IPL

  • associate partner

IPL 2020: ಬ್ಯಾಟ್​ ಖರೀದಿಸುತ್ತಿರುವ ಸುರೇಶ್​​ ರೈನಾ-ರಿಷಭ್​ ಪಂತ್​; ಐಪಿಎಲ್​ಗೆ ಭರ್ಜರಿ ಸಿದ್ಧತೆ

Suresh Raina: ಸುರೇಶ್​ ರೈನಾ ಮತ್ತು ರಿಷಭ್​ ಪಂತ್​ ದೆಹಲಿಯಲ್ಲಿ ಜತೆಯಾಗಿ ಅಭ್ಯಾಸ ಮಾಡುತ್ತಿದ್ದಾರೆ. ಇದೀಗ ಜತೆಯಾಗಿ ಮೀರತ್​ನಲ್ಲಿರುವ ಎಸ್​ಜಿ ಕ್ರಿಕೆಟ್​ ಫ್ಯಾಕ್ಟರಿಗೆ ತೆರಳಿ ಹೊಸ ಬ್ಯಾಟ್​​ ಖರೀದಿಸಿದ್ದಾರೆ.

news18-kannada
Updated:July 27, 2020, 4:02 PM IST
IPL 2020: ಬ್ಯಾಟ್​ ಖರೀದಿಸುತ್ತಿರುವ ಸುರೇಶ್​​ ರೈನಾ-ರಿಷಭ್​ ಪಂತ್​; ಐಪಿಎಲ್​ಗೆ ಭರ್ಜರಿ ಸಿದ್ಧತೆ
ಸುರೇಶ್​ ರೈನಾ- ರಿಷಭ್​ ಪಂತ್​
  • Share this:
ಐಪಿಎಲ್​ 13ನೇ ಆವೃತ್ತಿಯ ದಿನಾಂಕ ಹೊರಬಿದ್ದಿದೆ. ಅರಬ್​ ರಾಷ್ಟ್ರದಲ್ಲಿ ಈ ಬಾರಿ ಪಂದ್ಯ ನಡೆಯಲಿದೆ. ಕೊರೋನಾ ಕಾಲಘಟ್ಟದಲ್ಲೂ ಎಲ್ಲಾ ತಂಡಗಳು ಭರದಿಂದ ಸಿದ್ಧತೆಯಲ್ಲಿ ತೊಡಗಿಸಿಕೊಂಡಿವೆ. ಕೆಲವರು ಮೈದಾನದಲ್ಲಿ ಅಭ್ಯಾಸದಲ್ಲಿ ನಿರತರಾಗಿದ್ದರೆ. ಇನ್ನು ಕೆಲವರು ಐಪಿಎಲ್​ಗಾಗಿ ಶಾಪಿಂಗ್ ಮಾಡುತ್ತಿದ್ದಾರೆ. ಅದರಂತೆ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಪ್ರಮುಖ ಬ್ಯಾಟ್ಸ್​ಮನ್​​ ಸುರೇಶ್​ ರೈನಾ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​​ ತಂಡದ ವಿಕೆಟ್​ ಕೀಪರ್​​, ಬ್ಯಾಟ್ಸ್​ಮನ್​ ರಿಷಭ್​ ಪಂತ್​ ಬ್ಯಾಟ್​ ಶಾಪಿಂಗ್​ ಮಾಡುತ್ತಿದ್ದಾರೆ.

ಸುರೇಶ್​ ರೈನಾ ಮತ್ತು ರಿಷಭ್​ ಪಂತ್​ ದೆಹಲಿಯಲ್ಲಿ ಜತೆಯಾಗಿ ಅಭ್ಯಾಸ ಮಾಡುತ್ತಿದ್ದಾರೆ. ಇದೀಗ ಜತೆಯಾಗಿ ಮೀರತ್​ನಲ್ಲಿರುವ ಎಸ್​ಜಿ ಕ್ರಿಕೆಟ್​ ಫ್ಯಾಕ್ಟರಿಗೆ ತೆರಳಿ ಹೊಸ ಬ್ಯಾಟ್​​ ಖರೀದಿಸಿದ್ದಾರೆ.

ಈ ಬಗ್ಗೆ ವಿಡಿಯೋದ ಜೊತೆಗೆ ಟ್ವೀಟ್​ ಮಾಡಿರುವ ಸುರೇಶ್​ ರೈನಾ, ‘ನನ್ನ ಬ್ಯಾಟ್​​ ಅಂತಿಮಗೊಳಿಸುವ ಮೊದಲ ಹೆಜ್ಜೆಯೊಂದಿಗೆ, ಬಹುನಿರೀಕ್ಷಿತ ಐಪಿಎಲ್​ ಟೂರ್ನಿಗೆ ಸಿದ್ಧತೆ ಆರಂಭಿಸಿದ್ದೇನೆ. ಮತ್ತೆ ಮೈದಾನದತ್ತ ಹೋಗಲು ಕಾತುರನಾಗಿದ್ದೇನೆ. ಒಮ್ಮೆಗೆ ಒಂದೇ ಹೆಜ್ಜೆ’ ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ರಿಷಭ್​ ಪಂತ್​ಗೆ ಟ್ಯಾಗ್​ ಮಾಡಿದ್ದಾರೆ.

ಇನ್ನು ವಿಡಿಯೋದಲ್ಲಿ ಸುರೇಶ್​ ರೈನಾ ಮತ್ತು ರಿಷಭ್​ ಪಂತ್​​ ಮಾಸ್ಕ್​​ ಧರಿಸಿಕೊಂಡು ಬ್ಯಾಟ್​ ಶಾಪಿಂಗ್ ಮಾಡಿದ್ದಾರೆ. ಬ್ಯಾಟ್​​ ಮುಟ್ಟಿದ ಬಳಿಕ ಸ್ಯಾನಿಟೈಸರ್​ ಬಳಸಿ ಕೈಯನ್ನು ಸ್ವಚ್ಛ ಮಾಡಿಕೊಂಡಿದ್ದಾರೆ.

ಐಪಿಎಲ್​ ಪಂದ್ಯಾಟಕ್ಕೆ ಸುಮಾರು 1 ತಿಂಗಳು ಮಾತ್ರ ಬಾಕಿ ಇದೆ. ಸೆಪ್ಟೆಂಬರ್​ 19 ರಂದು ಪಂದ್ಯ ಪ್ರಾರಂಭವಾಗಲಿದೆ. ನವೆಂಬರ್​ 8ಕ್ಕೆ ಅಂತಿಮ ಪಂದ್ಯ ನಡೆಯಲಿದೆ. ಕ್ರಿಕೆಟ್​ ಪ್ರೇಮಿಗಳಂತೂ ತಮ್ಮ ತಂಡದ ನೆಚ್ಚಿನ ಪ್ರದರ್ಶನವನ್ನು ಕಾಣಲು ಕಾತುರರಾಗಿದ್ದಾರೆ.
Published by: Harshith AS
First published: July 27, 2020, 4:02 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading