Shikhar Dhawan: ಅಬ್ಬರಿಸಿದ ಗಬ್ಬರ್ ಸಿಂಗ್: IPLನಲ್ಲಿ ಯಾರೂ ಮಾಡದ ಸಾಧನೆಗೈದ ಶಿಖರ್ ಧವನ್

IPL 2020: ಈ ಇನಿಂಗ್ಸ್​ನಲ್ಲಿ 61 ಎಸೆತಗಳಿಂದ 106 ರನ್ ಬಾರಿಸಿದ ಶಿಖರ್ ಧವನ್ ಅಜೇಯರಾಗಿ ಉಳಿದರು. ತಮ್ಮ ಈ ಅಮೋಘ ಬ್ಯಾಟಿಂಗ್​ನಲ್ಲಿ 3 ಸಿಕ್ಸರ್ ಹಾಗೂ 12 ಬೌಂಡರಿಗಳು ಮೂಡಿ ಬಂದಿದ್ದವು.

Shikhar Dhawan

Shikhar Dhawan

  • Share this:
    ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಆರಂಭಿಕ ಆಟಗಾರ ಶಿಖರ್ ಧವನ್ ಐಪಿಎಲ್‌ನಲ್ಲಿ ಐದು ಸಾವಿರ ರನ್ ಪೂರೈಸಿದ ಸಾಧನೆ ಮಾಡಿದ್ದಾರೆ. ಇದರೊಂದಿಗೆ ಈ ಸಾಧನೆ ಮಾಡಿದ 5ನೇ ಬ್ಯಾಟ್ಸ್‌ಮನ್‌ ಎಂಬ ಶ್ರೇಯಕ್ಕೆ ಗಬ್ಬರ್ ಸಿಂಗ್ ಭಾಜನರಾದರು. ದುಬೈನಲ್ಲಿ ನಡೆಯುತ್ತಿರುವ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ 62 ರನ್ ಬಾರಿಸುವುದರೊಂದಿಗೆ ಧವನ್ 5 ಸಾವಿರ ರನ್ ಸರದಾರರ ಪಟ್ಟಿಗೆ ಸೇರ್ಪಡೆಯಾದರು.

    169 ಇನಿಂಗ್ಸ್​ನಲ್ಲಿ ಧವನ್ ಈ ಸಾಧನೆ ಮಾಡಿದ್ದು, ಇದರೊಂದಿಗೆ ಐಪಿಎಲ್​ನಲ್ಲಿ ಐದು ಸಾವಿರ ರನ್ ಪೂರೈಸಿದ ನಾಲ್ಕನೇ ಭಾರತೀಯ ಬ್ಯಾಟ್ಸ್​ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇದಕ್ಕೂ ಮುನ್ನ ಡೇವಿಡ್ ವಾರ್ನರ್ (135 ಪಂದ್ಯಗಳಲ್ಲಿ 5000+), ವಿರಾಟ್ ಕೊಹ್ಲಿ (186 ಪಂದ್ಯಗಳಲ್ಲಿ 5759), ಸುರೇಶ್ ರೈನಾ (183 ಪಂದ್ಯಗಳಲ್ಲಿ 5468) ಹಾಗೂ ರೋಹಿತ್ ಶರ್ಮಾ (196 ಪಂದ್ಯಗಳಲ್ಲಿ 5149) ರನ್ ಪೂರೈಸಿದ್ದಾರೆ.

    ಇದೇ ಪಂದ್ಯದಲ್ಲಿ 57 ಎಸೆತಗಳಲ್ಲಿ ಶತಕ ಬಾರಿಸುವ ಮೂಲಕ ಇಂಡಿಯನ್ ಪ್ರೀಮಿಯರ್ ಲೀಗ್​ ಇತಿಹಾಸದಲ್ಲೇ ಸತತ ಸೆಂಚುರಿ ಸಿಡಿಸಿದ ಏಕೈಕ ಆಟಗಾರ ಎನಿಸಿಕೊಂಡರು. ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಡೆದ ಕಳೆದ ಪಂದ್ಯದಲ್ಲಿ ಶಿಖರ್ ಧವನ್ ಶತಕ ಸಿಡಿಸಿದ್ದರು. ಇದೀಗ ಕಿಂಗ್ಸ್ ಇಲೆವೆನ್ ವಿರುದ್ಧ ಕೂಡ ಭರ್ಜರಿ ಶತಕ ಬಾರಿಸುವ ಮೂಲಕ ಕಳೆದ 13 ಸೀಸನ್​ಗಳಿಂದ ಯಾರಿಂದಲೂ ಮಾಡಲಾಗದ ಸಾಧನೆ ಮಾಡಿದರು.

    ಈ ಇನಿಂಗ್ಸ್​ನಲ್ಲಿ 61 ಎಸೆತಗಳಿಂದ 106 ರನ್ ಬಾರಿಸಿದ ಶಿಖರ್ ಧವನ್ ಅಜೇಯರಾಗಿ ಉಳಿದರು. ತಮ್ಮ ಈ ಅಮೋಘ ಬ್ಯಾಟಿಂಗ್​ನಲ್ಲಿ 3 ಸಿಕ್ಸರ್ ಹಾಗೂ 12 ಬೌಂಡರಿಗಳು ಮೂಡಿ ಬಂದಿದ್ದವು.
    POINTS TABLE:

    SCHEDULE TIME TABLE:

    ORANGE CAP:

    PURPLE CAP:

    RESULT DATA:

    MOST SIXES:

    ಇದನ್ನೂ ಓದಿ:   IPL 2020: ರಾಹುಲ್ ಸಲಹೆಗೆ ಕೊಹ್ಲಿಯ ಕೌಂಟರ್..!
    Published by:zahir
    First published: