Virat Kohli: ಉಲ್ಟಾ ಬ್ಯಾಟ್​ನಲ್ಲಿ ಸಿಕ್ಸ್​ ಹೊಡೆದ ವಿರಾಟ್ ಕೊಹ್ಲಿ; ವಿಚಿತ್ರ ಶಾಟ್​ ನೋಡಿ ಸಿಎಸ್​ಕೆ ಬೌಲರ್​ ದಂಗು

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ನಾಯಕ ವಿರಾಟ್​ ಕೊಹ್ಲಿ ನಿನ್ನೆ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ ಅಬ್ಬರದ ಪ್ರದರ್ಶನ ನೀಡಿದ್ದಾರೆ. ಯಾರೂ ಊಹಿಸದ ರೀತಿಯಲ್ಲಿ ಸಿಡಿದೆದ್ದ ಕೊಹ್ಲಿ ಬಗ್ಗೆ ಮೆಚ್ಚುಗೆಯ ಮಹಾ ಪೂರವೇ ಹರಿದು ಬಂದಿದೆ. ನಿನ್ನೆಯ ಪಂದ್ಯದಲ್ಲಿ ಆರ್​ಸಿಬಿ ಗೆಲ್ಲಲು ಕೊಹ್ಲಿಯ ಪಾತ್ರ ದೊಡ್ಡದಾಗಿದೆ. ಈ ಮಧ್ಯೆ, ಕೊಹ್ಲಿ ಹೊಡೆದ ಚಿತ್ರ-ವಿಚಿತ್ರ ಶಾಟ್​ಗಳನ್ನು ನೋಡಿ ಚೆನ್ನೈ ಬೌಲರ್​ಗಳು ದಂಗಾಗಿದ್ದಾರೆ. ಆರ್​ಸಿಬಿ ಆರಂಭದಲ್ಲೇ ಆ್ಯರೋನ್ ಫಿಂಚ್ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ದೀಪಕ್ ಚಹಾರ್ ಬೌಲಿಂಗ್​ನಲ್ಲಿ ಫಿಂಚ್(2) ಬೌಲ್ಡ್​ ಆದರು. ಆದರೆ, ಎರಡನೇ ವಿಕೆಟ್​ಗೆ ನಾಯಕ ವಿರಾಟ್ ಕೊಹ್ಲಿ ಹಾಗೂ ದೇವದತ್ ಪಡಿಕ್ಕಲ್ ಉತ್ತಮ ಆಟ ಪ್ರದರ್ಶಿಸಿದರು. ಈ ಜೋಡಿ ಅರ್ಧಶತಕದ ಜೊತೆಯಾಟ ಆಡಿತು. ಆದರೆ, 11ನೇ ಓವರ್​ನಲ್ಲಿ ಪಡಿಕ್ಕಲ್ 34 ಎಸೆತಗಳಲ್ಲಿ 33 ರನ್ ಗಳಿಸಿದ್ದಾಗ ಔಟ್ ಆಗಿ ಶಾಕ್ ನೀಡಿದರು. ಬಂದ ಬೆನ್ನಲ್ಲೇ ಎಬಿ ಡಿವಿಲಿಯರ್ಸ್​ ಶೂನ್ಯಕ್ಕೆ ಔಟ್ ಆಗಿದ್ದು ತಂಡಕ್ಕೆ ದೊಡ್ಡ ಹೊಡೆತ ಬಿದ್ದಿತು. ವಾಷಿಂಗ್ಟನ್ ಸುಂದರ್ 10 ರನ್​ಗೆ ಬ್ಯಾಟ್ ಕೆಳಗಿಟ್ಟರು. ಈ ನಡುವೆ ವಿರಾಟ್ ಕೊಹ್ಲಿ ತಂಡದ ರನ್ ಗತಿಯನ್ನ ಏರಿಸಲು ಶ್ರಮಿಸಿದರು. ಕೊನೆಯ ಹಂತದಲ್ಲಿ ಶಿವಂ ದುಬೆ ಜೊತೆಯಾಗಿ ವಿರಾಟ ಪ್ರದರ್ಶನ ತೋರಿದ ಕೊಹ್ಲಿ ಅರ್ಧಶತಕ ಸಿಡಿಸಿ ತಂಡದ ಮೊತ್ತವನ್ನು 150ರ ಗಡಿ ದಾಟಿಸಿದರು.

ಈ ಮಧ್ಯೆ ಕೊಹ್ಲಿ ಹೊಡೆದ ಒಂದು ಶಾಟ್​ ಎಲ್ಲರ ಗಮನ ಸೆಳೆದಿದೆ. ಅದು 14ನೇ ಓವರ್​ನ ಮೊದಲ ಬಾಲ್​. ಸ್ಯಾಮ್ ಕರನ್ ಬೌಲಿಂಗ್​ಗೆ ಇಳಿದಿದ್ದರು. ಕರನ್​ ಹಾಕಿದ ಬೌಲ್​ ಅನ್ನು ಎಡಭಾಗಕ್ಕೆ ಅಟ್ಟಲು ಕೊಹ್ಲಿ ಬ್ಯಾಟ್​ ಬೀಸಿದ್ದರು. ಆದರೆ ಬೌಲ್​ ಬ್ಯಾಟ್​ನ ಮತ್ತೊಂದು ಭಾಗಕ್ಕೆ ತಾಗಿ ಹಿಂಭಾಗದಲ್ಲಿ ಸಿಕ್ಸ್​ ಹೋಗಿದೆ. ಈ ವಿಡಿಯೋ ನೋಡಿದವರು ಕೊಹ್ಲಿ ಹೊಸ ಶಾಟ್​ ಒಂದನ್ನು ಕಂಡು ಹಿಡಿದಿದ್ದಾರೆ ಎಂದು ಅಚ್ಚರಿ ಹೊರ ಹಾಕಿದ್ದಾರೆ.



ಈ ವಿಡಿಯೋ ಸಾಕಷ್ಟು ವೈರಲ್​ ಆಗಿದೆ.

Yesterday is all about KingKohli👑 .#ViratKohli pic.twitter.com/T1KEIvTakI

— Ricky👑 (@Rickytwts) October 11, 2020

#ViratKohli Running between wickets is the
of the town now...how many of you thought its a runout..?#CSKvRCB #IPL2020 pic.twitter.com/oZWUtxslj9

— Sathish Murugesan (@sarthish4ever) October 11, 2020

ವಿರಾಟ್​ ಬಗ್ಗೆ ಮಾಡಲಾದ ಟ್ವೀಟ್​ಗಳು