news18-kannada Updated:November 5, 2020, 4:38 PM IST
ರಾಜಸ್ಥಾನ ರಾಯಲ್ಸ್ ಆಟಗಾರರು
ಇಡೀ ದೇಶವೇ ಸದ್ಯ ಐಪಿಎಲ್ ಗುಂಗುನಲ್ಲಿದೆ. ಕ್ರಿಕೆಟ್ ಮೋಜು ಮಸ್ತಿ ಜೊತೆ ರಾಜಸ್ಥಾನ ರಾಯಲ್ಸ್ ತಂಡದ ನಾಯಕರು ಮಹಿಳೆಯರ ಮುಟ್ಟಿನಂತಹ ಗಂಭೀರ ವಿಚಾರ ಕುರಿತು ಮಾತನಾಡುವ ಮೂಲಕ ಎಲ್ಲರ ಗಮನಸೆಳೆದಿದ್ದಾರೆ. ಕನ್ನಡಿಗ ರಾಬಿನ್ ಉತ್ತಪ್ಪ ಅವರ ಪ್ರಶ್ನೆಗೆ ತಂಡದ ನಾಯಕರು ಕೂಡ ಯಾವುದೇ ಮುಜುಗರವಿಲ್ಲದೇ ಮಾತನಾಡಿ ಮೆಚ್ಚುಗೆ ಪಡೆದಿದ್ದಾರೆ. ಮಹಿಳೆಯರ ಋತುಸ್ರಾವದ ಬಗ್ಗೆ ಹೊಂದಿರುವ ಸಾಮಾನ್ಯ ತಪ್ಪು ಕಲ್ಪನೆಗಳನ್ನು ಈ ಆಟಗಾರರು ಮುರದಿದ್ದಾರೆ. ಐಪಿಎಲ್ ಕ್ರಿಕೆಟ್ ತಂಡದ ಅಧಿಕೃತ ಟ್ವಿಟರ್ನಲ್ಲಿ ಈ ಆಟಗಾರರು ಉತ್ತರಿಸಿರುವ ಕುರಿತ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
ರಾಹುಲ್ ತಿವಾಟಿಯಾ, ಜೋಸ್ ಬಟ್ಲರ್ ಹಾಗೂ ಡೇವಿಡ್ ಮಿಲ್ಲರ್ ಈ ಕುರಿತು ತಮಗಿರುವ ಜ್ಞಾನದ ಬಗ್ಗೆ ಪ್ರಾಮಾಣಿಕವಾಗಿ ಉತ್ತರಿಸಿದ್ದಾರೆ. ಮಹಿಳೆಯರ ನೈರ್ಮಲ್ಯದ ಉತ್ಪನ್ನವಾದ ನೈನ್ ಪಾಲುದಾರಿಕೆಯಲ್ಲಿ ಈ ವಿಷಯಗಳನ್ನು ಚರ್ಚಿಸಲಾಗಿದೆ. ಹುಡುಗರು ಮುಕ್ತವಾಗಿ ಮಾತನಾಡಲು ಹಿಂಜರಿಯುವ ವಿಷಯಗಳನ್ನು ಚರ್ಚಿಸುವ ಉದ್ದೇಶ ಈ ಕಾರ್ಯಕ್ರಮದಾಗಿದೆ.
'ಸಾಮಾನ್ಯವಾಗಿ ದಿನಂಪ್ರತಿ ನೋಡದ ವಿಷಯಗಳು. ಈ ಕುರಿತು ಪ್ರಾಮಾಣಿಕ ಮಾಹಿತಿ ಮಾತುಕತೆ ಜೊತೆ ಸಂಪ್ರದಾಯ ಮುರಿಯುವ ಸಂಭಾಷಣೆ' ಎಂಬ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಮಹಿಳೆಯರ ಮುಟ್ಟಿನ ಕುರಿತು ಕ್ರಿಕೆಟಿಗರು ಮುಕ್ತವಾಗಿ ಮಾತನಾಡಿರುವ ಈ ವಿಡಿಯೋಗಳಿಗೆ ನೆಟ್ಟಿಗರಿಂದ ಸಕಾರಾತ್ಮಕ ಸ್ಪಂದನೆ ಜೊತೆ ಮೆಚ್ಚುಗೆ ವ್ಯಕ್ತವಾಗಿದೆ.
ಮಹಿಳೆಯರ ಮುಟ್ಟಿನ ಪ್ರಕ್ರಿಯೆ ಬಗ್ಗೆ ತಮಗೆ ಹೇಗೆ ಅರಿವಾಯಿತು ಎಂಬ ಬಗ್ಗೆ ರಾಜಸ್ಥಾನ ರಾಯಲ್ಸ್ ತಂಡದ ನಾಯಕರು ಆಡಿರುವ ಮಾತುಗಳಿವು. ಕುಟುಂಬದಲ್ಲಿ ಮುಕ್ತವಾಗಿ ಮಾತನಾಡದ ಈ ವಿಷಯಗಳು ಸಹೋದರಿ, ಗೆಳತಿಯಿಂದ ಹೇಗೆ ತಿಳಿಯಿತು ಎಂಬ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ ಈ ಕ್ರಿಕೆಟಿಗರು
ಕುಟುಂಬದಲ್ಲಿ ಮುಕ್ತವಾಗಿ ಮಾತನಾಡದ ಈ ವಿಷಯಗಳು ಸಹೋದರಿ, ಗೆಳತಿಯಿಂದ ಹೇಗೆ ತಿಳಿಯಿತು ಎಂಬ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ ಈ ಕ್ರಿಕೆಟಿಗರು
Published by:
Seema R
First published:
November 5, 2020, 4:31 PM IST
