ಐಪಿಎಲ್​ನಲ್ಲಿ ಪಂಜಾಬ್​ ಪಂದ್ಯ ನೋಡಿದ ನಂತರ ಐಸಿಸಿ ಎದುರು ಸಚಿನ್​ ತೆಂಡೂಲ್ಕರ್​ ಇಟ್ಟರು ಹೊಸ ಬೇಡಿಕೆ!

ಫಾಸ್ಟ್​​ ಬೌಲರ್​ಗಳು ಬೌಲಿಂಗ್​ಗೆ ಬಂದಾಗ ಬ್ಯಾಟ್ಸ್​ಮೆನ್​ಗಳು ತಲೆಯ ರಕ್ಷಣೆಗೆ ಹೆಲ್ಮೆಟ್​ ಧರಿಸುತ್ತಾರೆ. ಆದರೆ, ಸ್ಪಿನ್ನರ್​ಗಳು ಬಂದಾಗ ಹೆಲ್ಮೆಟ್​ ಬದಲು ಕ್ಯಾಪ್​ ಧರಿಸುತ್ತಾರೆ. ಆದರೆ, ಫಾಸ್ಟ್​​ ಬೌಲರ್​ ಆಗಲಿ ಅಥವಾ ಸ್ಪಿನ್ನರ್​ ಆಗಲಿ ಯಾವಾಗಲೂ ಬ್ಯಾಟ್ಸ್​​ಮನ್​ಗಳು ಹೆಲ್ಮೇಟ್​ ಧರಿಸೋದನ್ನು ಕಡ್ಡಾಯ ಮಾಡಬೇಕು ಎಂದು ಸಚಿನ್​ ತೆಂಡೂಲ್ಕರ್​ ಬೇಡಿಕೆ ಇಟ್ಟಿದ್ದಾರೆ. ಇದಕ್ಕೆ ಕಾರಣ ಇತ್ತೀಚೆಗೆ ನಡೆದ ಸನ್​ ರೈಸರ್ಸ್​ ಹೈದರಾಬಾದ್ ಹಾಗೂ ಕಿಂಗ್ಸ್​ ಪಂಜಾಬ್​ ನಡುವಿನ ಮ್ಯಾಚ್​.

ಬ್ಯಾಟಿಂಗ್​ಗೆ ನಿಂತಿದ್ದ ಹೈದರಾಬಾದ್​​ ಆಲ್​ ರೌಂಡರ್​ ವಿಜಯ್​ ಶಂಕರ್​ ರನ್​ ತೆಗೆಯುತ್ತಿದ್ದರು. ಈ ವೇಳೆ ರನ್​ಔಟ್​ ಮಾಡುವ ಪ್ರಯತ್ನದಲ್ಲಿದ್ದ ಪಂಜಾಬ್​ ಆಟಗಾರರು ಬಾಲ್​ಅನ್ನು ವೇಗವಾಗಿ ಎಸೆದಿದ್ದರು. ಈ ಬಾಲ್​ ವಿಜಯ್​ ಶಂಕರ್ ತಲೆಗೆ ತಾಕಿತ್ತು. ಅವರು ಹಾಕಿದ್ದ ಹೆಲ್ಮೆಟ್​ ಅವರನ್ನು ರಕ್ಷಣೆ ಮಾಡಿತ್ತು.

ಈ ಘಟನೆಯ ವಿಡಿಯೋವನ್ನು ಹಾಕಿರುವ ಸಚಿನ್​, ಬ್ಯಾಟ್ಸ್​ಮನ್​ಗಳಿಗೆ ಹೆಲ್ಮೆಟ್​ ಕಡ್ಡಾಯ ಮಾಡಲೇಬೇಕು ಎಂದು ಕೋರಿದ್ದಾರೆ. ಆಟ ವೇಗ ಪಡೆದುಕೊಂಡಿದೆ. ಆದರೆ, ಸುರಕ್ಷೆಗೊಳ್ಳುತ್ತಿದ್ದೀವೆಯೇ?ಸ್ಪಿನ್ನರ್​ ಇರಲಿ ಫಾಸ್ಟ್​ ಬೌಲರ್ ಇರಲಿ ಹೆಲ್ಮೆಟ್​ ಕಡ್ಡಾಯ ಮಾಡಬೇಕು. ಈ ಬಗ್ಗೆ ಐಸಿಸಿ ಗಮನ ಹರಿಸಬೇಕು ಎಂದು ಕೋರಿದ್ದಾರೆ.

The game has become faster but is it getting safer?

Recently we witnessed an incident which could’ve been nasty.

Be it a spinner or pacer, wearing a HELMET should be MANDATORY for batsmen at professional levels.

Request @icc to take this up on priority.https://t.co/7jErL3af0m

— Sachin Tendulkar (@sachin_rt) November 3, 2020

.@RaviShastriOfc, this also reminded me of the time when you got hit after top edging a full toss bowled by Mr. Gavaskar during an exhibition game. That could’ve been a grave injury too but thankfully wasn’t! 🙏🏻

— Sachin Tendulkar (@sachin_rt) November 3, 2020

ಇನ್ನು ಸಚಿನ್​ ಆಗ್ರಹಕ್ಕೆ ಅನೇಕರು ಬೆಂಬಲ ಸೂಚಿಸಿದ್ದಾರೆ. ಹೈದರಾಬಾದ್​ ತಂಡದ ಕೀಪರ್​ ಹಾಗೂ ಓಪನರ್​ ಪ್ರಗ್ಯಾನ್​ ಓಜಾ ಕೂಡ ಇದಕ್ಕೆ ಧ್ವನಿಗೂಡಿಸಿದ್ದಾರೆ.