MS Dhoni: ಮುಂದಿನ ಐಪಿಎಲ್​ನಲ್ಲಿ ಕ್ಯಾಪ್ಟನ್​ ಕೂಲ್​ ಆಡ್ತಾರ? ಪಂಜಾಬ್​ ವಿರುದ್ಧದ ಟಾಸ್​ ವೇಳೆ ಸೀಕ್ರೆಟ್​ ತೆರೆದಿಟ್ಟ ಧೋನಿ

Mahendra Singh Dhoni IPL Retirement: ಐಪಿಎಲ್​ ಇನ್ನೂ ಮುಗಿಯದಿದ್ದರೂ, ಧೋನಿ ನಿವೃತ್ತಿ ಬಗ್ಗೆ ಚರ್ಚೆ ಆರಂಭವಾಗಿದೆ. ಈ ಊಹಾಪೋಹಗಳಿಗೆ ತೆರೆ ಎಳೆದ ಧೋನಿ, ಇಂದಿನ ಪಂಜಾಬ್​ ಕಿಂಗ್ಸ್​ ವಿರುದ್ಧದ ಪಂದ್ಯದ ಟಾಸ್​ ವೇಳೆ ಮಾಹಿತಿ ನೀಡಿದ್ದಾರೆ.

ಧೋನಿ ಫೈಲ್​ ಫೋಟೊ

ಧೋನಿ ಫೈಲ್​ ಫೋಟೊ

  • Share this:
    ದುಬೈ: ಮಹೇಂದ್ರ ಸಿಂಗ್​ ಧೋನಿ ಮುಂದಿನ ಐಪಿಎಲ್​ ಆಡುತ್ತಾರ ಅಥವಾ ಇದೇ ಅವರ ಕಡೆಯ ಐಪಿಎಲ್​ ಪಂದ್ಯಾವಳಿಯಾ? ಈ ಬಗ್ಗೆ ಎಲ್ಲರಲ್ಲೂ ಕುತೂಹಲವಿದೆ. ಧೋನಿ ಬ್ಯಾಟ್​ ಇತ್ತೀಚೆಗೆ ಸದ್ದು ಮಾಡುವುದನ್ನು ನಿಲ್ಲಿಸಿದೆಯಾದರೂ ಅವರ ನಾಯಕತ್ವದ ಸ್ಕಿಲ್​ ಇನ್ನೂ ಹರಿತವಾಗಿಯೇ ಇದೆ. ಈ ಕಾರಣಕ್ಕೇ Chennai Super Kings​ ಈಗಾಗಲೇ IPL 2021 Playoff​ ಪ್ರವೇಶಿಸಿದೆ. ದೈತ್ಯ ತಂಡಗಳಾದ ಮುಂಬೈ (Mumbai Indians), ಪಂಜಾಬ್ (Punjab Kings)​, ರಾಜಸ್ಥಾನ (Rajasthan Royals), ಆರ್​ಸಿಬಿ (Royal Challengers Bangalore) ಸೇರಿದಂತೆ ಎಲ್ಲಾ ತಂಡಗಳ ಮೇಲೂ ಸಿಎಸ್​ಕೆ ಈ ಬಾರಿಯ ಐಪಿಎಲ್​ನಲ್ಲಿ ಸವಾರಿ ಮಾಡಿದೆ. ಅದಕ್ಕೆ ಒಂದರ್ಥದಲ್ಲಿ ಕ್ಯಾಪ್ಟನ್​ ಕೂಲ್​ ಅವರ ನಾಯಕತ್ವವೇ ಕಾರಣ. ಐಪಿಎಲ್​ ಇನ್ನೂ ಮುಗಿಯದಿದ್ದರೂ, ಧೋನಿ ನಿವೃತ್ತಿ ಬಗ್ಗೆ ಚರ್ಚೆ ಆರಂಭವಾಗಿದೆ. ಈ ಊಹಾಪೋಹಗಳಿಗೆ ತೆರೆ ಎಳೆದ ಧೋನಿ, ಇಂದಿನ ಪಂಜಾಬ್​ ಕಿಂಗ್ಸ್​ ವಿರುದ್ಧದ ಪಂದ್ಯದ ಟಾಸ್​ ವೇಳೆ ಮಾಹಿತಿ ನೀಡಿದ್ದಾರೆ.

    ಮುಂದಿನ ಬಾರಿಯೂ ಹಳದಿ ಜರ್ಸಿಯಲ್ಲಿ ಧೋನಿ - Dhoni to be seen in Yellow jersey again:
    ಮುಂದಿನ ಐಪಿಎಲ್​ ಅಂದರೆ ಐಪಿಎಲ್​ 2022ರಲ್ಲಿ ಮಹೇಂದ್ರ ಸಿಂಗ್​ ಧೋನಿ ಆಡಲಿದ್ದಾರೆ. ಹೌದು, ಈ ಬಗ್ಗೆ ಧೋನಿಯವರೇ ಇಂದಿನ ಟಾಸ್​ನಲ್ಲಿ ಹೇಳಿದ್ದಾರೆ. Commentator Danny Morrison ಮುಂದಿನ ಐಪಿಎಲ್​ನಲ್ಲಿ ನೀವು ಆಡುತ್ತೀರಾ ಎಂದು ಪ್ರಶ್ನೆ ಕೇಳಿದಾಗ ಉತ್ತರಿಸಿದ ಧೋನಿ, ಮುಂದಿನ ವರ್ಷವೂ ಹಳದಿ ಜರ್ಸಿಯಲ್ಲಿ ನನ್ನನ್ನು ಕಾಣುತ್ತೀರಿ ಎಂದು ಹೇಳಿದ್ದಾರೆ. ಮುಂದುವರೆದ ಅವರು, ಈಗಲೇ ಸರಿಯಾಗಿ ಹೇಳಲು ಸಾಧ್ಯವಿಲ್ಲ. ಎಲ್ಲವೂ ಐಪಿಎಲ್​ ಹೊಸ ನಿಯಮಾವಳಿಗಳ ಮೇಲೆ ನಿರ್ಧರಿತವಾಗಿದೆ ಎಂದು ಹೇಳಿದ್ದಾರೆ. ಮುಂದಿನ ವರ್ಷ ಐಪಿಎಲ್​ನಲ್ಲಿ ಎರಡು ಹೊಸ ತಂಡಗಳು ಸೇರ್ಪಡೆಯಾಗಲಿವೆ ಮತ್ತು ಎಷ್ಟು ಭಾರತೀಯ ಮತ್ತು ವಿದೇಶಿ ಆಟಗಾರರನ್ನು ತಂಡಗಳು ರೀಟೇನ್​ ಮಾಡಬಹುದು ಎಂಬ ನಿಯಮಾವಳಿ ಬದಲಾಗಲಿದೆ. ಈ ಕಾರಣಕ್ಕಾಗಿ, ನಿಯಮಾವಳಿಯ ಮೇಲೆ ಆಡುವ ಅಥವಾ ನಿವೃತ್ತಿ ಘೋಷಿಸುವ ನಿರ್ಧಾರ ಮಾಡಲಿದ್ದೇನೆ ಎಂದು ಧೋನಿ ಹೇಳಿದ್ದಾರೆ.

    ಇದನ್ನೂ ಓದಿ: IPL 2021 Playoffs- ಐಪಿಎಲ್ ಪ್ಲೇ ಆಫ್: ಯಾವ್ಯಾವ ತಂಡಗಳಿಗೆ ಎಷ್ಟು ಚಾನ್ಸ್? ಇಲ್ಲಿದೆ ಲೆಕ್ಕಾಚಾರ

    ಮಹೇಂದ್ರ ಸಿಂಗ್​ ಧೋನಿ 2008ರಲ್ಲಿ ಐಪಿಎಲ್​ ಆರಂಭವಾದಾಗಿನಿಂದಲೂ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಬೆಟ್ಟಿಂಗ್​ ಆರೋಪಕ್ಕೆ ತಂಡವನ್ನು ಎರಡು ವರ್ಷ ಸಸ್ಪೆಂಡ್​ ಮಾಡಿದಾಗ ಮಾತ್ರ ಪುಣೆ ತಂಡದ ಪರ ಆಡಿದ್ದರು. ಆದರೆ ಆಗ ತಂಡದ ನಾಯಕತ್ವ ಅವರ ಬಳಿಯಿರಲಿಲ್ಲ. ಮಿಸ್ಟರ್​ ಟಿ-20 ಎಂದೇ ಕರೆಸಿಕೊಳ್ಳುವ ಸುರೇಶ್​ ರೈನಾ ಮತ್ತು ಧೋನಿ ಚೆನ್ನೈ ಫ್ರಾಂಚೈಸಿಯ ಆಧಾರ ಸ್ಥಂಭವಾಗಿದ್ದಾರೆ. ಇಬ್ಬರೂ ಇದೇ ತಂಡಕ್ಕೆ ಅತಿ ಹೆಚ್ಚು ಪಂದ್ಯಗಳಲ್ಲಿ ಆಡಿದ್ದಾರೆ. ಸದ್ಯ ಧೋನಿ 40 ವರ್ಷವಾಗಿದ್ದು ಮುಂದಿನ ವರ್ಷವೂ ಫಿಟ್​ನೆಸ್​ ಉಳಿಸಿಕೊಂಡಿರುತ್ತಾರ ಎಂಬುದೇ ಎಲ್ಲರ ಪ್ರಶ್ನೆಯಾಗಿದೆ.

    ಚೆನ್ನೈ - ಪಂಜಾಬ್​ ಪಂದ್ಯ:

    ಇಂದು ನಡೆಯುತ್ತಿರುವ ಪಂಜಾಬ್​ ಕಿಂಗ್ಸ್​ ಮತ್ತು ಚೆನ್ನೈ ಸೂಪರ್​ ಕಿಂಗ್ಸ್​ ನಡುವಿನ ಪಂದ್ಯದಲ್ಲಿ ಚೆನ್ನೈಗೆ ಆರಂಭಿಕ ಆಘಾತವಾಗಿದೆ. ಉತ್ತಮ ಲಯದಲ್ಲಿದ್ದ ಋತುರಾಜ್​ ಗಾಯಕ್ವಾಡ್​ ಬೇಗ ವಿಕೆಟ್​ ಸಲ್ಲಿಸಿದರೆ, ನಂತರ ಬಂದ ಮೋಯಿನ್​ ಅಲಿ, ರಾಬಿನ್​ ಉತ್ತಪ್ಪ, ಅಂಬಾಟಿ ರಾಯುಡು ಮತ್ತು ಧೋನಿ ಕಡಿಮೆ ಮೊತ್ತಕ್ಕೆ ವಿಕೆಟ್​ ಒಪ್ಪಿಸಿದರು. ಟಾಸ್​ ಗೆದ್ದು ಬೌಲಿಂಗ್​ ಆಯ್ಕೆ ಮಾಡಿದ ಕೆಎಲ್​ ರಾಹುಲ್​, ಪಂದ್ಯವನ್ನು ಗೆದ್ದರೂ ಪ್ಲೇ ಆಫ್​ ಕನಸು ಅಸಾಧ್ಯ. ಒಂದು ವೇಳೆ ಪಂಜಾಬ್​ ಪ್ಲೇ ಆಫ್​ಗೆ ಹೋಗಬೇಕು ಎಂದರೆ ಪವಾಡವೇ ಆಗಬೇಕು.

    ಇದನ್ನೂ ಓದಿ: KKR - MI Playoff Chances: ಐಪಿಎಲ್​ ಪ್ಲೇಆಫ್​ಗೆ ಆಯ್ಕೆಯಾಗಲು ಕೆಕೆಆರ್​ - ಮುಂಬೈ ಇಂಡಿಯನ್ಸ್​ಗೆ ಕಡೆಯ ಅವಕಾಶ

    ಚೆನ್ನೈ ಇಂದಿನ ಪಂದ್ಯದಲ್ಲಿ ಗೆದ್ದರೆ ಪಾಯಿಂಟ್ಸ್​ ಪಟ್ಟಿಯಲ್ಲಿ 20 ಅಂಕಗಳೊಂದಿಗೆ ಅಗ್ರ ಸ್ಥಾನಕ್ಕೇರಲಿದೆ. ಆದರೆ ಸದ್ಯ ಮೊದಲ ಸ್ಥಾನದಲ್ಲಿರುವ ಡೆಲ್ಲಿ ಕ್ಯಾಪಿಟಲ್ಸ್​ಗೆ ಇನ್ನೂ ಒಂದು ಪಂದ್ಯವಿದ್ದು ಅದರಲ್ಲಿ ಗೆದ್ದರೆ 22 ಅಂಕಗಳೊಂದಿಗೆ ಟೇಬಲ್​ನಲ್ಲಿ ಅಗ್ರಸ್ಥಾನದಲ್ಲಿ ವಿರಾಜಮಾನವಾಗಲಿದೆ. ಡೆಲ್ಲಿ, ಚೆನ್ನೈ ಮತ್ತು ಆರ್​ಸಿಬಿ ತಂಡ ಈಗಾಗಲೇ ಪ್ಲೇ ಆಫ್​ಗೆ ಆಯ್ಕೆಯಾಗಿದ್ದು, ನಾಲ್ಕನೇ ಸ್ಥಾನಕ್ಕೆ ಮುಂಬೈ ಮತ್ತು ಕೋಲ್ಕತ್ತಾ ಪೈಪೋಟಿಯಲ್ಲಿದೆ. ಮುಂಬೈ ಮತ್ತು ಕೆಕೆಆರ್​ ಎರಡೂ ತಂಡಗಳಿಗೆ ಒಂದು ಪಂದ್ಯ ಬಾಕಿಯಿದ್ದು ಇಬ್ಬರೂ ಗೆದ್ದಲ್ಲಿ, ಅಂಕ ಮತ್ತೆ ಸಮವಾಗಲಿದೆ. ಆದರೆ ಕೋಲ್ಕತ್ತಾ ಮುಂಬೈಗಿಂತ ಉತ್ತಮ ರನ್​ ರೇಟ್​ ಹೊಂದಿದೆ. ಇಬ್ಬರೂ ಪಂದ್ಯದಲ್ಲಿ ಗೆದ್ದರೆ, ರನ್​ ರೇಟ್​ ಮೇಲೆ ಕೆಕೆಆರ್​ ಪ್ಲೇ ಆಫ್​ಗೆ ಹೋಗಲಿದೆ. ಕೆಕೆಆರ್​ ಸೋತು, ಮುಂಬೈ ಗೆದ್ದರೆ ಮುಂಬೈ ಪ್ಲೇ ಆಫ್​ ಪ್ರವೇಶಿಸಲಿದೆ.
    Published by:Sharath Sharma Kalagaru
    First published: