತ್ರದಲ್ಲಿನ ತಜ್ಞರಿಗೆ ಬಹಳಷ್ಟು ಅವಕಾಶಗಳಿವೆ.

ಒಟ್ಟಾರೆ, ದಂತ ತಜ್ಞರ ಅಗತ್ಯವು ಸಾರ್ವಕಾಲಿಕವಾಗಿದ್ದು, ಆರೋಗ್ಯ ಉದ್ಯಮದ ಅವಿಭಾಜ್ಯ ಅಂಗವಾಗಿ ಡೆಂಟಲ್‌ ಹೆಲ್ತ್‌ಕೇರ್‌ ಮುಂದುವರಿಯುತ್ತದೆ