RCB vs KKR: ಮೊನ್ನೆ ಬ್ಯಾಟಿಂಗ್​ ಬೊಂಬಾಟ್​.. ಇಂದು ಬೌಲಿಂಗ್​ ಸೂಪರ್​​.. ಆರ್​ಸಿಬಿ ಅಸಲಿ ಆಟ ಈಗ ಶುರು!

ಆರ್​ಸಿಬಿ ತಂಡದ ಪ್ರತಿಯೊಬ್ಬ ಬೌಲರ್​​ ಕೂಡ ಇಂದು ಕೆಕೆಆರ್​ ಬ್ಯಾಟ್ಸ್​ಮ್ಯಾನ್​ಗಳಿಗೆ ಕಾಟ ನೀಡಿದ್ದಾರೆ. 128ರನ್​ಗಳಿಗೆ ಕೆಕೆಆರ್​ ತಂಡವನ್ನು ಕಟ್ಟಿಹಾಕಿದ್ದಾರೆ. ಆರ್​ಸಿಬಿ ಬೌಲರ್​ಗಳ ಸುನಾಮಿಯಲ್ಲಿ ಸಿಲುಕಿದ ಕೆಕೆಆರ್​ 10 ವಿಕೆಟ್​ ನಷ್ಟಕ್ಕೆ ಕೇವಲ 128ರನ್​ಗಳಿಸಿದೆ. 

ಆರ್​ಸಿಬಿ ತಂಡ

ಆರ್​ಸಿಬಿ ತಂಡ

  • Share this:
ಐಪಿಎಲ್(IPL)​ ಸೀಸನ್ 15 ನ ಆರನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್(Kolkatta Knight Riders) ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(Royal Challengers Banglore) ಅದ್ಭುತ ಆಟ ಪ್ರದರ್ಶಸಿದ್ದಾರೆ. ಟಾಸ್ ಗೆದ್ದು ಆರ್​ಸಿಬಿ(RCB) ನಾಯಕ ಫಾಫ್ ಡುಪ್ಲೆಸಿಸ್(Faf Du Plessis) ಬೌಲಿಂಗ್(Bowling) ಆಯ್ದುಕೊಂಡಿದ್ದರು. ನಾಯಕನ ನಿರ್ಧಾರವನ್ನು ಸಮರ್ಥಿಸುವಂತೆ ಆರ್​ಸಿಬಿ ಬೌಲರುಗಳು ಕೆಕೆಆರ್(KKR) ತಂಡಕ್ಕೆ ಶಾಕ್​ ನೀಡಿದ್ದಾರೆ. ಕೆಕೆಆರ್​ ಆಟಗಾರರಿಗೆ ಆರ್​ಸಿಬಿ ಬೌಲರ್​ಗಳು ಕಾಟ ನೀಡಿದ್ದಾರೆ. ಒಬ್ಬರ ಹಿಂದೆ ಒಬ್ಬರಂತೆ ಕೆಕೆಆರ್​ ಆಟಗಾರರು ಪೆವಿಲಿಯನ್​ ಸೇರಿಕೊಂಡಿದ್ದಾರೆ. ಮೊದಲ ಪಂದ್ಯದಲ್ಲಿ ಆರ್​ಸಿಬಿ ಬ್ಯಾಟಿಂಗ್(Batting)​​ನಲ್ಲಿ ಅದ್ಭುತ ಆಟ ಪ್ರದರ್ಶಸಿತ್ತು. ಬೌಲಿಂಗ್​ನಲ್ಲಿ ಕಳಪೆ ಪ್ರದರ್ಶನ ನೀಡಿತ್ತು.

ಇಂದು ಟಾಸ್​ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದ ಆರ್​ಸಿಬಿ ಇಂದು ಬೌಲಿಂಗ್​ನಲ್ಲಿ ತಾವೆಷ್ಟು ಸ್ಟ್ರಾಂಗ್​ ಎಂಬುದನ್ನು ಬೇರೆ ತಂಡಗಳಿಗೆ ವಾರ್ನಿಂಗ್(Warning)​ ಕೊಟ್ಟಿದ್ದಾರೆ ಎಂದು ಹೇಳಬಹುದು. ಆರ್​ಸಿಬಿಯ ಪ್ರತಿಯೊಬ್ಬ ಬೌಲರ್ಸ್​ಗಳು ಫಾರ್ಮ್​ಗೆ ಬಂದಿದ್ದಾರೆ. ತಾ ಮುಂದು, ನಾ ಮುಂದು ಎಂಬಂತೆ ವಿಕೆಟ್​ ಕಬಳಿಸಿದ್ದಾರೆ.

ಬೊಂಬಾಟ್​ ಬೌಲಿಂಗ್ ಮಾಡಿದ ಆರ್​ಸಿಬಿ!

ಆರ್​ಸಿಬಿ ತಂಡದ ಪ್ರತಿಯೊಬ್ಬ ಬೌಲರ್​​ ಕೂಡ ಇಂದು ಕೆಕೆಆರ್​ ಬ್ಯಾಟ್ಸ್​ಮ್ಯಾನ್​ಗಳಿಗೆ ಕಾಟ ನೀಡಿದ್ದಾರೆ. 128ರನ್​ಗಳಿಗೆ ಕೆಕೆಆರ್​ ತಂಡವನ್ನು ಕಟ್ಟಿಹಾಕಿದ್ದಾರೆ. ಆರ್​ಸಿಬಿ ಬೌಲರ್​ಗಳ ಸುನಾಮಿಯಲ್ಲಿ ಸಿಲುಕಿದ ಕೆಕೆಆರ್​ 10 ವಿಕೆಟ್​ ನಷ್ಟಕ್ಕೆ ಕೇವಲ 128ರನ್​ಗಳಿಸಿದೆ.

ಹೊಸ ದಾಖಲೆ ಬರೆದ ಹರ್ಷಲ್ ಪಟೇಲ್​

ಹರ್ಷಲ್ ಪಟೇಲ್ ಐಪಿಎಲ್‌ನಲ್ಲಿ ಸತತ ಎರಡು ಓವರ್‌ಗಳನ್ನು ಬೌಲ್ ಮಾಡಿ ಒಂದು ರನ್ ಕೊಡದೆ 2 ವಿಕೆಟ್ ಪಡೆದ ಎರಡನೇ ಬೌಲರ್. 2020ರ ಮೊದಲ ವರ್ಷದಲ್ಲಿ ಬೆಂಗಳೂರು ತಂಡದ ಮೊಹಮ್ಮದ್ ಸಿರಾಜ್ ಕೋಲ್ಕತ್ತಾ ವಿರುದ್ಧ ಈ ಸಾಧನೆ ಮಾಡಿದ್ದರು. ನಾಲ್ಕು ಓವರ್​ ಮಾಡಿದ ಹರ್ಷಲ್​ ಪಟೇಲ್​ 2 ಮೇಡಿನ್​ ಓವರ್ ಮಾಡಿದ್ದಾರೆ. 11 ರನ್​ ನೀಡಿ ಎರಡು ವಿಕೆಟ್​ ಕಬಳಿಸಿದ್ದಾರೆ.

ಇದನ್ನೂ ಓದಿ: ಬೇರೆ ತಂಡಕ್ಕೆ ಆಡುತ್ತೇನೆಂದು ಕನಸು ಸಹ ಕಂಡಿರಲಿಲ್ಲ ಎಂದ ಮಾಜಿ RCB ಬೌಲರ್..!

ರಣರಂಗದಲ್ಲಿ ವನಿಂದು ಹಸರಂಗ ಮಿಂಚಿಂಗ್​!

ಇನ್ನೂ ಆರ್​​ಸಿಬಿ ತಂಡದ ಪ್ರಮುಖ ಸ್ಪಿನ್ನರ್​ ವನಿಂದು ಹಸರಂಗ ಕೂಡ ಇಂದು ಮಿಂಚಿದ್ದಾರೆ. ಕೊಟ್ಟ ಕಾಸಿಗೆ ಮೋಸ ಮಾಡದೇ ಅದ್ಭುತವಾಗಿ ಬೌಲಿಂಗ್ ಮಾಡಿದ್ದಾರೆ. 4 ಓವರ್​ಗಳಲ್ಲಿ 20 ರನ್​ ನೀಡಿ 4 ವಿಕೆಟ್​ ಕಬಳಿಸಿದ್ದಾರೆ. ಶ್ರೇಯಸ್​ ಅಯ್ಯರ್​, ಸುನೀಲ್​ ನರೈನ್​, ಸೇಲ್ಡೋನ್​ ಜಾಕ್ಸನ್​, ಟಿಮ್​ ಸೌಥಿ ಅವರನ್ನು ಔಟ್​ ಮಾಡಿದ್ದಾರೆ.

ಕೆಕೆಆರ್​ಗೆ ಆಸರೆಯಾಗಿದ್ದ ಸ್ಯಾಮ್​ ಬಿಲ್ಲಿಂಗ್ಸ್​!

67 ರನ್ ಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ತಂಡಕ್ಕೆ ಕೆಲ ಹೊತ್ತು ಸ್ಯಾಮ್ ಬಿಲ್ಲಿಂಗ್ಸ್ ಆಸರೆಯಾದರೆ, ಸ್ಫೋಟಕ ಬ್ಯಾಟ್ಸ್ ಮನ್ ಆಂಡ್ರೆ ರಸೆಲ್ ಕೂಡ ಬಿರುಸಿನ ಬ್ಯಾಟಿಂಗ್ ಮಾಡುವ ಮೂಲಕ ತಂಡದ ಮೊತ್ತವನ್ನು ಏರಿಸುವ ವಿಶ್ವಾಸ ಮೂಡಿಸಿದ್ದರು. 18 ಎಸೆತಗಳಲ್ಲಿ 3 ಅದ್ಭುತ ಸಿಕ್ಸರ್ ಹಾಗೂ 1 ಬೌಂಡರಿ ಬಾರಿಸಿ ಆರ್ ಸಿಬಿಗೆ ಅಪಾಯಕಾರಿ ಎನಿಸಿದ್ದ ರಸೆಲ್ ತಂಡದ ಮೊತ್ತ 99 ರನ್ ಆಗಿದ್ದಾಗ ನಿರ್ಗಮಿಸುವುದರೊಂದಿಗೆ ಕೆಕೆಆರ್ ನ ದೊಡ್ಡ ಮೊತ್ತದ ಆಸೆ ಕಮರಿತು.

ಇದನ್ನೂ ಓದಿ: RCB ಐಪಿಎಲ್ ಗೆದ್ದಾಗ ನೆನಪಾಗೋದು ಕುಚಿಕು ಗೆಳೆಯ! Kohli ಮನದಾಳ ಮಾತು

ಪಂಜಾಬ್ ಕಿಂಗ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ನೀರಸ ಬೌಲಿಂಗ್ ನ ಕಾರಣದಿಂದಾಗಿಯೇ ಟೀಕೆಗೆ ಗುರಿಯಾಗಿದ್ದ ಆರ್ ಸಿಬಿ ತಂಡ, ಕೆಕೆಆರ್ ವಿರುದ್ಧ ಮೊದಲ ಎಸೆತದಿಂದಲೇ ಆಕ್ರಮಣಕಾರಿಯಾಗಿ ದಾಳಿ ನಡೆಸಿದೆ. ಈ ಮೂಲಕ ಇತರೆ ತಂಡಗಳಿಗೆ ವಾರ್ನಿಂಗ್​ ಸಹ ನೀಡಿದೆ.
Published by:Vasudeva M
First published: