Banking Jobs: ಇಂಜಿನಿಯರಿಂಗ್ ಬಳಿಕ ಬ್ಯಾಂಕಿಂಗ್ ಉದ್ಯೋಗ ಮಾಡುವುದು ಬೆಸ್ಟ್, 4 ಕಾರಣಗಳು ಇಲ್ಲಿವೆ

ನೀವು ಈಗಷ್ಟೇ ಇಂಜಿನಿಯರಿಂಗ್ (Engineering) ಪದವಿ ಪಡೆದಿದ್ದೀರಾ? ಮುಂದೆ ಏನು ಮಾಡಬೇಕೆಂದು ಇನ್ನೂ ನಿರ್ಧರಿಸಿಲ್ಲವೇ? ಹಾಗಿದ್ದರೆ ನೀವು ಬ್ಯಾಂಕಿಂಗ್‌ ಕ್ಷೇತ್ರವನ್ನು (Banking Sector) ಆಯ್ಕೆ ಮಾಡಿಕೊಳ್ಳಬಹುದು. ಏಕೆಂದರೆ ಇಂಜಿನಿಯರಿಂಗ್ ವಲಯದಲ್ಲಿ ಉದ್ಯೋಗಾವಕಾಶಗಳಿದ್ದರೂ (Job Opportunities) ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಇಂಥ ಅವಕಾಶ ಹೇರಳವಾಗಿದೆ. ಬ್ಯಾಂಕಿಂಗ್‌ ಉದ್ಯಮದ ಸ್ಥಿರತೆ ಮತ್ತು ಬೆಳವಣಿಗೆಯ ದರದಿಂದ ಇತರ ಕ್ಷೇತ್ರಗಳ ಅಭ್ಯರ್ಥಿಗಳು ಇದಕ್ಕೆ ಆಕರ್ಷಿತರಾಗಿದ್ದಾರೆ. ಇದು ಈ ಕ್ಷೇತ್ರದ ಸ್ಪರ್ಧಾತ್ಮಕತೆಯನ್ನು ಹಾಗೂ ಪರೀಕ್ಷೆಗಳ ಗುಣಮಟ್ಟವನ್ನು ಹೆಚ್ಚಿಸಿದೆ.

ಇಂಜಿನಿಯರಿಂಗ್ ನಂತರ ಬ್ಯಾಂಕಿಂಗ್ ಏಕೆ?

ಇಂಜಿನಿಯರಿಂಗ್ ಮತ್ತು ಬ್ಯಾಂಕಿಂಗ್ ಮಧ್ಯೆ ಸಾಮಾನ್ಯವಾಗಿ ಹೋಲಿಕೆ ಇಲ್ಲವಾದರೂ ಇಂಜಿನಿಯರ್‌ ಗಳು ಬ್ಯಾಂಕಿಂಗ್ ಮತ್ತು ಹಣಕಾಸು ಸೇವೆಗಳ ಉದ್ಯಮದಲ್ಲಿ ಆಸಕ್ತಿ ಹೊಂದಲು ಕಾರಣವಿದೆ. ಬ್ಯಾಂಕ್‌ ಗಳ ATM ಗಳು, ಇಂಟರ್ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಮತ್ತು ಕ್ರೆಡಿಟ್/ಡೆಬಿಟ್ ಕಾರ್ಡ್ ನಿರ್ವಹಣೆ ಈ ಎಲ್ಲಾ ವಿಭಾಗಗಳಲ್ಲಿ ಇಂಜಿನಿಯರ್‌ ಗಳ ಅಗತ್ಯವಿರುತ್ತದೆ.

ಸಾಫ್ಟ್‌ವೇರ್ ಅನ್ನು ಹೇಗೆ ಬಳಸುವುದು ಹೇಗೆ ಎಂಬುದನ್ನು ತ್ವರಿತವಾಗಿ ಅರ್ಥಮಾಡಿಕೊಳ್ಳುವ ಸಾಮರ್ಥ್ಯವು ಬ್ಯಾಂಕಿಂಗ್ ವಲಯದಲ್ಲಿ ಇಂಜಿನಿಯರ್‌ನ ಪ್ರಮುಖ ಕೌಶಲ್ಯವಾಗಿದೆ. ಅವರ ತಾಂತ್ರಿಕ ಸಾಮರ್ಥ್ಯಗಳು ಮತ್ತು ಬ್ಯಾಂಕ್‌ಗಳ ಆಳವಾದ ಜ್ಞಾನದಿಂದ, ಅವರು ಉದ್ಯೋಗಿಗಳಿಗೂ ಉತ್ತೇಜನ ನೀಡುತ್ತಾರೆ.

ಇವಿಷ್ಟೇ ಅಲ್ಲದೇ, ಇಂಜಿನಿಯರಿಂಗ್ ನಂತರ ಬ್ಯಾಂಕಿಂಗ್ ಕ್ಷೇತ್ರವನ್ನು ಆಯ್ಕೆ ಮಾಡಿಕೊಳ್ಳಲು ಪ್ರಮುಖ 4 ಕಾರಣಗಳು ಇಲ್ಲಿವೆ.

1. ಉದ್ಯೋಗ ಭದ್ರತೆ : ಯಾವುದೇ ಉದ್ಯಮದಲ್ಲಿ ವೃತ್ತಿಜೀವನವನ್ನು ಪ್ರಾರಂಭಿಸುವಾಗ ಕೆಲಸದ ಸ್ಥಿರತೆ ಮುಖ್ಯವಾಗಿದೆ. ಇಂದಿನ ಜಗತ್ತಿನಲ್ಲಿ ಸ್ಥಿರವಾದ ಕೆಲಸವನ್ನು ಹೊಂದಿರುವುದು ಅತ್ಯಗತ್ಯ.

ಬ್ಯಾಂಕಿಂಗ್‌ ಕ್ಷೇತ್ರದಲ್ಲಿ ಈ ಭದ್ರತೆ ನಿಮಗೆ ಸಿಗುತ್ತದೆ. ಇನ್ನು, ಬ್ಯಾಂಕಿಂಗ್ ಉದ್ಯಮದಲ್ಲಿನ ಸರ್ಕಾರಿ ಉದ್ಯೋಗವು ಹೆಚ್ಚಿದ ಆರ್ಥಿಕ ಸ್ಥಿರತೆ ಮತ್ತು ಭದ್ರತೆಯ ಜೊತೆಗೆ ಕಡಿಮೆ-ಬಡ್ಡಿ ಸಾಲಗಳು, ಗ್ರಾಚ್ಯುಟಿಗಳು ಮತ್ತು ವಸತಿ ಸೇರಿದಂತೆ ಹಲವಾರು ಪ್ರಯೋಜನಗಳು ಪಡೆಯಬಹುದು.

ಇದನ್ನೂ ಓದಿ: 2023 Long Weekends: 2023ರಲ್ಲಿ ಈ ರೀತಿ 1 ದಿನ ಲೀವ್ ಹಾಕಿಕೊಂಡರೆ, 4-5 ದಿನಗಳ ರಜೆಗಳು ಒಟ್ಟಿಗೆ ಸಿಗುತ್ತೆ

2. ತಾಂತ್ರಿಕ ಪ್ರಗತಿ: ಡಿಜಿಟಲ್ ಯುಗದೊಂದಿಗೆ ಬ್ಯಾಂಕ್‌ಗಳು ಆನ್‌ ಲೈನ್‌ ಬ್ಯಾಂಕಿಂಗ್‌, ನಗದು ರಹಿತ ವ್ಯವಹಾರ ಗಳಂಥ ಹೊಸ ತಂತ್ರಜ್ಞಾನಗಳನ್ನು ಒಪ್ಪಿಕೊಂಡಿವೆ. ಸಾಫ್ಟ್‌ವೇರ್, ಮೆಕ್ಯಾನಿಕಲ್, ಸಿವಿಲ್ ಮುಂತಾದ ವಿಭಾಗಗಳಲ್ಲಿ ಇಂಜಿನಿಯರ್‌ಗಳು ಬ್ಯಾಂಕ್‌ಗಳಲ್ಲಿ ಕೆಲಸ ಮಾಡಬಹುದು. ಅಪಾಯ ನಿರ್ವಹಣೆ, ದೊಡ್ಡ ಡೇಟಾ, ಮೊಬೈಲ್ ಬ್ಯಾಂಕಿಂಗ್, ವಿತರಣಾ ವ್ಯವಸ್ಥೆಗಳು ಮತ್ತು ಕೃತಕ ಬುದ್ಧಿಮತ್ತೆಯಲ್ಲಿ ಕೆಲಸ ಮಾಡಲು ಬ್ಯಾಂಕಿಂಗ್‌ನಲ್ಲಿ ಅವಕಾಶಗಳಿವೆ.

ಡಿಜಿಟಲ್ ವ್ಯವಹಾರ

ಇಂಜಿನಿಯರಿಂಗ್ ನಂತರ ಬ್ಯಾಂಕಿಂಗ್ ಅನ್ನು ಆಯ್ಕೆ ಮಾಡುವುದರಿಂದ ಬ್ಯಾಂಕ್‌ಗಳು ಡಿಜಿಟಲ್ ತಂತ್ರಜ್ಞಾನವನ್ನು ಸುಲಭವಾಗಿ ಬಳಸಿಕೊಳ್ಳಲು ಸಾಧ್ಯವಾಗುತ್ತವೆ.

3. ವೃತ್ತಿಪರ ತರಬೇತಿಗಳು ಮತ್ತು ಅವಕಾಶಗಳು: ಎಲ್ಲಾ ರೀತಿಯ ಬ್ಯಾಂಕ್‌ ಉದ್ಯಮವು ತಂತ್ರಜ್ಞಾನಗಳೊಂದಿಗೆ ವೇಗದಲ್ಲಿ ಸಾಗಲು ತಮ್ಮ ಉದ್ಯೋಗಿಗಳಿಗೆ ಪ್ರಾಯೋಗಿಕ ಕೆಲಸದ ತರಬೇತಿ ನೀಡುತ್ತವೆ.

ಇಂಥ ರಚನಾತ್ಮಕ ತರಬೇತಿ ಅವಕಾಶಗಳಿಂದ ಇಂಜಿನಿಯರ್‌ ಗಳು ಪ್ರಯೋಜನ ಪಡೆಯಬಹುದು. ಇದರಿಂದ ಒಳ್ಳೆಯ ವರ್ಕ್‌ ಕಲ್ಚರ್‌ ಹಾಗೂ ಅಭಿವೃದ್ಧಿ ಕಾರ್ಯಕ್ರಮಗಳೊಂದಿಗೆ ಪ್ರತಿಷ್ಠಿತ ಬ್ಯಾಂಕ್‌ ಗಳಲ್ಲಿ ಕೆಲಸ ಮಾಡುವ ಅವಕಾಶ ಪಡೆಯಬಹುದು.

4. ವೃತ್ತಿ ಬೆಳವಣಿಗೆ: ವಿವಿಧ ವೃತ್ತಿ ಬೆಳವಣಿಗೆಯ ಅವಕಾಶಗಳಿಗಾಗಿ ಬ್ಯಾಂಕುಗಳು ಆಧುನಿಕ ಚೌಕಟ್ಟನ್ನು ನೀಡುತ್ತವೆ. ಬದಲಾಗುತ್ತಿರುವ ಕೆಲಸದ ವಾತಾವರಣ ಮತ್ತು ಸಂಸ್ಕೃತಿಗೆ ತ್ವರಿತವಾಗಿ ಹೊಂದಿಕೊಳ್ಳುತ್ತವೆ.

ಪ್ರತಿಭೆಯ ಅಗತ್ಯತೆಗಳನ್ನು ವಿಶ್ಲೇಷಿಸಲು ಮತ್ತು ಹೊಸ ಕೆಲಸಗಳಿಗೆ ಜನರನ್ನು ಹೊಂದಿಕೆಯಾಗುವಂತೆ ಮಾಡಲು ಬ್ಯಾಂಕುಗಳ ವ್ಯವಸ್ಥೆಗಳೂ ಬದಲಾಗಿವೆ. ಹಾಗಾಗಿ ಇಲ್ಲಿ ವೃತ್ತಿ ಬೆಳವಣಿಗೆಗೆ ಸಾಕಷ್ಟು ಅವಕಾಶಗಳಿವೆ. ಇನ್ನು, ಬ್ಯಾಂಕ್‌ಗಳ ತ್ವರಿತ ಡಿಜಿಟಲೀಕರಣ ಮತ್ತು ಹಣಕಾಸು ಸೇವೆಗಳ ವಲಯದಲ್ಲಿನ ಅವಕಾಶಗಳ ಕಾರಣದಿಂದಾಗಿ ಇಂಜಿನಿಯರ್‌ಗಳಿಗೆ ಬ್ಯಾಂಕಿಂಗ್ ಒಂದು ಆಕರ್ಷಕವಾದ ವೃತ್ತಿ ಆಯ್ಕೆಯಾಗಿದೆ.

ಬ್ಯಾಂಕಿಂಗ್‌ ಕ್ಷೇತ್ರವು ಹೂಡಿಕೆ ಬ್ಯಾಂಕರ್, ಪ್ರೊಬೇಷನರಿ ಅಧಿಕಾರಿ, ಬಜೆಟ್ ವಿಶ್ಲೇಷಕ ಮತ್ತು ಹಣಕಾಸು ವಿಶ್ಲೇಷಕ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಲೆಕ್ಕವಿಲ್ಲದಷ್ಟು ಆಯ್ಕೆಗಳನ್ನು ನೀಡುತ್ತದೆ.