IPL 2021: ಐಪಿಎಲ್ ಪುನರಾರಂಭದ ಬಗ್ಗೆ ಸುಳಿವು ನೀಡಿದ ಗಂಗೂಲಿ

ಕೊರೋನಾ ಕಾರಣದಿಂದ ಭಾರತದಿಂದ ಟಿ20 ವಿಶ್ವಕಪ್ ಯುಎಇಗೆ ಶಿಫ್ಟ್ ಆಗುವ ಸಾಧ್ಯತೆ ಕೂಡ ಇದೆ. ಆದರೆ ಈ ಹಿಂದೆ ಯುಎಇನಲ್ಲೂ ಐಪಿಎಲ್​ನ್ನು ಬಿಸಿಸಿಐ ಯಶಸ್ವಿಯಾಗಿ ಆಯೋಜಿಸಿದ್ದು, ಹೀಗಾಗಿ ಯುಎಇನಲ್ಲೂ ಟಿ20 ವಿಶ್ವಕಪ್ ನಡೆದರೆ, ಅಲ್ಲೂ ಕೂಡ ಐಪಿಎಲ್ ನಡೆಸುವ ಆಯ್ಕೆ ಬಿಸಿಸಿಐ ಮುಂದಿದೆ.

sourav ganguly

sourav ganguly

  • Share this:
    ಇಂಡಿಯನ್ ಪ್ರೀಮಿಯರ್ ಲೀಗ್ ಕೊರೋನಾ ಕಾರಣದಿಂದ ಅರ್ಧದಲ್ಲೇ ನಿಂತು ಹೋಗಿದೆ. 60 ಪಂದ್ಯಗಳಲ್ಲಿ 29 ಮ್ಯಾಚ್​ಗಳನ್ನು ಮಾತ್ರ ಆಡಲಾಗಿದ್ದು, ಇನ್ನೂ 31 ಪಂದ್ಯಗಳನ್ನು ಆಯೋಜಿಸಬೇಕಾದ ಅನಿವಾರ್ಯತೆ ಬಿಸಿಸಿಐ ಮುಂದಿದೆ. ಹೀಗಾಗಿ ಟೂರ್ನಿಯನ್ನು ಮುಂದೂಡಲಾಗಿದ್ದು, ಖಂಡಿತವಾಗಿಯೂ ಪುನಾರಂಭವಾಗಲಿದೆ ಎಂಬುದನ್ನು ಬಿಸಿಸಿಐ ಉಪಾಧ್ಯಕ್ಷ ರಾಜೀವ್ ಶುಕ್ಲಾ ತಿಳಿಸಿದ್ದರು.

    ಇದೀಗ ಈ ಬಗ್ಗೆ ಮಾತನಾಡಿರುವ ಸೌರವ್ ಗಂಗೂಲಿ ಕೂಡ ಐಪಿಎಲ್ ಮುಂದುವರೆಯುವುದನ್ನು ಸ್ಪಷ್ಟಪಡಿಸಿದ್ದಾರೆ. ಇದಕ್ಕೆ ಬೇಕಾದ ಸಿದ್ಧತೆಗಳನ್ನು ಮಾಡಿಕೊಳ್ಳಲಿದ್ದೇವೆ ಎಂದಿದ್ದಾರೆ ಗಂಗೂಲಿ. ಬಯೋಬಬಲ್ ವೈಫಲ್ಯದಿಂದಾಗಿ ಐಪಿಎಲ್​ನ್ನು ಅರ್ಧದಲ್ಲೇ ಮೊಟಕುಗೊಳಿಸಬೇಕಾದ ಅನಿವಾರ್ಯತೆ ಎದುರಾಗಿದೆ. ಇದಾಗ್ಯೂ ಮತ್ತೊಮ್ಮೆ ಟೂರ್ನಿಯನ್ನು ಸುರಕ್ಷಿತವಾಗಿ ಆಯೋಜಿಸುವುದಾಗಿ ಗಂಗೂಲಿ ತಿಳಿಸಿದ್ದಾರೆ.

    ಇನ್ನು ಟಿ20 ವಿಶ್ವಕಪ್​ಗೂ ಮುನ್ನ ಐಪಿಎಲ್ ನಡೆಯಲಿದೆಯಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಗಂಗೂಲಿ, ಐಪಿಎಲ್ ಮುಂದೂಡಿ ಕೆಲವು ದಿನಗಳು ಮಾತ್ರ ಆಗಿದೆ. ಇದೀಗ ಮತ್ತೊಮ್ಮೆ ಆಯೋಜಿಸುವುದರ ಬಗ್ಗೆ ಒಂದಷ್ಟು ರೂಪುರೇಷೆಗಳನ್ನು ಸಿದ್ಧಪಡಿಸಬೇಕಿದೆ. ಅದರಂತೆ ಟಿ20 ವಿಶ್ವಕಪ್​ಗೂ ಮುನ್ನವೇ ಟೂರ್ನಿಯನ್ನು ಆಯೋಜಿಸುವ ಆಯ್ಕೆ ನಮ್ಮ ಮುಂದಿದೆ. ಇದಕ್ಕಾಗಿ ಎಲ್ಲಾ ದೇಶಗಳ ಕ್ರಿಕೆಟ್ ಬೋರ್ಡ್​ಗಳ ಜೊತೆ ಮಾತುಕತೆ ನಡೆಸಬೇಕಿದೆ ಎಂದು ಗಂಗೂಲಿ ತಿಳಿಸಿದ್ದಾರೆ.

    ಇದರೊಂದಿಗೆ ಟಿ20 ವಿಶ್ವಕಪ್​ಗೂ ಮುನ್ನವೇ ಐಪಿಎಲ್ ನಡೆಯಲಿರುವುದು ಬಹುತೇಕ ಖಚಿತವಾದಂತಾಗಿದೆ. ಎಲ್ಲಾ ಕ್ರಿಕೆಟ್ ಬೋರ್ಡ್​​ಗಳು ಸಮ್ಮತಿಸಿದರೆ, ಭಾರತದಲ್ಲಿ ಟಿ20 ವಿಶ್ವಕಪ್​ ನಡೆಯುವ ಮುನ್ನ ಐಪಿಎಲ್ ಜರುಗಲಿದೆ. ಏಕೆಂದರೆ ಟಿ20 ವಿಶ್ವಕಪ್​ಗಾಗಿ ಎಲ್ಲಾ ತಂಡಗಳು ಭಾರತಕ್ಕೆ ಬರಲಿದ್ದು, ಇದೇ ಸಮಯದಲ್ಲಿ ಟೂರ್ನಿಯನ್ನು ಪೂರ್ಣಗೊಳಿಸುವುದು ಸುಲಭ.

    ಇದಾಗ್ಯೂ ಕೊರೋನಾ ಕಾರಣದಿಂದ ಭಾರತದಿಂದ ಟಿ20 ವಿಶ್ವಕಪ್ ಯುಎಇಗೆ ಶಿಫ್ಟ್ ಆಗುವ ಸಾಧ್ಯತೆ ಕೂಡ ಇದೆ. ಆದರೆ ಈ ಹಿಂದೆ ಯುಎಇನಲ್ಲೂ ಐಪಿಎಲ್​ನ್ನು ಬಿಸಿಸಿಐ ಯಶಸ್ವಿಯಾಗಿ ಆಯೋಜಿಸಿದ್ದು, ಹೀಗಾಗಿ ಯುಎಇನಲ್ಲೂ ಟಿ20 ವಿಶ್ವಕಪ್ ನಡೆದರೆ, ಅಲ್ಲೂ ಕೂಡ ಐಪಿಎಲ್ ನಡೆಸುವ ಆಯ್ಕೆ ಬಿಸಿಸಿಐ ಮುಂದಿದೆ. ಹೀಗಾಗಿ ಸೆಪ್ಟೆಂಬರ್-ಅಕ್ಟೋಬರ್​ನಲ್ಲಿ ಐಪಿಎಲ್​ ನಡೆಯುವುದು ಬಹುತೇಕ ಖಚಿತ. ಇತ್ತ ಸೌರವ್ ಗಂಗೂಲಿ ಕೂಡ ಇದೀಗ ಅದನ್ನೇ ಪುಷ್ಠೀಕರಿಸಿದ್ದಾರೆ.
    Published by:zahir
    First published: