IPL

  • associate partner
HOME » NEWS » Ipl » RAVI ASHWIN REVEALS VIRAT KOHLI AND RICKY PONTING WERE INVOLVED IN HEATED ALTERCATION ON FIELD IN IPL 2020 ZP

Virat Kohli: ಮೈದಾನದಲ್ಲಿ ಕೊಹ್ಲಿ-ಪಾಂಟಿಂಗ್ ನಡುವೆ ನಡೆದಿತ್ತು ಮಾತಿನ ಚಕಮಕಿ..!

IPL 2020: ಆರ್​ಸಿಬಿ- ಡೆಲ್ಲಿ ನಡುವಣ 2ನೇ ಪಂದ್ಯದ ವೇಳೆ ಓಡುವ ಸಂದರ್ಭದಲ್ಲಿ ನನಗೆ ಬೆನ್ನು ನೋವು ಉಂಟಾಗಿತ್ತು. ಹೀಗಾಗಿ ಅಸಾಧ್ಯ ನೋವು ಕಾಣಿಸಿಕೊಂಡಿತ್ತು.

news18-kannada
Updated:November 12, 2020, 7:41 PM IST
Virat Kohli: ಮೈದಾನದಲ್ಲಿ ಕೊಹ್ಲಿ-ಪಾಂಟಿಂಗ್ ನಡುವೆ ನಡೆದಿತ್ತು ಮಾತಿನ ಚಕಮಕಿ..!
Virat Kohli and Ricky Ponting
  • Share this:
ಕ್ರಿಕೆಟ್ ಅಂಗಳದ ಆಕ್ರಮಣಕಾರಿ ಆಟಗಾರನೆಂದೇ ಖ್ಯಾತಿ ಪಡೆದಿರುವ ವಿರಾಟ್ ಕೊಹ್ಲಿ ಐಪಿಎಲ್​-2020 ನಲ್ಲಿ ಹಲವು ಬಾರಿ ಕೋಪ ನೆತ್ತಿಗೇರಿಸಿಕೊಂಡಿದ್ದರು. ಅದರಲ್ಲೂ ಮುಂಬೈ ಇಂಡಿಯನ್ಸ್ ತಂಡದ ಆಟಗಾರ ಸೂರ್ಯಕುಮಾರ್ ಹಾಗೂ ಸನ್​ರೈಸರ್ಸ್ ಹೈದರಾಬಾದ್ ಬ್ಯಾಟ್ಸ್​ಮನ್ ಮನೀಶ್ ಪಾಂಡೆ ಅವರನ್ನು ಕೆಣಕ್ಕಿರುವ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಆದರೆ ಇದಷ್ಟೇ ಅಲ್ಲ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಕೋಚ್ ರಿಕಿ ಪಾಂಟಿಂಗ್ ಜೊತೆಗೂ ಮಾತಿನ ಚಕಮಕಿ ನಡೆದಿತ್ತು ಎಂಬ ವಿಚಾರ ಇದೀಗ ಬಹಿರಂಗವಾಗಿದೆ.

ಐಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವಣ ಮೊದಲ ಪಂದ್ಯದಲ್ಲಿ ಶ್ರೇಯಸ್ ಅಯ್ಯರ್ ಬಳಗ ಕೊಹ್ಲಿ ಪಡೆಯನ್ನು 59 ರನ್​ಗಳಿಂದ ಮಣಿಸಿತ್ತು. ಎರಡನೇ ಪಂದ್ಯದಲ್ಲೂ ಡೆಲ್ಲಿ ಕ್ಯಾಪಿಟಲ್ಸ್ 6 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿತ್ತು. ಆದರೆ ಈ ಎರಡು ಪಂದ್ಯಗಳ ಸಂದರ್ಭಗಳಲ್ಲಿ ಮಾತಿನ ಚಕಮಕಿ ಮಾತ್ರ ಕಂಡು ಬಂದಿರಲಿಲ್ಲ. ಆದರೆ ಇದೇ ಪಂದ್ಯದ ವೇಳೆ ರಿಕಿ ಪಾಂಟಿಂಗ್ ಹಾಗೂ ಕೊಹ್ಲಿ ಕಿತ್ತಾಡಿಕೊಂಡಿದ್ದರು ಎಂಬ ವಿಷಯವನ್ನು ಡೆಲ್ಲಿ ಕ್ಯಾಪಿಟಲ್ಸ್ ಸ್ಪಿನ್ನರ್ ಆರ್​. ಅಶ್ವಿನ್ ತಿಳಿಸಿದ್ದಾರೆ.

ಆರ್​ಸಿಬಿ- ಡೆಲ್ಲಿ ನಡುವಣ 2ನೇ ಪಂದ್ಯದ ವೇಳೆ ಓಡುವ ಸಂದರ್ಭದಲ್ಲಿ ನನಗೆ ಬೆನ್ನು ನೋವು ಉಂಟಾಗಿತ್ತು. ಹೀಗಾಗಿ ಅಸಾಧ್ಯ ನೋವು ಕಾಣಿಸಿಕೊಂಡಿತ್ತು. ಎಂಆರ್‌ಐ ಸ್ಕ್ಯಾನಿಂಗ್ ಮಾಡಿದಾಗ ನರಗಳು ಎಳೆದುಕೊಂಡಿರುವುದು ಕಂಡು ಬಂದಿತ್ತು. ಹೀಗಾಗಿ ಬೌಲಿಂಗ್ ಮುಗಿದ ಬಳಿಕ ಸ್ಟ್ರಾಟಜಿಕ್ ಟೈಮ್‌ಔಟ್‌ ವೇಳೆ ನಾನು ಅಂಗಳದಿಂದ ಹೊರ ನಡೆದೆ. ನಾನು ಮೈದಾನ ಬಿಟ್ಟಿರುವುದನ್ನು ಆರ್​ಸಿಬಿ ನಾಯಕ ಕೊಹ್ಲಿ ಪ್ರಶ್ನಿಸಿದರು ಎಂದು ಅಶ್ವಿನ್ ಚಿಟ್ ಚಾಟ್​ವೊಂದರಲ್ಲಿ ತಿಳಿಸಿದ್ದಾರೆ.

ಎಲ್ಲರಿಗೂ ತಿಳಿದಿರುವಂತೆ ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್ ಕೂಡ ಅಷ್ಟು ಬೇಗ ಸುಮ್ಮನಿರುವವರಲ್ಲ. ಸ್ಟ್ರಾಟಜಿಕ್ ಟೈಮ್‌ಔಟ್‌ ಆಗಿದ್ದರಿಂದ ಅವರು ಕೂಡ ಮೈದಾನದಲ್ಲಿದ್ದರು. ಇದೇ ವೇಳೆ ಕೊಹ್ಲಿ ಜೊತೆ ವಾಗ್ವಾದಕ್ಕಿಳಿದರು. ಪರಸ್ಪರ ಕೆಲ ಮಾತುಗಳನ್ನು ಹೇಳಿದರು. ನಾವು ಆ ರೀತಿಯಲ್ಲ ಎಂದು ಆರ್​ಸಿಬಿ ನಾಯಕನಿಗೆ ಉತ್ತರ ನೀಡಿದ್ದರು. ಇದೆಲ್ಲವೂ ಕ್ಷಣದಲ್ಲಿ ನಡೆದಿತ್ತು ಎಂದು ಅಶ್ವಿನ್ ವಿವರಿಸಿದ್ದಾರೆ.

ಇದನ್ನೂ ಓದಿ: IPL 2021: RCB ಖರೀದಿಸಲು ಕಣ್ಣಿಟ್ಟಿರುವ ಐವರು ಆಟಗಾರರು ಇವರೇ..!
Published by: zahir
First published: November 12, 2020, 7:41 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories