IPL

  • associate partner
HOME » NEWS » Ipl » WOMENS T20 CHALLENGE 2020 SUPERNOVAS SET 127RUN TARGET FOR VELOCITY ZP

Womens T20 Challenge 2020: ವೆಲಾಸಿಟಿಗೆ ಸಾಧಾರಣ ಸವಾಲು ನೀಡಿದ ಸೂಪರ್ ನೋವಾಸ್

ಮತ್ತೊಂದೆಡೆ ಭರ್ಜರಿಯಾಗಿ ಬ್ಯಾಟ್ ಬೀಸಿದ ಲಂಕಾದ ಚಮರಿ ಅಟ್ಟಾಪಟ್ಟು ವೆಲಾಸಿಟಿ ಬೌಲರುಗಳ ಬೆಂಡೆತ್ತಿದ್ದರು. ಪರಿಣಾಮ 2 ಸಿಕ್ಸರ್, 2 ಬೌಂಡರಿಗಳೊಂದಿಗೆ 39 ಎಸೆತಗಳಲ್ಲಿ 44 ರನ್ ಬಾರಿಸಿದರು.

news18-kannada
Updated:November 4, 2020, 9:28 PM IST
Womens T20 Challenge 2020: ವೆಲಾಸಿಟಿಗೆ ಸಾಧಾರಣ ಸವಾಲು ನೀಡಿದ ಸೂಪರ್ ನೋವಾಸ್
Women’s T20 challenge 2020
  • Share this:
ಶಾರ್ಜಾ ಕ್ರಿಕೆಟ್​ ಮೈದಾನದಲ್ಲಿ ನಡೆದ ಮಹಿಳಾ ಟಿ20 ಚಾಲೆಂಜ್ ಮೊದಲ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸೂಪರ್ ನೋವಾಸ್ ತಂಡದ ವೆಲಾಸಿಟಿಗೆ 127 ರನ್​ಗಳ ಟಾರ್ಗೆಟ್ ನೀಡಿದೆ. ಇದಕ್ಕೂ ಮುನ್ನ ಟಾಸ್ ಗೆದ್ದ ವೆಲಾಸಿಟಿ ನಾಯಕಿ ಮಿಥಾಲಿ ರಾಜ್ ಬೌಲಿಂಗ್ ಆಯ್ದುಕೊಂಡರು. ಅದರಂತೆ ಬ್ಯಾಟಿಂಗ್​ಗೆ ಇಳಿದ ಸೂಪರ್ ನೋವಾಸ್ ರಕ್ಷಣಾತ್ಮಕ ಆರಂಭಕ್ಕೆ ಒತ್ತು ನೀಡಿತು. ಆದರೆ ಐದನೇ ಓವರ್​ನಲ್ಲಿ ಪ್ರಿಯಾ ಪುನಿಯಾ (11) ವಿಕೆಟ್ ಪಡೆಯುವ ಮೂಲಕ ನೂಜಿಲೆಂಡ್​ನ ಲೆಗ್ ಕಾಸ್ಪೆರೆಕ್ ವೆಲಾಸಿಟಿಗೆ ಮೊದಲ ಯಶಸ್ಸು ತಂದುಕೊಟ್ಟರು. ಇದರ ಬೆನ್ನಲ್ಲೇ ಜೆಮಿಯಾ ರೋಡ್ರಿಗಸ್ (7) ಏಕ್ತಾ ಬಿಸ್ತ್ ಬೌಲಿಂಗ್​​ನಲ್ಲಿ ಕ್ಲೀನ್ ಬೌಲ್ಡ್ ಆಗಿ ಹೊರನಡೆದರು.

ಆದರೆ ಮತ್ತೊಂದೆಡೆ ಭರ್ಜರಿಯಾಗಿ ಬ್ಯಾಟ್ ಬೀಸಿದ ಲಂಕಾದ ಚಮರಿ ಅಟ್ಟಾಪಟ್ಟು ವೆಲಾಸಿಟಿ ಬೌಲರುಗಳ ಬೆಂಡೆತ್ತಿದ್ದರು. ಪರಿಣಾಮ 2 ಸಿಕ್ಸರ್, 2 ಬೌಂಡರಿಗಳೊಂದಿಗೆ 39 ಎಸೆತಗಳಲ್ಲಿ 44 ರನ್ ಬಾರಿಸಿದರು. ಅಲ್ಲದೆ ನಾಯಕಿ ಹರ್ಮನ್​ಪ್ರೀತ್ ಜೊತೆಗೂಡಿ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು. ಆದರೆ ಆಲಂ ಎಸೆದ 13ನೇ ಓವರ್​ನಲ್ಲಿ ಬಿಗ್ ಹಿಟ್ಟರ್​ಗೆ ಮುಂದಾಗಿ ವೇದಾಕೃಷ್ಣ ಮೂರ್ತಿಗೆ ಕ್ಯಾಚ್ ನೀಡಿ ಹೊರನಡೆದರು.

ಇದರ ಬೆನ್ನಲ್ಲೇ ಬಿರುಸಿನ ಆಟ ಪ್ರದರ್ಶಿಸಿದ ಹರ್ಮನ್​ಪ್ರೀತ್ ಕೌರ್ (31) ಕೂಡ ಹೊರ ನಡೆದರು. ಈ ವೇಳೆ ಮೇಲುಗೈ ಸಾಧಿಸಿದ ವೆಲಾಸಿಟಿ ಬೌಲರುಗಳು ಪಂದ್ಯದ ಗತಿಯನ್ನು ಬದಲಿಸಿದರು. ಸಂಪೂರ್ಣ ಹಿಡಿತ ಸಾಧಿಸಿದ ಬೌಲರುಗಳು ಬ್ಯಾಕ್ ಟು ಬ್ಯಾಕ್ ವಿಕೆಟ್ ಉರುಳಿಸಿ ರನ್ ಗತಿಯನ್ನು ಇಳಿಸಿದರು. ಪರಿಣಾಮ ನಿಗದಿತ 20 ಓವರ್​ನಲ್ಲಿ ಸೂಪರ್ ನೋವಾಸ್ 8 ವಿಕೆಟ್ ನಷ್ಟಕ್ಕೆ 126 ರನ್​ಗಳಷ್ಟೇ ಗಳಿಸುವಂತಾಯಿತು.

ಇನ್ನು ವೆಲಾಸಿಟಿ ಪರ ಸ್ಪಿನ್ನರ್ ಏಕ್ತಾ ಬಿಶ್ತ್ 4 ಓವರ್​ನಲ್ಲಿ 22 ರನ್ ನೀಡಿ 3 ವಿಕೆಟ್ ಉರುಳಿಸಿದರೆ, ಆಲಂ ಹಾಗೂ ಕಾಸ್ಪೆರೆಕ್ ತಲಾ 2 ವಿಕೆಟ್ ಪಡೆದು ಗಮನ ಸೆಳೆದರು.

POINTS TABLE:

SCHEDULE TIME TABLE:

ORANGE CAP: PURPLE CAP:

RESULT DATA:

MOST SIXES:

ಇದನ್ನೂ ಓದಿ: MS Dhoni: ಯುವ ಪೀಳಿಗೆಗೆ ಜವಾಬ್ದಾರಿ ನೀಡಬೇಕಿದೆ: ಮುಂದಿನ ನಡೆಯ ಬಗ್ಗೆ ಸುಳಿವು ನೀಡಿದ ಧೋನಿ
Published by: zahir
First published: November 4, 2020, 9:27 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories