Virat Kohli: CSK ವಿರುದ್ಧ RCB ಮುಗ್ಗರಿಸಿದರೂ ಹೊಸ ದಾಖಲೆ ಮುಡಿಗೇರಿಸಿಕೊಂಡ ವಿರಾಟ್ ಕೊಹ್ಲಿ..!

IPL 2020: ಇನ್ನು ಕೊಹ್ಲಿಗಿಂತ ಮುಂಚಿತವಾಗಿ ಈ ಸಾಧನೆಗೈದ ಭಾರತೀಯ ಕ್ರಿಕೆಟರುಗಳೆಂದರೆ ಮಹೇಂದ್ರ ಸಿಂಗ್ ಧೋನಿ (216) ಹಾಗೂ ರೋಹಿತ್ ಶರ್ಮಾ (209).

Virat Kohli

Virat Kohli

  • Share this:
    IPL 2020 ವಿರಾಟ್ ಕೊಹ್ಲಿ ಪಾಲಿನ ಹಲವು ದಾಖಲೆಗಳಿಗೆ ಸಾಕ್ಷಿಯಾಗಿವೆ. ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದ ಮೂಲಕ ಕೊಹ್ಲಿ ಆರ್​ಸಿಬಿ ಪರ 200 ಪಂದ್ಯಗಳನ್ನಾಡಿದ ದಾಖಲೆ ಬರೆದಿದ್ದರು. ಅಲ್ಲದೆ ಎಬಿ ಡಿವಿಲಿಯರ್ಸ್ ಜೊತೆಗೂಡಿ 10 ಶತಕಗಳ ಜೊತೆಯಾಟದ ದಾಖಲೆ ಕೂಡ ಇದೇ ಸೀಸನ್​ನಲ್ಲಿ ಮೂಡಿಬಂದಿತ್ತು. ಇದರೊಂದಿಗೆ 13ನೇ ಐಪಿಎಲ್​ ಆವೃತ್ತಿ ಮೂಲಕ ಕೊಹ್ಲಿ ಟಿ20 ಕ್ರಿಕೆಟ್​ನಲ್ಲಿ 9 ಸಾವಿರ ರನ್​ಗಳ ಸಾಧನೆಯನ್ನು ಮಾಡಿದ್ದರು. ಇದೀಗ ಈ ಪಟ್ಟಿಗೆ ಮತ್ತೊಂದು ದಾಖಲೆ ಸೇರ್ಪಡೆಯಾಗಿದೆ.

    ಹೌದು, ಇಂಡಿನ್ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಇತಿಹಾಸದಲ್ಲಿ 200 ಸಿಕ್ಸರ್‌ಗಳನ್ನು ಬಾರಿಸಿ ಟಾಪ್ ಐದು ಬ್ಯಾಟ್ಸ್​ಮನ್​ಗಳ ಪಟ್ಟಿಗೆ ವಿರಾಟ್ ಕೊಹ್ಲಿ ಎಂಟ್ರಿ ಕೊಟ್ಟಿದ್ದರು. ಈ ದಾಖಲೆಯನ್ನು ಬರೆದ ಭಾರತದ ಮೂರನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಭಾನುವಾರ ಸಿಎಸ್​ಕೆ ವಿರುದ್ಧ ನಡೆದ ಪಂದ್ಯದಲ್ಲಿ ಕೊಹ್ಲಿ 43 ಎಸೆತಗಳನ್ನು ಎದುರಿಸಿ 50 ರನ್‌ ಗಳಿಸಿದರು. ಇದರಲ್ಲಿ ತಲಾ ಒಂದು ಫೋರ್‌ ಮತ್ತು ಸಿಕ್ಸರ್‌ ಮೂಡಿಬಂದಿತ್ತು. ಈ ಏಕೈಕ ಸಿಕ್ಸರ್​ನೊಂದಿಗೆ ಕೊಹ್ಲಿ ಐಪಿಎಲ್‌ ವೃತ್ತಿಜೀವನದಲ್ಲಿ ಒಟ್ಟು 200 ಸಿಕ್ಸರ್‌ಗಳ ಗಡಿ ಮುಟ್ಟಿದರು.

    ಇನ್ನು ಕೊಹ್ಲಿಗಿಂತ ಮುಂಚಿತವಾಗಿ ಈ ಸಾಧನೆಗೈದ ಭಾರತೀಯ ಕ್ರಿಕೆಟರುಗಳೆಂದರೆ ಮಹೇಂದ್ರ ಸಿಂಗ್ ಧೋನಿ (216) ಹಾಗೂ ರೋಹಿತ್ ಶರ್ಮಾ (209). ಹಾಗೆಯೇ ಐಪಿಎಲ್​ ಇತಿಹಾಸದಲ್ಲೇ ಅತೀ ಹೆಚ್ಚು ಸಿಕ್ಸರ್‌ಗಳನ್ನು ಸಿಡಿಸಿದ ದಾಖಲೆ ಸ್ಪೋಟಕ ಆಟಗಾರ ಕ್ರಿಸ್‌ ಗೇಲ್‌ (336) ಹೆಸರಲ್ಲಿದೆ. ನಂತರದ ಸ್ಥಾನದಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ಹೊಡಿಬಡಿ ದಾಂಡಿಗ ಎಬಿ ಡಿ'ವಿನಲಿಯರ್ಸ್‌ (231) ಇದ್ದಾರೆ.
    POINTS TABLE:

    SCHEDULE TIME TABLE:

    ORANGE CAP:

    PURPLE CAP:

    RESULT DATA:

    MOST SIXES:

    ಇದನ್ನೂ ಓದಿ: IPL 2020: 3ನೇ ವರ್ಷಕ್ಕೆ CSK ಸುಸ್ತು: ಡ್ಯಾಡಿಸ್ ಆರ್ಮಿ ವಿರುದ್ಧ ಕಿಡಿಕಾರಿದ ಕೋಚ್​
    Published by:zahir
    First published: