Virat Kohli: ಸೋಲಿನ ಬೆನ್ನಲ್ಲೇ ವಿರಾಟ್ ಕೊಹ್ಲಿಗೆ ಮತ್ತೊಂದು ಶಾಕ್; ಆರ್​ಸಿಬಿ ನಾಯಕನಿಗೆ 12 ಲಕ್ಷ ರೂಪಾಯಿ ದಂಡ!

ನಿನ್ನೆ ನಡೆದ ಪಂಜಾಬ್​ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ ನಾಯಕನಿಗೆ ಶಾಕ್​ ಮೇಲೆ ಶಾಕ್​ ಉಂಟಾಗಿದೆ. ಹೀನಾಯ ಸೋಲು ಕಂಡ ಬೆನ್ನಲ್ಲೇ ಐಪಿಎಲ್​ ಮಂಡಳಿ ಕೊಹ್ಲಿಗೆ 12 ಲಕ್ಷ ರೂಪಾಯಿ ದಂಡ ವಿಧಿಸಿದೆ.

ವಿರಾಟ್ ಕೊಹ್ಲಿ.

ವಿರಾಟ್ ಕೊಹ್ಲಿ.

  • Share this:
    ವಿರಾಟ್​ ಕೊಹ್ಲಿ ನೇತೃತ್ವದ ಆರ್​ಸಿಬಿ ತಂಡ ನಿನ್ನೆ ನಡೆದ ಪಂಜಾಬ್​ ವಿರುದ್ಧದ ಪಂದ್ಯದಲ್ಲಿ ಸೋತಿದೆ. ವಿರಾಟ್​ ಕೊಹ್ಲಿ ನೀಡಿದ ಕಳಪೆ ಪ್ರದರ್ಶನಕ್ಕೆ ಅವರ ಅಭಿಮಾನಿಗಳು ಅಸಮಾಧಾನ ಹೊರ ಹಾಕುತ್ತಿದ್ದಾರೆ. ಹೀಗಿರುವಾಗಲೇ ವಿರಾಟ್​ ಕೊಹ್ಲಿಗೆ ಶಾಕ್​ ಎದುರಾಗಿದೆ. ಪಂಜಾಬ್​ ವಿರುದ್ಧ ನಿಧಾನ ಗತಿಯ ಆಟ ಆಡಿದ್ದಕ್ಕೆ ಐಪಿಎಲ್​ ಮಂಡಳಿ ಬರೋಬ್ಬರಿ 12 ಲಕ್ಷ ರೂಪಾಯಿ ದಂಡ ವಿಧಿಸಿದೆ. ಈ ಬಗ್ಗೆ ಪ್ರೆಸ್​​ ರಿಲೀಸ್​ ಬಿಡುಗಡೆ ಮಾಡಿರುವ ಐಪಿಎಲ್​, "ಈ ಆವೃತ್ತಿಯಲ್ಲಿ ಕೊಹ್ಲಿ ತಂಡ ಮಾಡಿದ ಮೊದಲನೇ ತಪ್ಪು ಇದಾಗಿದೆ. ಅವರು ನಿಧಾನಗತಿಯಲ್ಲಿ ಆಟವಾಡಿದ್ದಕ್ಕೆ 12 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ," ಎಂದು ಪ್ರಕಟಣೆಯಲ್ಲಿ  ತಿಳಿಸಿದೆ.

    ನಿನ್ನೆಯ ಪಂದ್ಯದಲ್ಲಿ ಪಂಜಾಬ್​ ನಾಯಕ ರಾಹುಲ್​, 83 ರನ್​ ಕಲೆ ಹಾಕಿ ಶತಕ ಸಮೀಸಿದ್ದರು. ಈ ವೇಳೆ ಅವರು​ ಸಿಕ್ಸ್​ ಬಾರಿಸಲು ಮುಂದಾದರು. ಆದರೆ ಚೆಂಡು ಕೊಹ್ಲಿ ಬಳಿ ಹೋಗಿತ್ತು. ಸುಲಭ ಕ್ಯಾಚನ್ನು​ ಕೊಹ್ಲಿ ಕೈ ಚೆಲ್ಲಿದ್ದರು. ರಾಹುಲ್​ 89 ರನ್​ ಗಳಿಸಿದ್ದ ವೇಳೆಯೂ ಇದೇ ಪುನರಾವರ್ತನೆ ಆಯಿತು. ಜೀವದಾನ ಪಡೆದ ಕೆಎಲ್ ರಾಹುಲ್, ಬಳಿಕ ಬಿರುಸಿನ ಆಟಕ್ಕೆ ಮುಂದಾದರು. ಅದರಂತೆ ಸ್ಟೇನ್ ಅವರ 19ನೇ ಓವರ್​ನಲ್ಲಿ ಮೊದಲ ಎರಡು ಎಸೆತಗಳಲ್ಲಿ ಸಿಕ್ಸ್ ಹಾಗೂ ಫೋರ್​ ಬಾರಿಸಿ  62 ಎಸೆತಗಳಲ್ಲಿ ಶತಕ ಪೂರೈಸಿದರು. ಅಲ್ಲದೆ ಈ ಓವರ್​ನಲ್ಲಿ ಒಟ್ಟು 26 ರನ್ ಕಲೆಹಾಕಿದರು. ಕೊನೆಯ ಓವರ್​ನಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ ರಾಹುಲ್ 23 ರನ್​ ಬಾಚಿದ ರಾಹುಲ್ ತಂಡದ ಮೊತ್ತವನ್ನು 200ರ ಗಡಿದಾಟಿಸಿದರು.

    ಕೊಹ್ಲಿ ಜೀವದಾನ ನೀಡದೇ ಇದ್ದಿದ್ದರೆ ರಾಹುಲ್​ ಸೆಂಚುರಿಯನ್ನು ಬಾರಿಸುತ್ತಿರಲಿಲ್ಲ. ತಂಡದ ಮೊತ್ತ 200 ಗಡಿ ದಾಟುತ್ತಿರಲಿಲ್ಲ ಎಂದು ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇದರ ಜೊತೆಗೆ ಕೊಹ್ಲಿ ಬ್ಯಾಟಿಂಗ್​ ನಲ್ಲಿ ಕೇವಲ ಒಂದು ರನ್​ ಬಾರಿಸಿದ್ದರು.

    ಇದನ್ನೂ ಓದಿ: Virat Kohli: ಕಿಂಗ್​ ಕೊಹ್ಲಿಯನ್ನೇ ಕೈ ಬಿಡಿ; ಆರ್​ಸಿಬಿ ಕಳಪೆ ಪ್ರದರ್ಶನಕ್ಕೆ ಸಿಟ್ಟಾದ ಫ್ಯಾನ್ಸ್​
    Published by:Rajesh Duggumane
    First published: